98
televiziyada konsertlər verirlər. Bununla yanaşı, muğam ustalarının
qastrol səfərləri də çox önəmlidir. Avropanın, Rusiyanın, Yaxın və Orta
Şərqin böyük şəhərlərində bu sənətkarların çıxışları müvəffəqiyyətlə
keçir, onlar muğamı dünyaya tanıtmağa nail olurlar.
Muğam ifaçılığı sənətinin inkişafından danışarkən, milli musiqiçilərin
qrammofon vallarını xüsusi qeyd etməliyik. Çünki muğam ustadlarının
ifalarını qoruyub yaşadan qrammofon valları xalqımızın mədəni
sərvətləridir. Bu vallar Azərbaycan musiqisinin təbliğində və dünya
miqyasında tanınmasında müstəsna rol oynamışdır.
1900-1916-cı illər ərzində «Qrammofon», «Pate», «Sport-Rekord»,
«Ekstrafon», «Noqin» zavodu və başqa səsyazma firmaları məşhur
Azərbaycan xanəndə və sazəndələrinin ifalarını vala köçürmüşlər.
Qarabağ xanəndələrindən Cabbar Qaryağdı oğlu, Keçəçi oğlu Məhəm-
məd, Məşədi Məmməd Fərzəliyev, İslam Abdullayev və başqalarının
səsləri qrammofon vallarına yazılmışdır. Bu ənənə bu gün də davam
etdirilir. Belə ki, muğam ifaçılarının çıxışları müasir texniki vasitələrlə
audio, video kassetlərə yazılır, İnternet səhifələrində yerləşdirilir. Bütün
bunlar muğam ifaçılarının auditoriyasını genişləndirir, dünya xalqları
arasında Azərbaycan muğam sənətinin pərəstişkarlarının sayını artırır.
Muğamların və xalq musiqisi nümunələrinin qrammofon vallarına
yazılması onların musiqi elmində öyrənilməsinə də yollar açmışdır. Bu
baxımdan 1932-ci-1943-cü illərdə Azərbaycan Dövlət Konservatori-
yasının nəzdində Bülbülün rəhbərlik etdiyi Elmi-tədqiqat Musiqi
Kabinetinin
fəaliyyəti diqqətəlayiqdir. Bu kabinetdə məşhur
xanəndələrin, tarzənlərin və aşıqların ifasında muğam, təsnif, xalq mahnı
və rəqsləri, aşıq yaradıcılığı nümunələri fonovaliklərə yazılmışdır.
Sonradan həmin nümunələr kabinetin əməkdaşları tərəfindən nota
salınmış, kataloqlaşdırılmış və çap olunmuşdur ki, bunun da böyük elmi
əhəmiyyəti vardı. Çünki həmin materiallar musiqişünasların tədqiqat
obyektinə çevrilmişdir. Onu da deyək ki, hal-hazırda Elmi-tədqiqat
Musiqi Kabinetinin fonovaliklərə yazılmış zəngin musiqi materiallarının
əksər hissəsi Bülbülün ev-muzeyində saxlanılır. Həmçinin, Kabinetin
fəaliyyəti dövründə muğam ifaçılarından toplanılmış tarixi materiallar
AMEA-nın Füzuli adına Əlyazmalar İnstitutunun fondlarında qorunur.
Muğam sənətinin inkişafı, onun tədrisi və tədqiqi prosesi bu gün də
davam edir. Müasir dövrdə dövlət səviyyəsində muğamla bağlı
layihələrin həyata keçirilməsi bu sənətin dünya miqyasında təbliğində və
yaşadılaraq gələcək nəsillərə ötürülməsində mühüm əhəmiyyətə malikdir.
Xüsusilə YUNESKO tərəfindən Azərbaycan muğamının bəşəriyyətin şah
əsərləri siyahısına salınması ümumilikdə muğam sənətinin uğurudur.
YUNESKO-nun və İSESKO-nun Xoşməramlı səfiri, Heydər Əliyev
Fondunun və Azərbaycan Mədəniyyətinin Dostları Fondunun prezidenti
99
Mehriban xanım Əliyevanın təşəbbüsü və bilavasitə rəhbərliyi ilə həyata
keçirilən layihələr muğam sənətinin inkişafında və təbliğində xüsusi rol
oynayır. Belə layihələr sırasında “Muğam - İrs”, “Muğam - Dəstgah”,
“Muğam Ensiklopediyası”, “Muğam - İnternet”, “Muğam - Antologiya”,
“Muğam dünyası”, “Muğam Mərkəzi” layihələri qeyd olunmalıdır.
“Musiqi Dünyası” jurnalının elektron nəşrlər mərkəzinin də muğam
sənətinin təbliği sahəsində fəaliyyəti diqqətəlayiqdir. Artıq qeyd
etdiyimiz kimi, bu mərkəz tərəfindən hazırlanan internet layihələri, o
cümlədən, “Azərbaycan diskoqrafiyası” veb-saytı və multimediya
elektron məhsulları hal-hazırda dünyanın istənilən yerində internet
istifadəçilərinə virtual məkanda Azərbaycan musiqisini, muğam sənətini
tanıdaraq, milli musiqi mədəniyyətimizin təbliğində böyük rol oynayır.
Beləliklə, xalqın dünyagörüşünün, dünyaduyumunun ifadəsi olan
muğam - ifaçıların yaradıcılığında cilalanaraq, muğam məktəblərində
təkmilləşərək, bizim günlərə gəlib çatmışdır. Muğam bu gün də şifahi
ənənəli professional musiqi janrı kimi milli musiqi mədəniyyətimizin
bünövrəsini təşkil edir, yaşayır, muğam ifaçılarının yaratdığı sənət
inciləri bütün dünyaya yayılır.
Ədəbiyyat siyahısı
1.
Ü.Hacıbəyli. Əsərləri. II cild. Bakı. AMEA-nın nəşri. 1965.
2.
“Azərbaycan diskoqrafiyası”. http://discografiya.musigi-dunya.az
РЕЗЮМЕ
«Мугам в контексте азербайджанской музыкальной культуры 20-го века». Ста-
тья посвящена изучению достижений азербайджанского мугамного исполнитель-
ского искусства. В статье дается общий обзор Азербайджанского музыкального
искусства в период со второй половины 19-го века по 20-й век.
Ключевые слова: Мугам, Джаббар Гарйагды оглу, учебная часть.
SUMMARY
«Mugham in a context of the Azerbaijan musical culture of 20-th century». The arti-
cle is devoted to the studying achievements Azerbaijan mugam performing art. In the
article is given the general review of the Azerbaijan musical art during the period since
the second half of 19-th century till 20-th century.
Key words: Mugam, Djabbar Garyagdi oglu, part of teaching.
Rəyçilər: Professor V.Əbdülqasımov;
AMK-nın professoru F.Xalıqzadə.
100
AZƏRBAYCAN MİLLİ KONSERVATORİYASI
«KONSERVATORİYA» № 2, 2011
___________________
Muğamşünaslıq Мугамоведение
Vamiq MƏMMƏDƏLİYEV
ADMİU-nin dosenti
AZƏRBAYCAN MUSİQİ SƏNƏTİNDƏ MUĞAMLARIN ROLU,
ƏHƏMİYYƏTİ VƏ QORUNMASINA DAİR
Açar sözlər: muğam, Əbdülqadir Marağalı, dəstgah, Şərq mədə-
niyyəti.
Tariximizin şirinli-acılı məqamlarını öz məzmunu ilə musiqi dün-
yamızda qoruyub saxlayan sazəndə və xanəndə sənətkarlarımız, ifa-
çılarımız, muğamlarımızı bu gün də öz zənginliyi ilə hər birimizi təkrar-
təkrar ulu keçmişimizə qaytarır, mənəvi dəyərlərimizin qiymətini daha da
artırırlar.
Ulu öndər Heydər Əliyev cənablarının «Dünya azərbaycanlılarının
qurultayı»nda milli dəyərlərimizlə bağlı fikirlərini qeyd etmək yerinə
düşərdi (9-10 noyabr 2001): «Biz istəyirik ki, müxtəlif ölkələrdə yaşayan
azərbaycanlılar həmin ölkənin vətəndaşı kimi, istədikləri kimi yaşasınlar.
Ancaq heç bir öz milli köklərini, milli mənsubiyyətlərini itirməsinlər.
Bizim
hamımızı
birləşdirən
milli
mənsubiyyətimizdir,
tarixi
köklərimizdir,
ədəbiyyatımızdır,
incəsənətimizdir,
musiqimiz,
şeirlərimiz,
mahnılarımızdır,
xalqımıza
mənsub
olan
adət-
ənənələrimizdir. İnsan hansı ölkədə yaşamasından asılı olmayaraq, gərək
öz milli dəyərlərini qoruyub saxlasın. Öz mili dəyərlərinə, mili köklərinə
sadiq olsun. Bizim hamımızı birləşdirən, həmrəy edən azərbaycançılıq
ideyasıdır, azərbaycançılıqdır.
Azərbaycan xalqı nəğməkar xalqdır. Hələ qədim zamanlardan bəri
çalğıya, muğama, mahnıya dərin məhəbbət bəsləyən azərbaycanlılar
günlərini nəşəsiz, sevincsiz dəqiqələrini və şən saatlarını da musiqinin
incə telləri ilə, muğamın axarlığı ilə, mahnının həzin melodiyaları ilə
ifadə etmişlər. Azərbaycanda musiqi folkloru xalq yaradıcılığının geniş
sahələrindən biridir. Bu folklorun inciləri xalqın ən istedadlı musiqiçiləri,
nəğməkarları tərəfindən yaradılmış və zamanın sınaqlarından çıxaraq
dillər əzbəri olmuş, ürəklərdə yaşamış, getdikcə daha da təkmilləşmişdir.
Zəhmətkeş xalq həmişə musiqi mədəniyyətinə mənəvi ehtiyac hiss
etmişdir. Xalqın mənəvi həyat tərzinin gələcək haqqında bəslədiyi
Dostları ilə paylaş: |