heyətinin üzvü olmuş, komsomol MK tapşırığı ilə xaricdə
işləyən yoldaşlarla daima əlaqə saxlamış və s. işlər görmüşdür.
H.Rəhmanov komsomol MK-sının katibi işləyərkən
dəfələrlə ölkənin müxtəlif rayonlarına getmiş, yerli komsomol
təşkilatının işləri ilə tanış olmuş, onlara böyük təşkilatçılıq
köməkliyi göstərmiş, kəndlərdə gedən sinfi mübarizədə komso-
molçulara və gənclərə yaxından rəhbərlik etmiş və onları an-
tisovet qüvvələrə qarşı daim sayıq olmağa çağırmışdır.
1929-1930-cu illərdə H.Rəhmanov Azərbaycan KP MK-
nın üçüncü katibi vəzifəsini aparmışdır. Bu zaman o,
Azərbaycanda əksinqilabi çıxışların – Şamxor ruhanilərinin
«Şamxor imamı», Qarabağ üsyanlarının yatırılmasında, qrup-
bazlıq işinin ləğvində yaxından iştirak etmişdir.
H.Rəhmanov 1930-1933-cü illərdə Qazaxıstan Həmkarlar
İttifaqında, Moskvada ÜİMHİS-da müxtəlif vəzifələrdə çalışmış
və Qırmızı Professorlar İnstitutunda təhsil almışdır.
O, 1933-cü ilin aprelində Bakıya göndərilmiş və burada
Azərbaycan Kommunist Partiyası MK-nın üçüncü katibi,
dekabrında isə Azərbaycan SSR Xalq Komissarları Sovetinin
sədri vəzifəsinə irəli çəkilmişdir. H.Rəhmanov bu ali vəzifədə
ömrünün axırına – 1937-ci ilin sonuna qədər var qüvvəsi ilə
çalışmışdır. O, bu vəzifədə çalışarkən bütün təşkilatçılıq bacarıq
və qabiliyyətini, var qüvvəsini respublikada sənayenin daha da
tərəqqi etməsinə, kollektivləşdirmə hərəkatının genişlənməsinə,
yeni-yeni kolxoz və sovxozların təşkilinə, onların traktor, kom-
bayn və başqa kənd təsərrüfatı texnikası ilə təmin olunmasına
həsr etmişdir. Onu tez-tez mədənlərdə, zavodlarda, fabriklərdə
fəhlələr arasında, kolxoz və sovxozlarda kəndlilər arasında,
fəhlə yataqxanalarında, ali məktəblərdə tələbələr arasında
görmək olardı. H.Rəhmanov fəhlə, kəndli və tələbələr qarşısında
çıxış edərək onları əzmlə işləməyə ruhlandırardı.
Bu onun bir sıra kütləvi və siyasi tədbirlərdə etdiyi aşağı-
dakı çıxışlarından aydın görünür: 1935-ci ilin axırlarında
Azərbaycanda respublikanın təşkil edilməsinin 15 illiyi geniş
73
qeyd edilirdi. Bu işlərin təşkilində H.Rəhmanov bilavasitə işti-
rak edirdi. 1935-ci il dekabrın 30-da Bakıda Azərbaycan MİK-
nin Azərbaycanda sovet hakimiyyətinin qurulmasının 15 illiyinə
həsr edilmiş yubiley sessiyası çağırılmışdır. Sessiyada
Azərbaycan SSR XKS sədri H.Rəhmanov Azərbaycan SSR-in
15 illik yubileyi haqqında geniş məruzə etmişdir. O, məruzədə
Azərbaycanın keçdiyi inkişaf yolunu zəngin fakt və misallarla
işıqlandıraraq demişdir: «Bu illər ərzində biz neft hasilatını 19
milyon tona qədər yüksəltmiş, neft sənayesini ən yeni texnika ilə
silahlandırmışıq… milli siyasəti möhkəm həyata keçirməklə,
yarımfeodal Azərbaycanı sənaye ölkəsinə çevirmişik.
Azərbaycaın əməkçi kəndliləri kollektivləşmə yolunda
möhkəm durmuşdur».
1936-cı il noyabrın 17-də Azərbaycan fövqəladə IX
sovetlər qurultayı işə başlamış, SSRİ fövqəladə VIII sovetlər
qurultayına nümayəndələr seçərək işini dayandırmışdır. Qurul-
taya seçilən nümayəndələrdən biri də H.Rəhmanov olmuşdur.
Azərbaycan fövqəladə qurultayı öz işinə yenidən 1937-ci il
martın 10-da başlamışdır. Bu iclasda H.Rəhmanov «Azərbaycan
Sovet Sosialist Respublikası Konstitusiyası layihəsi haqqında»
məruzə etmişdir. O, məruzəsində Azərbaycanın hərtərəfli inkişaf
etməsindən söz açaraq demişdir: «Sovet Azərbaycanına miras
olaraq imperialist müharibəsi, … interventlərin ağalığı
nəticəsində dağılmış bir təsərrüfat qalmışdı…
Sovet hakimiyyəti illərində Azərbaycanın xalq təsərrüfatı
sosializm yolu ilə inkişaf edərək, ölçüyə gəlməz dərəcədə art-
mışdır. Bakı fəhlələri və sovet Azərbaycanı əkinçiləri…
sənayeləşdirmə siyasətini həyata keçirərək Azərbaycanı feodal-
izmin hökm sürdüyü ölkədən sənaye-aqrar… ölkəsinə
çevirməyə müvəffəq olmuşdur». Azərbaycanın yeni konstitusi-
yasının xalqa verdiyi azadlıqlardan, qarşıda duran vəzifələrdən,
hüquq və vəzifələrindən, azlıqda qalan millətlərin gələcək inkiş-
afından və qarşıda duran və s. vəzifələrdən ətraflı danışaraq
demişdir: «Sovet Azərbaycanının çoxmillətli olması əsas tutulur,
74
respublikamızın ali hakimiyyət orqanlarının bütün qanunları,
qərarları… respublikada yaşayan əsas millətlərin dilində elan
etməyə məcbur olur və bütün vətəndaşlar üçün məhkəmə öz
dilində çıxışda bulunmaq hüququnu təmin edir…
Konstitusiya layihəsində… Azərbaycan SSR vətəndaşları
qanun tərəfindən söz azadlığı, mətbuat azadlığı, yığıncaq və mi-
tinqlər azadlığı, küçə yürüşləri və nümayiş azadlıqları təmin edi-
lir».
H.Rəhmanov 1924-cü ildən başlayaraq Azərbaycanın ali
orqanlarının üzvü olmuşdur: AKGİ-nin, AK(b)P MK və BK
üzvlüyə namizəd və üzvü, Azərbaycan MİK, Zaqafqaziya MİK
və SSR MİK tərkibinə seçilmiş, plenumun, konfrans, qurultay
və sessiyaların nümayəndəsi və deputatı olmuşdur.
1935-ci ildə Azərbaycan SSR-nin 15 illiyi qeyd edilən
günlərdə respublikanın iqtisadi və mədəniyyət sahəsində əldə
etdiyi müvəffəqiyyətlərdə böyük xidmətlərinə görə H.Rəhma-
nov Lenin ordeninə layiq görülmüşlür.
H.Rəhmanov repressiyaya məruz qalmış və 1938-ci ildə
həbs olunub güllələnmişdir.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.8, iş 4709, siy.74, iş 335.
- Azərbaycan Sovet Ensiklopediyası. C.VIII. Bakı, 1984.
- Azərbaycan komsomolu. Bakı, 1969.
- «Bakinskiy raboçiy» qəz., 1969, 12 may, №6.
- «Kommunist» qəz., 1935, 30 dekabr, №301; 1937,
14 mart, №61.
- Rezolöüii i postanovleniə scezdov Sovetov Azerbaydjan-
skoy SSR (1921-1937 qq.). Baku, 1961.
75
Dostları ilə paylaş: |