istəyini ifadə etmiş olur; onun bu mülahizələrinin əsasında beynəlxalq ticarət hüququ
ilə həm də, eyni zamanda, xidmətlərin tənzimlənməsi amili durur ki, nəqliyyat
xidməti onların növlərindən biridir. Belə ki, beynəlxalq ticarət hüququnun
nizamasalma predmetinə həm malların beynəlxalq ticarəti, həm də xidmətlərin
beynəlxalq ticarəti daxildir. Nəqliyyat xidmətləri isə (malların daşınması ilə bağlı
olan xidmətlər) beş əsas xidmət növlərindən biri sayılır.
Qeyd etmək lazımdır ki, nəqliyyat xidmətləri özü geniş anlayış olub,
aşağıdakıları əhatə edir:
-yük və sərnişin daşımalarının bütün növlərini;
-xüsusiləşdirilmiş daşıma növlərini;
-daşımanı müşayiət edən və ya yardımçı əməliyyatlar.
XTBS-in təsnifat sənədində nəqliyyat xidmətləri nəqliyyatın növündən asılı
olaraq, altı qrupa bölünür: dəniz nəqliyyat xidməti, su (çay) nəqliyyat xidməti, dəmir
yol nəqliyyat xidməti, avtomobil nəqliyyat xidməti, hava nəqliyyat xidməti, boru
kəmər nəqliyyat xidməti. Yardımçı (müşayiət edən) əməliyyatlara isə aşağıdakılar
aiddir: nəqliyyat-ekspedisiya əməliyyatı, yükləmə-boşaltma işləri, anbar işləri,
konteyner terminalı, yanacaqla doldurma, təcili təmir işləri.
Nəqliyyat xidmətləri, o cümlədən beynəlxalq nəqliyyat xidmətləri xüsusi
xarakterli əmtəədir. Buna görə də beynəlxalq nəqliyyat xidmətləri beynəlxalq
bazarında alınıb-satılır.
Beynəlxalq iqtisadi münasibətlərin həyata keçirilməsi zamanı nəqliyyat
malların iki və daha çox ölkə arasında daşınmasını təmin edir. Nəqliyyat müasir
dövrdə, hər şeydən əvvəl, dövlətlərarası xarici iqtisadi əlaqələri təmin etməyin vacib
vasitəsidir. Bu əlaqələrin əsas forması və başlıca
məzmunu olan beynəlxalq ticarətin
həyata keçirilməsində nəqliyyat xüsusilə mühüm rol oynayır. Belə ki, məlum olduğu
kimi, beynəlxalq ticarət üçün həddən ziyadə nəinki alqı-satqı müqavilələri bağlamaq
praktikası, həmçinin malların nəqliyyat vasitəsilə daşınması mərhələsi vacibdir.
Lakin
bunlara
baxmayaraq,
nəqliyyat
sahəsində
yaranan
iqtisadi
münasibətlərin beynəlxalq-hüquqi tənzimlənməsini beynəlxalq ticarət hüququ
çərçivəsində həyata keçirmək, beynəlxalq nəqliyyat hüququna onun struktur hissəsi
(institutu) kimi baxmaq qeyri-mümkündür. Məsələ burasındadır ki, beynəlxalq ticarət
və beynəlxalq nəqliyyat münasibətləri nə qədər bir-biri ilə bağlı olsalar da, onlar
beynəlxalq iqtisadi münasibətlərin ayrı-ayrı növləri, dövlətlərarası əməkdaşlığın
konkret istiqamətləridir. Beynəlxalq ticarət hüququnun əsas funksiyası dövlətlərarası
beynəlxalq ticarət münasibətlərini tənzimləməkdən ibarətdir. Beynəlxalq nəqliyyat
hüququna gəldikdə isə, qeyd etməliyik ki, o, beynəlxalq daşımalar sahəsində
dövlətlərarası nəqliyyat münasibətlərini qaydaya salmaq və nizamlamaq kimi
funksiyanı yerinə yetirir.
Beynəlxalq daşımalar dedikdə, beynəlxalq müqavilələrlə müəyyənləşdirilmiş
şərtlərə uyğun olaraq, iki və ya bir neçə dövlətin ərazisində həyata keçirilən
daşımalar başa düşülür. Beynəlxalq daşımaları xarakterizə edən iki əlamət vardır:
-birinci, beynəlxalq daşımalar beynəlxalq müqavilələrlə müəyyən edilmiş
şərtlərə uyğun olaraq həyata keçirilməlidir;
-ikinci, beynəlxalq daşımalar iki və ya daha artıq dövlət ərazisində həyata
keçirilməlidir.
Beynəlxalq daşımaların həyata keçirilməsi spesifik xarakterli elə bir məsələdir
ki, onu beynəlxalq ticarət hüququ çərçivəsində tənzimləmək olmaz;
12.4.Beynəlxalq nəqliyyat hüququnun mənbələri
Beynəlxalq müqavilələr. Dövlətlərarası beynəlxalq nəqliyyat münasibətlərini
tənzimləyən hüquq normaları öz normativ ifadəsini, hər şeydən əvvəl, ilk növbədə,
beynəlxalq müqavilələrdə tapır. Söhbət nəqliyyat sahəsində bağlanan dövlətlərarası
beynəlxalq müqavilələrdən gedir; onlara beynəlxalq nəqliyyat sazişləri və ya
nəqliyyat konvensiyaları deyilir. Beynəlxalq nəqliyyat sazişləri (nəqliyyat
konvensiyaları) beynəlxalq nəqliyyat hüququnun əsas və başlıca mənbə növü hesab
edilir.
Əgər dövlətlər arasında beynəlxalq nəqliyyat sazişləri bağlanmazsa, onda
beynəlxalq nəqliyyat daşımaları həyata keçirilə bilməz. Ona görə ki, beynəlxalq
daşımalar bu sazişlərdə müəyyən edilən şərtlərə uyğun olaraq həyata keçirilir; bu, bir
az əvvəldə qeyd etdiyimiz kimi, beynəlxalq daşımaların iki xarakterik əlamətindən
biri hesab edilir. Beynəlxalq nəqliyyat sazişlərində müəyyən olunan şərtlər isə
aşağıdakılara aiddir:
-daşıma (nəqliyyat) sənədinə və onun tərtib olunmasına;
-inzibati-gömrük proseduruna (rəsmiləşdirilməsinə);
-yükün daşınmaya qəbul edilməsinə;
-yükün təyinat yerində sahibinə (yükalana) çatdırılmasına;
-daşıyıcının
məsuliyyətinə;
-iddia və pretenziyaların verilməsinə;
-mübahisələrin həll olunmasına və s.
Hal-hazırda beynəlxalq daşımaları hüquqi tənzimetmənin əsas mənbəyi
beynəlxalq nəqliyyat sazişləri hesab olunur; bu sazişlərin bəziləri nəqliyyatın bütün
növlərini əhatə edir. Məsələn, Beynəlxalq qarışıq yük daşımaları haqqında BMT
Konvensiyası (1980-ci il), Avtomobil, dəmir yolu və daxili su nəqliyyatı ilə təhlükəli
yüklərin daşınması zamanı vurulmuş zərərə görə mülki məsuliyyət haqqında
Konvensiya (1989-cu il) belə sazişlərə misaldır. Beynəlxalq nəqliyyat sazişləri
arasında elələri vardır ki, həmin sazişlər nəqliyyatın bir neçə növünü əhatə edir.
Nəqliyyatın ayrı-ayrı növlərinə xüsusi olaraq həsr edilən beynəlxalq nəqliyyat
sazişləri də qəbul olunmuşdur.
Məsələn, Hamburq Qaydaları dənizlə yük daşımalarına, Varşava Konvensiyası
isə hava daşımalarına aiddir. Beynəlxalq nəqliyyat münasibətləri, əsasən, çoxtərəfli
sazişlərlə (konvensiyalarla) tənzimlənir; bu sazişlərin vasitəsilə nəqliyyatın ayrı-ayrı
növlərində yaranan iqtisadi münasibətlərin çoxtərəfli əsaslarla beynəlxalq- hüquqi
tənzimlənməsi həyata keçirilir. Nəqliyyat sahəsində iqtisadi münasibətlər həm də,
eyni zamanda, ikitərəfli beynəlxalq nəqliyyat sazişləri (konvensiyaları) ilə də
Dostları ilə paylaş: |