GəMİ daxiLİ yanma

Səkkizsilindrli sıravi mühərriklərin tarazlaşdırilması

Mühərrikin iş qaydası 1 – 6 – 2 – 5 – 8 – 3 – 7 – 4, yanma prosesləri arasındakı bucaq intervalı 90⁰ – dir. Dirsəkli val bir-birinə perpendikulyar olan iki müstəvidə yerləşən 8 ədəd dirsəyə malikdir (şəkil 21.5.).
Aşağıdakı tarazlaşdırilma şərtindən göründüyü kimi bu mühərrik tamamilə tarazlaşmışdır:
∑ Pj_I = 0; ∑ Pj_II = 0; ∑ K_R = 0;

∑ Mj_I = 0; ∑ Mj_II = 0; ∑ M_R = 0.

Şəkil 21.5. Səkkizsilindrli sıravi mühərrikdə təsir edən ətalət qüvvələrinin sxemi

Bu mühərrikdə də dirsəkli valın dayaq boyunlarını mərkəzdənqaçma ətalət qüvvələrinin təsirindən azad etmək məqsədi ilə valın yanaqlarında yerləşdirilən əks yüklərdən istifadə olunur.

YOXLAMA SUALLARI

1. 
   İkisilindrli, dirsəkli valın dirsəkləri hər ikisi eyni bir tərəfə yönəlmiş mühərriklərdə mərkəzdənqaçma ətalət qüvvələri necə müvazinətləşdirilir?
   
2. 
   İkisilindrli, dirsəkli valın dirsəkləri hər ikisi eyni bir tərəfə yönəlmiş mühərriklərdə I və II tərtib ətalət qüvvələri necə müvazinətləşdirilir?
   
3. 
   İkisilindrli, dirsəkli valın dirsəkləri müxtəlif tərəflərə yönəlmiş mühərriklərdə mərkəzdənqaçma ətalət qüvvələri necə müvazinətləşdirilir?
   
4. 
   İkisilindrli, dirsəkli valın dirsəkləri müxtəlif tərəflərə yönəlmiş mühərriklərdə I və II tərtib ətalət qüvvələri necə müvazinətləşdirilir?
   
5. 
   Dörd silindrli, sıravi mühərriklərdə mərkəzdənqaçma ətalət qüvvələri necə müvazinətləşdirilir?
   
6. 
   Dörd silindrli, sıravi mühərriklərdə I və II tərtib ətalət qüvvələri necə müvazinətləşdirilir?
   
7. 
   Altı silindrli, sıravi mühərriklərdə mərkəzdənqaçma ətalət qüvvələri necə müvazinətləşdirilir?
   
8. 
   Altı silindrli, sıravi mühərriklərdə I və II tərtib ətalət qüvvələri necə müvazinətləşdirilir?
   
9. 
   Səkkiz silindrli, sıravi mühərriklər necə müvazinətləşdirilir?