29
Əməyin təhlükəsizliyi üzrə təlim və məlumatlılıq
2012-ci ildə AGT regionunda sağlamlıq, əməyin
təhlükəsizliyi, ətraf mühit / fövqəladə hallar üzrə
təlimlərə 3 milyon dollardan artıq vəsait xərclədik. İl
ərzində əməyin təhlükəsizliyi təlimi üzrə hər hansı
yeni mühüm təşəbbüs olmadı.
Əməliyyatların təhlükəsizliyi
2011-ci ilin əvvəlindən bəri BP-nin əməliyyatçısı
olduğu bütün qazma və quyularla bağlı fəaliyyətlər
şirkətin quyular üzrə qlobal təşkilatı (QQT) vasitəsilə
həyata keçirilib. Beləliklə, quyular üzrə bütün
funksional bölümlərimizdəki mütəxəssislər quyuların
təhlükəsiz və standartlara uyğun olmasını təmin
etmək üçün qurulmuş, qlobal standartlara malik
vahid bir təşkilatda birləşir.
2012-ci ildə AGT regionunda QQT Meksika
körfəzindəki dərin sularda aparılan əməliyyatların
araşdırılması barədə hesabatda göstərilmiş 26
tövsiyənin həyata keçirilməsi istiqamətində işini
davam etdirib. Biz yeni və yenilənmiş texniki
prosesləri tətbiq etmək, əməliyyat üzrə göstərişləri
gücləndirmək, riskin idarə olunması proseslərini
yaxşılaşdırmaq və BP-nin işçi heyəti və müvafiq
xidmət təchizatçıları üçün bacarıqlar üzrə ümumi
standartlar hazırlamaq məqsədilə mərkəzdən irəli
sürülmüş 22 təşəbbüsü icra etdik.
Bu, BP-nin qlobal qazma əməliyyatlarında riskin
azaldılması üçün mühüm bir təşəbbüsdür və bu
istiqamətdə hələ görülməli işlər var. 2013-14-cü
illərdə biz qalan tövsiyələri də həyata keçirməyi
nəzərdə tuturuq.
Hesabatdakı tövsiyələrin sistemli şəkildə və
nəzarət altında həyata keçirilməsi QQT daxilində
əməliyyatların idarə edilməsi sistemimizi daha da
bərqərar edəcək və əməliyyatları necə aparmağımız
üçün bazis təşkil edəcək.
Midstrim auditi və regional yoxlama prosesi
BP qrupunun ƏTƏR komandası üç ildən bir
təkrarlanan və əməliyyatları diqqətdə saxlayan
sistematik və strukturlaşdırılmış bir audit proqramı
həyata keçirir.
2011-ci ilin iyununda BP AGT-nin midstrim obyektləri,
o cümlədən quruda uyğun köməkçi funksional
bölmələri qrup səviyyəsində geniş ƏTƏR auditindən
keçdi. Üç həftəlik audit tamamlama müddəti bir neçə
aydan altı ilə qədər dəyişən tədbirlərin görülməsini
tələb edən bir sıra nəticələri məruzə etdi.
2012-ci ilin sonuna qədər BP AGT 2011-ci il midstrim
ƏTƏR auditinin tələb etdiyi tədbirlərin 82%-ni, eləcə
də 2010-cu ildə dənizdə aparılmış ƏTƏR audit ilə bağlı
tədbirlərin 93%-ni daxili yoxlama apararaq tamamladı.
Auditin tələb etdiyi qalan tədbirləri tamamlamaq
üçün işlər 2013-cü ildə davam etdi.
Boru kəmərlərinin mexaniki
bütövlüyünün idarə edilməsi
Quruda
Təzyiq sistemlərinin mexaniki bütövlüyü
Əməliyyatların təhlükəsiz və etibarlı davam etməsinə
əmin olmaq üçün təzyiq altında olan çənlər və təzyiq
sistemlərinin müntəzəm normativ təftişlərdən
keçirilməsi tələb edilir. 2012-ci ilin əvvəlində Səngəçal
terminalındakı təzyiq sistemləri avadanlığının təftiş
tarixçəsinə və əlaqədar təmir işlərinə baxış keçirildi.
Baxışdan sonra avadanlıq növbə siyahısına alındı və
təftiş planına daxil edildi.
Azəri-Çıraq-Dərinsulu Günəşliyə aid sahədə
quraşdırılmış texnoloji avadanlıq da korroziya ilə bağlı
fəaliyyətləri təsbit edə bilən ən müasir qeyri-intruziv
texnologiya – geniş səth inspeksiyasının (GSİ)
avtomatlaşdırılmış skanerindən istifadə olunmaqla
daxili təftişdən keçirildi. GSİ divar qalınlığının
ultrasəs vasitəsilə ölçülməsindən istifadə edir, belə
ki, əvvəlcədən müəyyənləşdirilmiş ölçmə nöqtələri
üçün qalınlıq göstəricilərini qeydə almaq məqsədilə
qəbuledici kompüterə birləşdirilir. Bu, korroziya
dərəcələrini dəqiq hesablamaq və nəzarətdə
saxlamağa imkan verir.
Saxlama çənləri də hər hansı aşınma hadisəsinin
erkən mərhələdə aşkar olunmasını təmin etmək
üçün müntəzəm təftiş aparılmasını tələb edir. Daxili
vizual təftiş, adətən elektromaqnit üsulla sızmaların
aşkarlanması və qeydiyyatı ilə birlikdə aparılır. 2012-
ci ildə Səngəçal İlkin neft layihəsinə aid C və D
çənlərində geniş təmir və təftiş işləri aparıldı. Hər iki
çənin istismarı dayandırıldı, onlar neft qalıqlarından
təmizləndi və daxildən təftiş olundu. Çənlərin istismar
müddətini uzatmaq üçün qaynaq-təmir işləri aparıldı,
yeni daxili təbəqə çəkildi və mühafizə anodları
quraşdırıldı.
Korroziya və hasilatda kimyəvi tədbirlər
Korroziya və hasilatda kimyəvi tədbirlərlə bağlı
fəaliyyətlər korroziyanın qarşısının alınması, hasilatın
yaxşılaşdırılması, strukturlara texniki qulluq, eləcə də
katod mühafizəsi sahələrində uğurla həyata keçirildi.
S n dl şdirilmiş
Cavabdeh
S rişt li
Z man tli
Sistemli
v
idar olunan
29
Gördüyümüz bütün işlərin əsasında təhlükəsizlik durur.
Əməyin təhlükəsizliyi və sağlamlıq
BP Azərbaycanda. Davamlı inkişaf haqqında hesabat 2012
30
Səngəçal terminalında və ixrac boru kəmərlərində
gündəlik fəaliyyət əsnasında mütəmadi olaraq
korroziya nümunələri götürülür. Buraya, həmçinin
bakteriyaların illik tədqiqi, ərsinləmə tullantılarından
nümunələrin götürülməsi, boru kəmərləri üçün giriş
spesifikasiyaları və əməliyyatlarla bağlı digər kimyəvi
fəaliyyətlər daxildir.
Bu təftiş və nümunələrin götürülməsi rejimi vasitəsilə
sistem üçün əsas icra indikatorları müəyyənləşdirilir,
onların gündəlik monitorinqi keçirilir və aylıq hesabatı
verilir.
Bundan başqa, əməliyyatların və hasilatın
səmərəliliyini artırmaq, riski azaltmaq və xərclərin
təsirini minimallaşdırmaq məqsədilə “Nalco” kimya
şirkəti ilə müxtəlif kimyəvi sınaqlar və Azəri-Çıraq-
Dərinsulu Günəşli üçün ərpin yaranması prosesinin
ləngidilməsi kimi səmərələşdirici layihələr həyata
keçirildi.
Səngəçal terminalında yeraltı boru kəmərlərinin katod
mühafizəsi üzrə müxtəlif modernləşdirmə layihələri
həyata keçirildi. Katod mühafizəsi sisteminin gündəlik
monitorinqi və texniki qulluğu da yerinə yetirildi.
Boru kəmərləri strukturunda məsafədən monitorinq
sistemi quraşdırıldı və hazırda tamamlanmaq üzrədir.
Bundan əlavə, Səngəçal terminalında bütün yeraltı
qurğular, boru kəmərləri və kəmər sistemləri tədqiq
olundu və təkmilləşdirmə layihələri müəyyənləşdirildi.
Bu layihələr 2013-cü ildə həyata keçirilir.
Qurudakı boru kəmərlərinin mexaniki bütövlüyü
Midstrim üzrə qurudakı borukəmərləri Azərbaycanda,
Gürcüstanda və Türkiyədə 3 000 km uzunluğunda üç
müxtəlif boru kəmər sistemini – Bakı-Tbilisi-Ceyhan
(BTC), Cənubi Qafqaz Boru Kəməri (CQBK) və Qərb
İxrac Boru Kəmərini (QİBK) əhatə edir.
Ən azı iki ildə bir dəfə bütün boru kəmərlərimizin
təftişi keçirilir, qanunsuz müdaxilələrin olub-
olmamasını yoxlamaq üçün QİBK-nin bəzi
hissələri isə altı aydan bir təftiş edilir. Potensial
Şərqi Azəri platformasına yan alan təchizat gəmisi.
İnsidentlətin idarə edilməsi qrupumuz Xəzər 3
təlim-məşqi zamanı.
torpaq sürüşməsi yerlərində yerdəyişmənin olub-
olmamasının yoxlanması üçün BTC və CQBK-nin də
bəzi hissələri təftiş edilir.
Bu yoxlamaları həyata keçirmək üçün Azərbaycan-
Gürcüstan-Türkiyə regionu çoxlu sayda diaqnostika
texnologiyaları tətbiq edib. Bunlara kalibr
konfiqurasiyasının təftişi aləti, aksial maqnit axını,
çatların ultrasəslə aşkar olunması, boru divarının
ultrasəslə ölçülməsi, katod mühafizəsi üzrə cərəyan
aləti, elektromaqnit akustik ötürücü alət, sızmanın
aşkara çıxarılması aləti və XYZ xəritələşdirmə daxildir.
2013-cü ildə təftişi çətin olan xətlərin mexaniki
bütövlüyü üzrə ilkin qiymətləndirməni aparmaq üçün
maqnit yaddaş metodu kimi digər texnologiyaları
da sınaqdan keçirəcəyik. Biz məlumatları avtomatik
şəkildə toplayan çay axınının skan olunması
texnologiyasını da sınaqdan keçirmək istəyirik.
Burada məqsəd daşqın mövsümünün çaylarla
kəsişən boru kəmərlərində qırılma riskinin yüksək
olduğu ən qızğın vaxtında məlumatların toplanmasıdır.
Dənizdə
Şahdənizin ətraflı təhlili və təftişi bizə imkan verdi
ki, platfomanın yüklərin qaldırılması yerini və
gələcək quyu işlənməsi üçün potensialı təsdiqləyək.
Platformadakı işlərin davam etdirilməsi üçün 2013-cü
ildə əlavə təhlillər aparılacaq.
Biz, həmçinin altı dəniz platformamızın hamısında
əsas karbohidrogen çənlərinin riskə əsaslanan
qiymətləndirilməsini başa çatdırdıq və Qərbi Çırağın
əməliyyatöncəsi mərhələsi üçün aparılmaqda
olan ilkin işlərə dəstək verdik. Qiymətləndirmə
nəticəsində gələcək illər üçün təftiş işlərinin qrafiki
tutuldu.
İl ərzində Dərinsulu Günəşli platformasının təftişini də
başa çatdırdıq. Boru kəmərinə aid flans birləşmələrin
səthinin və çənlərin mexaniki bütövlüyünün çoxlu
sayda təftişi aparıldı və müsbət rəy alındı.
Təchizatçılarımızla birgə bütün platformalarda təmir
proqramları başa çatdırıldı. Məsələn, Mərkəzi Azəri
platformasında göyərtə strukturu ilə dəniz səviyyəsi
arasında boşluğun azaldılması üzrə işi tamamladıq.
Bu proqram yatağın istismar müddətini uzatmaq
öhdəliyimizin bir hissəsi olaraq 2013-cü ildə də
davam etdiriləcək.
2012-ci ilin iyulunda ərazinin cari yoxlanışı zamanı
aşkar olundu ki, Səngəçal terminalı ilə Dərinsulu
Günəşli platforması arasında dəniz boru kəməri
dəhlizində bir neçə kabel zədələnib. Müəyyən
edildi ki, üçüncü tərəfə aid bir gəmi bu ərazidə
lövbərini salaraq sürüyüb. Sualtı boru kəmərlərinin
mexaniki bütövlüyünü təmin etmək üçün uyğun
tədbirlər gördük, o cümlədən monitorinq üçün
səmərəli bir sistem yaratmaq məqsədilə Fövqəladə
Hallar Nazirliyi və digər uyğun dövlət orqanları ilə
əməkdaşlıq etdik.
Dənizçilik əməliyyatları
Gərgin və məhsuldar il olan 2012-ci ildə dənizçilik
əməliyyatları komandası Azərbaycandakı
əməliyyatlarımızın dəstəklənməsində mühüm rol
oynadı. Görülən işlərə normal donanma əməliyyatları,
qazma qurğularının yerdəyişmələri, dənizdə
sığortalama, fövqəladə hallara qarşı cavab tədbirləri,
təhlükəsizliklə bağlı vəzifələr və dənizdə təchizat
öhdəlikləri daxil idi.
Yeni keşikçi gəmi strategiyası hazırlandı və boru
kəmərlərinə nəzarət ərazisinin genişləndirilməsi üçün
tətbiq edildi. Heç bir xəsarət qeydiyyata alınmadan
qazma qurğularının altı yerdəyişməsi beynəlxalq
standartlara uyğun başa çatdırıldı.
Dəniz əməliyyatlarımızın artmasını dəstəkləmək
üçün “Kaspian Çəllencer” və “Kaspian İndevə”
adlı iki yeni lövbərsalma gəmisi, eləcə də “Kaspian
Saporter” adlı platformalar üçün yeni təchizat gəmisi
əldə olundu. Bu gəmilər gücünə və ölçüsünə görə
Əməyin təhlükəsizliyi və sağlamlıq
BP Azərbaycanda. Davamlı inkişaf haqqında hesabat 2012