İnzibati hüquq
503
bilər. Bunları intizam məsuliyyəti, inzibati məsuliyyət, cinayət məsuliyyəti,
maddi (mülki) məsuliyyət kimi sadalamaq mümkündür. Lakin bu o demək
deyil ki, hər bir səhlənkarlıq və ya səlahiyyətən aşılması yuxarıda sadalanan
məsuliyyətləri yaradır. Bunların yaranıb- yaranmadığı konkret halda ayrıca
qiymətləndirilməli, bu zaman qanunçuluq prinsipi pozulmamalıdır. Bununla
belə, xüsusən intizam məsuliyyətinə cəlb edilmə şərtləri başqalarına nisbətən
dövlət qulluqçusu üçün əlverişsizdir.
Dövlət qulluqçusunun məsuliyyətinin əsasları “Dövlət qulluğu haqqında”
Qanunun 25-ci maddəsində nəzərdə tutulmuşdur. Dövlət qulluqçusuna həvalə
olunmuş vəzifələrin yerinə yetirilməməsi və ya lazımi şəkildə yerinə
yetirilməməsi, habelə Etik Davranış Qaydaları haqqında Qanunla müəyyən
edilmiş məhdudiyyətlərə əməl olunmaması, intizam məsu liyyətinə səbəb olur.
Dövlət qulluqçuları qanunvericiliklə nəzərdə tutulan vəzifələr üzrə tələbləri
pozarlarsa, onlara aşağıdakı intizam tənbeh tədbirləri tətbiq oluna bilər:
-
töhmət;
-
bir il müddətinədək vəzifə maaşının 5 faizindən 30 faizinədək azald ılması;
-
həmin təsnifatdan olan, lakin vəzifə maaşı aşağı olan vəzifəyə
keçirilməsi;
-
daha aşağı təsnifatdan olan vəzifəyə keçirilməsi;
-
ixtisas dərəcəsinin bir pillə aşağı salınması;
-
dövlət qulluğundan azad edilməsi.
Diqqət edilsə, dövlət qulluqçularının vəzifələrinin konkret hansının
pozulmasında yuxarıda saydığımız hansı tənbeh tədbirinin tətbiq olunacağı
dəqiq göstərilmir. Töhmətlə dövlət qulluğundan azad edilmə tədbirləri arasında
böyük fərq vardır. Deməli, DGQ Qanunun 18 -ci maddənin pozulması hal ında
tabeçilik qaydasında yuxarı orqana, eyni qanunun 25.2-ci maddəsində
göstərilən tədbirlərin tətbiqində mülahizə səlahiyyəti verilir.
İntizam tənbeh tədbirinin tətbiq edilməsi barədə əmrdən, onun imzalandığı
gündən 7 iş günü müddətində müvafiq icra hakimiyyəti orqanına şikayət
vermək olar. Bu zaman həmin orqan tərəfindən intizam tənbeh tədbiri 10 iş
günü müddətində ləğv olunmalı və ya qüvvədə saxlanılmalıdır. Y uxarıda
açıqlanan intizam tənbehi tədbirindən şikayət verilməsi qaydası Azərbaycan
Respublikası Prezidentinin 3 sentyabr 2001-ci il tarixli Fərmanı ilə təsdiq
edilmiş “Dövlət orqanlarında dövlət qulluqçuları barəsində tətbiq olunmuş
intizam tənbehi tədbirlərindən şikayət verilməsi qaydası haqqında Əsasnamə”
ilə müəyyən edilir.
Fərhad Mehdiyev
504
Dövlət qulluqçusu qa nunvericiliklə müəyyən edilmiş hallarda və qaydada
inzibati və cinayət məsuliyyətinə cəlb oluna bilər (əməllərində inzibati xəta ya
da cinayət tərkibi varsa).
Dövlət qulluqçusu onun təqsiri üzündən dəymiş zərər üçün qanunvericiliklə
müəyyən edilmiş qaydada maddi məsuliyyət daşıyır. Lakin təqsir varsa, bir
qayda olaraq bu zərəri dövlət ödəyəcəkdir. Bundan sonra isə dövlət ona qarşı
reqress hüququndan istifadə edəcəkdir.
Dövlət qulluqçusunun qanuna uyğun hərəkətləri nəticəsində dəymiş zərərin
əvəzi, sosial dövlət prinsipi tələb etdikdə və təqsirsiz məsuliyyət əsasları
olduqda, tam həcmdə dövlət büdcəsinin vəsaiti hesabına ödənilir.
Dövlət qulluqçusu “Korrupsiyaya qarşı mübarizə haqqında” Azərbaycan
Respublikası Qanununun 5.1-ci maddəsində müəyyən edilmiş tələblərə əməl
etmədikdə və ya həmin Qanunun 9-cu maddəsində göstərilən hüquqpozmaları
törətdikdə (onlar inzibati və ya cinayət məsuliyyəti yaratmadıqda) intizam
məsuliyyətinə cəlb olunur.
Dövlət qulluqçusu hərəkətlərinin qanuniliyinə cavabdehdir. Iyerarxiya
qaydasında olsa belə, verilən hər göstərişi yerinə yetirməməlidir. Əgər
qanunsuz göstəriş verilibsə, və qanunsuzluq aşkar dərəcədə olsa, məmur bunu
ümumiyyətlə yerinə yetirməli deyildir. Lakin qanunsuzluğu şübhəli olan
göstərişlərə qarşılaşan məmur, rəhbə r işçinin göstərişini qanunsuz sayarsa, o
əvvəlcə buna etiraz etməli (həm öz rəisinə, həm də bir yuxarıdaki pilləyə),
bundan sonra “rəis” göstərişini qüvvədə saxlasa və ondan yuxarı vəzifəli rəhbər
həmin göstərişi ləğv etməsə, dövlət qulluqçusu məsuliyyətd ən azad olunur
(olunmalıdır).
İnzibati hüquq
505
II. BƏLƏDİYYƏ QULLUĞU
A. BƏLƏDİYYƏ QULLUĞU
İctimai idarəetmənin bir digər şəkli də yerli özünüidarəetmə orqanlarıdır.
Yerli özünüidarəetmə orqanları, dövlətin sərhədləri daxilində yaşayan kiçik və
böyük icmaların (kənd, qəsəbə, şəhər) ortaq və yerli xarakterli tələbatlarını
ödəmək məqsədi ilə ölkənin qanunvericiliyinə əsasən formalaşdırılan
konstitusion quruluşlardır. Bu anlayış “Avropanın Yerli Özünüidarəetmə
Haqqında Xartiyasinın” 3-cü maddəsində aşağıdakı kimi verilmişd ir : “Yerli
özünüidarə dedikdə, yerli özünüidarə orqanlarının qanun çərçivəsində,
məsuliyyəti öz üzərinə götürərək və yerli əhalinin mənafeyi naminə dövlət
işlərinin böyük bir hissəsini nizama salmaq və onu idarə etmək hüququ və real
bacarığı başa düşülür.”
868
Yuxarıda verilmiş yerli özünüidarəetmə haqqındakı tərifləri təhlil etdiyimiz
zaman, yerli özünüidarəetmə orqanlarının əsasən, əhalinin ictimai tələbatlarının
ödəyən qurum olduqları anlaşılır. İctimai tələbatların ödənilməsində həm
mətkəzi administrasiya, həm də yeri özünüidarəetmələr aparıcı mövqe tuta
bilər. Bu, ölkədən ölkəyə fərq göstərə bilər. Məsələn Avropada bələdiyyələr bu
sahədə daha aktivdir. Dövlət əhalinin ictimai tələbatlarının ödənilməsini
müxtəlif mexanizmlər vasitəsilə həyata keçirə bilər . Fikrimizcə, əsas məsələ bu
tələbatları ödəyərkən ölkənin iqtisadi potensialından maksimum dərəcədə
səmərəli istifadə olunmasıdır. İnkişaf etmiş ölkələrin təcrübəsi göstərir ki, hər
bir ölkənin, regionun, ərazinin iqtisadi imkanlarından səmərəli istifadə edilməsi
və sosial-iqtisadi inkişafın, əhalinin rifah halının yaxşılaşdırılması üçün dövlət
idarəetmə orqanları ilə yanaşı yerli özünüidarəetmə orqanlarının da səmərəli
fəaliyyəti vacibdir. Bu baxımdan da əhaliyə səmərəli ictimai xidmətlətin
göstərilməsi üçün dövlət qulluğu ilə yanaşı bələdiyyə qulluğunun da inkişafı
vacibdir.
Ölkəmizdə coğrafi yerli özünüidarəetmənin yeganə forması bələdiyyədir.
“Bələdiyyələrin statusu haqqında qanuna” əsasən bələdiyyə - qanunla müəyyən
edilmiş ərazi hüdudları daxilində yerli özünüidarəetmə formasıdır.
Bələdiyyə qulluğu ilə bağlı münasibətlər və Azərbaycan Respublikasında
bələdiyyə qulluqçularının hüquqi vəziyyəti 28 dekabr 1999 -cu ildə qüvvəyə
minmiş “Bələdiyyə qulluğu haqqında” Qanun, Azərbaycan Respublikasının
868
Bələdiyyələr Haqqında Sənədlər Toplusu, Bakı -Qanun, 2007, s.18.
Dostları ilə paylaş: |