Fərhad Mehdiyev
498
habelə vakant vəzifənin tələblərinə uyğun olaraq təcrübə, yenidənhazırlanma və
ixtisasartırma keçməyin nəticələri nəzərə alınmaqla həyata keçirilir. Dövlət
qulluğunda irəli çəkilmək hüququ verən qanun maddələri təhlil edildikdə
Azərbaycanda tətbiq olunan dövlət qulluğu sisteminin açıq sistem deyil,
karyera sistemi olduğu görsənir. Fikrimizcə karyera sistemi açıq dövlət qulluğu
sisteminə görə peşəkar dövlət qulluqçularının formalaşmasına şərait yaradan
daha mütərəqqi sistemdir.
4. Dövlət qulluğuna xitam verilməsi
2 iyun 2008-ci il tarixli 624-IIIQD nömrəli Azərbaycan Respublikasının
Qanunu ilə dövlət qulluğuna xitam verilmə qaydaları dəyişdirilmişdir. Yeni
redaksiya olunmuş “Dövlət qulluğu haqqında” qanuna əsasən dövlət qulluğuna
aşağıdakı əsaslarla xitam verilə bilər:
-dövlət qulluqçusunun öz arzusu ilə;
-dövlət orqanı ləğv edildikdə;
-dövlət qulluqçularının sayı və ya ştatları ixtisar edildikdə;
-qanunvericiliyin tələbləri pozularaq işə qəbul edildikdə;
-bu Qanuna uyğun olaraq yaradılmış attestasiya komissiyası tərəfindən
peşəkarlıq, işgüzarlıq və mənəvi keyfiyyətləri səviyyəsinin kifayət dərəcədə
olmadığına görə dövlət qulluqçusunun tutduğu vəzifəyə uyğun gəlmədiyi
barədə verilmiş qiymət və tövsiyələr əsasında dövlət qull uqçusunun qulluq
keçdiyi dövlət orqanının rəhbəri tərəfindən müvafiq qərar qəbul edildikdə;
-qanuna uyğun olaraq dövlət qulluğundan azad edildikdə;
-Azərbaycan Respublikası vətəndaşlığından çıxdıqda;
-qanunvericilik və ya yerli özünüidarə orqanlarına seçil dikdə, habelə hakim
təyin edildikdə, əgər onlar həmin vəzifələrdən imtina etmədikdə;
-qanunvericilikdə daha uzun müddət müəyyən edilməyibsə, əmək
qabiliyyətinin fasiləsiz olaraq altı aydan çox müddətə tam itirilməsi ilə əlaqədar
dövlət qulluqçusu əmək funksiyasını yerinə yetirə bilmədikdə;
-məhkəmənin qanuni qüvvəyə minmiş ittiham hökmü və ya tibbi xarakterli
məcburi tədbirlərin tətbiqinə dair qanuni qüvvəyə minmiş qərarı olduqda;
-dövlət qulluqçusu vəfat etdikdə, habelə məhkəmə tərəfindən xəbərsiz itkin
düşmüş hesab edildikdə və ya ölmüş elan edildikdə.
Dövlət qulluqçusu müvafiq qanunvericiliyə uyğun olaraq pensiya yaşına
çatmasına görə öz arzusu ilə dövlət qulluğundan çıxdıqda, ona qanunvericiliyə
İnzibati hüquq
499
uyğun olaraq digər pensiya növünün təyin edilməsindən asılı olmayaraq,
ümumi qaydada hesablanmış aylıq pensiyasının 6 misli məbləğində birdəfəlik
haqq verilir və bu məbləğdən vergi tutulmur.
Dövlət orqanı rəhbərinin dövlət qulluğunu davam etdirmək barədə qərarı
olarsa, dövlət qulluqçusu öz arzusu ilə dövlət qulluğundan çıxmaq barədə
ərizəni verdiyi gündən 1 ay ərzində dövlət qulluğunu davam etdirməlidir.
Zərurət olduqda, həmin müddət dövlət orqanının rəhbəri tərəfindən əlavə olaraq
1 ay müddətinədək uzadıla bilər.
H. DÖVLƏT QULLUQÇULARININ ETİK DAVRANIŞ QAYDALARI
VƏ MƏSULİYYƏTİ
Dövlət qulluqçularının öz xidməti vəzifələrini yerinə yetirərkən etik
davranış qaydaları çərçivəsində qalmaları vacibdir. Dövlət qulluqçularının öz
vəzifələrini yerinə yetirməmələri və ya lazımınca yerinə yetirməmələri mütləq
məsuliyyət tədbirlərinin yerinə yetirilməsi ilə müşayiət olunmalıdır.
Dövlət qulluqçularının işləyib hazırladıqları və qəbul etdikləri qərarlar
məqsədəuyğun olub, qanunçuluq prinsipinin və idarəetməyə dair hüquqi
aktların müddəalarının müvafiq tələblərinə cavab verməlidir. Dövlət
qulluqçularının etik davranış qaydalarından kənara çıxmaları, səriştəsiz qərarlar
qəbul etmələri ictimai münasibətlərə ziyan vura bilər. Dövlət qulluqçularının
onlara həvalə edilmiş vəzifələri icra etməməsinə görə, yaxud lazımınca icra
etməməsinə görə, vəzifə səlahiyyətlərini aşmasına görə, eləcə də dövlət qulluğu
haqqında qanunvericilik aktlarında dövlət qulluğu ilə bağlı müəyyənləşdirilmiş
məhdudiyyətlərə əməl olunmamasına görə dövlət qulluqçusuna qarşı intizam
tənbehləri tətbiq edilə bilər.
1. Dövlət qulluqçularının etik davranış qaydaları
Dövlət qulluqçularının etik davranış qaydaları 31 May 2007 -ci ildə qəbul
edilmiş “Dövlət qulluqçularının etik davranış qaydaları haqqında” qanunla
tənzimlənir. Qanunun əsas məqsədi aşağıdakılardır:
-
dövlət orqanlarının və dövlət qulluğunun nüfuzunun artırılması,
vətəndaşların dövlət orqanlarına və dövlət qulluqçularına etimadının
yüksəldilməsi;
-
dövlət orqanları və dövlət qulluqçularının fəaliyyətində səmərəliliyin və
şəffaflığın artırılması;
Fərhad Mehdiyev
500
-
dövlət
orqanlarında
korrupsiyanın
və
dövlət
qulluqçularının
fəaliyyətində maraqların toqquşmasının qarşısının alınması;
-
dövlət qulluqçuları tərəfindən etik davranış qaydalarına
əməl
olunmasının təmin edilməsi;
-
dövlət qulluqçularından gözlənilən davranış barəd ə vətəndaşların
məlumatlandırılması;
-
dövlət
orqanlarının
və
dövlət
qulluqçularının
fəaliyyətinin
qiymətləndirilməsinə vətəndaşların təsiri imkanlarının genişləndirilməsi.
“Dövlət qulluqçularının etik davranış qaydaları haqqında” qanunda
dövlət qulluqçuları üçün etik davranış qaydaları müəyyənləşdirilmişdir.
Onlardan bəziləri aşağıda verilmişdir:
-
Vicdanlı davranış: Şəxsin, cəmiyyətin və dövlətin maraqları naminə
dövlət qulluqçuları öz vəzifə borcunu səmərəli yerinə yetirməyə borcludurlar.
-
Peşəkarlıq və fərdi məsuliyyətin artırılması
-
Loyallıq: Dövlət qulluqçusu onun xidməti vəzifəsinə aid olmadığı
hallarda, dövlət orqanlarının, onların rəhbərlərinin fəaliyyəti ilə əlaqədar
(qanunsuz fəaliyyət istisna olmaqla) tənqidi ictimai mülahizələrdən, çıxış lardan
və onların fəaliyyətinə ictimai qiymət verilməsindən çəkinməlidir. Bu qayda
dövlət qulluqçusunun elmi-pedaqoji fəaliyyəti ilə bağlı çıxışlarına və ya elmi
yazılarına şamil olunmur.
Dövlət qulluqçusu dövlət qulluğu ilə bağlı vəzifələrin icrası ilə bi r araya
sığmayan və onun adına xələl gətirə biləcək, habelə dövlət orqanının nüfuzunu
aşağı sala biləcək hərəkətlərə yol verməməlidir.
-
İctimai etimad: Dövlət qulluqçusu Azərbaycan Respublikasının, dövlət
orqanının və dövlət qulluğunun nüfuzunu möhkəmlənd irməyə, öz adını və
şərəfini uca tutmağa borcludur. Dövlət qulluqçusu etik davranış qaydalarının
onun tərəfindən pozulması nəticələrini aradan qaldırmağa, o cümlədən ictimai
etimadın bərpası üçün tədbirlər görməyə borcludur. Dövlət qulluqçusu dövlət
orqanlarının və onların vəzifəli şəxslərinin fəaliyyəti barədə ictimaiyyəti
məlumatlandıran kütləvi informasiya vasitələri nümayəndələrinin qanunla
müəyyən edilmiş hallarda və qaydada doğru (dürüst) məlumatlar almasına
köməklik göstərməlidir.
- Mədəni davranış: Dövlət qulluqçusu bütün şəxslərə, o cümlədən birbaşa
və yuxarı rəhbəri ilə və ya tabeliyində olan şəxslərə münasibətdə nəzakətli,
xeyirxah, diqqətli və səbrli olmalıdır.
Dostları ilə paylaş: |