Abid Tahirli
~
178
~
üç-beş fransız risaləsi oxuyandan sonra hay-küylə kürsüyə
qaçmasına bənzəyir («Məzhəbi-iştirakıyyun»).
Bizim halımız sağ, məqbul deyil. Ən yaxşısı budur ki,
yapon ziyalılarından öyrənək. Mənim etiqadım belədir və buna görə
də belə söyləməyə məcburam («Məzhəbi-iştirakıyyun»).
Fransa ilə Afrika müsəlmanları arasında nəhəng Ağ dəniz
var. Digər islam ölkələri ilə Fransa arasında daha böyük dənizlər,
qitələr və başqa millətlər var. Buna görə də, fransızlar müsəlmanlara
qarşı yeritdikləri siyasətin əsaslı olub-olmadığını araşdırmağı lüzum
gördükləri halda, Rusiya Asiyada Altın dağlarından Avropada –
Kara dəniz sahillərinədək həmhüdud olduqları və bir sərhəd
içərisində yaşadıqları 20 milyon islam əhalisi olan müsəlman
millətləri və dövlətləri ilə bağlı politikasını daha ziyadə
araşdırmağa, təftiş etməyə borcludur («Rusiyanın islam siyasəti»).
Rusiyanın içərisində və hüdudlarında olan müsəlmanların
yüzdə doxsanı türk olduğundan, müsəlman politikası demək, elə
türk politikası deməkdir («Rusiyanın islam siyasəti»).
Rusiya ilə İslam ölkələri Avropadan xeyir güdməməlidir.
Onların arasındakı çəkişmədən avropalılar qazanır. Rusiya ilə
müsəlmanların arasında əsrlərlə sürən düşmənçilik onların hər
ikisini eyni vəziyyətə salmışdır, necə deyərlər, iki çılpaq bir
hamama yaraşır. İndiki dəmir dövründə ağac daxmalarda ömr edən,
ağac araba ilə yol gedən, ayağı yalınğaç (çılpaq), yaxud çarıqlı
gəzən yalnız rus və müsəlmanlardı («Rusiyanın islam siyasəti»).
Rus və müsəlman millətləri arasında düşmənçilik,
dözümsüzlük, soyuqluq, qorxu və əndişə yoxdur, lakin «rəsmi
Rusiya»ya gəlincə belə deyildir («Rusiyanın islam siyasəti»).
Bütün türklərin tərcümanı
~
179
~
Rus hökuməti bir dəfə də olsun, Avropa aclarından islam
toplumunu müdafiə etməmişdir. Qədim Rumeli xristianlarını
müdafiə etmiş, lakin yanıb qovrulan türk milləti üçün bir söz
deməmişdir («Rusiyanın islam siyasəti»).
Gələcəkdə millətlər orduları ilə deyil, mədəniyyət və
kəmalət ilə iş görəcəklər («Rusiyanın islam siyasəti»).
Rus mətbuatı Şərqdən bixəbərləri olan Afinadan və ya
Sofiyadan yayılan yalanlara, istinadlara etimad göstərib, Osmanlılar
əleyhində ağzına gələni yazdığı və nəşr etdiyi materiallarla
Rusiyanın ictimai fikrini bulandırmaqla yanaşı, müsəlmanları da
bezdirməkdən başqa bir nəticə əldə etməmişdir. Rus mətbuatının bu
işlərə rus gözü ilə baxmayıb, bolqar, yaxud da yunan gözlüyü taxıb
baxması üzücüdür («Rusiyanın islam siyasəti»).
…iyirmi-iyirmi beş il əvvəl (məqalə 1911-ci ildə qələmə
alınmışdır – T.A.) elm və ədəbiyyata dair dilimizdə yalnız üç risalə
(kitabça – T.A.) var idi: biri Qərb alimi Radlofun «Bilik» (Kazan,
1872), digəri Qəyyum Əfəndi Nəsirovun «Kalendar» (cəmi 23 ədəd
olmaqla, hər il 1 təqvim-salnamə – T.A.) və üçüncüsü də Mirzə
Fətəli Axundovun komediyalarıdır (1859-cu ildə «Təmsilat» adı ilə
Tiflisdə
nəşr edilmişdir (T.A.)
(«Rusiya müsəlmanlarının
mədəniləşməsinin başlanğıcı»).
Bakı şəhərində Həsən bəy Məlikov cənabları tərəfindən
«Əkinçi» adında türkcə qəzet təsis edib az müddət davam etmiş isə
də, donmuş və buzlamış fikirlərə ildırım kimi ziya vermiş idi
(«Rusiya müsəlmanlarının mədəniləşməsinin başlanğıcı»).
Oxumuş, ziyalı müsəlmanlar rusca, fransızca bilirlər:
doktorluq, mühəndislik, mədənçilik, vəkillik edirlər, lakin milli
dildən məhrumdurlar! Ziyalı bir rus yoxdur ki, rusca yazı yazmasın,
Abid Tahirli
~
180
~
ziyalı bir nemes, polyak, ya gürcü, erməni yoxdur ki, öz dilində yazı
yaza bilməsin. Bu hal yalnız bizlərə məxsusdur («Rusiya
müsəlmanlarının mədəniləşməsinin başlanğıcı»).
İslamiyyət üçün ilk öncə iki vəzifə vardır: biri təhsil, digəri
ibadətdir. Bunun nəticəsi kimi müsəlman olan hər yerdə təhsil üçün
məktəb, ibadət üçün cami olmalıdır. Məktəb və cami yerinə görə
daşdan, ağacdan, yaxud keçədən düzəldilir. Oturaq müsəlmanların
məktəb və camiləri öz yaşayış yerlərində, bədəvi müsəlmanların
(köçərilərin) məktəb və camiləri özləri ilə birgə hərəkət, köç edər
(«Rusiya müsəlmanlarının mədəniləşməsinin başlanğıcı»).
Bir neçə il müəllimlik etdim, məktəb həyatı ilə tanış
oldum. Zavallı çocuqların 5-6 il, gündə 6-7 saat ərəbcə
əzbərçilikdən, dini təhsildən başqa heç nə ilə məşğul olmadığını
görüb əsəb və təəssüfdən yatmadığım gecələr çox olmuşdur (Rusiya
müsəlmanlarının mədəniləşməsinin başlanğıcı).
Beş illik təhsil dövründə şagird elm, hünər, kamal bir yana,
heç dürüst namaz qılmağa, hətta bir məktub yazmağa nail ola
bilmir. Bu dərdə bir dərman lazım idi. Bunun üçün 1883-cü ildə
təsis etdiyim «Tərcüman» qəzetində 1884-cü ildə üsuli-cədid – yeni
təhsil üsulu mövzusunu qaldırdım. Yeni əlifba kitabı nəşr olundu və
Baxçasarayda yeni üsullu məktəb fəaliyyətə başladı. Hazırda bu
üsulla işləyən məktəblər Şərqi Türkistana qədər yayılmış və sayı
500-ü keçmişdir («Rusiya müsəlmanlarının mədəniləşməsinin
başlanğıcı»).
Bir sıra şəhərlərdə, məsələn, Baxçasaray, Şəki, Kulca,
Şamaxı, Naxçıvanda yeni üsulla işləyən məktəblərə rus dili
müəllimi dəvət edilir və onlar çox rahat bir şəkildə rus dilini də
Dostları ilə paylaş: |