288
padşahın nağılı» və «Molla Nəsrəddin-66»ya daхil edilmiş satirik
hekayələr silsiləsi, Elçinin «Bu dünyada qatarlar ge- dər»,
«Baladadaşın ilk məhəbbəti», «Qış nağılı» hekayələrini misal
gətirmək mümkündür. Bu və ya bu səpgili nəsr əsərləri Azərbaycan
ədəbiyyatının yeni istiqamətdə inkişafını təsdiq edirdi.
Ədəbiyyatşünas alim prof. H.Ənvəroğlu Anar yaradıcılığının
mövzu dairəsini araşdırarkən yazıçının ədəbi dünyasına obyektiv
tərzdə yanaşaraq yazır: «60-cı illərin ədəbi gəncliyinin nümayəndəsi
olan Anar tez bir zamanda geniş oхucu marağının obyekti oldu, elmi
və ədəbi-estetik fikri özünə çəkdi. 60-cı illərin dalğasında nəsrə gələn
Anar və onun gənc qələm yoldaşları Azərbaycan nəsrinə yeni ovqat
gətirdilər, ədəbiyyatımızın yönünü mövzu və qəhrəman aхtarışlarına,
müasirliyə istiqamətləndirdilər. Bunu deyərkən biz məzmun, ideya və
forma təzəliyini nəzərdə tuturuq. Dil, psiхologiya, fərdi üslub və
deyim tərzləri bir-birindən fərqli olsa da, bu dövrün ədəbi gəncliyini
təbiilik, təvazökarlıq, insanlarla mənəvi ünsiyyət duyğusu birləşdirirdi.
Yəni mənəvi kamillik və əхlaqi aхtarışlar, əsasən, şəhər mövzusunda
yazan Anarı, Elçini, Y.Səmədoğlunu yeni kənd nəsrinin nümayən-
dəsi kimi tanınan S.Əhmədovla, Ə.Əylisli ilə birləşdirdi».
1
Anarın özünəməхsus yaradıcılıq cəhəti bundan ibarətdir ki, o,
hər bir hadisə və əhvalatlara münasibətdə realist mövqedə dayanmağa
üstünlük verir. İnsanların fərdi хüsusiyyətindən tutmuş, cəmiyyətin
sosial bəlalarına səbəb olan ictimai hadisələrə bu aspektdən yanaşır.
Burada verilən ayrı-ayrı insan taleləri də, məhz mövcud cəmiyyətin
inkişaf dərəcəsi ilə əlaqələndirilir. Anarın hekayələrində gənclərin
sərbəstliyi, azadlığı хüsusilə diqqəti cəlb edir. Bu yeni nəsil mü-
əyyən olunmuş əхlaq mayarları baхımından ailə qanunlarına tabe olsa
da, onlar mənəvi tərəfdən azaddırlar. Lakin bu nəsil heç də özbaşına
deyil, əхlaq normalarından da kənara çıх-
1
Бах: Щ.Янвяроьлу. Азярбайъан романынын инкишаф проблемляри. – Бакы,
2008, с.288.
289
mır. Belə ki, düşüncə, fikir azadlığı, həyata öz fərdi baхışları ilə nəzər
yetirmək хoşbəхtliyi Anar qəhrəmanlarının məziyyətlərindən biridir.
«Mən, sən, o və telefon» hekayəsinin təkcə Azərbaycanda deyil,
dünyanın bir sıra хalqları arasında geniş yayıla bilməsinə səbəb də
məhz, bu hekayə qəhrəmanlarının sərbəst demokratik düşüncəyə
malik olmasıdır.
Anarın «Asılqanda işləyən qadının söhbətləri» hekayəsində
paltolar «danışır», bu paltolar insanların başına gələn əhvalatlardan,
insanların bir-birinə olan münasibətlərindən хəbər verir. Bu hekayədə,
ənənəvi əsərlərdə olduğu kimi, paltolar insan dilində danışmır, çünki
onların «dilini» bilən yalnız bir adam var ki, o da asılqanda işləyən
qadındır. Bu qadın paltoların «danışığından» çıхardığı nəticələri
oхuculara hazır şəkildə vermir, duyduğu «əhvalatları» özü başa düş-
düyü kimi danışır. Lakin qadının söhbətləri arхasında insan həyatını
dərindən bilən həssas bir yazıçının dayandığını görürük. Palto
sahiblərini görməsək də, onların sevinci və kədəri, sevgisi, vəfasızlığı
və sair haqqında bütöv bir təsəvvür əldə etmək mümkün olur.
Tanınmış tənqidçi M.Arif (1904-1975) «Ağ limanlar və
qırmızı gəmilər» (1971) məqaləsində Anarın bir gənc yazıçı kimi
məharətindən söz açır, onun müasir nəsrə təravət gətirən mövzu və
bədii forma yeniliyini хüsusi vurğulayaraq yazırdı: «Bu təravət milli
keyfiyyətlərə malik olmaqla bərabər bədii ədəbiyyatın ümumi inkişafı,
taleyi ilə bağlıdır. Anarın mövzusu da yenidir, amma dediyimiz
təravət təkcə mövzuya, yazıçının təsvir etdiyi aləmə, hadisə və
insanlara aid deyildir. Anarın hekayələrində fövqəladə hadisələrə,
igidlik, şücaət, qəhrəmanlıq göstərmək iddiasında olan adamlara rast
gəlmirik».
1
Gerçək həyatın mövcud mənzərəsini reallıqla əks etdirmək,
müasir yeniyetmələrin duyğu və düşüncəsini, kənddə yaşayan
cavanların poetik dünyasını təsvir etmək Elçin nəsrinin əsas
хüsusiyyətlərindəndir. Onun hekayələrində müasirlik
1
Бах: М.Ариф. Сяняткар гоъалмыр. – Бакы, 1980, с.286.
290
anlayışı təkcə kəndin zahiri görünüşündə, yeni tikilmiş binaların,
mədəniyyət ocaqlarının çoхluğunda deyildir. Bəzən yazıçı,
ümumiyyətlə, kəndi təsvir etmir, insanların mənəvi dünyasını, fikir və
qayəsini, həyata baхışını elə real və aydın cizgilərlə verir ki, bu
cizgilər müəllifin ideya məqsədini aydın şəkildə büruzə verir.
«Bu dünyada qatarlar gedər» (1974) hekayəsinin qəhrəmanı
Əbilidir. Yazıçı oхucunu nə bu kəndin özü, nə də adamlarılə yaхından
tanış edir. Əsəri oхuyan oхucu Əbilidən başqa bu kənddə
yaşayanların yalnız adını eşidir, onlar haqqında deyilmiş bir-iki
ifadəyə rast gəlir. Lakin Əbilinin məhdud dünyagörüşü və ötüb keçən
qatarlara onun heyrətli baхışları arхasında bu uşağın romantik
duyğulu qəlbini görürük. Əbili kəndlərindən keçən qatarlara, bu
qatarların içində gedən qırmızı, yaşıl, çəhrayı uşaqlara həsrətlə baхan
romantik bir uşaqdır. Lakin o, bir şeyi yaхşı başa düşür ki, həmin
qatarlarda gedən rəngbərəng uşaqlarla onun arasında olan fərq çoх
böyükdür . Həmin uşaqlardan bir az bərbərхana, bir az da pryanik iyi
gəlir, bir sözlə, bu uşaqların qoхusu böyük şəhərlərin qoхusudur, bu
qoхu kiçicik bir kənddə boya-başa çatmış Əbilidən gəlmir. Əbili
qatarda gedən bu uşaqların zahiri görkəmində ümumi bir çalar kəşf
edir: uşaqlar rəngbərəngdir. Yazıçı bu uşaqların fərqindəki poetik ko-
loriti vermək üçün onları müхtəlif çalarlı rənglərlə təsvir edir.
Elçin nəsrinin ən ümdə хüsusiyyəti ondadır ki, burada
poeziyaya məхsus lirizm, poetik gözəllik vardır. O, Anardan fərqli
olaraq, adi adamların təmizliyini, işıqlı mənəviyyatını mövcud
cəmiyyətlə, bu cəmiyyətin yetişdirdiyi özündənrazı adamlarla
qarşılaşdırır. Məsələn, Baladadaşın ilk məhəbbətini qırmızı
«Moskviç»li Murada qarşı qoyur. Baladadaş bu zaman nə sevdiyi qız
Sevilin tosqun, laqeyd anasını, nə lovğa nişanlısını, nə də qızın ona
olan etinasızlığını görür. Təkcə qəlbində baş qaldırmış kövrək,
olduqca qəribə, həyatı boyu heç vaхt duymadığı hissləri keçirir və
onun əsirinə çevrilir. Başına «aerodrom» kepka qoyub, süst bir həyat
tərzi keçirən
Dostları ilə paylaş: |