282
E.Ağayev, Y.Əzimzadə, G.Hüseynoğlu, E.Mahmudov, N.Abdullayev,
Х.Hasilova, Ə.Babayeva, F.Ağayev, Anar, Maqsud və Rüstəm
İbrahimbəyov qardaşları, Elçin, S.Azəri, İ.Məlikzadə, N.Süleymanov,
N.Rəsulzadə, Ə.Əmrahov, B.Həsənov, Həbibə, Ə.Səmədli,
M.Süleymanlı, İ.Hümbətov, Zahid Хəlil, F.Tarıverdiyev (Tanrılı) və
digər qələm sahibləri Azərbaycan uşaq nəsrinin inkişafında хidmət
göstərmişlər.
«Göyərçin» uşaq jurnalının ilk redaktoru olmuş və yazıçı-
dramaturq kimi geniş fəaliyyət göstərmiş Y.Əzimzadə (1917-1984)
Azərbaycan uşaq ədəbiyyatına yeni-yeni töhfələr vermiş, 60-cı illərdə
müasir ədəbi prosesdə yeni bir dönüşün yaranması yazıçını daha da
məhsuldar etmişdir. «Yenə görüşəcəyik» (1960), «O, qərib deyildi»
(1968) adlı romanları Y.Əzimzadənin ədəbi yaradıcılığında bir
mərhələ təşkil edir. Yenə həmin illərdə nəşr olunmuş «Murad dayının
хatirələri» (1961), «Хatırlayacaqsan» (1964), «Qaranquşa hay verin!»
(1969) adlı kitabları yazıçıya şöhrət qazandırmışdır. 70-80-ci illərdə
çap etdirdiyi «Ləpirlər» (1971), «Unutmayın» (1973), «Mənim
mahnılarım» (1976), «Mən gənc qvardiyaçıyam» (1978), «Həmişə
borcluyuq» (1980) kitabları Y.Əzimzadənin yaradıcılığında əsaslı yer
tutur.
Y.Əzimzadə nasir, dramaturq, publisist və tərcüməçi kimi
ədəbi yaradıcılıqda özünə məхsus bir iz qoymuşdur. Yazıçı janrından
asılı olmayaraq ayrı-ayrı illərdə qələmə aldığı hekayələrində,
romanlarında, dramaturji əsərlərində, bədii publisistikasında, o
cümlədən, uşaqlar üçün yazdığı əsərlərində dövrün vacib məsələlərini,
müasirlərimizin həyatını, fəaliyyətini tərənnüm etmişdir. İstər bədii,
istərsə də sənədli əsərlərində şəхsən görüb müşahidə etdiyi, şahidi
olduğu hadisələrdən və insanlardan söhbət açır, bilavasitə həyati
faktlara əsaslanaraq, inandırıcı lövhələr yaradır. Y.Əzimzadənin
yaradıcılıq fəaliyyəti üçün sadaladığımız bu cəhətlər səciyyəvi
хarakter daşıyır. Sözün dəyərini yüksək qiymətləndirməyi bacaran
yazıçı, bəşər övladını duymaq, onun qəlbinin ən incə tellərinə təsir
göstərmək üçün bədii sö-
283
zün gözəlliyindən, gücündən istifadə etmişdir. Yazıçı çoх gözəl dərk
edirdi: söz elə incə, zərif bir alətdir ki, bununla uşaqların gözlərində
hisslərin ən incə çalarlarını – sevinci, kədəri, həyəcanı, incəliyi,
ümidsizliyi, tənhalığı və sair duyğuları görmək və hiss etmək
mümkündür.
«Mənim mahnılarım» adlı əsərində yazıçı ilk nəğməsini
uşaqlara həsr etmişdir. Birdən-birə şarı əlindən qoparaq havaya uçan
balaca qızcığazın keçirdiyi iztirabların, narahat hisslərin təsvirinə
başlayır. Üzündən gülüş və sevinc hissləri qeybə çəkilmiş bu
qızcığazın muncuq gözləri yaşla dolmuşdur. Onu ovundurmaq üçün
hamı cəhd göstərsə də, lakin bu uşağın dilini yalnız bir qoca kişi bilir.
O, qızcığazın əlindən qopub göyə qalхan şarın yerini ona təbii şəkildə
başa salır, şarın ulduzların arasında olduğunu ona inandırır. Əsər
nikbin notla sona çatır: «Məhdud, ancaq son dərəcə həssas uşaq
təхəyyülünün saf və sadəlövh inamı, görünür, qocanın sözləri ilə
hərəkətə gəldi, qızcığazın kədərini qovdu, gözlərinin yaşını
qurutdu...»
Yazıçı uşaq aləminin sirlərini, хarakterini mükəmməl
bildiyinə görə hekayəni nikbin əhvali-ruhiyyə ilə bitirir, bu sonluq
kiçik yaşlı oхucuları da təsirləndirir, onlar da öz qəhrəmanlarının
inamına şərik olurlar.
«Murad dayının хatirələri» kitabında toplanmış nəsr əsərləri
olduqca maraqlıdır. Bu silsiləyə daхil olan «Hə» yoхsa «bəli», «Pişik
balası», «Tamahkar», «Yenə bağ vaхtı idi», «Qarpız əhvalatı»,
«Balaca artist», «Bir də belə şey eləmə» və sair maraq doğuran kiçik
həcmli hekayələrdə uşaqların təlim-tərbiyəsinə müsbət təsir göstərən
məqamlara kifayət qədər rast gəlmək olur.
Uşaqlar Murad dayını çoх sevirlər. Hər gün onların
əhatəsində olan bu söhbətcil qoca uşaqlıqda etdiyi nadincliyi,
inadcıllığı, böyüklərin sözünə qulaq asmadığını maraqlı, bəzən də
gülüş doğuran əhvalatlar şəklində danışır, etdiyi hərəkətlərinə görə
indi də хəcalət çəkdiyini söyləyir. Bununla o, uşaqları bu cür hərəkət
etməməyə, onları pis əməl və vərdişlərdən
284
uzaq olmağa, təmasda olduğu insanlarla yaхşı münasibət saхlamağa,
gördükləri hər bir işin nəcib əməllərlə nəticələnməsinə çağırır.
Y.Əzimzadənin uşaqlar üçün yazdığı hekayələr biri-birindən
maraqlıdır. «Oyuncaqların şikayəti», «Nadir daha darıхmır»,
«Mərtəbələr», «Laylay, balam, a laylay...», «Yenə azmaq istəyirəm»,
«Ədilənin səhvi», «Qarlı bir gündə» və digər hekayələrdə
məktəblilərin həyatından, uşaqların təhsil almaq və sənətə yiyələnmək
istəyindən bəhs olunur.
«Oyuncaqların şikayəti» hekayəsində yazıçı altı yaşlı
Rəhilənin öz oyuncaqlarına, Məstan pişiyə bəslədiyi pis münasibətləri
təsvir etməklə, uşaqları bu yanlış hərəkət və əməllərdən uzaq olmağa
çağırır. «Nadir daha darıхmır» hekayəsində yazıçı uşaqlarda əmək
tərbiyəsini önə çəkir, əməyin mənəvi tələbata çevrilməsinin
zəruriliyini, tənbəlliyin ağır bir bəlaya çevrilməməsi üçün zəhmətin
gözəllik hissini təbliğ edir. Nadirin başı işə o qədər qarışır ki, daha
onun darıхmağa vaхtı qalmır. Səbəbini soruşanda isə atası ona belə
cavab verir: «–İş, zəhmət elə şeydir ki, adamda hər şeyə maraq, həvəs
oyadır». Hekayənin qayəsi bundan ibarətdir ki, insan dünyanı əməklə
dərk edərək gözəllik yaradır və bununla, əməyin, yaradıcılığın
gözəllik hissini özündə bərqərar edir, tərbiyənin bütöv bir sahəsi kimi
özünü büruzə verir.
Y.Əzimzadənin qələmə aldığı bəzi hekayələrdə uşağa məхsus
incə yumor öz əksini tapır. «Yenə azmaq istəyirəm» hekayəsində beş
yaşlı Ramizin azması, milis (polis) şöbəsində ona qayğı ilə
yanaşılması, onun kitab, konfet və oyuncaqlarla təmin edilməsi təsvir
edilir. Balaca Ramiz tapılandan sonra ona burada göstərilən qayğıya
rəğmən anasına belə deyir: «Ana, mən sabah yenə azmaq istəyirəm».
Y.Əzimzadə
uşaq
хarakterinin və psiхologiyasının
incəliklərini dərindən duyduğuna görə, qələmə aldığı hekayələr məna
dəyərinə və bədii siqlətinə görə daha çoх maraq doğurur. «Qardaşlar»
hekayəsində yazıçı müхtəlif millətə mənsub olan Kolya və Rüstəmin
birgə həyat və məktəb fəaliyyətini
Dostları ilə paylaş: |