OZAN DÜNYASI № 3(6), 2011
49
Qənirə PAġAYEVA,
Millət vəkili
ĠLAHĠ SƏSĠN MÖCÜZƏSĠ
Belə rəvayət edirlər ki, Həzrət Süleyman
ağır bir xəstəliyə - yuxusuzluğa düçar olur. Çox
loğmanlar gətirirlər. Bir çarə bulunmur. Nəhayət,
deyirlər ki, Qaf dağının ətəyində Uğur adlı bir
ixtiyar adam yaşayır. O, çaldığı sazla mərəzə
tutulanları uyudur və sağaldır... onu Həzrət
Süleymanın yanına gətirirlər. Uğur baba sazını
dilləndirməyə başlayır. Qəlb oxşayan, könülləri
riqqətə gətirən havalar çalır. Həzrət Süleyman
sazın ecazkar səsindən bihuş olub dərin yuxuya gedir.
Yüz illərdir ki, nəsillərdən-nəsillərə ötürülən bu rəvayət sazın
möcüzəsindən, ecazkar gücündən xəbər verir.
Aşıq Əkbər də öz sazı-sözü ilə könüllərə məlhəm olan ustad
sənətkar və Allahın sevimli bəndəsi idi. Ulu Yaradan ona sevgisini və
vergisini adı ilə bərabər göndərmişdi. Bütün islam əhli “Allahu-Əkbər”
(ərəbcə Allah böyükdür deməkdir) deyir. Allah ona bənzərsiz vəcd əta
etmiş, saz-söz sənətində böyük zirvələr fəth etmək kimi bir tale yazmışdı.
Aşıq Əkbəri xatırlayan hər kəs yaxşı bilir ki, onun istedadı, ilahi səsi
şəxsiyyəti və mərhəmətli qəlbi ilə tam vəhdət təşkil edirdi. Bir sözlə,
“Əkbər əmi” deyə müraciət etdiyimiz bu böyük ustad və şəxsiyyət
Allahın seçilmiş, xoşbəxt bəndəsiydi. Əkbər doğrudan da aşıq sənətində
əkbərliyə, yəni böyüklüyə ucalmışdı!
Böyük ustadı görməyən nəsil belə, təkcə onun tez-tez televiziya
ekranlarında nümayiş etdirilən “Böyük dayaq” və “Ögey ana” kimi
unudulmaz filmlərdə ifa etdiyi “Cəlili” və “Mirzəcani” havalarının
sehrinə düşərək ona heyran olur. Necə də böyük və təkrarolunmaz ifa!
Məhz elə ona görə də Aşıq Əkbərin ifasını seçmişdi film müəllifləri...
Kiçik yaşlarımdan saz-söz mühitində böyümüşəm. Aşıq Əkbəri
yaxından görmək, büllur səsini dinləmək xoşbəxtliyi mənə də qismət
olub. Onun yaratdığı “Əkbər gəraylısı” və “Əkbər gözəlləməsi”ni
evimizdə qurulmuş saz-söz məclislərində “əhsən!” nidaları altında o
qədər dinləmişəm ki... Onun səsindən, ifasından doymaq olmurdu. Aşıq
Əkbərin pərəstişkarı olan atam deyərdi: “Əkbərin səsi adamın iliyinə
işləyir, onun səsinə biganə qalmaq olmur”.
OZAN DÜNYASI № 3(6), 2011
50
Yeri gəlmişkən, əmim, professor Qəzənfər Paşayev də “Əkbərin
bülbülü susduran səsi” adlı sanballı məqaləsində Aşıq Əkbərin
sənətkarlığına yüksək qiymət vermişdir.
Aşıq Əkbər Zərbalı oğlu Cəfərov 1933-cü ildə Tovuz rayonunun
Bozalqanlı kəndində dünyaya göz açıb. Bu kəndi Allah sanki saz-söz
üçün yaradıb. Neçə-neçə böyük ustadların dünyaya göz açdığı Bozalqanlı
aşıq sənətinin beşiklərindən biri, saz-söz məkanı sayılır. Aşıq Əkbərin
kökü bu sənətin memarlarından olan Aşıq Hüseyn Bozalqanlının nəsli ilə
bağlıdır. Allah onu musiqi üçün, saz-söz sənəti üçün yaratmışdı. O,
uşaqlıqdan musiqi sevdalısı olub. Kiçik yaşlarında qarğıdan kəsib
düzəltdiyi zurnada ilk musiqilərini çalmağa başlayıb. Sonralar balaca bir
tütək düzəldərək tay-tuşları ilə iddiaya girərmiş ki, məşhur zurnaçı Lələ
kimi çalacaq. Yaxşı deyiblər ki, “niyyətin hara, mənzilin də ora”. Əkbər
gəncliyində balaban çalmaqla ad-san qazanıb. Tanınmış aşıqların yanında
balabançılıq edib. Lakin bu sonralar olub. Uşaqlıqda isə birinci sinfə
gedəndə yeddi hava çalmağı bacaran bu istedadlı oğlanı müəllimləri
möcüzə uşaq adlandırırdılar. O, doğurdan da təkrarolunmaz, büllur kimi
tərtəmiz möcüzəli bir səs sahibi idi.
Heç vaxt özüm öyməmişəm,
Bircə qəlbə dəyməmişəm.
Haram tikə görməmişəm,
Haqdan gəlib baxtım mənim.
Çox kiçik yaşlarından məşhur zurnaçı Lələnin, balabançı İbrahimin
və qüdrətli saz ustadlarının məclislərində dinləyici kimi daim iştirak edib.
Saza-sözə vurğun olan Əkbər bir çox böyük ustad sənətkarların –
Aşıq Mirzə Bayramovun, Aşıq Məhəmməd Rzayevin, Aşıq Hüseyn
Dəmirçinin, Aşıq Yusif Yusifovun, Aşıq Mikayıl Azaflının, Aşıq Yunis
Həsənovun, Aşıq Vəli Qaraxanlının yanında şəyirdlikdən ustadlığa qədər
yüksəlib. Əsas müəllimi isə aşıq dastanlarının
mahir bilicisi,
böyük ustad,
Aşıq Hüseyn Bozalqanlının bacısı oğlu Aşıq Qədir İsmayılov olub.
Ümumiyyətlə, aşıq sənətinin başlıca xüsusiyyəti ifaçıdan yüksək
peşəkarlıq tələb etməsidir ki, bu da yüzilliklər boyu ustaddan şagirdə,
nəsildən-nəslə keçən ənənələrin canlı ifaçılıq prosesində təkmilləşməsi
yolu ilə əldə olunur. Təsadüfi deyil ki, aşıq adlanmaq üçün keçmişdə
ustada şagird olub uzun müddət ona “qulluq” etmək lazım gəlirdi.
Ustaddan aldığı bilikləri, götürdüyü vərdişləri tam mənimsədikdən sonra
OZAN DÜNYASI № 3(6), 2011
51
ustad xeyir-duası alan şagird müstəqil aşıq-sənətkar sayılırdı. Bu bir
həqiqətdir və bu həqiqət “Qafqazın qoca qartalı” adlandırılan şair-aşıq
Azaflı Mikayılın aşağıdakı misralarında da təsdiqlənir:
Bu gərdiş ustadsız aşıqlar kimi,
Düz hava çalmayıb, çalmayacaqdır.
Aşıq Əkbər həmişə deyərdi ki, “yaxşı aşıq yetişdirmək istəyirsənsə,
gərək əvvəlcə yaxşı insan tərbiyələndirəsən”. Doğrudan da aşıq sənətində
ustalıqla yanaşı, şəxsiyyət anlayışı da çox böyük rol oynayıb. Çünki
minilliklər ərzində aşıqlarımız, ozanlarımız həm də xalqın danışan dili,
görən gözü, eşidən qulağı və haqq səsi olub. Aşıq Əkbər əsl şəxsiyyət
olmaqla, həm də bir haqq aşığı idi. Ustad aşığın ustadnamələri çox
mətləblərdən xəbər verir:
Dəli könlüm, havalanıb hər yetənə can demə,
Gül-çiçəyi açılmayan bağa gülüstan demə.
İnsaf elə, gözlərinlə gördüyünü düz danış,
Hakim haqqı seçəmməsə, ədalət-divan demə.