Azərbaycan respublikasi döVLƏt neft şİRKƏTİ

MADDƏ 10

İŞİN TƏFTİŞİ, SINAQDAN KEÇİRİLMƏSİ VƏ DÜZƏLDİLMƏSİ

1. 
   Gizli (İçəridə qalan) işlərin qəbulu
   
   1. 
      İcra edilmiş bütün gizli işlər başa çatdıqdan sonra iş qəbul edilməli və müvafiq akt tərtib olunmalı və İR, Podratçı və Layihəçi tərəfindən imzalanaraq təsdiqlənməlidir.
      
   2. 
      Əgər akt tərtib edilmədən podratçı tərəfindən işlər davam etdirilərək gizli işlərin üstü örtülmüşdürsə İR tərəfindən bu sahədə işlər dayandırılmalı, gizli işlərin üstü açılmalı, görülmüş işlərdə qüsur aşkarlanarsa, onu aradan qaldırmaqla akt tərtib edilməlidir. Bu akt İR, Podratçı və Layihəçi tərəfindən imzalanaraq təsdiqlənməli və işlərə dava edilməlidir.
      
   3. 
      10.1.2 bəndində göstərilən işlər podratçının hesabına icra edilməlidir və Tikinti qrafikinə təsir etməməlidir.
      
2. 
   İşin aşkarlanması
   
   1. 
      Əgər hər hansı İş İnşaat Rəhbərinin razılığı olmadan təmin olunubsa, bu İş, İnşaat Rəhbəri tərəfindən tələb olunduğu təqdirdə, onun müşahidəsinə aşkar olunmalı və bundan sonra Podratçının hesabına Müqavilə Sənədlərinin tələblərinə uyğun olaraq tamamlanmalıdır.
      
   2. 
      Bu növ İşin artıq planlaşdırılmasından, həyata keçirilməsindən, və ya tamamlanmasından asılı olmayaraq, İnşaat Rəhbəri İşin əlavə təftişini və ya sınağını tələb edə bilər.
      
   3. 
      Əgər inşaat Rəhbəri görülmüş işin digərləri tərəfindən müşahidə olunmasını, təftişini yaxud sınaqdan keçirilməsini zəruri və ya məqsədəuyğun hesab edərsə, Podratçı, İnşaat Rəhbərinin sorğusu ilə, İnşaat Rəhbərinin İşin həmin hissəsini şübhəli hesab etdiyi təqdirdə bütün zəruri işçi qüvvəsini, material və ləvazimatları təmin etməklə müşahidə, təftiş yaxud sınaq üçün aşkarlamalı, nümayiş etdirməli və ya başqa yolla mümkün etməlidir. Əgər bu cür İşin Müqavilə Sənədlərinin tələblərinə cavab vermədiyi üzə çıxarsa, Podratçı mövcud aşkarlamanın, aydınlaşdırmanın, müşahidənin, təftişin və sınağın, həmçinin mühəndislərin, Layihəçilərin, müvəkilləri və digər mütəxəssislərin Xidmət Haqqı və xərcləri də daxil olmaqla kafi rekonstruksiyanın bütün bilvasitə, bilavasitə və digər zəruri, lakin bununla məhdudlaşmayan, xərclərini qarşılamalıdır. Həmçinin, bu cür İşin Müqavilə tələblərinə cavab verdiyi məlum olarsa, Podratçı bu cür aşkarlanma, aydınlaşdırma, müşahidə, təftiş, sınaq və rekonstruksiyaya bilavasitə əlavə olaraq Müqavilə qiymətində artım edə və ya Müqavilənin müddətini artıra, yaxud hər ikisini edə bilər.
      
3. 
   Müvafiq Olmayan İşin Düzəldilməsi və ya Aradan Qaldırılması
   
   1. 
      İnşaat Rəhbəri tələb etdiyi təqdirdə, Podratçı, təxirəsalınmaz şəkildə, göstərildiyi kimi, ya hazırlanmış, həyata keçirilmiş və ya tamamlanmış vəziyyətdə olmasından asılı olmayaraq, Müqavilə Sənədlərinin tələblərinə cavab verməyən bütün işləri düzəltməli, ya da əgər İş İnşaat Rəhbəri tərəfindən yararsız hesab olunubsa, onu yerləşmə yerindən kənarlaşdırmalı və Müqavilə Sənədlərinin tələblərinə cavab verən işlə əvəz etməlidir. Podratçı bu cür düzəlişin yaxud kənarlaşdırmanın bütün bilvasitə, bilavasitə və digər zəruri xərclərini, o cümlədən müvəkkillərin Xidmət Haqqıları və mühəndislərin, Layihəçilərin, müvəkkilləri və digər mütəxəssislərin, lakin bununla məhdudlaşmayan, xərclərini ödəməlidir.
      
4. 
   Bir İllik Qüsurların Aradan Qaldırılması Dövrü
   
   1. 
      Əgər, son tamamlanma tarixindən sonrakı 1 (bir) il və ya Azərbaycan Respublikası qanunlarında göstərilən bu cür daha uzun bir dövr ərzində, yaxud Müqavilə Sənədlərinin tələb etdiyi hər hansı müvafiq xüsusi zəmanətin şərtləri tərəfindən və ya Müqavilə Sənədlərinin hər hansı bir məxsusi müddəası tərəfindən, hər hansı İşin müqavilə Sənədlərinin tələblərinə cavab vermədiyi aşkar olunarsa, Podratçı təxirəsalınmaz şəkildə, Sifarişçiyə xərcsiz və İnşaat Rəhbərinin yazılı təlimatına müvafiq olaraq, Layihəçi tərəfindən hazırlanmış müvafiq layihə sənədləşməsinin müşayiəti ilə, ya bu İşi düzəltməli, yaxud əgər bu İş İnşaat Rəhbəri tərəfindən yararsız hesab olunubsa, onu yerləşmə yerindən kənarlaşdırmalı və Müqavilə Sənədlərinin tələblərinə cavab verən bir İşlə əvəz etməlidir. Əgər Podratçı bu təlimatların şərtlərinə təxirəsalınmaz şəkildə riayət etməzsə, yaxud yubanmanın ciddi itki və zərər risklərinə səbəb olduğu fövqəladə hallarda Sifarişçi münasib olmayan İşi düzəldə bilər, yaxud yararsız hesab edilmiş İşi kənarlaşdırmalı və əvəz etməli və bu kənarlaşdırmanın və əvəzolunmanın bütün bilvasitə, bilavasitə və digər zəruri xərcləri, o cümlədən mühəndislərin, Layihəçilərin, müvəkkillərin və digər mütəxəssislərin, lakin bununla məhdudlaşmayan, Xidmət Haqqı və xərcləri Podratçı tərəfindən qarşılanmalıdır. Xüsusi hallarda İşin əsaslı tamamlanmasından qabaq avadanlıqların hər hansı bir hissəsi uzunmüddətli bir xidmətə təqdim olunubsa, bu təqdirdə həmin hissənin bərpa olunma dövrü daha tez bir tarixdən başlaya bilər.
      
5. 
   Yararsız İşin Qəbul Olunması
   
   1. 
      İnşaat Rəhbəri, Layihəçinin məsləhəti ilə, yararsız İşin bərpası və ya kənarlaşdırılması əvəzinə bu İşin qəbul olunmasını və əvəz edilməsini tövsiyə edə bilər. Podratçı İnşaat Rəhbərinin və Layihəçinin bu İşi qiymətləndirməsindən və onu qəbul etmək qərarından yaranan bütün bilvasitə, bilavasitə və digər zəruri xərcləri qarşılamalıdır və bu xərclərə mühəndislərin, Layihəçilərin, müvəkkillərin və digər mütəxəssislərin, lakin bununla məhdudlaşmayan, Xidmət Haqları və xərcləri daxil olmalıdır. Əgər hər hansı bu cür qəbul olunma İnşaat Rəhbərinin son ödəniş tövsiyəsindən əvvəl baş verərsə, İşə görə Müqavilə Sənədlərinin labüd nəzərdən keçirilməsini əhatə edən dəyişiklik sərəncamı verilməlidir və Sifarişçi Müqavilə qiymətini azaltmaq hüququ əldə etməlidir. Əgər qəbul olunma bu tövsiyədən sonra baş vermişdirsə, bu azaltmanın miqdarı Podratçı tərəfindən Sifarişçiyə ödənilməlidir.
      

MADDƏ 11

ÖDƏNİŞLƏR VƏ TAMAMLANMA

10. 
    
    
    1. 
       Qiymətin Cədvəllə Bölüşdürülməsi
       
       1. 
          Hədəf Qiymət Sifarişçi və İnşaat Rəhbəri tərəfindən qəbul olunduqdan sonra, 8.2.5 Bəndində sadalanan nəzərdə tutulmuş cədvəl fəaliyyətlərin qiymətlərinin paylanması faktiki xərclərə əsaslanmaqla yenilənə bilər.
          
       2. 
          Podratçı tərəfindən hazırlanmış və Sifarişçi və İnşaat Rəhbəri tərəfindən “Faktiki Xərc Hesab Kitabı” qəbul olunduqdan sonra, 8.2.4 Bəndində göstərilən tamamlanmış fəaliyyətlər qrafiki üçün faktiki xərclərin paylaşdırılması məxaric səmərəliliyinin və Hədəf Qiymətlə müqayisədə podratçının məxaricə nəzarət həcmlərini qiymətləndirmək üçün hazırlanmalıdır.
          
    2. 
       Ödəniş üçün Ərizələr
       
       1. 
          Nəzərdə tutulan İşin başlanmasında sonra hər ay, Podratçı, əvvəlki ayda görülmüş işə görə Sifarişçi tərəfindən ödəniş üçün təsdiqlənmiş forma üçün aylıq sorğu hazırlamalıdır. Hər bir ödəniş sorğusu son ödəmə tarixindən qırx beş (45) gün öncədən, İnşaat Rəhbəri tərəfindən qiymətləndirilmək və Sifarişçi tərəfindən təsdiqlənmək üçün on beş (15 gün vaxt verməklə, təqdim olunmalıdır.
          
       2. 
          İnşaat Rəhbəri Podratçı tərəfindən təqdim olunmuş ödəniş sorğusunu, o cümlədən son ödəniş sorğusunu təhlil etməli və lazımi düzəlişlər etməlidir. İnşaat Rəhbəri Podratçının ödənişi ilə bağlı Layihəçi ilə məsləhətləşmələr apara bilər.
          

1. 
   İşin qiyməti anlayışı işin irəliləyişi ərzində ortaya çıxan və ödənilən bütün xərclər mənasını daşıyır. Bu qiymətlər yerli qiymətlərdən çox olmamalı və Əlavə Şərtlərdə Əlavə 2-da göstərilən Sabit Xidmət Haqqına aid xərclər xaric olmalıdır.
   

1. 
   Hər növbəti ödəniş vaxtından ən azı 5 (beş) gün əvvəl, lakin ayda bir dəfədən çox olmamaqla, Podratçı İnşaat Rəhbərinə İşin statusunu əks etdirən, ərizə tarixi ilə eyni olan və Müqavilə Sənədləri və İnşaat Rəhbəri tərəfindən tələb olunan sənədləşmələrlə birlikdə hesabat təqdim etməlidir. Podratçı İnşaat Rəhbəri ilə birgə işin faktiki gedişatı ilə onun planlaşdırılmış gedişatını müqayisə edən inşaat planı üzrə hesabat təqdim etməlidir. Gedişatın ödənişləri yuxarıda qeyd edildiyi kimi inşaat planı üzrə hesabata əsaslanmalı və “Faktiki Xərc Hesabının Qeydiyyatı” Podratçı tərəfindən hazırlanmalı və İnşaat Rəhbəri tərəfindən razılaşdırılmalıdır.
   
   1. 
      Proqres Dərəcəsinin Hesablanması: Qismən tamamlanmış fəaliyyətlərin gedişatı qismən tamamlanmış fəaliyyətin hədəf dəyərini İlkin Ümumi İnşaat Planına əsaslanan ilkin olaraq qiymətləndirilmiş plana görə tamamlanmış fəaliyyətin faizinə vurmaqla hesablanmalıdır.
      
   2. 
      Saxlanılan Materialların və Avadanlıqların Ödənişi üçün Ərizə: Əlavə şərtlərin 3-cü bəndinə müvafiq olaraq, əgər yerləşmə yerində və/yaxud yerləşmə yerindən kənarda saxlanılan materiallar və avadanlıqlar əsasında hər hansı ödəniş tələb olunursa, İnşaat Rəhbəri tələb edə bilər ki, həmin ərizə satış kağızı, hesab-faktura və Sifarişçinin materialları və avadanlıqları pulsuz və bundan sonra “girovlar” adlanacaq bütün girovlar, məxariclər, təhlükəsizlik faizləri və əmlaka görə qoyulan girov kağızları olmadan əldə etdiyinə zəmanət verən digər sənədləşmələr tərəfindən və həmçinin Sifarişçinin maraqlarını müdafiə etmək üçün materialların və avadanlıqların müvafiq mülkiyyət sığortası və digər tədbirlər tərəfindən qarşılandığını göstərən dəlillər tərəfindən müşayiət olunmalıdır ki, bunların hamısı Sifarişçi üçün qənaətbəxş olmalıdır.
      
   3. 
      Proqres Ödənişinin Saxlanılması: proqres ödənişinə nəzərən yubadılma miqdarı (Sabit Xidmət Haqqının __ %) Müqavilə Sənədlərinin 11.2.4 Bəndində olduğu kimi göstərilməlidir. Saxlanılan ödənişə hər hansı faiz hesablanmayacaq. .
      
   4. 
      Proqres ödənişinə görə Xidmət Haqqının Gecikdirilməsi: Sifarişçi ilə İnşaat Rəhbərini uzlaşdıran “Ödənişin Qiymətləndirilməsi Şurası” Podratçının İşinin İcraatı dövrünün Qiymətləndirilməsindən asılı olaraq Xidmət Haqqı bütünlüklə və ya onun bir hissəsini saxlamaq hüququ vardır. Şuranın qərarı Podratçının qeyri-kafi fəaliyyətinin qəbul olunan səviyyədə aradan qaldırılmasını təsdiq etdikdə, Podratçıya ödəniş edilməlidir.
      
2. 
   Podratçı zəmanət və təminat verir ki, Layihəyə cəlb olunan və ya olunmayan, hər hansı ödəniş ərizəsi tərəfindən qarşılanan bütün işlərin, material və avadanlıqların mülkiyyət hüququ ödəniş vaxtından gec olmayaraq, əvəzi ödənilmədən və girov qoyulmadan Sifarişçi ilə keçməlidir.
   
3. 
   İnşaat Rəhbəri Podratçı tərəfindən icra olunan İş vahidinin dəyərinin faktiki kəmiyyətini və təsnifatını müəyyən etməlidir. Podratçı İnşaat Rəhbərinin bu kəmiyyətlər və hədəf qiyməti barədə ilkin qərarlarını nəzərdən keçirməlidir. Əgər İnşaat Rəhbərinin bu cür hər hansı qərarının tarixindən sonrakı 5 (beş) gün ərzində Podratçı İnşaat Rəhbərinin qərarından, əgər varsa, şikayət vermək istəyi barədə yazılı bildiriş təqdim etməzsə, İnşaat Rəhbərinin qərarı Podratçı üçün yekun və icbari olmalıdır.
   
1. 
   Ödəniş üçün Tövsiyələr
   
   1. 
      Hər ödəniş ərizəsinin qəbzindən sonrakı on beş (15) gün ərzində İnşaat Rəhbəri ya ödəniş üçün yazılı şəkildə tövsiyə yazıb onu ərizə ilə birlikdə Sifarişçiyə təqdim etməli, ya da rədd edilən ödənişin səbəblərini yazılı şəkildə göstərməklə həmin ərizəni Podratçının özünə qaytarmalıdır. Sonuncu halda, Podratçı zəruri düzəlişləri etməli və ərizəni yenidən təqdim etməlidir.
      
2. 
   Proqres Ödənişinin Yoxlanması
   
   1. 
      Sifarişçi Podratçının ödəniş ərizəsi ilə əlaqədar olaraq İnşaat Rəhbərinin tövsiyələri əsasında “Faktiki Dəyər Hesabının Qeydiyyatı” ilə yoxlanılıb yekun vurulmuş faktiki dəyər hesabı üzrə proqres ödənişini etməlidir. Qazanılmış hesaba nəzərən yoxlanılmış faktiki dəyərin hər hansı ləngiməsi sonrakı ərizə ilə, idarəetməni və plan gedişatını təkmilləşdirmək şərtləri altında Sifarişçinin və İnşaat Rəhbərinin səlahiyyəti ilə ödənilə bilər. İşin proqresi ilə bağlı bütün ödənişləri Müqavilə Sənədlərində bəyan edildiyi kimi hər ayın günündə ödənilməlidir.
      
   2. 
      Müqavilə Sənədlərinin ciddi tələbləri əsasında, ödəniş ərizələri üzrə İnşaat Rəhbərinin tövsiyələri, və ya işin gedişatının hər hansı ödənişi və ya Sifarişçi tərəfindən Layihənin istifadə olunması Podratçını bütün İşlərin təmin olunması və icra olunması öhdəliklərindən azad etməməlidir.
      
3. 
   Mülkiyyətin istifadə hüquqları
   
   1. 
      Müqavilə Sənədlərinə əsasən, Podratçı İşi və İşin icra olunacağı yerləşmə yerini təmin olunmuş işçi qüvvəsi və materialları bütün növ yüklülükdən azad saxlamalıdır. Müqavilə Sənədlərinin tərkibinə zidd olmasına baxmayaraq, hər hansı bir şəkildə, əgər hər hansı bu cür istifadə hüququ qeydə alınıbsa və ya təsdiq olunubsa yaxud İşin gedişatı dövründə və ya bu Müqavilənin davam etdiyi dövr ərzində hər hansı yüklülük qeydə alınması və ya təsdiq olunmasına inanmaq üçün istənilən səbəb olarsa, Sifarişçi Podratçıya ödəməli olduğuna baxmayaraq, hər hansı ödəniş etməkdən imtina edə bilər və ya Sifarişçinin yetərli hesab etdiyi məbləği Podratçıya ödəməli olduğu ödənişdən tuta bilər və ya belə yüklülük hüququnu təmin etmək üçün tələb olunan bütün öhdəlik və məsrəfləri qarşılamaqdan imtina edə bilər və Müqaviləyə Podratçıya heç bir xərc ödəmədən xitam verə bilər.
      
   2. 
      Müqavilə Sənədlərinə əsasən, Podratçıya edilməli olan son ödəniş İşin və İşin icra olunacağı sahənin icra olunmuş İşə və təmin olunmuş materiallara görə yaranan bütün və hər hansı yüklülük hüquqlarından tam azad olunana qədər ödənilməyə bilər.
      
4. 
   Tutulmuş Ödənişlər
   
   1. 
      İnşaat Rəhbəri ödənişi təsdiq etməkdən imtina edə bilər və Sifarişçi Podratçıya ödəniş etməkdən imtina edə bilər yaxud, sonradan aşkar olunmuş faktlara və ya nəticələrə görə, Sifarişçini itkilərdən və zərərlərdən mühafizə etmək üçün İnşaat Rəhbərinin fikri ilə tələb olunan səviyyədə əvvəlcədən qəbul olunmuş hər hansı ödəniş tövsiyəsini aşağıdakı hallara əsasən geri götürə bilər:
      
      1. 
         Bütün İş və ya onun bir hissəsi Müqavilə Sənədlərinin tələblərinə cavab vermir.
         
      2. 
         Podratçı, və ya onun hər hansı subpodratçıları, təchizatçılar yaxud hər hansı İşi icra və təmin edən hər hansı şəxs və ya təşkilat digər podratçılara və ya Sifarişçiyə zərər vurubsa və ya əsaslı fakt səbəbindən Podratçı digər podratçılara və ya Sifarişçiyə zərər vurubsa;
         
      3. 
         İşin gedişatı Podratçının Tikinti Planı ilə uyğun gəlmir;
         
      4. 
         Podratçı işçilərə, subpodratçılara və ya təchizatçılara vaxtında və müvafiq ödənişləri etməyə müvəffəq olmursa;
         
      5. 
         Yüklülük qeydə alınıb və ya təsdiq olunub yaxud İşin hər hansı hissəsinə münasibətdə yüklülük hüququnun qeydə alınmasının və ya təsdiq olunmasının mümkünlüyünə inanmaq üçün səbəb var; və ya
         
      6. 
         İşlə əlaqədar Podratçıya qarşı iddialar qeydə alınıb və ya təsdiq olunub, yaxud bu cür iddiaların mümkün qeydə alınmasını və ya təsdiqlənməsini göstərən əsaslı dəlil var.
         
   2. 
      Əgər Podratçı ödənişin imtina olunması üçün hər hansı səbəbi Sifarişçinin seçiminə həvalə edərsə, Sifarişçi İnşaat Rəhbəri tərəfindən tövsiyə olunan məbləği xüsusilə ödənilməli olduğu Podratçıya qərəzsiz ödəməlidir.
      
5. 
   Əsaslı Tamamlanma
   
   1. 
      İnşaat Rəhbəri Layihəçi ilə məsləhətləşmədən sonra İşin əsaslı tamamlanması zamanını müəyyən etməlidir. Podratçı İşin nəzərdə tutulan istifadə üçün hazır olduğunu hesab etdiyi təqdirdə, Podratçı İnşaat Rəhbərini yazılı şəkildə İşin əsaslı şəkildə tamamlanması barədə xəbərdar etməli İnşaat Rəhbərinin Əsaslı Tamamlanma Şəhadətnaməsini təqdim etməyi tələb etməlidir. Bundan sonra müvafiq bir zaman ərzində, İnşaat Rəhbəri və Layihəçi Sifarişçi və Podratçı ilə birlikdə tamamlanmanın statusunu müəyyən etmək üçün təftiş aparmalıdırlar. Əgər İnşaat Rəhbəri, Layihəçi ilə məsləhətləşmədən sonra, İşi əsaslı tamamlanmış hesab etməsə, İnşaat Rəhbəri Podratçını yazılı şəkildə səbəbləri göstərməklə xəbərdar etməlidir. Əgər İnşaat Rəhbəri İşi əsaslı tamamlanmış hesab edərsə, İnşaat Rəhbəri Əsaslı Tamamlanma Şəhadətnaməsini hazırlamalı və Sifarişçiyə çatdırmalıdır. Burada şəhadətnaməyə son tamamlanmadan əvvəl yekunlaşdırılmalı və ya düzəldilməli olan hissələrin siyahısı əlavə olunmalıdır. Podratçıya siyahıdakı hissələri tamamlamaq və ya düzəltmək üçün icazə verilməlidir. Əsaslı Tamamlanma Şəhadətnaməsi çatdırılarkən və Tərəflər arasında Təhvil-Təslim Aktı imzalanmalıdır, İnşaat Rəhbəri Podratçıya mühafizə, nəzarət, təhlükəsizlik, texniki xidmət, istilik, kommunal xidmətlər, sığorta və zəmanət üzrə Sifarişçi ilə Podratçı arasında son ödəniş barədə öhdəliklərin bölgüsü üzrə yazılı tövsiyə çatdırmalıdır. Bu tövsiyə Podratçıya son ödəniş olunana qədər icbari olmalıdır.
      
6. 
   Qismən İstifadə
   
   1. 
      İşin əsaslı tamamlanmasından əvvəl Sifarişçi İşin Müqavilə Sənədlərində məhz bu hissəsi üçün nəzərdə tutulan, yaxud Sifarişçi tərəfindən Podratçının İşin qalan hissəsini icra etməsinə müdaxilə etməyən və İşin ayrılıqda tətbiq oluna bilən və faydalı hissəsini təşkil etdiyi barədə İşin Sifarişçinin, İnşaat Rəhbərinin və Podratçının razılaşdığı hər hansı tamamlanmış hissəsini istifadə edə bilər. İnşaat Rəhbəri istənilən vaxt Podratçıdan Sifarişçiyə İşin hər hansı bu cür hissəsindən istifadə etməsi üçün icazə verməsini tələb edə bilər. Bu cur tələbdən sonra müvafiq bir zaman ərzində Sifarişçi, Podratçı və İnşaat Rəhbəri İşin həmin hissəsini onun tamamlanma statusunu müəyyən etmək üçün təftiş etməlidirlər.
      
      1. 
         Əgər İnşaat Rəhbəri İşin istifadə olunacaq hissəsini əsaslı olaraq tamamlanmış hesab edərsə, 11.8.1 Bəndinin müddəaları İşin həmin hissəsi üçün Əsaslı Tamamlanma Şəhadətnaməsi üzrə, öhdəlik bölgüsü bununla bağlı və çıxış isə bununla yanaşı tətbiq olunmalıdır.
         
      2. 
         Əgər İnşaat Rəhbəri İşin həmin hissəsinin əsaslı tamamlanmamış olduğunu hesab edərsə, İnşaat Rəhbəri və Layihəçi tamamlanmalı və düzəldilməli olan hissələrin siyahısını hazırlamalı və İnşaat Rəhbəri Podratçıya həmin siyahını, həmçinin mühafizə, nəzarət, təhlükəsizlik, texniki xidmət, kommunal xidmətlər, sığorta, təminat və zəmanət üzrə Sifarişçi ilə Podratçı arasında son ödəniş barədə öhdəliklərin bölgüsü üzrə yazılı tövsiyə çatdırmalıdır. Bu tövsiyə Sifarişçinin təyin olunmuş hissələri istifadə etməyə bağladığı müddətdə Podratçı üçün icbari olmalıdır. Bu istifadə ərzində və İşin təyin olunmuş hissəsinin əsaslı tamamlanmasından əvvəl Podratçıya siyahını tamamlamaq və ya düzəliş etməyə və digər aidiyyatı işləri tamamlamağa icazə verilməlidir.
         
      3. 
         Mülkiyyət sığortasına əsasən, İşin hissəsinin hər hansı kirayəsi, istifadəsi və ya ayrılıqda tətbiq olunması 12.3.3 Bəndinin tələblərinə cavab vermədən tamamlanmamalıdır.
         
7. 
   Yekun Təftiş
   
   1. 
      İnşaat Rəhbəri, Layihəçi ilə məsləhətləşmədən sonra, İşin son olaraq nə vaxt tamamlanacağını müəyyən etməlidir. Podratçı tərəfindən bütün İşin və ya onun razılaşdırılmış hissəsinin tamamlanması barədə yazılı bildiriş aldıqdan sonra, İnşaat Rəhbəri Sifarişçi və Podratçı ilə birlikdə son təftiş həyata keçirməli və İşin hər hansı hissəsinin Müqavilə Sənədlərinin tələblərinə cavab vermədiyi barədə Podratçıya yazılı bildiriş verməlidir. Podratçı bu çatışmazlıqları aradan qaldırmaq üçün dərhal zəruri ölçüləri götürməlidir. Son Tamamlanma Şəhadətnaməsi (Təhvil-Təslim Aktı) və ya son ödəniş bu çatışmazlıqlar aradan qaldırılmayana kimi həyata keçirilməməlidir.
      
8. 
   Ödəniş üçün Son Ərizə
   
   1. 
      Podratçı bütün İşləri İnşaat Rəhbərinin qənaətində tamamladıqdan sonra və bütün texniki xidmət və istismar instruksiyalarını, Tikilmə planlarını, inşaat üçün yoxlanış sertifikatını, ehtiyat hissələrini, İstismar və Texniki Xidmət kitabçalarını, Sifarişçinin personalı üçün İstismar və Texniki Xidmət Seminarlarını, planları, zəmanətləri, razılaşmaları, təftiş sertifikatlarını, qiyməti artırılmış qeyd sənədlərini, çatışmazlıq öhdəlikləri üçün zəmanət forması və Müqavilə Sənədləri tərəfindən tələb olunan digər sənədləri çatdırdıqdan sonra və İnşaat Rəhbərinin İşin Müqavilə Sənədlərin ilə uyğunluğunu təsdiqlədikdən sonra Podratçı işin gedişatı üçün ödəniş proseslərinə uyğun olaraq ödəniş üçün ərizə təqdim edə bilər.
      
   2. 
      Ödəniş üçün son ərizə Müqavilə Sənədlərinin tələb etdiyi bütün sənədləşmələr, həmçinin İşdən meydana gələn və ya İlə bağlı bütün istifadə hüquqlarının tamamilə və hüquqi cəhətdən effektiv azad olunması və ya imtina olunması ilə müşayiət olunmalıdır.
      
9. 
   Son Ödəniş
   
   1. 
      İşin inşaatı dövründə İnşaat Rəhbərinin müşahidəsi, onun son təftişi və Müqavilə Sənədlərinin tələb etdiyi ödəniş ərizəsinin yoxlanılması və sənədləşmələrin müşayiət olunması əsasında, və Sifarişçinin və İnşaat Rəhbərinin İşin tamamlanması və Podratçının digər öhdəliklərinin Müqavilə Sənədləri əsasında həyata keçirilməsi barədə razılığı əsasında, İnşaat Rəhbəri son ödəniş ərizəsinin qəbulundan sonra on (10) gün ərzində Sifarişçiyə yazılı şəkildə ödəniş tövsiyəsi təqdim etməli və Son Tamamlanma Sertifikatı təsdiqləməlidir. Ərizənin Sifarişçiyə təqdim olunmasından və sənədləşmənin müşayiətindən otuz (30) gün sonra müvafiq forma və tərkibdə və İnşaat Rəhbərinin tövsiyəsi və Son Tamamlanma Sertifikatı (Təhvil-Təslim Aktı) ilə birlikdə, İnşaat Rəhbərinin tövsiyə etdiyi məbləğ önə çəkilməli və Sifarişçi tərəfindən Podratçıya ödənilməlidir.
      
   2. 
      Əgər Podratçının heç bir səhvi olmadan, işin son tamamlanması nəzərə çarpacaq qədər təxirə salınırsa, və əgər İnşaat Rəhbəri bu yubanmanı təsdiqləyirsə, Podratçının son ödəmə ərizəsi və İnşaat Rəhbərinin tövsiyəsi üzrə, Razılaşmaya xitam vermədən, Sifarişçi İşin tamamlanmış hissəsinə görə ödəniş edə bilər.
      
10. 
    Podratçının Davamlı Öhdəliyi
    
    1. 
       Podratçının Müqavilə Sənədlərinə uyğun olaraq İşi icra etmək və tamamlamaq öhdəlikləri mütləq olmalıdır. Nə hər hansı işin gedişatı və ya son ödəniş üzrə İnşaat Rəhbərinin tövsiyəsi, nə Əsaslı və ya Son Tamamlanma Sertifikatının verilməsi, nə Sifarişçi tərəfindən Podratçıya hər hansı ödəniş, nə İşin və ya onun hər hansı hissəsinin Sifarişçi tərəfindən hər hansı istifadəsi və ya kirayəsi, nə də hər hansı işçi çertyojunun, nümunəsinin hər hansı yoxlanışı və ya təsdiqlənməsi və ya digər təsdiqolunma Podratçını İşi Müqavilə Sənədlərinin bütün tələbləri ilə yerinə yetirmək öhdəliklərindən azad etməməlidir.
       
11. 
    Son Tamamlanma
    
    1. 
       Əgər podratçı tikintini Müqavilə Vaxtında bitirməyə nail olmursa, yubanma zərərlərinin aradan qaldırılması üçün podratçı yubanmanın hər bir tam ayı üçün təsdiqlənmiş Hədəf Qiymətin 0.01% (sıfır tam yüzdə bir) dəyərində nağd pulla Sifarişçiyə, bu aradan qaldırılmış zərərlər son Hədəf Qiymətin 10%-dən (on faiz) çox olmadığı təqdirdə, məbləğ ödəməlidir. Aradan qaldırılmış bu zərərlərin ödənilməsi Podratçını bu Müqaviləyə uyğun olaraq Xidmətləri tamamlamaq öhdəliyindən azad etməməlidir
       
12. 
    İddialardan İmtina
    
    1. 
       Son ödənişin edilməsinə və qəbuluna aşağıdakılar aid olmalıdır:
       
       1. 
          Həll olunmamın hüquqlarından başqa , 11.10.1 Bəndinə əsasən aparılmış son təftişdən sonra yaranan qüsurlu İşdən və ya Müqavilə Sənədləri ilə yaxud burada qeyd olunmuş hər hansı xüsusi zəmanətlərin şərtlərinə uyğunsuzluqdan yaranan iddialar istisna olmaqla, Sifarişçi tərəfindən Podratçıya qarşı bütün iddialardan imtina; və
          
       2. 
          Müqavilə Sənədləri altında Son ödənişin edilməsinə və qəbuluna Podratçının davamlı öhdəlikləri üzrə Sifarişçi tərəfindən hər hansı hüquqlarından imtina demək deyildir; və
          
       3. 
          Podratçı tərəfindən Sifarişçiyə qarşı bütün iddiaların imtina edilməsi.
          

MADDƏ 12

ÖHDƏLİK VƏ MÜLKİYYƏT SIĞORTASI

10. 
    
    
    1. 
       Podratçının Məsuliyyət Sığortası
       
       1. 
          Podratçı, hər hansı subpodratçı və ya onların bilvasitə və ya bilavasitə işə götürdükləri şəxslər tərəfindən və ya onların hərəkətlərinə cavabdeh olacağı hər hansı bir şəxs tərəfindən İşin icra və təmin olunmasından asılı olmayaraq, Podratçı belə icra və təmin olunmaqda olan İşə uyğun olan və Müqavilə Sənədlərinə əsasən Podratçının İşi icra etməsi və digər öhdəliklərinin nəticəsində meydana çıxan aşağıdakı iddialardan müdafiə etməli olan ümumi ticari öhdəliyi və digər sığortanı almalı və təmin etməlidir:
          
          1. 
             İşçilərin kompensasiyası, əlillik müavinətləri və digər oxşar işçi müavinəti aktları üçün İddialar;
             
          2. 
             Bədən xəsarəti, peşə xəstəliyi və ya Podratçının işçilərinin xəstəliyinə və ya ölümünə səbəb olan zərərlərin qarşılığının ödənilməsi üçün İddialar;
             
          3. 
             Podratçının işçilərindən savayı hər hansı şəxsin bədən xəsarəti, xəstəliyi və ya ölümü və ya xəstəliyinə səbəb olan zərərlərin qarşılığının ödənilməsi üçün İddialar;
             
          4. 
             Hər hansı şəxs tərəfindən Podratçı və ya hər hansı başqa bir şəxs tərəfindən başqa bir səbəbə görə belə şəxsin işə götürülməsi ilə bilavasitə və ya dolayı yolla əlaqəli olan hərəkətin nəticəsində istənilən şəxs tərəfindən təmin olunan şəxsiyyətin təhqir olunması öhdəliyi kompensasiyası ilə sığortalanan zərərlər üzrə iddialar;
             
          5. 
             İşə aid olmayan və harada yerləşməsindən asılı olmayaraq maddi mülkiyyətin məhv edilməsi və ona zərər vurulması, o cümlədən onların istifadəsindən qaynaqlanan itkinin zərərləri üzrə iddialar;
             
          6. 
             Bədən xəsarəti və ya hər hansı şəxsin ölümü və ya mülkiyyət zərərinə səbəb olan zərərlər barədə qanunların və ya nizamnamələrin icrası zamanı yaranan İddialar; və
             
          7. 
             Hər hansı avtomaşının lığı, istismarı və ya istifadəsi zamanı baş verən bədən xəsarəti və ya hər hansı şəxsin ölümü və ya mülkiyyət zərərinin qarşılığının ödənilməsi üçün İddialar.
             
          8. 
             Bu Bənddə tələb olunan sığortaya spesifik kompensasiyalar daxil olmalı və Müqavilədə təmin olunan və ya qanunun tələb etdiyi, hansı böyükdürsə, öhdəlik limitləri və kompensasiyalardan az olmamaqla yazılmalıdır. Ümumi ticari sığortaya tamamlanmış əməliyyatların sığortası aid olmalıdır. Alınması və təmin olunması tələb olunan bütün sığorta siyasətlərinə ləğv olunmayacaq, material olaraq dəyişdirilməyəcək və ya yeniləşməsi yazılı bildiriş İnşaat Rəhbərinə təsdiqlənmiş e-poçt vasitəsilə veriləndən otuz (30) gün qabaq imtina olunan kompensasiyaya şərait yaradan hər hansı müddəa daxil olunmalıdır. Bütün belə sığortalar son ödəniş edilməsinə və Podratçının işlə bağlı düzəlişləri, nöqsanları aradan qaldıracağı müddətə qədər qüvvədə qalacaq.
             
          9. 
             Podratçı tamamlanmış əməliyyat sığortalarını son ödəniş tarixindən ən azı iki (2) il müddətinə təmin etməli və son ödəniş vaxtında və ondan bir (1) il sonrakı müddətdə İnşaat Rəhbərini bu sığortanın davamlılığı barədə sübutla təchiz etməlidir.
             
    2. 
       Müqavilə Məsuliyyətinin Sığortası
       
       1. 
          Bu Sazişin şərtləri altında 12-ci Bənddə tələb olunan komersiya ümumi məsuliyyət sığortasına Podratçının öhdəliklərinə müvafiq olaraq, müqavilə məsuliyyəti sığortası daxil olmalıdır.
          
    3. 
       Mülkiyyət Sığortası
       
       1. 
          Podratçı İşlərin sığortalanacaq tam dəyəri üçün mülkiyyət sığortasını alacaq və təmin edəcək. bu sığorta siyahıda sadalanan bütün sığortalanmış və əlavə olaraq sığortalanan şəxsləri, yəni, Sifarişçi, Podratçı, Subpodratçı, İR, Layihəçi, eləcə də, İR və Layihəçiun məsləhətçilərinin maraqlarını qoruyacaq məbləğdə olmalıdır. Bu sığorta, İnşaatçının mühüm Riskləri üzrə yazılacaq və ya İşlərin, müvəqqəti tikililərin, taxta şalban materialları, tranzit işləri üzrə fiziki itki və zərərlərin sığortalanmasını əhatə edəcək itki üsulu formasının təhlükə və xüsusi səbəblərini açıqlayacaq, o cümlədən, ən azı aşağıda göstərilən itkilərin təhlükə və xüsusi səbəblərini sığortalayacaq: yanğın, ildırım, qəsdən zərər vermə, oğurluq, vandalizm, zəlzələ, uçqun, inşaat qalıqlarının təmizlənməsi, qanun-qaydaların tətbiq edilməsi ilə meydana çıxan dağıntı, su zərəri və Əlavə Şərtlərlə tələb oluna biləcək xüsusi digər itki səbəbləri və təhlükələri; sığortalanmış istənilən bir mülkiyyətin (İR və Layihəçiun haqları və xərcləri də daxil olmaqla, lakin bunlarla məhdudlaşmayan); və İşlərə əlavə edilməmişdən əvvəl Sifarişçi tərəfindən yazılı olaraq razılaşdırılan iş sahəsində və ya digər ərazidə saxlanılan material və avadanlıqları əhatə edəcək, yalnız o şərtlə ki, material və avadanlıqlar İR-nin tövsiyə etdiyi ödəniş müraciətinə daxil edilməlidir. Bundan əlavə, Podratçı sığortalanmış istənilən itkinin səbəb olduğu, eləcə də, sığortalanmış mülkiyyətin bərpası və dəyişdirilməsi zamanı meydana çıxan zərər-ziyanların və xərclərin kompensasiyalarını təmin edəcək.
          
       2. 
          Bununla bağlı Podratçı tərəfindən təmin olunacaq bütün lazımi sığorta metodları və ya şəhadətnamələri və digər dəlillər, 12.6-cı paraqrafda göstərilən imtina şərtlərindən də ibarət olacaq.
          
       3. 
          Sifarişçi Podratçının, subpodratçıların və ya İşə cəlb olunmuş digər şəxslərin mənafelərini qorumaq üçün mülkiyyətin sığortalanmasını təmin etməyə dair cavabdehlik daşımamalıdır.
          
       4. 
          Əgər Sifarişçi İşlərin əsaslı şəklidə tamamlanmasından əvvəl onun bir və ya bir neçə qisminin istismarını və ya istifadəsini zəruri hesab edirsə, o zaman bu həyata keçirilə bilər, yalnız o şərtlə ki, mülkiyyətin sığortalanmasını həyata keçirən sığorta idarəsi bildirişi qəbul etməmişdən və bununla bağlı tələb olunan kompensasiya dəyişikliklərini yazılı şəkildə yerinə yetirməmişdən əvvəl belə bir istismar və ya istifadə başlanılmır. Mülkiyyətin sığortalanmasını həyata keçirən sığorta idarəsi bunu təsdiq etməlidir, lakin mülkiyyətin sığortası bu qismən istifadə və ya istismara görə nə təxirə salınmalı, nə də buraxılmalıdır.
          
    4. 
       Sığorta Şəhadətnaməsinin Çatdırılması
       
       1. 
          İşin yerləşmə yerində başlanmasından əvvəl, Podratçı İnşaat Rəhbəri vasitəsilə Sifarişçiyə Podratçının almalı və təmin etməli olduğu sığorta və kompensasiya limitlərini əks etdirən sığorta şəhadətnaməsini çatdırmalıdır.
          
    5. 
       Sifarişçinin Sığortası
       
       1. 
          Sifarişçi öz öhdəçilik sığortasının alınmasına və təmin olunmasına cavabdeh olmalıdır və, Sifarişçinin seçimi ilə, Sifarişçini bu Müqavilə Sənədləri daxilindəki əməliyyatlar zamanı yarana bilən hər hansı iddiadan müdafiə etmək üçün bu sığortanı ala və həyata keçirə bilər.
          
    6. 
       Subroqasiyadan İmtina
       
       1. 
          Podratçı təmin olunmuş sığorta ilə əhatələnən istənilən təhlükənin törətdiyi itki və zərərlərə görə bir-birləri əleyhinə hüquqlarından və belə zərər və ziyanlara görə sığortalanmış Subpodratçılar, İR, Layihəçi, İR-nin və Layihəçiun məsləhətçiləri əleyhinə bütün belə hüquqlardan imtina edir. Yuxarıda qeyd olunan imtinaların heç biri, benefisiar kimi Sifarişçinin sahib olduğu sığorta gəlirlərindən və ya digər vasitələrlə ediləcək ödənişlərdən sığortalanmış digər tərəflərin heç birinin istifadə etməsi hüquqlarını əhatə etməyəcək.
          

MADDƏ 13

XİTAM VERİLMƏ

10. 
    
    
    1. 
       Podratçı tərəfindən Maddi-mənfəətə Xitam Verilməsi
       
       1. 
          Əgər, Podratçının heç bir hərəkəti və ya səhvi olmadan, İş Sifarişçi tərəfindən yüz səksən (180) gündən artıq bir dövr ərzində təxirə salınırsa və ya əgər son olaraq müəyyən edilmiş verməli olduğu məbləği altmış (60) gün ərzində ödəyə bilmirsə, Podratçı yeddi (7) günlük yazılı bildiriş ilə bu Müqaviləyə xitam verə və ya bütün icra olunmuş İş üçün ödənişi və ayrılmış hər hansı məsrəfi, həmçinin müvafiq xitam məsrəflərini Sifarişçidən geri ala bilər.
          
       2. 
          Bu Bəndin şərtləri Podratçını 16.5.3 Bəndinə əsasən İşləri Podratçının İnşaat Planına uyğun olaraq və Sifarişçi ilə mübahisələr dövründə gecikmədən icra olunması öhdəliklərindən azad etməməlidir.
          
    2. 
       Sifarişçinin İstəyi ilə Xitam
       
       1. 
          Sifarişçi yeddi (7) günlük yazılı bildiriş ilə səbəbsiz və hər hansı hüquqa və ya tədbirə zərər vurmadan İşdən imtina edilməsinə və bu Müqavilənin xitam verilməsinə qərar verə bilər.
          
       2. 
          13.2.1 Bəndinə əsasən xitam verildiyi halda Podratçıya icra olunmuş bütün İşlərə görə ödəniş olunmalı və Podratçı tərəfindən bu Müqaviləyə uyğun olaraq çəkilmiş məsrəflər və bilavasitə xərclər ödənilməlidir.
          
    3. 
       Müqavilə Öhdəliklərinin Yerinə Yetirməməyə Görə Xitam
       
       1. 
          Bu Müqaviləyə müqavilə öhdəliklərinin yerinə yetirilməməsinə görə aşağıdakı halların hər hansı biri baş verdikdə xitam verilə bilər:
          
          1. 
             Əgər Müqavilə hal-hazırda və bundan sonra qüvvədə olan Azərbaycan Respublikasının müflisləşmə və iflas haqqında qanununa görə müflisləşmə üçün künüllü müraciət edərsə, və ya əgər Podratçı vəsatət (ərizə) buna bərabər və ya oxşar bir addım atarsa;
             
          2. 
             Əgər Azərbaycan Respublikasının müflisləşmə və iflas haqqında müddəalarına əsasən Podratçı əleyhinə iddia və ya indi və bundan sonra qüvvədə olan buna ekvivalent bir məcəllə qəbul olunarsa və ya həmin vaxtda müflisləşmə və iflasla bağlı hər hansı digər dövlət qanununa əsasən Podratçı əleyhinə belə ekvivalent və ya buna oxşar məqsədli iddia qəbul olunarsa;
             
          3. 
             Əgər Podratçıya hər hansı inzibatçı müvafiq qanun və ya müqavilə əsasında təyin olunubsa, hansı ki Podratçının mülkiyyətinə olan səlahiyyəti öz əlinə götürməsi bu mülkiyyətdən istifadə hüququnu əldə etmək və ya Podratçının kreditorlarının xeyrinə bu mülkiyyətə ümumi rəhbərlik məqsədi daşıyır;
             
          4. 
             Əgər Podratçı ödəməli olduğu borcları ümumiyyətlə ödəyə bilmədiyini yazılı şəkildə təqdim edərsə;
             
          5. 
             Əgər Podratçı Müqavilə Sənədlərinə müvafiq İşin icra olunmasına nail olan bilmirsə, həmçinin, lakin bununla məhdudlaşmayan, ixtisaslı işçiləri və ya münasib materialları və ya avadanlıqları kifayət qədər təmin edə bilmirsə və ya 8.2 Bəndində nəzərdə tutulan tikinti planlaşdırılması öhdəliklərini icra edə bilmirsə;
             
          6. 
             Əgər Podratçı səlahiyyətli hər hansı dövlət orqanlarının qaydalarına riayət etməzsə;
             
          7. 
             Əgər Podratçı İnşaat Rəhbərinin səlahiyyətlərini və göstərişlərini nəzərə almırsa və imtina edirsə; və ya
             
          8. 
             Əgər Podratçı Müqavilə Sənədlərinin hər hansı müddəasını əsaslı şəkildə pozduqda.
             
       2. 
          Aşağıdakı halların hər hansı biri baş verdikdə, Podratçının təsisçilərinin dəyişiklikləri haqqında Bildirişlər Podratçı tərəfindən yazılı şəkildə təqdim olunmalıdır:
          
          1. 
             Podratçı onun təsisçilərində dəyişikliyin baş verdiyi və ya dəyişiklik olmasının labüd olduğu halda, hansı ki mühasibat uçotunda onun kapitallaşdırılmış aktivlərinin qiymətləndirilməsində dəyişikliyə səbəb ola bilər, Sifarişçi otuz (30) gün ərzində xəbərdar etməlidir.
             
          2. 
             Podratçı həmçinin təsisçilərin dəyişilməsi nəticəsində aktivlərin qiymətləndirilməsində dəyişikliklər və ya hər hansı dəyər dəyişikliyi baş verdikdə və baş verməsi labüd olduqda, Sifarişçini otuz (30) gün ərzində xəbərdar etməlidir.
             
          3. 
             Podratçı;
             
             1. 
                Aktivlərin və onların dəyərləri üzrə cari, düzgün və bütöv inventar qeydlərini təmin etməli;
                
             2. 
                Sifarişçiyə və ya təyin edilmiş nümayəndəyə sorğu üzrə qeydlərə mövcud çıxışı təmin etməli;
                
             3. 
                Podratçının lığının hər dəyişilməsindən əvvəl və sonra bütün fərdi və qruplaşdırılmış aktivlərin, onların kapitallaşdırılmış dəyərlərinin, toplanmış dəyər azaldılmasının və ya amortizasiyasının və qalan xidmət dövrünün dəqiqliklə müəyyən olunduğunu təmin etməli; və
                
             4. 
                Podratçı lığının hər dəyişilməsindən əvvəl təmin olunan aktiv qeydlərinə əsaslanan dəyərin azaldılması və amortizasiya planlarını yubatmalı və həyata keçirməyə davam etməlidir.
                
             5. 
                Podratçı bu Müqavilə əsasında, bu Müqavilənin bu müddəasını subpodratcılara müqavilələrinə daxil etməlidir.
                
       3. 
          Sifarişçi, Podratçıya və onun zamininə yeddi (7) gün əvvəlcədən yazılı bildiriş verdikdən sonra, Sifarişçi Podratçının hər hansı xidmətinə xitam verə, Podratçını İŞ sahəsindən kənarlaşdıra və İşin və Podratçının yerləşmə yerindəki bütün alətlərinin, cihazlarının, tikinti avadanlıqlarının və maşınlarına nəzarəti əla ala bilər. Həmçinin Sifarişçi bütün material və avadanlıqları İşdə cəmləşdirə və o cümlədən Podratçının məqsədəuyğun hesab etdiyi qaydada İşi tamamlaya bilər. Bu halda Podratçı İş tamamlanana kimi heç bir əlavə ödəniş almaq hüququna sahib olmamalıdır. Əgər müqavilə qiymətinin ödənilməmiş balansı İşin tamamlanmasının, o cümlədən mühəndislərin, Layihəçilərin, müvəkkillərin və digər mütəxəssislərin, lakin bununla məhdudlaşmayan, Xidmət Haqları və xərcləri və məhkəmənin xərclərinə nisbətən çoxluq təşkil edərsə, bu məbləğ Podratçıya ödənilməlidir. Əgər bu xərclər həmin balansdan artıq olarsa, Podratçı yaranan fərqi Sifarişçiyə ödəməlidir və Sifarişçi tərəfindən qarşılanan bu xərclər İnşaat Rəhbəri tərəfindən müəyyən olunmalı və dəyişiklik orderinə birləşdirilməlidir. Hər hansı hüquqları və tədbirləri bu bənd altında həyata keçirərkən, Sifarişçidən icra olunmuş işə görə ən aşağı qiyməti əldə etmək tələb olunmamalıdır.
          
       4. 
          Əgər Sifarişçi bu Müqaviləyə bütünlüklə və ya onun hər hansı bir hissəsinə 13.3 Bəndinə əsasən xitam verərsə, Sifarişçi Podratçıya Azərbaycan Respublikasının qanunverciliyinə uyğun olaraq bu Müqavilədən irəli gələn ağlabatan xərcləri ödəməlidir.
          
    4. 
       Xitam Müddəaları
       
       1. 
          Sifarişçi tərəfindən 13.2 və ya 13.3 Bəndinə müvafiq olaraq xitam bildirişi qəbul etdikdən sonra Podratçı:
          
          1. 
             Xitam bildirişində göstərilən tarixdə və miqyasda işi dayandırmalıdır;
             
          2. 
             Müqavilənin xitam verilməyən hissəsinin tamamlanması üçün zəruri olan haldan başqa, materiallar, avadanlıqlar, təchizatlar, xidmətlər və vasitələr üçün order və subpodratlar verməməlidir;
             
          3. 
             İşin icarsı il bağlı olan subpodratçılarla və təchizatçılarla bütün sifariş və müqavilələrə xitam verməlidir;
             
          4. 
             İnşaat Rəhbəri tərəfindən göstərildiyi vaxtda və göstərişinə müvafiq olaraq, Podratçı xitam olunmuş sifarişlərdən və müqavilərdən irəli gələn bütün hüquqları və mülkiyyət hüquqlarını Sifarişçiyə ötürmək üçün tədbirlər görməlidir.
             
          5. 
             İnşaat Rəhbərinin tələb etdiyi halda bele sifarş və razılaşmalara xitam verilməsindən yaranan bütün öhdəlikləri və iddiaları İnşaat Rəhbərinin razılığı ilə ödəməlidir. Təsdiq olunma bu paraqrafın bütün məqsədləri üçün yekun olmalıdır;
             
          6. 
             Xitam olunmuş İşin hissəsini və mülkiyyət hüququnu İnşaat Rəhbəri tərəfindən təyin olunan, həmçinin İnşaat Rəhbəri tərəfindən göstərilən tarixlərdə və formada subyekt və ya subyektlərə ötürməlidir,;
             
             1. 
                İstehsal olunmuş və istehsal olunmamış hissələr, fəaliyyətdə olan iş, qismən tamamlanmış təchizat və avadanlıqlar, materiallar, hissələr, alətlər, vintaçanlar, konduktorlar və digər alətlər, tamamlanmış iş, təchizatlar və xitam verilmiş Müqavilənin hissələrinin icra olunması üçün tərkib hissəsi kimi istehsal olunmuş və ya onunla əlaqədar əldə edilmiş digər materiallar; və
                
             2. 
                Tamamlanmış və ya qismən tamamlanmış planlar, cizgilər, məlumatlar və İşlə bağlı digər əmlak;
                
          7. 
             İşin bu hissəsinin icra olunmasını xitam verilməmiş kimi tamamlamalıdır; və
             
          8. 
             Bu Müqavilə ilə əlaqədar olan Podratçının sərəncamında və Sifarişçinin payı olduğu və ya tələb edə biləcəyi əmlakın nəzarətə götürülməsi və qorunması üçün zəruri olduğu qaydada və ya İnşaat Rəhbərinin müəyyən etdiyi qaydada tədbirlər görməlidir.
             
       2. 
          Bu Müqaviləyə əsasən İşə xitam verilməsindən son tamamlanma işlərindən üç (3) il müddətinə Podratçı bütün bu vaxtda Podratçının ofisində, Sifarişçiyə bilavasitə əlavə xərc olmadan, Podratçının bütün kitablarını, qeydlərini, sənədlərini və bundan sonra xitam verilmiş və ya İnşaat Rəhbəri tərəfindən müəyyən miqyasda bu Müqavilənin İşlə bağlı dəyərləri və məsrəfləri barədə digər məlumatları, (adi, mikro və rəqəmsal) fotoşəkilləri, videolentləri və ya digər müvafiq reproduksiyanı Sifarişçiyə təqdim etməlidir.
          
       3. 
          Bəndinə uyğun olaraq, Podratçıya çatmalı hər hansı məbləğ olduqda, aşağıdakılar hesaba alınmamalıdır (çıxılmalıdır):
          
          1. 
             Bu Müqavilənin xitam verilmiş hissəsinə müvafiq olaraq, həmin vaxta qədər Podratçıya ödənilməli olan bütün ödənilməmiş avanslar və digər hesab ödənişləri;
             
          2. 
             Sifarişçinin Podratçıya mükün olan hər hansı bir idiası;
             
          3. 
             İnşaat Rəhbərinin müəyyən etdiyi kimi, qarşılığı ödənilməmiş və potensial yüklülükdən və iddialar səbəbindən Sifarişçinin itkilərə qarşı mühafizə olunması üçün zəruri olan hesab; və
             
          4. 
             Sifarişçiyə ödənilməmiş və ödənilməli olan Podratçı tərəfindən alınan hər hansı materialların, təchizatların və ya digər əşyaların razılaşdırılmış qiyməti və ya onların satışından əldə olunun məbləğ.
             
       4. 
          Sifarişçi Sifarişçinin seçimi və Podratçının hesabına 13.4 Bəndi ilə əvəzi ödənilməli olan məsrəfləri Sifarişçi tərəfindən seçilmiş müstəqil sertifikatlı ictimai mühasiblər tərəfindən audit etdirə və yoxlatdıra bilər.
          
    5. 
       Sifarişçinin Hüquqları
       
       1. 
          13.2 və ya 13.3 Bəndlərinə müvafiq olaraq Sifarişçi tərəfindən Podratçının xidmətlərinə xitam verilərsə, bu xitam Sifarişçinin Podratçıya qarşı həmin vaxt mövcud olan və ya sonradan yarana biləcək hər hansı hüquqlarına və ya hüquqi vasitələrinə təsir etmir.
          
       2. 
          Sifarişçi tərəfindən Podratçıya ödənilməli olan pulun saxlanılması və ya ödənilməsi Podratçını İşin icra olunması ilə bağlı öhdəliklərdən azad etmir.
          

MADDƏ 14

FORS MAJOR

10. 
    
    
    1. 
       Əgər Fors Major halları, o cümlədən yanğın; daşqın; zəlzələ; digər təbii fəlakətlər; embarqo; hər hansı xarakterli hərbi əməliyyatlar; tətillər; Hökumət əmrləri və digər normativ aktlar, həmçinin, lakin bununla məhdudlaşmayan, icra olunma şərtlərində bu Müqavilənin həyata keçirilməsinə təsir etmişdirsə, Tərəflər Müqavilənin qismən və ya bütünlüklə icra olunmamağına görə məsuliyyət daşımamalıdırlar.
       
    2. 
       Bu Müqavilənin öhdəliklərinin yerinə yetirilməsində çətinliklərlə üzləşən tərəf, mümkün qədər tez bir zamanda, lakin birinci Fors Major halının baş verdiyi tarixdən sonra yeddi (7) gündən gec olmayaraq, digər tərəfi Fors Major halının baş verməsi barədə yazılı şəkildə xəbərdar etməli və digər Tərəfə dəymiş ziyanın və itkinin aradan qaldırılması üçün bütün zəruri cəhdləri öz üzərinə götürməli və bu Müqavilənin bütün digər öhdəliklərini yerinə yetirməyə davam etməlidir.
       
    3. 
       Rəsmi hakimiyyət orqanları tərəfindən təqdim olunan aidiyyatı sənədlər Fors Major hallarının mövcud olması üçün sübutdur.
       
    4. 
       Əgər Fors Major vəziyyətinə görə, hər hansı bir Tərəf Fors major halının baş verdiyi gündən sonra doxsan (90) təqvim günü ərzində öz öhdəliklərini yerinə yetirə bilmirsə, Tərəflər dərhal Fors Majorun və fəaliyyət kursunun effektini dəyərləndirmək üçün, Tərəflərin bu hallarda zəruri qəbul etdikləri və qabaqcadan təyin etdikləri, müzakirələrə başlamalıdırlar; əgər Fors Major halları başlandıqları tarixdən sonra yüz iyirmi (120) gün ərzində davam edərsə, bu Müqaviləyə, Tərəflərdən biri yazılı şəkildə xitam tələb edərsə, xitam verilməlidir.
       

MADDƏ 15

MÜBAHİSƏLƏRİN HƏLLİ

10. 
    
    

15.1. Bu Müqavilə və ya onunla bağlı yaran biləcək hər hansı və bütün mübahisələri və ya fərqləri Tərəflər qarşılıqlı danışıqlar yolu ilə, əgər mümkündürsə, həll etməlidirlər. Əgər Tərəflər qarşılıqlı danıçıqlar yolu ilə razılığa gələ bilmirlərsə, bu zaman Müqavilədən və ya onunla bağlı yaranan hər hansı mübahisə, ziddiyyət və ya iddia hər hansı məhkəmə hüququna müraciət etmədən, son olaraq Azərbaycan Respublikası məhkəmələrində həll olunmalıdır.

MADDƏ 16

DİGƏR MÜDDƏALAR

10. 
    
    
    1. 
       Tətbiq olunan Hüquq
       
       1. 
          Müqavilə və Müqavilə Sənədləri, o cümlədən 15-ci maddəyə uyğun olaraq tərəflər arasında meydana çıxmış mübahisələr Azərbaycan Respublikasının qanunları ilə tənzimlənəcəkdir.
          
    2. 
       Məxfilik
       
       1. 
          Podratçı İnşaat Rəhbəri, Layihəçi və Podratçı, həmçinin onların müstəqil peşəkar mühəndisləri, memarları və digər məsləhətçiləri və subpodratçılar arasında Layihənin tamamlanması barədə kommunikasiya məlumatlarından və Sifarişçi tərəfindən təsdiqlənmiş informasiyanın açıqlanmasından və Layihənin planlaşdırılması və tikintisi üzrə qanunverici hüququ olan dövlət orqanları ilə kommunikasiya qeydlərindən savayı Müqavilə ilə bağlı bütün məlumatları məxfi saxlamalıdır.
          
    3. 
       Hüquqi varislər
       
       1. 
          Sifarişçi və Podratçının hər biri bu Müqavilənin şərtlərini özünə, hüquqi varislərinə, və qanuni nümayəndələrinə həvalə edirlər.
          
       2. 
          Sifarişçi və ya Podratçının heç biri bu Müqaviləni digərinin yazılı razılığı olmadan üçüncü tərəfə ötürə bilməz.
          
    4. 
       Yazılı Bildiriş
       
       1. 
          Müqavilə Sənədlərinin hər hansı müddəası yazılı bildiriş tələb etdiyi təqdirdə, əgər hər hansı fərdə və ya firmanın üzvünə və ya korporasiyanın rəsmisinə şəxsən göndərilmək üçün nəzərdə tutulubsa yaxud əgər bildirişi göndərənə məlum olan sonuncu işgüzar ünvana qeydiyyatlı və ya sertifikatlaşdırılmış poçt və ya ödənişli poçt vasitəsilə çatdırılıbsa və ya göndərilibsə, bu yazılı bildirişin həqiqiliklə göndərilməsi nəzərdə tutulmalıdır.
          
    5. 
       Podratçı ilə Sifarişçi arasındakı Mübahisələr
       
       1. 
          İşin qəbul olunması ilə və ya İşin icra olunması və təchiz edilməsi üzrə Müqavilə Sənədlərinin tələblərinin şərh olunması ilə bağlı mübahisələr və digər məsələlər İnşaat Rəhbərinə yazılı şəkildə təqdim olunmalıdır. İnşaat Rəhbəri münasib bir zaman ərzində yazılı şəkildə qərar verməlidir.
          
       2. 
          İnşaat Rəhbərinin mübahisələr və ya digər məsələlər ilə bağlı yazılı şəkildə qərarları, Müqavilə Sənədlərinin və ya bu Müqavilənin 15.1.1 Bəndində nəzərdə məhkəməyə müraciət hüququ da daxil olmaqla bu mübahisələrin və ya digər məsələlərin şərh olunduğu qanunlara əsasən Podratçının hüquqlarından sonra gəlir.
          
       3. 
          Podratçı İşin icra olunmasını davam etdirməli və bütün mübahisələr və fikir ayrılıqları dövründə Sifarişçi ilə birlikdə Podratçının Tikinti Planına riayət etməlidir. Heç bir İş yubadılmamalı və ya hər hansı mübahisənin və ya fikir ayrılığının gözlənilən qətnaməsi təxirə salınmamalıdır.
          
    6. 
       Sifarişçiyə İşçi mübahisələrinin bildirişi
       
       1. 
          Əgər Podratçı işçilər arasında hər hansı faktiki və ya potensial mübahisə müqavilənin vaxtında həyata keçirilməsini yubadırsa və ya yubatmaq ehtimalı varsa, Podratçı dərhal Sifarişçiyə və İnşaat Rəhbərinə, bütün əlaqədar məlumat da daxil olmaqla, bildiriş verməlidir.
          
    7. 
       Qarantiya
       
       1. 
          İşin lazımi icra olunmasını və Podratçının Müqavilə Sənədlərində göstərilən öhdəliklərinin ödənişinin təmin olunması məqsədilə, Podratçı icra olunma və ödəniş qarantiyası , daxil olmaqla Avans Ödəniş Zəmanəti, hər biri ən azı Hədəf Qiymətinin 10 % -na bərabər olan məbləğdə təmin etməlidir. Bu öhdəliklər son ödəniş olunan tarixdən sonra ən azı bir (1) il müddətinə qüvvədə qalmalıdır. Bütün qarantiyalar qanunda göstərilən formada olmalıdır. Hüquqi nümayəndə tərəfindən imzalanan bütün qarantiyalar bu səlahiyyəti təsdiq edən etibarnamənin təsdiq edilmiş surəti ilə təqdim olunmalıdır. Podratçı bu müqavilə Sifarişçi ilə bərabər imzalandıqdan və ya qüvvəyə mindikdən otuz (30) gündən az olmayan müddətdə İcra Qarantiyasını təqdim və/və ya təmin etməlidir.
          
       2. 
          Əgər Podratçı tərəfindən təmin olunan hər hansı razılaşma zaminliyi bankrot elan olunarsa və ya müflisləşərsə və ya Layihənin hər hansı hissəsinin yerləşdiyi yerdə hər hansı bir şəkildə onun biznes fealiyyətinə xitam verilərsə, Podratçı bu vəziyyətdə beş (5) gün ərzində Sifarişçi tərəfindən qəbul oluna biləcək başqa razılaşma və zaminlik təqdim etməlidir.
          
    8. 
       Bəndlərin Etibarlılığı
       
       1. 
          Sifarişçinin və ya İnşaat Rəhbərinin bu Müqavilənin hər hansı bir və ya bir neçə müddəasının ciddi icra olunması üzrə hər hansı bir və ya bir neçə mərhələdə təkid etməməsinin və ya burada qanun tərəfindən təmin olunan hər hansı hüququn icra etməsi bu müddəanın və ya hüququn imtina edilməsi kimi izah olunmamalıdır və bu hüquq və hüquqlar dəyişilməz qalmalı və hüquqi qüvvəsini saxlamalıdır.
          
    9. 
       Faiz
       
       1. 
          Bütün ödənilməmiş məbləğlər və ya Sifarişçi Podratçıya nağd pul kimi deyil digər üsulla ödəməli olduğu məbləğə, heç bir faiz hesablanmır.
          
    10. 
        Hər hansı Bəndin Etibarsız olması
        
        1. 
           Əgər bu Müqavilənin hər hansı bəndi qanuni qüvvəyə malik olmayan və ya etibarsız hesab olunarsa, bu Müqavilənin qalan hissəsi həmin bənd olmadan hüquqi qüvvəsini saxlayır.
           
    11. 
        Bu Müqavilə Azərbaycan dilində olmaqla iki nüsxə olmaqla tərtib edilmişdir.
        

İmza:

__________________________________________________________________________

Ad:

Vəzifə:

Tarix:
İmza:
__________________________________________________________________________

Ad:

Vəzifə:

Tarix: