172
Azərbaycan XTK qərarın ləğvini, mübahisə tərəflərinin torpaqla
təminatının va həmin torpaqların sərhədlərinin dəqiq müəyyənləşdirilməsini zəruri
sayırdı: yalnız bundan sonra ədalətli qərar çıxarmaq olardı.
Məsələnin bir tərəfdən ədalətli şəkildə həll olunmaması, digər tərəfdən isə
əraziyə gəlmə gürcülərin qanunazidd hərəkətlərinin yuxarılar tərəfindən himayə
edilməsi qabaqçöllülərin dərin narazılığını doğururdu. Onların 1926-cı ilin iyunun
17-də Azərbaycan XKS sədri Q.Musabəyova ünvanladıqları təliqədə mübahisə
tərəfləri arasında qarşılıqlı nifaq aşağıdakı şəkildə səciyyələndirilirdi: «Bütün bu
mübarizənin (qabaqçöllülərin öz hüquqları uğrunda mübarizəsi - Ş.R.) və məsələyə
mərkəzlərin (Cənubi Qafqaz və ölkə hökumətinin - Ş.R.) birtərəfli münasibətinin
ancaq o təsiri oldu ki, bizimlə Sığnaq kəndliləri arasında münasibət kəskinləşdi və
indi Sığnaq qəzasının kəndliləri gözündə «lekilər», yəni cəmi qabaqçöllülər onların
milli düşməni olduğu kimi, bizim də həmkəndlilərimizin gözündə «gürcülər», yəni
Sığnaq qəzasının kəndliləri milli düşməndir...».
136
Zorakıhqların və qanunsuzluqların təşəbbüskarı və təhrikçisi qismində çox
vaxt gürcü tərəfi çıxış edirdi. Lakin, qeyd etdiyimiz kimi, gürcü rəsmilərinin
hadisələri özlərinə sərfəli səpkidə təqdim etmələri nəticəsində zaqatalalılar
olayların müstəsna müqəssirinə çevrilirdilər. Məsələn, Laqodex rayon milis rəisi
Sığnaq qəza milis rəisinə 1926-cı ilin 30 aprel və 3 mayda göndərdiyi
telefonoqramlarda Balakən nahiyəsi sakinlərinin Sitel-qora (Qarakişi-tala)
rayonunda sərhədi keçərək, yeni yaşayış məskənləri salmağa cəhd göstərdikləri
barədə məlumat verirdi.
137
Bu məlumat çatar-çatmaz, mayın 7-də Sığnaq hakimiyyəti təmsilçiləri
hadisə yerinə gələrək, qabaqçöllülərin 15 oktyabr protokolunun şərtlərini kobud
surətdə pozduqları haqqında akt imzaladılar. Aktda qabaqçöllülər qanunsuz olaraq
yeni binələr inşa etməkdə, meşəni qıraraq, əkin sahələri salmaqda, gürcü
maldarlarına maneçiliklər törətməkdə ittiham olunurdular.
138
1926-cı ilin mayın 12-də Gürcüstan XKS sədrinin müavini S.Cugeli və
işlər müdiri A.Salaridze Cənııbi Qafqaz MİK-nə qabaqçöllülərin «qanunazidd
əməlləri» ilə əlaqədar müraciət etdilər.
139
1924-cü ilin 15 oktyabr protokolunun
şərtlərinin ən kobud pozucusu özləri olmalarına baxmayaraq, gürcü hökuməti bu
gedişlə Azərbaycan tərəfini qabaqlamağa çalışırdı.
Yeri gəlmişkən, gürcü hakimiyyət strukturlarının məsələyə dair dəqiq,
ahəngdar işini qeyd etməmək olmur; bu, ən kiçik olaya belə operativcəsinə
münasibət göstərməkdə, hadisələr haqqında özlərinə sərfəli təsəvvürlər
formalaşdırmaqda özünü büruzə verirdi. Azərbaycan tərəfi bu baxımdan daha az
operativ və ləng təsir bağışlayırdı.
Cənubi Qafqaz MİK Rəyasət Heyəti 20 may iclasında Gürcüstan
hökumətinin müraciətinə baxdı. İclasda Azərbaycan MİK-nə qabaqçöllülərin
Sığnaq qəzasının müvafiq kəndlərinə verilmiş sahələri ələ keçirməsi faktlarını
araşdırmaq və ölçü götürmək tapşırıldı.
140
173
Təqribən həmin günlərdə - 1926-cı ilin mayın 24-də Sığnaq QİK Rəyasət
Heyətinin iclası oldu. Həmin iclasda 15 oktyabr 1924-cü ilə qədər mövcud binə və
əkinlərin say və ölçülərinin saxlanılması, qabaqçöllülərin son 1,5 il ərzində fiqur
meşəliyində təşkil etdikləri binələrinin ləğv edilməsi və mal-qarasının çıxarılması,
15 oktyabr protokolunun «q» bəndinə uyğun olaraq, 1926-27-ci təsərrüfat ili üçün
icarə haqqının ödənilməsi haqqında Zaqatala qəza hakimiyyətinə təkliflər qəbul
olundu.
141
Bu zaman icarə haqqını ödəməyən qabaqçöllülərə qarşı inzibati ölçü
götürüləcəyi və hətta tutduqları sahələrdən çıxarılacaqları bildirilirdi.
1926-cı ilin iyunun 7-də Sığnaq və Zaqatala qəza hakimiyyət orqanlarının
müşavirəsi oldu.
142
Müşavirə Sığnaq QİK-in yuxarıda göstərilən tələblərini təsdiq
etdi.
Bu müşavirə, eyni zamanda, həmin dövrdə mübahisə rayonunda
formalaşmış «status-kvonu» konstatasiya edirdi: qabaqçöllülərin Beşkəndə 8,
Dərin-qobuda 32, Sitel-qorada (Qarakişi-talada) 39 binəsi və əkin sahələri (2 des.)
saxlanılmaqda idi.
Dərin-qobu çayının köhnə və yeni axarları arasında yerləşən 80 desyatin
meşə sahəsi – 16 №-li sahə (Osman-binə) yasaq elan olunurdu və onun
mənsubluğu haqqında məsələ Cənubi Qafqaz MİK-in öhdəsinə buraxılırdı. Digər
tərəfdən Ulqam çayının məhz köhnə məcrasının sərhəd hesab olunması haqqında
razılığa gəlinmişdi. Bu, müəyyən mənada Azərbaycan tərəfini təmin edirdi, belə
ki, çayın yeni məcrası şərqə istiqamətlənməklə, qabaqçöllülərin onsuz da azalmış
torpaq fondundan yeni sahələr kəsib, Sığnaq qəzasına qatırdı. Müşavirənin
protokolunun qısa xülasəsindən göründüyü kimi, o 1924-cü ilin 15 oktyabrında
əsası qoyulmuş xəttin məntiqi davamı olub, gürcü tərəfinə öz məqsədlərinə çatmaq
yolunda növbəti addım idi. O dövrdə Zaqatala qəza icraiyyə komitəsi sədri
vəzifəsində çalışan Şirin Balacayev başda olmaqla Azərbaycan heyəti icarə
haqlarının ödənilməsi ilə bağlı tələbi qəbul etməklə böyük səhvə yol vermişdi,
çünki qeyd etdiyimiz kimi, Azərbaycan rəsmiləri mübahisəli sahələrin
qabaqçöllülərin məhz əmək istifadəsində olduğunu iddia edirdilər. Bir qədər sonra
- iyulun 14-də Zaqatala hakimiyyəti öz səhvini başa düşərək, onu düzəltməyə
çalışmışdı. Zaqatala QİK Rəyasət Heyətinin həmin gün olmuş iclasında
qabaqçöllülərdən icarə haqqının deyil, təsərrüfat vergisinin tutulması barədə qərar
qəbul edilmişdi. Lakin Cənubi Qafqaz hökumətinin nəzərində məhz birgə
müşavirələrin çıxardığı qərarlar prioritet önəmə malik idi.
Müşavirənin protokolu Zaqatala QİK Rəyasət Heyətinin 1926-cı ilin
iyunun 9-da olmuş iclasında təsdiqlənmişdi.
143
İclasda, həmçinin Cənubi Qafqazın
ali hakimiyyət orqanı qarşısında Osman-binənin (16-cı sahənin) Qabaqçöl
cəmiyyətinin istifadəsində saxlanılması haqqında vəsatət qaldırıldı. Bir qədər öncə
qeyd etdiyimiz kimi, sözügedən sahə torpaq komissiyasının 9 mart tarixli iclasında
Sığnaq qəzasına aid edilmişdi.
Dostları ilə paylaş: |