rayonların əhalisinin əksəriyyəti azərbaycanlılardan ibarətdir və
onların əksəriyyəti heyvandarlıqla məşğuldur, ilin 9 ayını
Azərbaycan ərazisində yaşayırlar».
1953-cü il aprelin 18-də Azərbaycan KP MK-nın plenumu
olmuş və plenumda bir sıra məsələlərlə yanaşı təşkilati məsələyə
də baxılmışdır. Plenum M.Bağırovu Azərbaycan KP MK birinci
katibi vəzifəsindən azad etmiş və Azərbaycan SSR Nazirlər
Sovetinin sədri təsdiq etmişdir. Lakin dövlətə xain çıxmış
L.Beriya ilə əlaqədar olaraq bir neçə aydan sonra M.Bağırova da
münasibət dəyişmişdir.
1953-cü il iyulun 12-13-də Azərbaycan KP MK və Bakı
Komitəsinin birləşmiş VI plenumu olmuşdur. VI plenumda
L.Beriya və M.Bağırovun məsələsi geniş müzakirə olunmuşdur.
Plenumun M.Bağırov haqqında qərarında yazılır:
«Beriya ilə əlaqədar yol. M.C.Bağırovun partiyaçıya
yaraşmayan hərəkətlərini qəbul etmək və pisləmək.
Beriya işi ilə əlaqədar partiyaçıya yaraşmayan
hərəkətlərinə, partiya qarşısında qeyri-səmimiliyinə, öz işlərində
böyük siyasi səhvlər buraxdığına görə M.Bağırovu Azərbaycan
SSR Nazirlər Soveti sədri vəzifəsindən götürmək və onu
Azərbaycan KP MK bürosunun tərkibindən çıxartmaq».
M.Bağırov 1953-1955-ci illərdə Kuybuşev neft idarəsi
rəisinin müavini vəzifəsində çalışmışdır. 1955-ci ildə həbsə
alınıb, istintaqa cəlb olunmuş, məhkəmənin hökmü ilə ən ağır
cəzaya güllələnməyə məhkum edilmiş və rəsmi məlumata görə
hökm yerinə yetirilmişdir. M.Bağırovun bağışlanmaq haqqında
sovet rəhbərliyinə müraciətləri rədd edilmişdir. Lakin Sov.İKP
MK siyasi bürosu iclaslarının sənədlərindən aydın olur ki,
beynəlxalq vəziyyət mürəkkəb olduğundan Mikoyanın təklifi ilə
bu qərarın icrası iki il dayandırılmışdır. Bununla belə,
Azərbaycana güllələnmə haqqında qərarın qüvvədə qaldığı
bildirilmişdir. 1980-ci illərdə xarici mətbuat və radioların yay-
dıqları məlumatlara görə Sibirdə həbsxanaların birində vəfat
etmişdir.
69
M.Bağırov dəfələrlə Sov.İKP MK, ZKÖK MK,
Azərbaycan KP MK və bürolarının üzvü, plenumlarının, kon-
franslarının, qurultaylarının nümayəndəsi, SSRİ, ZSFSR və
Azərbaycan MİK və Ali Sovetlərinin üzvü, qurultay və sessiya-
larının deputatı seçilmişdir.
O, Azərbaycan sənayesinin tərəqqisində, kənd
təsərrüfatının inkişafında və mədəniyyətinin yüksəlməsində əldə
etdiyi nailiyyətlərə görə hökumət tərəfindən 5 dəfə Lenin ordeni,
2 dəfə Qırmızı bayraq, 1 dərəcəli Vətən Müharibəsi, Qırmızı
Əmək Bayrağı, Azərbaycan Qırmızı Əmək Bayrağı ordenləri və
müxtəlif medallarla təltif edilmişdir.
* * *
- Azərbaycan Respublikası Siyasi Partiyalar və İctimai
Hərəkatlar Dövlət Arxivi, f.1, siy.74, iş 129, 130; 134; 135; 335;
siy.169, iş 249; siy.277, iş 17, 21; siy.405, iş 3188.
- Bolğşaə Sovetskaə Gnüiklopediə. Vtoroe izdanie. M.,
1950.
- «Kommunist» qəz., 1946, 25 yanvar, №19; 3 fevral,
№25; 1950, 1 mart, №43.
- «Həftə» qəz., 1998, 19 iyun – 10 avqust.
- Qasımov M. Malenkovun Bağırova məktubu // «Qanun»
jurnalı, 1998, №13-14, s.11-13.
- Gürcüstan Respublikası Dövlət Ən yeni tarix Arxivi,
f.607, siy.2, iş 282.
- Rossiyskiy Qosudarstvennıy Arxiv Soüialğno-Poli-
tiçeskoy İstorii (RQASPİ), f.3, op.8, d.388, l.16-18; op.10, d.70,
l.2; op.10, d.207, l.2; op.12, d.1004, l.37-42
a-b
; op.14, d.23, l.3;
op.14, d.24, l.17; op.14, d.25, l.96-98.
- Qasanlı Dj. Öjnıy Azerbaydjan: naçalo xolodnoy voynı,
Baku, 2003.
- İsmailov G. Vlastğ i narod, Baku, 2003.
70
HÜSEYN PAŞA OĞLU RƏHMANOV
dekabr 1933 – oktyabr 1937
H.Rəhmanov Azərbaycanın siyasi və
dövlət xadimləri cərgəsində layiqli yerlərdən
birini tutan şəxslərdəndir.
Hüseyn Paşa oğlu Rəhmanov 1902-ci
ilin dekabrında Bakıda dənizçi ailəsində
anadan olmuşdur. O, ilk təhsilini rus-tatar
(Azərbaycan) məktəbində almış, 1918-ci ildə
isə I Bakı kişi gimnaziyasında oxumuşdur.
Gənc H.Rəhmanov ailələrinin böyük ehtiyac
içərisində yaşadığını nəzərə alaraq yay tətillərində işləyib təhsil
haqqını ödəmək üçün pul yığıb təhsilini davam etdirmişdir.
H.Rəhmanov əmək fəaliyyətinə 1919-cu ildə Azərbaycan
Xalq Cümhuriyyəti Xarici İşlər Nazirliyində kuryer kimi ba-
şlamışdır.
1920-ci ildə bir neçə ay Bakı soveti yanında rayon ərzaq
komitəsinin evlər idarəsinin təşkilində çalışan H.Rəhmanov
könüllü olaraq ordu sıralarına gedir. Sonra o, əsgərlikdən hərbi
məktəbə oxumağa göndərilir.
H.Rəhmanov 1920-1921-ci illərdə Azərbaycan hərbi
məktəbinin kursantı olmuşdur. O, kursant olmasına baxmayaraq,
Azərbaycanda antisovet qüvvələrə qarşı mübarizədə iştirak
etmişdir.
1921-1924-cü illərdə o, Maştağa və Şəhər rayon komso-
mol komitələrinin təşkilat şöbəsinin müdiri, Balaxanı-Sabunçu
rayon komsomol komitəsinin katibi, Bakı şəhər komsomol
komitəsinin təbliğat-təşviqat şöbəsi müdirinin müavini
işləmişdir. O, məsul komsomol vəzifələrində çalışarkən
Azərbaycan gənclərinin hərtərəfli inkişafına xeyli əmək sərf
etmiş və komsomol təşkilatlarının yaradıcılarından biri kimi
fəaliyyət göstərmişdir.
71
1924-1926-cı illərdə H.Rəhmanov Azərbaycan Kommu-
nist Gənclər İttifaqı Mərkəzi Komitəsinin birinci katibi
vəzifəsində çalışmışdır. Bu dövrdə Azərbaycan gəncləri H.Rəh-
manovun rəhbərliyi ilə xalq təsərrüfatının bərpası və tərəqqisi,
fəhlə gənclərin istehsalata cəlb olunması, iqtisadi vəziyyətin
yaxşılaşdırılması, komsomol sıralarına proletar və yoxsul-
muzdur kəndli övladlarının cəlb olunması, savadsızlığın ləğvi,
gənclərin siyasi və mədəni səviyyələrinin yüksəlməsi uğrunda
mübarizədə fəal iştirak etmişlər. O, eyni zamanda respublikanın
dövlət, təsərrüfat və mədəni quruculuğu sahələri üçün komso-
molçu kadrların hazırlanmasına da fikir vermişdir.
H.Rəhmanov iki ilə yaxın – 1926-1929-cu illərdə Zaqaf-
qaziyada Ölkə Komsomol Komitəsinin birinci katibi olmuşdur.
O, Zaqafqaziya komsomolçularının və zəhmətkeş gənclərinin
ölkədə sənayeləşdirmənin başa çatdırılması və kənd
təsərrüfatının kollektivləşdirilməsi işinə cəlb edilməsində,
nəzəri-siyasi biliklərinin yüksəldilməsində, millətçiliyin hər cür
təzahürlərinə qarşı mübarizə aparmalarında, beynəlmiləlçilik
ruhunda tərbiyələnmələrində yaxından iştirak etmişdir. 1927-ci
ilin mayında Tiflisdə Zaqafqaziya komsomol təşkilatlarının
ikinci konfransı olmuşdur. Konfransdakı çıxışında H.Rəhmanov
demişdir: «Harada olursa-olsun, istər bizim ittifaqın sıralarında,
istərsə də kənarda millətçiliyin hətta çalarlarının və
təzahürlərinin meydana çıxmasına qarşı amansız və şiddətli
mübarizə aparmaq bizim borcumuzdur…».
1928-ci il mayın 17-də Moskvada ÜİLKGİ Mərkəzi
Komitəsinin plenumu çağırılmışdır. Plenum H.Rəhmanovu
ÜİLKGİ MK bürosunun üzvü və 4 katibindən biri seçmişdir. Bir
ildən sonra – yəni 1929-cu ilin aprelində isə o, ÜİLKGİ MK
ikinci katibi təsdiq edilmişdir. O, bu məsul işdə komsomol
işlərinə həsr edilmiş kitab və broşuraların çapına rəhbərlik etmiş,
komsomolçuların ali məktəblərə oxumağa göndərilmələrinin
təşkilatçısı, «İnternasional molodyoji» jurnalı redaksiya
72
Dostları ilə paylaş: |