18
Tədqiqatın aparılması
►
Material metanol və ya soyudulmuş asetonla 5-10 dəq ərzində
fiksə edilir. Rənglənməyə qədər preparat -20°C-də 1 ay saxlanıla
bilər.
►
Otaq temperaturuna qədər isidilmiş preparata 30 mkl həcmində
həll olunmuş monoklonal anticisimlər əlavə edilir və onu 15 dəq
müddətinə 20-25°C temperaturda rütubətli kameraya
yerləşdirirlər.
►
Rəngləndikdən sonra preparat 10 saniyə fosfat buferlə yuyulur və
havada qurudulur.
►
Montaj edici məhluldan 1 damcı preparata əlavə edilir və örtük
şüşəsi ilə örtülərək mikroskopda baxılır.
Nəticənin qiymətləndirilməsi
Preparatlar x200, x400, x1000 böyütmə ilə lüminessent
mikroskopda tədqiq edilir. Bu vaxt hüceyrələr qırmızı-narıncı və ya
sarı rəngə boyanır, solğun treponem parlaq yaşıl rəngdə
flüoressensiya edir və bütün morfoloji əlamətlərini saxlayır.
Nuklein turşularının amplifikasiyası metodu
Nuklein turşularının amplifikasiyası metodu, məs., polimeraz
zəncir reaksiyası, törədicinin yeganə DNT-sini milyonlarla digər
molekullar arasında tapmağa imkan verir.
PZR müayinəsi üçün şankrdan və digər səpgilərdən (papula, enli
kandiloma və s.) qaşıntı götürülə, beyin-onurğa beyni mayesi,
amniotik maye, qan zərdabından istifadə edilə bilər.
İlkin diaqnozun qoyulması üçün istifadə edilən metodlar
Müalicə olunmamış sifilisdə spesifik anticisimlərin yaranması
solğun treponemin orqanizmə daxil olması zamanı orqanizmin
humoral immun reaksiyası, İgM sintezi ilə izah edilir. Müəyyən
edilmişdir ki, infeksiyadan 10-14 gün sonra pasiyentin qanında İgM
anticisimləri yaranır, bunlar əsasən spesifik T.pallidum zülal
antigenlərinə qarşı yönəlmiş olur və qeyri-spesifik reaksiyalar
vasitəsilə təyin edilə bilmirlər. Treponemə spesifik İgM
anticisimlərinin yaranması sifilisi erkən dövrlərdə müəyyən etməyə
və bəzən inkubasion dövrdə diaqnozun qoyulmasına imkan verir. 4-
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
19
cü həftənin sonunda spesifik İgG anticisimləri yaranır. Orqanizmin
müdafiə reaksiyasında əsas rolu bu anticisimlər oynayırlar.
İgM-in maksimal miqdarı müalicə olunmamış qazanılmış
sifilisdə xəstəliyin 6-8-ci həftəsinə – solğun treponemin massiv
hematogen dissiminasiyası və klinik əlamətlərin maksimal təzahürü
dövrünə təsadüf edir.
Sonrakı 6 ay ərzində İgM anticisimlərinin miqdarı azalır, lakin
müalicə qəbul etməyən xəstələrdə onlar uzun müddət – illərlə aşağı
titrdə qala bilərlər.
Sifilisin müalicəsindən sonra
spesifik anticisim yaranmasının dinamikası
Hal-hazırda erkən sifilisin effektiv müalicəsinin meyarı
anticisimlərin tədricən azalması ilə müəyyənləşdirilir. Bu, qeyri-
treponem seroloji reaksiyalarla təyin edilir (Respublikamızda
kardiolipin antigeni vasitəsi ilə MPR – mikropresipitasiya reaksiyası
aparılır, xarici ölkələrdə VDRL və RPR ilə müəyyən olunur) (C).
Erkən sifilisdə aparılmış müalicənin effektivliyinin
qiymətləndirilməsi
MPR anticisimlərinin müalicədən sonra bir il ərzində 4 dəfə
azalması müalicənin effektivliyini göstərir. MPR nəticələrinin
spesifik müalicədən 12 ay sonra müsbət qalması erkən sifilisdə təkrar
müalicənin aparılmasına göstərişdir. Bunun əksinə olaraq, gecikmiş
sifilisdə müsbət seroloji reaksiyalar aşağı titrdə uzun müddət qeyd
oluna bilər. Aparılmış tam antibiotik müalicəsindən sonra spesifik
antitreponem anticisimlər xəstənin zərdabında uzun illər qalır, belə
ki, bu, aparılmış terapiyanın qeyri-effektivliyini göstərmir. Sifilisin
müalicəsinin effektivliyinin göstəricisinə bunlar aiddir:
►
Seroneqativ statusa qayıdış və ya müalicədən bir il sonra
anticisim titrinin MPR-də dörd dəfə azalması.
ÜST-nin təkliflərinə əsasən aşağıdakı hallarda aparılmış spesifik
terapiya qeyri-effektiv hesab edilir:
►
Sifilisin klinik əlamətlərinin qalması və ya residiv verməsi.
►
Qeyri-spesifik seroloji reaksiyalarla müayinə zamanı ilkin
vəziyyətlə müqayisədə titrin davamlı olaraq 4 dəfə azalması
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
QEYRİ-TREPONEM TESTLƏR (D)
Qeyri-treponem testlərdə antigen olaraq kardiolipin, lesitin və
xolesterin qarışığından istifadə edilir. Bu testlər kütləvi skrininq üçün
istifadə edilməklə yanaşı, aparılan terapiyanın effektivliyini
qiymətləndirmək və reinfeksiya diaqnozunu təsdiq etmək üçün
yerinə yetirilir. Qeyri-treponem testlər follikulyasiya hadisəsinə
əsaslanır (reaksiyanın məhsulu lopa şəklində çökür). Bu testlərlə
təyin edilən solğun treponem lipidlərinə qarşı İgG və İgM
anticisimləri bərk şankr formalaşdıqdan təqribən 1 həftə sonra, qanda
yaranır. Qeyri-treponem testlərin üstünlüyü onların aşağı qiyməti,
texniki sadəliyi və nəticələrin alınmasının sürətliliyi ilə bağlıdır.
Reaksiyanın kəmiyyət variantında qoyulması və anticisim titrinin
təyin olunması, bu metodun reinfeksiya, residiv hallarının müəyyən
edilməsində
və ya aparılmış terapiyanın effektivliyinin
qiymətləndirilməsində tətbiqinə imkan verir. Bu testlərin tətbiqini
məhdudlaşdıran cəhətlər həssaslığın az olması və yalançı müsbət
nəticələr verməsidir.
Sifilisin seroloji diaqnostikasında
qeyri-treponem testlərin həssaslığı və spesifikliyi
Xəstəliyin müxtəlif dövrlərdə həssaslığı %
Reaksiyanın
tipi
Birincili
sifilis
İkincili
sifilis
Erkən
gizli
sifilis
Gecikmiş
sifilis
Spesifiklik
%
Qeyri-
treponem
MPR
81
(70-90)
91 94
(88-100)
70
(57-80)
98
(93-99)
VDRL
78
(59-87)
100 95
(88-100)
71
(37-94)
98
(96-99)
RPR 86
(77-100)
100 98
(95-100)
73
(57-85)
98
(93-99)
TRUST 85
(77-86)
100 98
(95-100)
------ 99
(98-99)
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |