68
1828-ci ildə ABŞ fiziki
C.Henri
müəyyən edir ki, elektromaqnitin dolaqlarının
sayını artırdıqda onun maqnit təsirini dəfələrlə artırmaq mümkündür. O, elektro-
maqnitin bu xassəsindən istifadə edərək ağır dəmir yükləri qaldıra bilən ilk elektro-
maqnit kranını hazırlayır.
Daxilindә dәmir içlik olan sarğac elektromaqnit adlanır.
Elektromaqnitin maqnit təsiri onun dolaqlarının sayından və bu dolaqlardan ke-
çən cərəyan şiddətindən kəskin asılıdır. Araşdırmadan müəyyən etdiniz ki, dolaq-
ların sayını və cərəyan şiddətini artırdıqda elektromaqnitin maqnit təsiri dəfələrlə
artır, lakin cərəyan kəsildikdə elektromaqnit dərhal maqnitsizləşir. Elektromaqnitin
bu xassəsinə əsaslanan cihaz və qurğular məişət, texnika, istehsalat, tibb və s.-də
geniş tətbiq olunur. Məsələn, ağır dəmir məmulatlarını boşaltmaq və ya yükləmək
üçün
elektromaqnit kranlarından istifadə edilir
(
c
). Filiz yataqlarında dəmir his-
səciklərini digər cisimlərdən (torpaq, daş və s.) ayırmaq üçün
elektromaqnit se-
paratorlar (fırlanan elektromaqnit bobin) tətbiq olunur
(
d
).
Məktəbinizdəki elektrik zənginin əsas hissəsi də elektromaqnitdir. Onun quruluşu
və iş prinsipi ilə tanış olaq.
Elektrik zәnginin quruluşu vә iş prinsipi. Elek-
trik zənginin əsas hissələri bunlardır: elektromaqnit
(1), elastik polad yay (2), ona bərkidilmiş dəmir
lövbər (3), lövbərin ucuna bərkidilmiş kiçik çəkic
(4), səs mənbəyi olan metal tava (5). Elektrik
zənginin düyməsi (6) sıxıldıqda dövrə qapanır, elek-
tromaqnitdən cərəyan keçir və o maqnitlənir. Elek-
tromaqnitə cəzb olunan lövbərin çəkici tavaya dəyə-
rək onu səsləndirir. Lakin lövbər elektromaqnitə
doğru cəzb olunduqda o, kontaktdan (7) aralanır və
•
İlk elektromaqnit kranının ixtiraçısıdır.
O, 1831-ci ildə 1000 kq yük qaldıra bilən
elektromaqnit kranını nümayiş etdirmişdir.
Həmin kran Vaşinqtonda, Smitson İnstitutu-
nun muzeyində saxlanılır.
Cozef Henri
(1797-1878)
ABŞ fiziki və ixtiraçısı
(c)
(d)
(e)
LAYİHƏ
2
69
• II fəsil •
Maqnit sahəsi
•
dövrə A nöqtəsində açılır: cərəyan kəsilir və elektromaqnit maqnitsizləşir
(
e
). Bu
zaman elastik yay vasitəsilə geriyə dartılan lövbər elektrik dövrəsini yenidən A nöq-
təsində birləşdirir və zəngçalma prosesi bərpa olunur. Zəngçalma prosesi düymə
sıxıldığı müddətdə dəfələrlə təkrarlanır.
1. Cərəyanlı sarğacın maqnit təsirini necə artırmaq olar?
2. Elektromaqnit nədir və ondan hansı məqsədlə istifadə olunur?
3. Elektrik zənginin iş prinsipini izah edin.
4. Dəmir mismara izolyasiyalı naqil dolayıb batareyaya birləşdirsəniz,
sadə elektromaqnit
alarsınız. Bu elektromaqnitin qütblərini təyin edin.
Yaradıcı tәtbiqetmә
Elektromaqnit kranının modeli
ilə iş
.
Təchizat: elektromaqnit kranının
modeli (elektromaqnit – 2 ədəd,
qarmaqlı dəmir lövbər), yüklər
dəsti
(
f
), cərəyan mənbəyi (düz-
ləndirici), birləşdirici naqillər.
İşin gedişi:
1. Elektromaqnit kranını ştativdən asın. Elektromaqnitlərin yu-
xarı sıxaclarını bir-birinə, aşağı sıxaclarını isə düzləndiriciyə
birləşdirin
(
g
).
2. Düzləndiricini işə salıb dövrənin uclarına 2V gərginlik verin.
Dəmir lövbəri elektromaqnitə yaxınlaşdırıb, onun qar-
mağından elektromaqnitdən qopana qədər yüklər asın.
3. Dövrənin uclarına 4V gərginlik verib təcrübəni təkrarlayın və
hansı halda lövbərin daha çox yük saxladığını araşdırın.
Nəticəni müzakirə edin:
Elektromaqnit kranının yükqaldırma qabiliyyəti nədən asılıdır?
Araşdırma
2
•
Cümlələri iş vərəqinə köçürün və onları tamamlayın.
1. Elektromaqnit – ...
2. Elektromaqnitin maqnit təsiri asılıdır:
a) ... b)...
3. Elektromaqnitlər tətbiq olunur ...
Nә öyrәndiniz
Öyrәndiklәrinizi yoxlayın
(f)
(g)
LAYİHƏ