TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
64
reallaşdırılması, elektron kitabxanaların və elektron kataloqların yaradılması, onların tədris
prosesində istifadəsi kimi yeni imkanlar və istiqamətlər yaranır.
Təhsilin informasiyalaşdırılması – tədris prosesinin informasiya ilə təmin edilməsi,
elmi işçilərə, müəllim və tələbələrə səmərəli informasiya dəstəyinin göstərilməsi məqsədini
güdür, cəmiyyətin elm və təhsil potensialının inkişafına yönəlmişdir. Ona görə də müasir ali
təhsil müəssisələrində tədris prosesində kompyuterlərin, ixtisaslaşdırılmış öyrədici
proqramların istifadəsi, testlərin və laboratoriya işlərinin keçirilməsi üçün müvafiq proqram
təminatının işlənib hazırlanması və tətbiqi, kafedra və fakültələrdə elektron tədris
materiallarının, elektron kitabxana fondlarının və elektron kataloqlarının yaradılması günün
tələbidir.
Reallaşdırılması, təyinatı və tədris prosesində istifadəsi baxımından elektron tədris
materiallarını üç kateqoriyaya bölmək olar:
-
ali təhsil müəssisələri daxilində ayrı-ayrı ixtisaslar üzrə yaradılan, müvafiq fakültə
və kafedralar səviyyəsində lokal (daxili) istifadə edilən ixtisaslaşdırılmış elektron tədris
materialları;
-
ali təhsil müəssisələri səviyyəsində bir çox fakültə və kafedraların iştirakı ilə
yaradılan, müxtəlif fakültə və kafedralar (o cümlədən digər ali təhsil müəssisələri) tərəfindən
istifadə edilən elektron tədris materialları;
-
müxtəlif ali təhsil müəssisələrinin birgə iştirakı ilə yaradılan, əksər ali təhsil
müəssisələri tərəfindən istifadə oluna biləcək ümumrespublika səviyyəli ümumi təyinatlı
elektron tədris fondları.
Təhsilin informasiya təminatı sistemləri istifadəçilərə, o cümlədən tələbələrə,
müəllimlərə və s. aşağıda imkanları təqdim edir:
-
Axtarış vasitələri. Yeni texnologiyaların köməyi ilə universitetlərin elektron tədris
fondlarından və elektron kitabxanalardan, eləcə də İnternetin informasiya fəzasından lazımi
tədris, tədris-metodiki, elmi, texniki və s. informasiyanın axtarılması üsulları və vasitələri
reallaşdırılır.
-
Elektron kataloq. Kompyuter texnikasının bazasında reallaşdırılır və müəyyən
rekvizitlərə görə lazım olan tədris materiallarını axtarıb tapmağa imkan verir.
-
Web-texnologiya. Tədris materiallarının istifadəsi zamanı başlıqlar, fəsillər,
paraqraflar, terminlər, açar sözlər və s. üzrə avtomatik keçidləri və qeyri-xətti naviqasiyanı
təmin edir.
TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
65
-
Audio və video informasiyanın istifadəsi. Multimediya texnologiyasının istifadəsi
audio və video fraqmentlərin, şəkillərin, animasiyaların, təqdimatların və digər növ
informasiyanın elektron tədris sənədlərinə daxil edilməsini təmin edir.
-
Dəyişikliklərin operativliyi. Xüsusi çətinlik və əlavə xərclər olmadan tədris
materiallarında operativ dəyişikliklər aparmaq mümkündür. Bu zaman istifadəçilər daim
materialların sonuncu redaktə olunmuş yeganə aktual surətindən istifadə edirlər.
-
Şəxsi nişan və qeydlər. Tədris materiallarının istifadəsi zamanı istifadəçilər
sənədlərdə şəxsi nişanlar qoya (yeri nişanlaya) və qeydlər apara bilirlər.
-
Sənədlərdə şəxsi stil. Tədris materiallarının istifadəsi zamanı sənədlərin stillərini
(şriftin və ya şəklin ölçüsünün böyüdülməsi, fonun və ya şriftin rənginin dəyişdirilməsi və s.)
seçmək imkanına malik olurlar.
-
Sənədlərin tirajı. Bir nüsxədə olan tədris sənədləri çoxlu sayda istifadəçi
tərəfindən eyni zamanda istifadə edilə bilir.
İnternet xidmətlərinin tədris prosesində istifadəsi təhsilin səviyyəsinin və keyfiyyətinin
artırılmasına, universitetlər və elmi-tədqiqat institutları arasında qarşılıqlı əlaqələrin
genişlənməsinə bilavasitə yardım edir, müəllimlərə və tələbələrə xarici ölkələrin informasiya
sistemlərindən, məlumat bazalarından və banklarından, kitabxanalarından, dövri nəşrlərindən
istifadə etmək, xarici həmkarlarla işgüzar əlaqələr saxlamaq və təcrübə mübadiləsi aparmaq
imkanı verir. Tədris materiallarının universallığını və beynəlxalq aləmdə olan digər elektron
tədris fondlarına inteqrasiyasını təmin etmək məqsədilə bu materialların hazırlanması zamanı
mövcud standartlara riayət olunması tələb kimi qoyulur.
ELEKTRON KİTABXANALAR
Müasir təhsil müəssisələrinin əsas atributlarından biri olan elektron kitabxana
texnologiyası ötən əsrin 80-ci və 90-cı illərindən formalaşmağa başlamışdır. Həmin dövrlərdə
müxtəlif növ, o cümlədən mətn tipli informasiyanı özündə saxlayan nəhəng informasiya
massivlərinin yaradılmasına, məlumatların etibarlı saxlanmasına, operativ emalına və
səmərəli istifadəsinə imkan verən İKT-nin meydana gəlməsi buna təkan vermişdir. Çox vaxt
“elektron kitabxana" anlayışı ilə yanaşı sinonim kimi "rəqəmsal kitabxana" (digital library) və
"virtual kitabxana" (virtual library) anlayışlarından da istifadə olunur.
Elektron informasiya resurslarının yaradılması və saxlanması, informasiyanın İnternet
vasitəsilə, habelə rəqəmsal informasiya daşıyıcılarında (disklərdə, disket-lərdə və CD-
disklərdə) əldə olunması electron kitabxana fondunu kəskin surətdə genişləndirməyə imkan
verir. Elektron kitabxana fonduna giriş, ondan istifadə daha rahat və asandır.
Dostları ilə paylaş: |