103
formada öz yerini tutmuş, xanəndə və sazəndələrimiz tərəfindən çalınıb
oxunur. Başqa xalq musiqi janrları kimi muğamlarımızın da Azərbaycan
bəstəkarlarının yaradıcılığına böyük təsiri olmuşdur. Klassik muğam
janrından müasir bəstəkarlarımız da öz yaradıcılıq işlərində geniş istifadə
etmiş, həmin işi bu gün də davam etlməkdədirlər.
Xalqımızın musiqi folkloru elə zəngin xəzinədir ki, orada bəstəkarlara,
xanəndə və sazəndələrə də lazım ola biləcək incilər yetərincədir.
Muğamlarımızın gələcək inkişafı və istifadəsi bir problem kimi xalq
musiqiçilərimizi, musiqişünasları və musiqi tədqiqatçılarını dərindən
düşündürməlidir.
Azərbaycanda muğam sənətinin qorunması və inkişafına xidmət edən
«Muğam aləmi» Beynədxalq festivalı Heydər Əliyev Fondu, Mədəniyyət
və Turizm Nazirliyi, Bəstəkarlar İttifaqının təşkilatçılığı, Azərbaycan
Mədəniyyətinin Dostları Fondu, Milli Elmlər Akademiyası, Təhsil
Nazirliyinin təşkilatı dəstəyi ilə keçirilmişdir.
2009-cu ildə Bakının İslam mədəniyyətinin paytaxtı elan edilməsi
çərçivəsində, Novruz bayramı günlərində şəhərimizdə keçirilən bu
möhtəşəm musiqi bayramı muğam ifaçılığı tarixində ilk belə tədbir kimi
artıq tarixə çevrilmişdir. Bakı bir həftə ərzində həqiqətən də, xalqımızın
mili sərvəti, dünya mədəniyyətinin şah əsəri olan muğamın paytaxtına
çevrilmişdir. Yenidən nəzərlər Avropa ilə Asiyanın qovşağında yerləşən
ölkəmizə yönəlmişdi – bu dəfə Azərbaycan mədəniyyətinin təntənəsinə.
Azərbaycanın birinci xanımı, Heydər Əliyev Fondunun Prezidenti,
YUNESKO və İSESKO-nun xoşməramlı səfiri Mehriban Əliyevanın
təşəbbüsü ilə keçirilən «Muğam aləmi» Beynəlxalq Festivalının açılışı
martın 20-də Beynəlxalq Muğam Mərkəzində olmuşdur.
Tədbirdə nitq söyləyən Prezident İlham Əliyev ölkəmizdə keçirilən
birinci Beynəlxalq muğam festivalını yüksək qiymətləndirərək demişdir:
«Bu hadisə bizim üçün çox önəmlidir. Muğam Azərbaycanın milli
sərvətidir. Azərbaycan xalqı əsrlər boyu bu gözəl sənəti öz həyatında uca
tutmuşdur, öz qəlbində saxlamışdır. Nəsildən-nəsilə keçən muğam sənəti
bu gün də Azərbaycanda yaşayır, qorunur, inkişaf edir. Bizim görkəmli
muğam ustadlarımız öz məharətini, öz biliklərini gənc nəslə ötürürlər.
Azərbaycanda ənənəvi olaraq keçirilən muğam müsabiqələri də bu işdə
çox mühüm rol oynayır. Azərbaycanı muğamsız və muğamı
Azərbaycansız təsəvvür etmək mümkün deyil. Təsadüfi deyil ki, birinci
Beynəlxalq muğam festivalı məhz Azərbaycanda, bu gözəl Muğam
Mərkəzində keçirilir… Bu Muğam Mərkəzində keçirilən ilk beynəlxalq
tədbirdir. Bu gözəl bina, bir tərəfdən, müasir standartlara tam cavab verir,
digər tərəfdən, mili üslubda tikilibdir və əminəm ki, bundan sonra da
uzun illər ərzində Muğam Mərkəzi bütün muğamsevərləri sevindirəcək,
104
sözün əsl mənasında, muğam evinə çevriləcək və belə gözəl tədbirlərin
keçirilməsi Azərbaycanda gözəl ənənəyə çevriləcək».
Beynəlxalq muğam festivalının açılışında, festival çərçivəsində
keçirilən bir sıra tədbirlərdə YUNESKO-nun baş direktoru Koişiro
Matsuura da iştirak etmişdir.
Beynəlxalq muğam festivalı çərçivəsində martın 18-də Milli Tarix
Muzeyində «Muğam aləmi» Beynəlxalq elmi simpoziumu keçirilmişdir.
Simpoziumun açılışında xalqımızın mədəni irsinin keşiyində ləyaqətlə
dayanan Azərbaycanın birinci xanımı Mehriban Əliyeva çıxış etmişdir.
Azərbaycan muğamı YUNESKO-nun Dünya İrs Siyahısına da məhz
Mehriban xanım Əliyevanın xidməti sayəsində daxil edilmişdir. «Biz
azərbaycanlılar muğamlarımızla fəxr edirik» deyən Mehriban Əliyeva
muğamı gözəlliyin və məhəbbətin rəmzi adlandıraraq qeyd etmişdir ki,
bu simpozium muğamın təkcə Azərbaycanda yox, bütün dünyada
məhşurluğunun göstəricisidir. Mehriban xanım Əliyeva demişdir: «Mən
bu gün çox böyük fəxr hissi ilə demək istəyirəm ki, həm Heydər Əliyev
fondu, həm də Azərbaycan Dostları Mədəniyyətinin Fondu bu sahədə öz
ləyaqətli töhfəsini vermişdir. Bildiyiniz kimi, son illər bir sıra irimiqyaslı
layihələr həyata keçirmişik: muğam müsabiqələri, «Qarabağ
xanəndələri» albomunun buraxılması, «Muğam» jurnalının nəşri və sair.
Bu sırada «Muğam ensklopediyasının nəşri xüsusi yer tutur».
YUNESKO-nun təmsilçisi, Paris Milli Elmi Araşdırmalar Mərkəzinin
professoru Jan Dürinq «muğam ümumi bir dil, ümumi bir məqamdır, o,
musiqiçilər arasında anlaşma, ünsiyyət vasitəsidir» deyərək Azərbaycan
muğamının inkişaf etdiyini, zənginləşdiyini və onun bu istiqamətdə digər
ölkələrə yol göstərdiyini vurğulamışdır.
Üç gün davam edən elmi simpoziumda Azərbaycandan və dünyanın
müxtəlif ölkələrindən gələn muğam tədqiqatçılarının məruzələri
dinlənilmişdir. Muğam sənətinin tarixində yeni, mühüm bir mərhələ olan
simpozium muğamın qorunması və inkişaf etdirilməsi, onun müsəlman
ölkələrinin mədəniyyəti arasında əlaqələrin möhkəmləndirilməsinə təsiri
baxımından yüksək qiymətləndirilmişdir.
Festival çərçivəsində Azərbaycan Dövlət Filarmoniyasında italiyalı
Silvio Barbatonun dirijorluğu ilə Ü.Hacıbəyli adına Dövlət Simfonik
Orkestrinin konsertini Azərbaycanın birinci xanımı M.Əliyeva və
YUNESKO-nun baş direktoru Koişiro Matsuura da izləmişlər.
Beynəlxalq Muğam Mərkəzində keçirilən festival konsertlərində
azərbaycanlı ustad ifaçılarla yanaşı, İtaliyanın «Marağı», Suriyanın «Al
Kindi», İraqın «Anqam Al Rafidain», Mərakeşin «Nahda», Özbəkistanın
«Çargox», Misirin «Əl Ədvar» ansambllarının çıxışları anşlaqla
keçmişdir.
Dostları ilə paylaş: |