Dördsilindrli sıravi mühərriklərin tarazlaşdırilması
Dirsəkli valın dirsəkləri arasındakı bucaq 1800 və mühərrikin iş qaydası 1 – 2
– 4 – 3 və yaxud 1 – 3 – 4 – 2, yanma prosesləri arasındakı bucaq intervalı isə 1800 – yə bərabərdir (şəkil 21.3.). Bu mühərrik üçün tarazlaşdırilma şərti aşağıdakı kimi ifadə edilir:
∑ PjI = 0;
∑ PjII = 4 PjII = - 4Mj ω2 R λ cos 2φ ≠ 0;
∑ KR = 0;
∑ MjI = 0;
∑ MjII = 0;
∑ MR = 0.
Şəkil 21.3. Dördsilindrli sıravi mühərrikdə təsir edən ətalət qüvvələrinin sxemi
Mərkəzdənqaçma ətalət qüvvələrinin momentləri dirsəkli valın əsas yastıqlarına ötürüldüyündən yanaqlar üərində əks yüklər yerləşdirməklə mərkəz - dənqaçma ətalət qüvvələrinin təsiri yerindəcə tarazlaşdırılır.
∑ PjII qüvvələrinin tarazlaşdırılması birsilindrli mühərrikdə olduğu kimi köməkçi valların vasitəsi ilə həyata keçirilə bilər. Lakin mühərrikin konstruksiyasını mürəkkəbləşdirməmək üçün bü qüvvələr sərbəst buraxılır.
Altısilindrli sıravi mühərriklərin tarazlaşdırilması
Mühərrikin iş qaydası 1 – 5 – 3 – 6 – 2 – 4 və yaxud 1 – 4 – 2 – 6 – 3 – 5, yanma prosesləri arasındakı bucaq intervalı və dirsəkli valın dirsəkləri arasındakı bucaq 1200 – dir (şəkil 21.4.).
Bu mühərrik üçün tarazlaşdırilma şərti aşağıdakı kimi ifadə edilir:
∑ PjI = 0; ∑ PjII = 0; ∑ KR = 0;
∑ MjI = 0; ∑ MjII = 0; ∑ MR = 0.
Altısilindrli sıravi mühərriklər yeddi və dörd dayaqlı dirsəkli vala malik olur. Bəzi altısilindrli sıravi mühərriklərdə dirsəkli valın dayaq boyunlarını mərkəzdənqaçma ətalət qüvvələrinin təsirindən azad etmək məqsədi ilə valın yanaqlarında yerləşdirilən əks yüklərdən istifadə olunur.
Şəkil 21.4. Altısilindrli sıravi mühərrikdə təsir edən ətalət qüvvələrinin sxemi
Dostları ilə paylaş: |