40
BP Azərbaycanda Davamlı inkişaf haqqında hesabat 2010
Ətraf mühitin monitorinqi
Bizim ətraf mühitin monitorinqi
sahəsində səylərimiz iki müxtəlif hissədən – BP obyektlərinin
yaxınlığında ətraf mühitin vəziyyətinə diqqət yetirən yaxın ətraf mühitin
monitorinqindən və əməliyyatlarımız nəticəsində baş verən atılma və
emissiyaların mənbədə ölçüldüyü əməliyyat monitorinqindən ibarət olub
a
2010-cu ildə dənizdə, sahilyanı ərazilərdə və quruda həyata keçirilmiş yaxın ətraf mühitin monitorinqinin nəticələri 2011-ci ildə nəşr
ediləcəkdir.
Yaxın ətraf mühitin tədqiqat nəticələrinin xülasəsi
a
Dənizdə
Şahdəniz kontrakt
sahəsi – regional
tədqiqat
Şahdəniz platforması
– ekoloji tədqiqat
Qərbi Azəri
platforması – ekoloji
tədqiqat
DərSG platforması
- ətraf mühitin
monitorinqi
Çıraq neft layihəsi
– ətraf mühitin ilkin
vəziyyətinin tədqiqi
Şahdəniz 2 tərs
qırılma 1 ərazisi
– ətraf mühitin ilkin
vəziyyətinin tədqiqi
Sahilyanı ərazidə
Səngəçal
- balıqların monitorinqi
Quruda
Səngəçal
terminalı – torpaq və
bitki örtüyünün
tədqiqatı
Səngəçal
terminalı – havanın
keyfiyyətinin
monitorinqi
Bu tədqiqatda nümunə götürülən məntəqələrin ayrı-ayrı qruplarında çöküntülərin növü, dərinliyi və
sahildən olan məsafəsi ilə əlaqədar fiziki-kimyəvi və bioloji xüsusiyyətləri öyrənildi. Məlum oldu ki,
karbohidrogen və metal konsentrasiyasının səviyyəsi ümumiyyətlə aşağıdır, sahilə ən yaxın məntəqələr
(Məntəqə 20, 21 və 22) və kontrakt sahəsinin şərq cinahının mərkəzindəki məntəqə (Məntəqə 28)
istisna olmaqla, əvvəlki illərdəki tədqiqatların nəticələri ilə müqayisədə nisbətən dəyişməz qalıb.
Həmçinin, daha aşağı səviyyəli bioloji müxtəlifliyə doğru təmayül var və bu, həmin regionda təbii
dəyişmələrlə bağlıdır.
Bu tədqiqatın nəticələri göstərdi ki, Şahdəniz Mərhələ 1 platformasında həyata keçirilən əməliyyatlar
ətraf məntəqələrdə fiziki-kimyəvi xarakteristikalara və makrobentik icmalara təsir etməyib.
Monitorinqin keçirildiyi bütün müddət ərzində (2002-2009) nümunə götürülən məntəqələrin
əksəriyyətində çöküntülərin fiziki xarakteristikalarında nisbətən böyük müvəqqəti dəyişikliklər və qalıq
metalın konsentrasiyasında heç bir güclü qradiyent və ya meyillərin olmadığı qeydə alındı (platformanın
yaxınlığında barium çöküntüsünün yüksək konsentrasiyası istisna olmaqla). Lakin bununla belə,
antropogen fəaliyyətə aid edilə bilən heç bir aşkar təmayül və ya əlamətlər müşahidə olunmadı. Faunaya
aid rəqəmlərdəki və paylanma modellərindəki müvəqqəti təmayüllər dəniz əməliyyatlarının
başlamasından sonra faunada cüzi dəyişikliyin olduğunu göstərir.
Əvvəl aparılmış tədqiqat məlumatları ilə müqayisə ətraf bentik mühitdə əhəmiyyətli çirklənmə baş
verdiyini sübut edən heç bir dəlilin olmadığını göstərir və bentik icmanın sağlamlığına ölçüyə gələ bilən
heç bir təsir olmayıb. 500 m şimala, şimal-şərqə, cənuba və 750 m qərbə uzanan bir ərazinin fiziki
pozulmaya məruz qalması ehtimal olunur. Bunu annelid və amfipod bolluğunda müşahidə edilmiş azalma
ilə əlaqələndirmək olar. Əgər bu ərazidə dəniz dibində pozulma olubsa belə, indi bu prosesin daha baş
verməməsi və ya azalması həmin icmaların özünə gəlməsinə imkan verir.
Qərbi Çıraqda 2003-cü ildə keçirilən tədqiqatın nəticələri ilə müqayisə göstərir ki, 2009-cu ildə Çıraq neft
layihəsi icmasında daha çox bio-müxtəliflik və bolluq olub. Ümumilikdə, fiziki-kimyəvi göstəricilər hər iki
tədqiqatda bir-birinə çox oxşar olub. 2009-cu ildə daha yüksək müxtəliflik və bolluqla əlaqələndirilə bilən
heç bir nəzərəçarpan fərq müəyyən olunmayıb.
Əvvəlki məlumatlarla müqayisə göstərdi ki, çöküntü növləri, qalıq metal və karbohidrogen
konsentrasiyaları bu ümumi ərazidə aparılmış əvvəlki tədqiqatlarda qeydə alınmış göstəricilərə oxşardır
və onları bu ərazi üçün xarakterik olan fon kəmiyyətləri hesab etmək olar.
Amfipodlar və xərçəngəbənzərlərin bolluğu və növ zənginliyi çöküntülərdə lil-gil tərkibi ilə tərs-
mütənasiblik təşkil etsə də, azqıllıların bolluğu və lil-gil tərkibi arasında müsbət bir əlaqə var idi. Nümunə
götürülmüş məntəqələrdə azqıllıların bolluğunun ən aşağı səviyyələri karbohidrogen konsentrasiyalarının
ən yüksək olduğu məntəqələrdə müşahidə olundu.
2008-ci ilin payızında və 2009-cu ilin yazında keçirilmiş iki tədqiqatın nəticələri göstərdi ki, Səngəçalda
sahilə yaxın tutulmuş balıqların sağlamlığı yaxşıdır. Əhəmiyyətli zərər və ya xarici təsirin olmasını
göstərən heç bir simptom aşkar edilmədi. Çoxnüvəli aromatik karbohidrogen metabolitlərinin ölçülməsi
göstərdi ki, körfəz daxilində və Neftçalada balıqlar arabir neft təsirinə məruz qala bilər, lakin digər
ölçmələrdən belə görünür ki, belə təsir nə davamlı, nə də ölçüyə gələn bir mənbədir.
Səngəçal terminalı yaxınlığında ekosistemin vəziyyətinin ümumi qiymətləndirilməsi onun
proqnozlaşdırılmış hədlərdə olduğunu göstərdi. Bu ərazidə terminala aid olmayan fəaliyyətlərin artması
gələcəkdə narahatçılığa səbəb ola bilər.
NOx, SO
2
və dəyişkən üzvi birləşmələrin orta illik səviyyələri üzrə nəticələr onların hamısının Dünya
Bankı/Ümumdünya Səhiyyə Təşkilatı təlimatlarında göstərilən hədlərdən aşağı olduğunu göstərdi. Bir
neçə istehsalat sahəsində benzolun səviyyəsi standartdan artıq oldu, çox güman ki, üçüncü tərəf
fəaliyyətlərinə görə baş verdiyindən, bu nəticələr ehtiyatla izah edilməlidir. NO, NO
2
, NOx və SO
2
üzrə
real vaxtda monitorinq aparma məntəqəsindən alınmış orta nəticələrin hamısı normativ səviyyələrindən
aşağı idi.
Yaxın ətraf mühitin monitorinqi
proqramı
BP-nin Azərbaycanda yaxın ətraf mühitin
monitorinqi proqramı 2004-cü ildən bəri həyata
keçirilir və o, ətraf mühitin monitorinqinə və
nəticələrin emalına sistemli yanaşmanı təmin
etmək üçün işlənib hazırlanmışdır. 2010-cu ilin
sonuna, ötən yeddi il ərzində ümumilikdə 90
monitorinq tədqiqatı yerinə yetirilmişdi. Şirkətdə
aparılan təşkilati yenidənqurmadan sonra, bu
proqramın adı 2010-cu ilin iyun ayında
dəyişdirilərək Azərbaycan-Gürcüstan-Türkiyə
regionunun ekoloji monitorinq proqramı oldu.
2010-cu ildə aparılan 20 tədqiqatın altısı dəniz
tədqiqatı, biri Səngəçal körfəzində sahilyanı
tədqiqat və 13-ü Səngəçalı (yeddi tədqiqat),
Azərbaycan İxrac Boru Kəmərlərini (iki tədqiqat) və
Sərəncə təhlükəli tullantıların idarə edilməsi
qurğusunu (TTİEQ) (dörd tədqiqat) əhatə edən
quruda həyata keçirilmiş yaxın ətraf mühit
tədqiqatları idi.
Dəniz tədqiqatları
2010-cu ildə aparılan dəniz tədqiqatları
mövcud yataqların mütəmadi olaraq keçirilən
adi monitorinqi, qazmadan sonra quyuların
yerləşdiyi ərazilərin monitorinqi və regional
ekoloji monitorinqdən ibarət idi.
Regional dəniz tədqiqatları arxa fonda
cərəyan edən ekoloji meyilləri başa
düşməyimizə kömək etmək üçün aparılır.
Dəniz mühitində baş verən təbii dəyişikliklər
barədə məlumatların təmin edilməsi üçün
bizim fəaliyyətlərimizdən (və üçüncü tərəf
əməliyyatlarından) uzaqda yerləşən ərazilərdə
nümunələrin götürülməsi işi həyata keçirilir.
2010-cu ildə hasilat əməliyyatlarının təsirini
qiymətləndirmək üçün Çıraq, Mərkəzi Azəri
və Şərqi Azəri platformalarının yaxınlığında
dəniz dibinin cari monitorinqi aparıldı. Qazma
əməliyyatlarından və platformanın
quraşdırılmasından sonra ətraf mühitin
vəziyyətini öyrənmək üçün SDX-5 quyusunun
yerləşdiyi ərazinin yaxınlığında qazma sonrası
tədqiqat həyata keçirildi. Bundan başqa,
Azəri-Çıraq-Dərinsulu Günəşli (AÇG) kontrakt
sahəsinin yaxınlığında regional tədqiqat
aparıldı. Bu tədqiqata dəniz dibindən və su
sütunundan fiziki və kimyəvi analizlər üçün
nümunələrin, bentik və planktonik
populyasiyaların fauna nümunələrinin
götürülməsi daxil idi.
Ətraf mühit
Sahilyanı tədqiqatlar
2010-cu ildə Səngəçal yaxınlığında dənizdibi
çöküntülərin tədqiqatı zamanı Səngəçal körfəzində
ətraf mühitin vəziyyəti və ona BP Azərbaycan və ya
üçüncü tərəflərin təsirləri müəyyən edildi və
qiymətləndirildi. Əldə edilmiş məlumatlar
1996 (ilkin vəziyyətinin tədqiqi), 2000, 2003,
2006 və 2008-ci illərdə aparılmış tədqiqatların
nəticələri ilə müqayisə ediləcək.