13
və maddə sonradan yaradılmışdır. Lakin fəlsəfə tarixində
çox geniş bir yeri olan filosof Platonun (e.ə. 427-347) və Aris-
totelin (e.ə. 384-322) həm Tanrının, həm də maddənin varlı-
ğını əzəli qəbul edən düşüncədə olması bu fikrin də xüsusi
bir hissə olaraq analiz edilməsinə səbəb olmuşdur.
Kainatın əzəliliyi fikri Aristoteldə özünü daha da ba-
riz şəkildə göstərir. Onun fikrincə, ulduzlar əzəli bir yana-
caqla yanırlar və əbədidirlər. Platon hər şeyin “xaos”dan
yarandığını deyərkən onun bu açıqlamasının yoxdan ya-
radılışa daha yaxın olduğunu demək mümkündür, ancaq
Platon araşdırmaçılarının çoxuna görə, Platon da maddənin
əzəliliyi fikrinə inanırdı. Bu düşüncənin tarixdəki ən əsas
müdafiəçiləri Platon və Aristotel olsa da, onlardan sonra gəlib
onlardan təsirlənən filosoflar da oxşar görüşləri müdafiə
ediblər. Məsələn, Fərabi və İbn Sinanın bu fikirlərdən
təsirlənməsi və Qəzzalinin onları tənqid etməsi İslam dün-
yasında olduqca məşhurdur. Platon və Aristotel Xristian
dünyasında sanki Xristianlıqdan öncəki müqəddəslər ola-
raq qəbul edilmələrinə baxmayaraq, təktanrılı dinlərlə ən
böyük fərqlərindən biri maddənin əzəliliyi mövzusunda ol-
muşdur. Bu səbəbdən, Big Bang-in bu mövzuda deyəcəkləri
tarixin bu mühüm müzakirəsinə də aydınlıq gətirəcəkdir.
Görəsən kim haqlı idi? Platon və Aristotel, yoxsa təktanrılı
dinlər? Görək Big Bang nə qərar verəcək?
Aqnostik mövqe
Daha əvvəl görüldüyü kimi, Tanrının varlığı və mad-
dənin əzəli olub-olmaması mövzusunda iki əsas düşüncə
var, Platon və Aristotelin fikirləri isə üçüncü bir düşüncə
olaraq siyahıya əlavə edilə bilər. Fəlsəfə tarixini araşdırarkən
bu mövzuda dördüncü bir düşüncə olaraq qəbul edilməyən,
14
bu 3 düşüncə çərçivələrinə girməyən, lakin əhəmiyyətli bir
yerə sahib olan dördüncü bir mövqeyə rast gəlirik. Bu, aq-
nostik mövqedir. Aqnostik mövqe daha öncə vurğulanan
3 mövqenin doğru olub-olmadığının bilinə bilməyəcəyini
iddia edir. Aqnostizm alternativ bir model təklif etmir. Bu
mövqeyə sahib olanları da 3 yerə ayıra bilərik:
1 – Aqnostik ateistlər: Bu mövqedə olanlar Tanrının
varlığının bilinə bilməyəcəyini iddia edirlər və bu nöqtədən
ateizmə keçib bilinə bilməyən bir Tanrını yox olaraq qəbul
etməyin daha doğru olacağını düşünürlər.
2 – Aqnostik fideistlər: Bu mövqedə olanlar ağılla nə
Tanrıya inanıla bilinəcəyini, nə də Tanrının rədd edilə bilinə-
cəyini bildirdikdən sonra ağlın qarışmadığı bir imana geniş
yer ayırırlar və Tanrının varlığını qəbul edirlər. Tarixin ən
məşhur aqnostiki Kant da bu kateqoriyaya aid edilə bilər.
3 - Aqnostik olub irəli getməyənlər: Bu mövqeyə sahib
olan insanlar isə aqnostik mövqelərindən daha irəliyə getməz,
aqnostiklikdən Tanrıya inanca və ya ateizmə keçməzlər.
Pozitivist ya da materialist təlimlərdə aqnostisizmə “qar-
şımıza çıxan yekun gerçəyin bilinməz olduğu düşüncəsi”
tərifi verilir. Əhəmiyyətlisi isə odur ki, aqnostisizm Tanrı-
nın var olub-olmadığını bilə bilməyəcəyimizi deyir. Təbii ki,
aqnostisizmə görə maddənin, kainatın başlanğıcının olub-
olmaması da bilinməzlər siyahısındadır.
Aqnostikliyin mənşəyi Qədim Yunanıstana gedib çıxır
və oxşar fikirlər sofistlərə qədər uzanır. Dəqiq və mütləq
informasiyanın imkansızlığını müdafiə edən Protoqor (e.ə.
485-420) və Qorgias (e.ə. 5ci əsr) sofistlərin bu mövzudakı
ən məşhur nümayəndələridir.
Amma aqnostisizm deyiləndə fəlsəfə tarixindəki iki
əhəmiyyətli ad yada düşür. Bunlardan birincisi Devid Hyum
15
(David Hume, 1711-1776), ikincisi isə ondan təsir lə nən və on-
dan daha məşhur olan İmmanuel Kantdır (1724-1804). Hər
ikisi Tanrınınn var olub-olmadığını bilə bilməyəcəyimizi,
maddənin də əzəli olma ehtimalının olduğunu, lakin bunu
da bilə bilməyəcəyimizi deyiblər. Tanrının varlığını sübut
edən dəlillərə etiraz olaraq bu ikilinin ünvanladığı fikirlərin
təməlində belə bir baxış vardır. Big bang-lə aqnostisizmi
müqayisə edərkən bu etirazlara da nəzər salacağıq.
Big Bang kainatın başlanğıcı haqqında informasiyanın
əldə olunmasının mümkün olduğunu ortaya qoyur və həm
nəzəri (teorik), həm də müşahidəvi və təcrübələrlə əldə olu-
nan bilgiləri ilə bunu dəstəkləyir. İnformasiyanın mümkün
olduğunu göstərən və aqnostisizmin əlçatmaz və anlaşıl-
maz qəbul etdiyi çox fundamental bir mövzunu açıqlayan
Big Bang aqnostisizmin bir çox etirazının əsassız olduğunu
gös tərməkdədir.
Tanrının varlığını və maddənin yaradılmış
olduğunu qəbul edən baxış
Bu baxışı müdafiə edən ən əsas faktor, hətta tək faktor
təktanrılı dinlərdir. Tək Tanrıya inanan dinlər özlərindən
başqa hərkəsə qarşı Tanrının mövcud olduğunu, maddənin
və kainatın yaradılmış olduğunu müdafiə etmişdirlər.
Yəhudilik, Xristianlıq və İslamın məzhəbləri arasında bir
çox fərqlərin olması ilə yanaşı,Tanrının əzəli varlığı və
maddənin yaradılmış olması mövzusunda üç böyük dinin
bütün məzhəbləri eyni düşüncəni bölüşürlər. Materialist ate-
izmin maddənin əzəliliyi mövzusundakı ortaq düşüncəsinə
qarşı tək Tanrıya inanan dinlərin maddənin yaradılmış ol-
ması və dolayısıyla başlanğıcı olduğu mövzusundakı or-
taq baxışı böyük əhəmiyyət kəsb edir. Bu, təktanrılı dinləri
özlərindən fərqli görüşlərdən ayıran fundamental bir möv-
Dostları ilə paylaş: |