fərlidir. Nədənsə səhvə yol verilərək, burada atasının adı Ağa kimi
göstərilmiş, təvəllüdü isə bir il artırılmış, onun Gəncədə antisovet
üsyanı yatınidıqdan sonra həbs edildiyi qeyd olunmuşdur. Müqayisə
üçün
deyək ki,
başqa mənbələrə - görə, (R.Hüseynov “Rəfibəylilər”
Bakı “Azərbaycan” nəşriyyatı, 1996.), (İ.Əlyarh, T.Behbudov
“Müstəqil Azərbaycan polisinin yaranması və fəaliyyəti
(1918-1920-ci illər)” Bakı “Qismət” nəşriyyatı 1998.) Xudadat bəy
1877-ci ildə Gəncənin Balabağban məhəlləsində məşhur xeyrij^əçi
Ələkbər bəy Rəfıbəylinin ailəsində doğulub. Ancaq tədqiqatçı
Mövsüm Əliyev “Odlar yurdu” qəzetinin 8 aprel 1989-cu il sayında
dərc etdirdiyi “Xudadatbəy Rəfıbəyov” adlı məqalədə həmin
mənbədəki kimi Xudadat bəyin 1878-ci ildə anadan olduğunu
yazmışdır.
Bir qədər irəli gedib deyək ki, Xudadat bəyin Gəncəyə nə vaxt
qubernator təyin edilməsi faktının özü də mübahisəlidir. Bir neçə
mənbədə yuxarıdakı kimi 1919-cu ilin may ayı kimi göstərilmiş bu
tarixin bəzi arxiv sənədlərinə istinadən fevral, mart aylarına
düşdüyünü iddia etmək də mümkündür.
Xudadat bəy 1919-cu il may ayının 6-da AXC hökumətinin
qərarı ilə Gəncə şəhərinin general-qubernatoru təyin edildiyini,
qubernator kimi rəsmi qaydada atasının yasının qırxı çıxdıqdan, may
ayının 17-dən sonra fəaliyyətə başlamasını istintaq prosesində özü
də təsdiq edib. Məhz həmin gün - 17 iyunda Gəncə, Nuxa, Qazax,
Ərəş qəza rəislərinə və Gəncə polismeystrinə teleqram göndərən
Xudadat bəy bu tarixdən etibarən qubernator kimi vəzifəsinin
icrasına başladığını bildirmişdi.
Ancaq qeyd etdiyimiz kimi əlimizdə olan bə’zi məlumatlar,
xüsusilə bir arxiv sənədi bu təyinatın bir qədər əvvələ gedib
çıxdığını deməyə də müəyyən əsas verir. Bu sənəd Gəncə
qubernatorunun qəza rəislərinə və polismeysterlərə ingilis
aviasiyasının zabitlərinə Azərbaycan ərazisində hava bazası
yaratmaqda köməklik göstərilməsi barədə əmridir (20 fevral 1919).
Arxiv materialları arasından əldə etdiyimiz bu əmrdə deyilir: “Daxili
işlər nazirinin dəftərxanasının mənə bildirdiyi kimi tezliklə ingilis
aviasiyasının zabitləri yaxın gələcəkdə Britaniya aeroplanlarınm
enməsində istifadə etmək üçün Qafqazın
128
məlumatlara görə, qoşun qüvvəsi, pulemyot, top olmadan dəstəni
məhv etmək mümkün deyil... Qubernator əvəzinə Buqatko”
(ARDA, f.894, s.9, iş 6, s 4-6).
Əlbəttə, mən bu tarixlər arasında birincinin, yəni may ayının
doğruluğuna şübhə yaratmaq fikrindən uzağam, çünki bunu Xudadat
bəy kimi şəxsiyyətin özü və Rəfıbəylilər
barəsində çox dəyərli kitab
yazmış R.Hüseynov da göstərib. Gözəl publisist “Rəfıbəylilər”
kitabında (səh 132-133) bu barədə yazır: “Xudadat bəy vəzifəsinin
icrasına mayın 17-də başlayıb. Həmin gün Gəncə quberniyasının
idarəçiliyini yerinə yetirən və elə Xudadat bəy kimi hökumət
tərəfindən mayın 6-dan yeni vəzifəyə - Baş qərargahın baş idarəsinin
topoqrafıya şöbəsinə müdir təyin edilmiş general-mayor Vəkilov
imazaladığı son əmrlə vali kürsüsünü təhvil verib”.
Xudadat bəy Rəfıbəyovun atası Ələkbər bəy 1884-88-ci
illərdə Nuxa qəzasının Bum sahəsində, Yelizavetpol qəza polis
sahəsində və Ərəş qəzasının 1 saylı sahə polisində pristav
vəzifəsində işləmiş, 1890-cı ildə Yelizavetpol qubematomnun 17
sentyabr 1890-cı il 42 saylı əmri ilə Yelizavetpol qəzasının pristavı
təyin edilmişdir. 1895-ci ilin dekabrından 1896-cı ilin yanvarına
qədər isə Yelizavetpol şəhərinin pristavı olmuşdur. Ələkbər bəy
xidməti işdəki uğurlanna görə. Müqəddəs Vladimir ordeni ilə təltif
edilmiş, saray müşaviri rütbəsinə layiq görülmüşdür.
Milli hökumətdə “Əksinqilab ilə mübarizə təşkilatf’nm sədri
olmuş N.Şıxzamanh Türkiyədə çap etdirdiyi xatirələrində yazırdı:
“Ələkbər bəy 70 yaşlı, uzunboylu, enli kürək, sərt baxışlı, ciddi
görkəmli, məntiqli və yerli-yerində danışan, mədəni, cəsarət sahibi,
xalqın sevimlisi olan bir şəxsdir. Bütün milli problemlərimizin həll
olunmasını da öz üzərinə götürmüşdür. Eyni zamanda Azərbaycan
tarixində şah əsərlər yaradan gizli “Difai” fırqəsinin fəxri sədri idi.
Bütün xalqımız kimi düşmənlərimiz də onunla hesablaşmaq
məcburiyyətində idilər” (“Nağı bəyin xatirələri” səh 50-51).
Ələkbər bəy sözün tam mənasında Gəncənin ağsaqqalı idi. Bu
böyük şəhərdə elə bir tədbir, elə bir iş ola bilməzdi ki. Ələkbər bəyin
məsləhəti və xeyir-duası olmadan keçirilsin.
Təbiətən
130