METODİKA VƏ TƏCRÜBƏ
Təhsildə İKT
86
Aparılan işdən görünür ki, təlim prosesində fərdiləşmə və differensiallaşma tam həyata
keçir. Bu da şagirdlərin özlərinə inamı artırmaqla dərsə maraq və işdə fəallıq formalaşdırır.
Laboratoriya işinin müəllim üçün olan variantında iş tam yerinə yetirilmiş (boş
buraxılmış sözlərin yeri doldurulmuş, hesablamalar tələb olunan ardıcıllıqla aparılmış, son
nəticələr ümumiləşdirilmiş şəkildə) olduğundan müəllim sürətlə işə nəzarət edə bilir. Sonda
hər bir şagirdin qiyməti avtomatik elektron ъurnala köçürülür, dərs müəllim tərəfindən
ümumiləşdirilərək yekunlaşdırılır.
Nəticə. 15, 23. 167 və i. saylı məktəblərdə laboratoriya işlərinin aparılması ilə
əlaqədar baxdığımız müxtəlif variantlı işlərin metodikası onu deməyə imkan verir ki, uzun
müddət sınaqdan çıxmış ənənəvi metodikanın saxlanması və onun müxtəlif vasitələrlə, o
cümlədən EHM-in tətbiqilə inkişaf etdirilərək təkmilləşdirilməsi, müəllimə tədricən yeni
şəraitə «uyğunlaşmağa» və yeni texnologiyanı əziyyətsız qəbul etməyə imkan verir. Bu işin
yerinə yetirilməsinin daha müasir variantı interaktiv və fəal təlim metodlarının tətbiqinə geniş
meydan açır. Eksperimental işlərin yerinə yetirilməsindəki bu texnologiya şagirdlərdən əlavə
cədvəl qurmaq və hesablamalar aparmaq kimi ağır işlərin yerinə yetirilməsini tələb etmir.
Çünki bu işlər kompüterdə çox asanlıqla yerinə yetirilir. Onlar bu vaxt ərzində laboratoriya işi
ilə əlaqədar əlavə sual və tapşırıqlar üzərində işləyərək, mövzu ilə əlaqədar biliklərini daha da
təkmilləşdirməklə inkişaf etdirirlər.
ƏDƏBİYYAT
1. M.İ.Murquzov, Ş.H.Əlizadə, A.С.Ələkbərov, N.Х.Xanəhmədov. Fizikadan laboratoriya işləri. (Х-
ХI siniflər üçün dərs vəsaiti. Bakı, 2008, 87s.
2.
Fizika. Yeni nəsil multimedia dərsliyi (mexanika, molekulyar fizika. Elektrodinamika. Optika.
Кvant fizikası.). Bakı.: Bakınəşr, 2007
3.
Fizika. Elektron tədris vəsaitindən istifadə qaydaları üzrə metodik vəsait, II hissə. Metodik tərtibçi
R.R. Abdurazaqov. Bakı, Bakınəşr,2007,64 s.
4.
İsmayılov İ.N. Fizikanın tədrisində yeni informasiya texnologiyalarından istifadə (laboratoriya
praktikumu). Bakı: ADPU, 2008, 170 s.
5.
Лабораторный практикум по теории и методике обучения физики в школе. М.:
«АСАДЕМА» 2002. 3001 с.
6.
Открытая физика (електронный вариант). Версия 2.6. М., 2003.
METODİKA VƏ TƏCRÜBƏ
Təhsildə İKT
87
İBTİDAİ MƏKTƏBDƏ İNFORMATİKANIN TƏDRİSİNDƏ KOMPÜTER OYUN
PROQRAMLARINDAN İSTİFADƏ İMKANLARI VƏ YOLLARI
E.V. Seyidzadə
Qafqaz Universitetinin baş müəllimi
L.A. Buniyatova
Təhsil Texnologiyaları Mərkəzi
XÜLASƏ
Məlumdur ki, istənilən fənnin tədrisinin metodiki sistemi beş tərkib hissəsindən ibarətdir: təlimin
məqsədləri, məzmunları, metodları, vasitələri və təşkilatı formaları. İbtidai siniflərdə İnformatikanın
tədrisi məqsədləri praktik olaraq dəyişikliyə məruz qalmamışdır. İbtidai məktəbdə İnformatika
dərslərində ənənəvi sinif-dərs sistemi şəraitində təlim prosesini, məktəblinin şəxsiyyətinin spesfik
xüsusiyyətlərini nəzərə alaraq səmərəli şəkildə qurmağa imkan verən növbəti təlim metod və formaları
müəllimlər tərəfindən müvəffəqiyyətlə istifadə olunur: dialoqlar, qruplarla iş, oyun metodikaları,
informasiya dəqiqələri, evristik yanaşmalar.
Hazırda İnformatikanın tədrisi zamanı dərslərin oyun metodikaları əsasında aparılması birinci
plana çıxır. Bu onunla əlaqədardır ki, bu metodikalara, demək olar ki, bütün iş formaları daxildir və
uşağın yaradıcı fəaliyyəti, intellektual inkişafı üçün geniş imkanlar verir. Təlim prosesində istifadə
olunan oyunlar rollu, təşkilati və işgüzar oyunlara bölünürlər. Bütün oyunlar, bu və ya digər şəkildə
iştirakçılara öz təsiri ilə üç əsas məsələni həll edir: tərbiyəvi; maarifləndirmə; əyləncə. İbtidai siniflərdə
İnformatika dərslərində müəllimin həmişə rollu oyuna əsaslanan ozünün yeni, uyğunlaşdırılmış oyun
tipini qurması məqsədəuyğundur.
Açar sözlər: informatikanın tədrisi, oyun metodikası, təlim prosesi
GİRİŞ
Təhsilin başlıca məqsədlərindən biri məktəblilərin yaradıcı intellektual potensialını,
ümumi mədəni səviyyəsini fomalaşdırmaq, həmçinin özünüdərk, özünüinkişaf,
özünütəyinetmə qabiliyyətləri olan şəxsiyyətlər yetişdirməkdir. İbtidai məktəbdə İnformatika
kursunun tədrisinin əsas məqsədi məktəblilərin kompüterdə işləyə bilməsi, eyni zamanda
kompüterin onların inkişafı vasitəsi kimi istifadə edilməsidir. Yəni kompüterin öyrənmə
METODİKA VƏ TƏCRÜBƏ
Təhsildə İKT
88
obyektindən (necə qurulmuşdur, nədən ibarətdir və s.), qoyulan məsələni həll etməyə və yeni
biliklər əldə etməyə kömək edən bir vasitəyə çevrilməsidir.
İbtidai məktəbdə qarşıya qoyulan məqsədə çatmaq üçün təlimin təşkili forma və
metodları müxtəlif ola bilər. Onlardan biri oyun metodikaları vasitəsilə məktəblilərin yaradıcı
fəaliyyətlərinin təşkilidir.
Oyun uşaqların daha çox mənimsədikləri fəaliyyət formasıdır. Oyunda onlar idrak,
əmək və bədii yaradıcılıqda meydana gələn yeni həyati məsələlərin həlli üçün nümunələr əldə
edirlər. Buna görə də oyuna dayanmaq uşaqları təlim işinə cəlb etməyin vacib yoludur və
tərbiyəvi təs
İnformatika kursunda ibtidai sinif şagirdləri çoxlu sayda yeni termin və anlayışlarla
tanış olurlar: alqoritm, informasiya, kursor, prosessor və s. Bu yaşda olan uşaqlar kifayət
qədər böyük həcmli informasiyanı yadda saxlaya bilirlər, daha dəqiq desək dərk etmədən
öyrənirlər. Nəticədə təlimin növbəti pilləsində yeni informasiyanı artıq öyrənilmiş biliklər
əsasında qavramaq tələb olunur. Bu baza heç olmaya və ya möhkəm olmaya bilər. Mexaniki
öyrənilən biliklər yaxşı dayaq ola bilməz. Bundan başqa İnformatikanı, qarşılıqlı əlaqəni
dərketmədən və ayırmadan, məntiqi təfəkkür əməliyyatları formalaşdırmadan öyrənmək
mümkün deyildir.
Materialın dərk edilməsinə imkan verən metodlardan biri onun obrazlı təqdim
olunmasıdır. Kiçik yaşlı uşaqların əksəriyyəti əyləncəli süjet: nəql etmə, nağıl və s. şəklində
təqdim olunan informasiyanı daha yaxşı dərk edirlər. Onlara daha çox özlərinin uydurmaları
xoş gəlir, bundan başqa uşaqların yaradıcı fantaziyaları daha səmərəlidir.
İnformatikanın tədrisi zamanı uşaqların yaradıcılıq qabiliyyətlərinin formalaşdırılması
üçün oyun metodikalarının tətbiqinə aid müxtəlif misallar göstərmək olar. Oyunun əsas
qəhrəmanları uşaqların bu zaman tanış olduqları informatika anlayışlarıdır. Seçilmiş
personajların xarakterləri şərh olunan anlayışın məzmununa uyğun gəlməlidir (məsələn,
“alqoritm” üçün ardıcıllıq, səliqəlilik, ciddilik, “virus” üçün kinlilik, düşmənçilik və s.
xarakteriktir). Çox zaman uşaqlar onlara daha yaxın olan və sevdikləri janrları (nağıl, macəra
və ya detektiv hekayələrini) seçirlər.
Yuxarıda qeyd olunanların siyahısını artırmaq olar. Lakin istənilən pedaqoqu bir sual
düşündürür: “Bütün bunlar uşaq üçün yaxşıdırmı, informatika ilə onun gölməçədə
çömçəquyruqları izləmək, pəncərə qarşısında əyləşib sadəcə gəlib gedənləri seyr etmək kimi
Dostları ilə paylaş: |