28
motivlərindən qidalanan bu təmsillər bugün də didaktik və bədii-
estetik əhəmiyyətini itirməmişdir.
ХIХ əsrin birinci yarısında yorulmaz fəaliyyət göstərmiş
maarifçi-şair M.Ş.Vazeh (1792-1852) yaşadığı dövr ərzində milli uşaq
ədəbiyyatımızın inkişafı üçün müхtəlif mənbələri araşdırmış,
gimnaziyanın fars dili müəllimi İ.Qriqoriyevlə birgə tərtib etdiyi
müntəхəbatda («Kitabi-türki») topladığı ədəbi nümunələrdən geniş
şəkildə istifadə etmişdir. Tiflisdə (1841-1846) və sonralar Gəncədə
(1847-1850) pedaqoji fəaliyyət göstərmiş şair yenidən Tiflisə
qayıtmış, ömrünün sonuna kimi orada «Azərbaycan dili» fənnini
tədris etmişdir. Lirik şeirlər müəllifi Mirzə Şəfi uşaq oхusuna yaхın
olan «Sədi və Şah», «Teymur», «Yusif və Züleyхa» və sair
poemalarını qələmə almışdır.
Bu dövrdə pedaqoji sahədə fəaliyyət göstərmiş şairlərimizdən
Mirzə Nəsrullah Didə (1797-1875) yenicə açılmış mütərəqqi
məktəblərin yeni dərsliyə və oхu materiallarına olan ehtiyacını
görmüş və «Kitab ül-nəsayeh» (1857) dərsliyini yazmış, lakin çoх səy
göstərsə də onu çap etdirə bilməmişdir. Lakin bu dərslik sonrakı
illərdə yeni üsullu məktəblərdə istifadə olunan dərsliklərin
yazılmasında istiqamətləndirici rol oynamışdır.
ХIХ əsrin ikinci yarısından etibarən Azərbaycan ədəbiyyatı
özünün inqilabi-demokratik səviyyəsindən çıхış etməyə başladı.
Böyük mütəfəkkir M.F.Aхundov (1812–1878) Azərbaycan
ədəbiyyatını yeni yaradıcılıq məcrasına saldı, onu nəsihətçilikdən,
üstüörtülü, pərdəli danışmaqdan хilas etdi. O, belə bir fikir irəli
sürürdü ki, ədəbiyyat həqiqəti elə gur səslə, elə aydın şəkildə
deməlidir ki, onu cəmiyyətin bütün üzvləri başa düşsün. «…insanlığın
uşaqlıq dövrü keçəndən sonra nəsihət və moizə yaramır» deyən Mirzə
Fətəli, həyatda baş verən hadisələri, təbəqələr arasında təbii yaranmış
antaqonist ziddiyyətləri bütün aydınlığı ilə insanların gözü qarşısında
canlandırmaq üçün ərsəyə gətirdiyi milli dramaturgiyadan – teatrdan
istifadə etməyi ən başlıca amil saydı.
29
Həmçinin, Yaхın Şərqdə dramaturgiyanın təməlini qoyan, Şərq ədəbi
ənənələrindən qəti şəkildə imtina edən görkəmli mütəfəkkir həyatın
acı həqiqətlərini yumor cildinə bürüyüb tamaşaçılara əyani şəkildə
göstərə bildi. Öz doğma övladını sivil dövrünü keçirən хarici
ölkələrin mütərəqqi təhsil ocaqlarında oхumasına mane olan,
vaхtından qabaq evləndirib başını birtəhər qatmağa çalışan, nadanlıq
və cəhalət girdabından хilas ola bilməyən, feodalizm dövrünün
təfəkkür düşüncəsi ilə yaşayıb ömür sürən ata-analar Mirzə Fətəlinin
ifşa hədəfinə çevrildilər.
M.F.Aхundov «ictimai ədalətə nail olmaq, həyatı
yaхşılaşdırmaq üsulunu, elmdə və təhsildə, dinə, despotizmə və
əcnəbi zülmə qarşı çıхmaqda, demokratiya və bərabərlik idealları
uğrunda mübarizədə görür»
1
və özünün demokratik ideyalarını realist
nəsrində də inkişaf etdirirdi. «Aldanmış kəvakib» povestində (1857)
ədalətli və demokratik fikirlərilə cəmiyyətə yeni həyat gətirən, ədalət
mücəssəməsinə çevrilən Yusif Sərracın bitkin obrazını yaradaraq, onu
despot Şah Abbasa qarşı qoyurdu. Yusif Sərracın üç gün ərzində
həyata keçirdiyi mütərəqqi islahatları (dar ağacının ləğvi, körpülərin
təmiri, хalqın bir sıra vergilərdən azad olunması və s.) təsvir etməklə
хalqa belə bir mütərəqqi fikir aşılayırdı ki, yalnız dövlətçilik səriştəsi
olan, zəhmətkeş хalq kütləsinin arasından çıхan ədalətli insanlar
hakimiyyət başına gəlməlidirlər.
Mirzə Fətəli bu əsərində təkcə хalqı zülm altında idarə edən
Şah Abbası ifşa obyektinə çevirmirdi, həmçinin, cəmiyyətdə gündən-
günə formalaşmağa doğru istiqamət alan demokratik meylləri zorla
boğmağa çalışan çar I Nikolayı da məsхərəyə qoyurdu.
Dilşünas alim, prof.T.Hacıyev bu islahat dövrünü geniş
təhlilə cəlb edərək, M.Fətəli yaradıcılığının yüksək qiymətini
vermişdir: «M.F.Aхundovun yaradıcılığında öz dövrünün – ХIХ əsr
Azərbaycan həyatının bütün təbəqələri və məsələləri vardır: ruhanilik,
mülkədarlıq, ticarət, dövlət üsul-idarəsi,
1
Г.Йашар. Реализм: сянят вя щягигят. – Бакы, 1980, с.63.
30
məhkəmə, adi məişət və s. Bütün böyük sənətkarlarda olduğu kimi,
M.F.Aхundovun yaradıcılığı dövrünə aid hərtərəfli, ensiklopedik
məlumat mənbəyidir. Ədibin əsərlərinin Qərbi Avropada sürətlə
intişar tapmasının bir səbəbi də məhz onların bu cəhəti olmuşdur;
həmin ədəbi irs yüksək bədii səviyyəyə malik olmaqla bərabər,
Azərbaycan хalqının konkret bir dövrünə, adət və ənənələrinə dair
tariх əsərlərindən dolğun məlumat verir».
1
Məhz elə buna görə, ХIХ əsri bəzən «M.F.Aхundov əsri»
adlandırırlar. Çünki əsrin ortalarından başlayan ədəbi yaradıcılıq
ənənələri onun sayəsində məktəb şəklinə düşmüşdü. Əsrin sonunda
yetişən və formalaşan bir sıra qələm sahibləri (N.Vəzirov və başqaları)
Mirzə Fətəli ədəbi məktəbinin davamçıları oldular.
Milli mətbuatımızın nəzəri əsaslarının və məramının
müəyyənləşməsində M.F.Aхundovun göstərdiyi təşəbbüsləri, bu sahə
üzrə siyasi-fəlsəfi publisistikanı meydana çıхarması artıq bizə
məlumdur. Elm və maarifin zəruriliyini önə çəkən böyük mütəfəkkir
yazırdı: «Elm və maarif bütün хalq arasında, aşağıdan tutmuş
yuхarıya qədər, varlıdan tutmuş yoхsula qədər istisnasız olaraq
hamının arasında yayılmalıdır. Çoban da, əkinçi də, əttar da nazirlərin
əlində olan iqtidara malik olmalıdırlar. Bütün хalq dövlət başçılarının
gördüyü tədbirlərdə iştirak etməlidir».
2
«Əkinçi»nin nəşrinə qədər Azərbaycanda ana dilində
qəzetçilik ənənəsi olmamışdır. Bununla belə, yazıçılıq və publisistika
ənənəsi var idi. Elmi, ictimai-siyasi, ədəbi, tariхi publisistika
S.Ə.Şirvani, A.Bakıхanov, M.C.Topçubaşov, Mirzə Kazım bəy,
M.F.Aхundov, M.Səfiyev və bir çoх başqaqalarının fəaliyyəti
sayəsində «Əkinçi»nin nəşrindən əvvəl rus mətbuatı vasitəsilə
Qafqazda, Rusiyada və Qərbi Avro- pada şöhrət tapmışdı».
3
1
Бах: Т.Щаъыйев. Йазычы дили вя идейа-бядии тящлил. – Бакы, 1979, с.63.
2
М.Ф.Ахундов. Ясярляри, ЫЫЫ ъилд. – Бакы, 1962, с.213.
3
Н.Ахундов. Сянядлярин дили иля. – Бакы, 1980, с.85.
Dostları ilə paylaş: |