METODİKA VƏ TƏCRÜBƏ
Təhsildə İKT
91
İBTİDAİ SİNİFLƏRDƏ İNFORMATİKANIN TƏDRİSİ MÜHİTLƏRİ VƏ
VASİTƏLƏRİ NECƏ DƏYİŞMİŞDİR?
Sirr deyil ki, ibtidai siniflərdə İnformatika əsasən litsey və təmayüllü məktəblərdə
tədris olunur. Bu məktəblərdə bir qayda olaraq müasir hesablama texnikası ilə təchiz olunmuş
kompüter sinifləri vardır. Bu cür məktəblərdə İnformatikanın tədrisi əsasən “maşın” xarakteri
daşıyır, yəni uşaqlar kifayət qədər vaxtlarını kompüterlərin arxasında keçirirlər, təlim
prosesində inkişafetdirici intellektual mühitlər istifadə edilir. Təlimin mühit və vasitələrinin
bu şəkildə dəyişməsinin müsbət və mənfi tərəfləri vardır və əgər müsbət nəticələrini müəllim
və valideynlər praktik olaraq tez görürlərsə də, mənfi nəticələr, bəlkə də uzun illər təxirə
salınmış olur. Biz müəllimlərə, “xələl gətirmə” prinsipini təbliğ edərək, psixoloqlar, həkimlər,
pedaqoq-yenilikçilərin məsləhətlərinə qulaq asmaq lazımdır.
İbtidaii siniflərdə şagirdlərin kompüterdən istifadə etməsinin öyrənilməsi ilə məşğul
olan yerli və xarici tədqiqatçılar bu prosesin növbəti mənfi tərəflərini qeyd edirlər. İbtidai
sinif şagirdlərinin təlimində kompüterlərdən istifadə edilməsi uşağı ətraf həqiqətlərə
istiqamətlənmədən yayındıra, onun təfəkkürünün formalaşmasında assimilyasiya prosesinin
pozulmasına gətirib çıxara bilər. Kompüterlə iş zamanı uşaqlarda həqiqətlə fantaziya və arzu
olunanla gerçəklik arasında uçurum baş verir. Uşaqlar inkişaf səviyyələrinə görə simvol və
mücərrəd informasiya ilə bilavasitə işləmə təcrübəsindən faydalanmağa hazır deyillər, bu
zaman kompüterlə işləmək üçün lazım olan bacarıq və vərdişlər uşağın əməli qabiliyyətlərinə
uyğun gəlmir.
Belə fikirlər də vardır ki, kompüterlər uşaqların həqiqi obyekt və hadisələri analiz
etmək üçün lazım olan təcrübə əldə etməsinə əngəl ola bilər, uşaqların fiziki fəallığını və
inkişafını məhdudlaşdıra bilər. Buna görə də ibtidai siniflərdə təlim mühitləri elə təşkil
olunmalıdır ki, kompüter əyaniliyinin istifadəsi onun material ekvivalentinin olması ilə
tarazlaşdırılmış olsun.
İBTİDAİ SİNİFLƏRDƏ İNFORMATİKA TƏLİMİNİN HANSI METOD VƏ
FORMALARINDAN İSTİFADƏ ETMƏK MƏQSƏDƏUYĞUNDUR?
Hələ bir neçə il əvvəl pedaqoqların əsas səyləri proqram, dərslik və təlim-metodik
vəsaitlərinin, həmçinin ibtidai məktəblər üçün də hazırlanmasına yönəldilmişdir. Hazırda isə
daha çox diqqət təlimin vasitə və təşkili formalarının dəyişməsinə yönəldilir. Təlim
prosesində kompüterlərdən istifadənin yüksək payı ilə əlaqədar olaraq kompüterlə işin mənfi
METODİKA VƏ TƏCRÜBƏ
Təhsildə İKT
92
nəticələrinin qarşılığını ödəyən ibtidaii siniflərdə informatikanın tədrisi metodikasının işlənib
hazırlanması məsələsi xüsusilə çiddi şəkildə qoyulur.
İbtidai məktəblərdə tətbiq olunan təlim metod və formaları 1-4-cü sinif şagirdlərinin
psixi, fiziki və əqli inkişaf xüsusiyyətlərini nəzərə almalıdır.
İbtidai məktəbdə İnformatika dərslərində ənənəvi sinif-dərs sistemi şəraitində təlim
prosesini, məktəblinin şəxsiyyətinin spesfik xüsusiyyətlərini nəzərə alaraq səmərəli şəkildə
qurmağa imkan verən növbəti təlim metod və formaları müəllimlər tərəfindən
müvəffəqiyyətlə istifadə olunur:
-
dialoqlar;
-
qruplarla iş;
-
oyun metodikaları;
-
informasiya dəqiqələri;
-
evristik yanaşmalar.
Əhalinin sosial tərkibi və bölgənin informatlaşdırılması səviyyəsini nəzərə alaraq
səmərəli təlimin qurulmasının vacibliyi informasiya dəqiqələri kimi təlim formasını
doğurmuşdur [7]. Psixi kommunikativliyin inkişaf etdirilməsinin vaçibliyi “şagird-şagird”,
“şagird-müəllim” dialoqu kimi təlim metodunu dərsə daxil edir [7, 8].
Məlumdur ki, istənilən biliklərin müvəffəqiyyətlə formalaşması ilk növbədə
məktəblilərin bu bilikləri əldə etmə istəklərindən asılıdır. Təlimin motivasiyasının
formalaşması prosesi təlimin forması ilə birbaşa bağlıdır. Psixologiyada sübut edilmişdir ki,
təlim motivasiyası iki yolla inkişaf edir:
-
məktəblilərin təlimin ictimai məqsədini mənimsəməsi vasitəsilə;
-
məktəbliləri nə iləsə maraqlandıran təlim fəaliyyətinin özü vasitəsilə.
Pedaqoji ədəbiyyatda göstərilmişdir ki, qrupla iş formasının istifadə edilməsi tədris
olunan fənnə olan marağı artırmaq üçün böyük əhəmiyyət daşıyır [9]. İbtidai sinif şagirdləri
üçün kiçik qruplarla iş təşkil etmək məqsədəuyğundur, bu zaman qrupların formalaşdırılması
motivasiya prinsipi əsasında aparılmalıdır: əgər dərsə biganə olan uşaqlar bu dərsi sevən
uşaqlarla eyni qrupda birləşdirilərsə, onda birgə iş nəticəsində birincilər fənnə olan
maraqlarını əhəmiyyətli dərəcədə artırmış olurlar.
İbtidai siniflərdə şagirdləri qruplara ayırarkən onların istəklərini nəzərə almaq
lazımdır. Bu yaş dövründə “yaxşı”, “güclü”, “mehriban” xarakteristikaları uşağın şüurunda
“fənni bilir”, “əlaçı”, “səliqəli” və s. xarakteristikalarından üstün olur.
METODİKA VƏ TƏCRÜBƏ
Təhsildə İKT
93
OYUN METODİKALARI
Hazırda ibtidai siniflərdə İnformatikanın tədrisi zamanı dərslərin oyun metodikaları
əsasında aparılması ön plana çıxır. Bu onunla əlaqədardır ki, bu metodikalara, demək olar ki,
bütün iş formaları (dialoq, qruplarla iş və s.) daxildir və uşağın yaradıcı fəaliyyəti, intellektual
inkişafı üçün geniş imkanlar verir.
Oyun qaydalar qoyur. Oyundaki qaydalar sistemi mütləq və yəqindir. Qaydaları
pozaraq oyunda olmaq mümkün deyildir. Bu qaydalar xüsusiyyəti bizim qeyri-sabit, qarışıq
dünyamızda çox vacibdir. Oyun kollektiv yaratmağa və birləşdirməyə imkan verir. Oyunun
cəlbediciliyi o qədər böyük və insanların bir-biri ilə oyun əlaqəsi o qədər dolğun və dərindir
ki, oyun həmrəyliyi hətta ondan sonra da, onun xaricində də qalır.
-
Oyun şüuru inkişaf etdirən və fəallaşdıran qeyri-müəyyənlik elementi verir,
optimal həllərin tapılmasına kökləyir;
-
Oyun şərəf, kollektivin xeyrinə öz tələbatını məhdudlaşdırma və fədəkarlıq
haqqında anlayış verir;
-
Oyun psixoloji ahəngdarlıq verir.
Oyun yalnız sadəcə yarış deyildir, həmçinin teatr sənəti, surəti yaşamaq və onu sona
qədər aparmaq qabiliyyətidir. Təsadüfü deyildir ki, daha müvəffəqiyyətli kompüter təlim
proqramları oyun metodikalarının istifadə edilməsi əsasında qurulmuşdur. Müasir müəllim
təlim prosesində istifadə olunan oyunların təsnifatı və qurulma nəzəriyyəsi ilə yaxından tanış
olmalıdır.
Oyunun növbəti tərifini verməyə çalışaq. Oyun – o fəaliyyətdir ki, mövzusu onun
özündədir. Yəni, elə fəaliyyət növüdür ki, nəticə üçün deyil, prosesin özü üçün həyata
keçirilir. Kompüter oyun proqramları tədris olunan mövzuya oyun fəaliyyətləri qataraq
əyləndirərək təlim imkanı verən proqramlardır [6].
Öyrədici oyunlar qurluşca “simulyasiya” proqramları ilə “problem həll etmə”
proqramlarının birləşmiş halıdır və onların xüsusiyyətlərini özündə saxlayırlar [3]. Öyrədici
oyunların əsasını çox zaman modellər təşkil edir. Oyunlarda istifadə edilən modellərin
qanunauyğunluğu dəyişə bilər. Öyrədici oyunlarda müxtəlif hədəflər, xal toplama, rəqabət
kimi elementlər olur [5].
Təlim prosesində istifadə olunan oyunlar rollu, təşkilati və işgüzar oyunlara
bölünürlər. Oyunun tipini müəyyənləşdirmədə xüsusi çətinlik yaranır, belə ki, müxtəlif
oyunların qurulma prinsipi demək olar ki, eynidir, lakin bununla yanaşı onların əhəmiyyətli,
Dostları ilə paylaş: |