118
iki iynənin ulduzlu tərəfinə pambıq dolayır və hərəsini bir tərəfdən suya salırlar.
Sonra iynələrin hərəkəti ilə mülahizələr söyləyirlər. Uğurlu halda iynələr müxtəlif
səmtlərə hərəkət etsələr də, axırda bir-birinə yaxınlaşıb bitişirlər. Əksinə olanda isə
iynələr o tərəf, bu tərəfə hərəkət edir və bir-birinə qovuşmurlar». (121, 179)
Bu falın əyani şəklini «Komsomol poeması»nda görürük: Humay qabdakı suya
iki sancaq salmışdır. Pambıqlı sancaqlar bir-birini suyun üstündə qovurlar. Bu cansız
əşyalar üz-üzə gələndə Humayın sevinci aşıb-daşır, rəngi açılır, taleyi gülür,
«üzündən, gözündən məna tökülür». Bu yerdə şair sual edir:
Bu bayram axşamı, bu əziz gündə
Humay ürəyində nəyi tutmuşdur? (133, 55)
Elə bu vaxt sancaqlardan biri suya qərq olur. Bundan sonra Humayın vəziyyəti
də dəyişir. Qışqırmaq istəyir, lakin səsi çıxmır. Ürəyi döyünür, gözləri qaralır, nəfəsi
təngiyir:
Cəlalın başında xəta var, deyə
Sinəsi töyşümüş qapıya çıxır.
Əlini qaldırıb yalvarır göyə,
Qəlbini yerlər də, göylər də sıxır. (133, 58)
Humay bu vəziyyətdə yenə xalq inamına pənah aparır. O, «qapı pusmağa gedir:
«Axır çərşənbə günü...axşamçağı qonşuların qapısını pusurlar. Qapıya yaxınlaşarkən
eşidilən ilk sözü yozub, bəxt haqqında müəyyən mülahizələr söyləyirlər. «İşığı
yandır», «yaxşı olacaq» və s. olarsa, hər şeyin yaxşı olacağı güman edilir. Əksinə
«söndü», «viran qalsın» və s. kimi sözlər eşidiləndə pis tərəfə yozulur». (121, 179)
Şair bu xalq inamını poeziya dilinə çevirir:
Qayda belədir ki, birinci kərə
119
Xeyir söz eşitsə şad olacaqdır;
Yaman söz eşitsə yenə qəmlərə
Qərq olub, içində qovrulacaqdır. (133, 56)
Humay qorxudan yarpaq kimi əsir. O, necə xəbər eşidəcəkdir? Bu dəfə tale
Humayın üzünə gülür, içəridən gələn səs onu göylərə qaldırır: «Toyunu görək!»
Bu iki kəlmə Humaya bütün dərdlərini unutdurur, onun gözlərində hər şey-
dağlar, daşlar, adamlar daha da gözəlləşir, qüzey qarı bir çəmənə çevrilir:
De, qız nə eşitsə yaxşıdır birdən?
Kimsə öz oğluna: «Toyunu görək!»
Humay bir quş kimi durdu yerindən,
Sıçrayıb göylərə qanad gərərək,
Bir anda seyr edir asimanları,
Ay kimi göylərə qız şəfəq yayır;
Öpür, alqışlayır, hey salamlayır
Dağları, daşları, sıx ormanları... (133, 56)
Xalq inamının obrazın əhvalına bu cür uyğunlaşdırılması şairin poetik
məharətini əks etdirir.
Xalqımıza məxsus adətlərindən biri də hər hansı bir arzunun, istəyin həyata
keçməsi naminə nəzir və ya sədəqə verilməsidir. Bu baxımdan Humayın xəstəliyi
zamanı anasının var-dövlətini sədəqə verəcəyi barədə diləyi çox təbii səslənir. O,
dizinin üstündə «Quran» allaha yalvarır, qızına şəfa diləyir:
O görür, qızının yazıq halını,
Qəfəsdə quş kimi özünü yeyir.
Bütün dövlətini, bütün malını
Humayın başına sadağa deyir,
Qəfəsdə quş kimi özünü yeyir. (133, 76)
120
Baş verəcək hər hansı bir hadisəni əvvəlcədən yuxuda görmək, yaxud yuxu
yozmaq da xalqımıza məxsus inamları əks etdirir. Gəray bəy Cəlalı öldürür. Elə
həmin gecə Humay dəhşətli bir yuxu görür. Bu cür yuxulara el arasında «qara
basmaq» da deyirlər. Şair də bu ifadədən istifadə etmişdir:
Humayı basmışdır yuxuda qara,
Yazıq boğazından çəkilir dara.
Yuxu ölüm kimi... Qız ağır yatmış,
Vücudu istidən qan-tərə batmış.
Ondan xəbərsizdir bu qoca dünya,
Boğur qızcığazı gördüyü röya:
Pəncəli, caynaqlı anaş qaraquş
Götürüb Humayı göylərə uçmuş. (133, 66)
Humay bu vəziyyətdə yuxudan oyanır və hiss edir ki, Cəlalın başında bir xəta
vardır. Bu yuxu Cəlalla yanaşı, həm də Humayın gələcək faciəsinə işarədir.
Artıq qeyd etdiyimiz kimi, Səməd Vurğun 1920-ci ildə komsomol sıralarına
daxil olmuş, yeni quruluşu yaradanlardan biri kimi fəaliyyət göstərmişdir. Bununla
yanaşı, o öz əsərlərində Azərbaycan Xalq Cümhuriyyəti (1918-1920) barədə məlumat
vermiş (əlbəttə, mənfi planda), Cümhuriyyətin lideri M.Ə.Rəsulzadənin obrazını
(əlbəttə, mənfi surət kimi) yaratmışdır. Şair «26-lar» poemasında həmin illərdə
keçirilmiş bir yığıncağı belə təsvir etmişdir:
İndi xəbər verim oxucuma mən
O «millət rəhbəri» Rəsulzadədən.
Toplamış məclisdə müsəlmanları,
Yağlı vədlərə tutmuş onları;
Deyir: «Türkiyəni çağıraq gərək,
Bizə kömək olsun qılınc çəkərək,
121
Parlasın ədalət, mehri-hürriyyət,
Ucalsın göylərə şərəfi-millət».
-Şarlatan!
-Afərin!
Rəhbərə bir bax!..
-Vətəni yadlara bunlar satacaq!...
-Bir dayan!
-Nə dedin?
-O bir xaindir!
Sözünün pərdəsi millətdir, dindir... (133, 156)
Göründüyü kimi, şair bu parçada Azərbaycan Xalq Cümhuriyyətinin azadlıq,
habelə türkçülük və islamlaşma barədə proqramını şərh etmişdir. M.Ə.Rəsulzadənin
dörd misradan ibarət çıxışına indiki dövrün tələblərilə baxsaq, onda «mənfi planda»
və «mənfi obraz» sözlərini işlətmərik. Bu barədə M.Ə.Rəsulzadənin özünün də çox
maraqlı mülahizələri olmuşdur. Türkiyədəki azərbaycanlı mühacir,
M.Ə.Rəsulzadənin yaxın silahdaşlarından biri Əbdül Vahab Yurdsevər belə
xatırlmışdır: «...Bir gün Səməd Vurğunun «26-lar» poemasını Məhəmməd Əmin bəy
Rəsulzadəyə göstərib dedim ki, bu əsərdə sizin adınız anılıb, fəqət satqın kimi.
∗
O,
əsəri məndən alıb baxdı, sevincindən şaşırmış bir halətdə dedi: -Bunu yazan çox
böyük adamdır, fəqət, adım mənfi planda çəkilsə də gələcək nəsillərə varlığımı
bildirər. Cocuq atasından soruşar, müsavat, müstəqil Azərbaycan haqqında həqiqətlər
çözülər... Demək bunu yazan şair böyləcə ağıl sahibiymiş. O ki, qaldı məni satqın
kimi göstərməyinə, öylə yazmasaydı, dərc olunmazdı». (42, 156)
Qeyd etdiyimiz kimi, şairin «Üsyan» poemasında da Azərbaycan Xalq Cüm-
huriyyəti dövrü hadisələrindən bəhs edilir.
«Komsomol poeması»nın «Kənddə teatr» fəslində də Azər-
∗
«26-лар» поемасында М.Я.Рясулзадя сатгын дейил, дырнаг арасында «миллят рящбяри» кими тягдим олунмушдур.
Dostları ilə paylaş: |