Eşq dənizləri qovuşanda
31
çəkilməli idi. Bu hal həm də onun böyük
səbir nümayiş et-
dirməsi üçün bir sınaq idi. Qırxıncı gün isə hücrədən çıxan
mürid şeyxinin fikirlərini oxumalı idi. Ona görə də, Şeyx
Bürhanəddin Termizi həmin gün, Cəlaləddin otaqdan çı-
xanda onunla üzbəüz dayandı. Müridinin davranışını, üz
cizgilərini, gözündəki ifadələri müşahidə edərək nəzərlərini
bütünlüklə ona yönəltdi və dinmədən onun nə deyəcəyini
gözlədi. Birdən Cəlaləddinin dodaqlarında xəfif, kədərə bü-
rünmüş təbəssüm sezildi və o, yavaş səslə, – dünyada biz-
dən kənarda olan heç nə yoxdur, nə axtarsaq, hər şeyi özü-
müzdə taparıq! – söylədi. Seyid Bürhanəddin Termizi bu
sözləri müridinin dilindən eşitdikdən sonra gülümsünərək,
– sən daha mürşidsən! – deyib, onu bağrına basdı...
Bütün bunlarla kifayətlənməyən Cəlaləddin ara-sıra o
vaxtın ən iri dini təhsil
mərkəzləri olan Hələbə, Şama və di-
gər şəhərlərə gedərək məşhurların söhbətlərinə qulaq asır,
bilim adamları ilə fikir mübadiləsi aparırdı. Əndəluslu sufi
Mühyiddin İbn Ərəbinin mülahizə və hikmətləri onu daha
çox cəlb edirdi. Bu məqsədlə Cəlaləddin Şamda olarkən ora-
da İbn Ərəbinin söhbətlərində dəfələrlə iştirak etmişdir.
Bundan başqa, qalan vaxtını da boş keçirməyərək səmavi
kitablarla yanaşı xristian klassiklərini, çin mütəfəkkirlərini,
hind hikemiyatının özəlliklərini dərindən öyrənirdi. Eləcə
də, o dövrdə məşhur olan bütün elm adamlarının, xüsusilə
də hikemiyat bilginlərinin fikirlərinə onların əsərlərini oxu-
yaraq bələd olur, çağdaşı olduğu məşhurlarla da imkan
düşdükcə görüşür, düşüncələrini bölüşürdü. O, Sokrat, Əf-
latun, Ərəstun, Əbu Nəsr Əl-Fərabi, Abdullah İbn Sina, Bə-
yazid Bəstami, Məhəmməd Qəzzali, Cüneyd Bağdadi, Mən-
sur Həllaci, Əbdülqadir Gilani, Ziyaəddin əs-
Sührəvərdi, Şi-
habəddin Ömər Sührəvərdi, Ənsari, özünə ustad hesab etdi-
yi Fəridəddin Əttar, Sənayi, çağdaşı olduğu Mühyiddin İbn
Ərəbi kimi mütəfəkkirlərin əksəriyyətinin əsərlərini və atası
Bahaəddin Vələdin “Kamüsül-Aləm”, “Maarif” kitablarını
dönə-dönə mütaliə etmiş, onların mahiyyətini öyrənmişdi.
Beləliklə, “Sultani-üləma”nın müridləri onun varisinin –
Elbəyi CƏLALOĞLU
32
oğlu Cəlaləddinin başına yığışdılar. Böyük elmə və dini bil-
gilərə kifayət
qədər yiyələnmiş Cəlaləddin, atasının tək va-
risi kimi bu etimadı qazanmışdı. O, ədəb-ərkanı, yüksək əx-
laqi keyfiyyətləri, maraqlı dini söhbətləri və savadı ilə Altın-
paşa mədrəsəsini daha da şöhrətləndirməklə yanaşı, həm
də vəəz verir, cümə günləri məsciddə xütbə oxuyurdu.
Bütün bu keyfiyyətlərinə görə nəinki şərqdən, hətta
qərbdən də Cəlaləddin Ruminin elminə yiyələnmək istəyən
xeyli adam Konyaya axışıb gəlirdi. Elə həmin vaxtlarda da
müridləri ona “Mövlana”, yəni bizim mürşidimiz, bizim
ağamız deyə müraciət etməyə başladılar.
Mövlana Cəlaləddinin müridləri o qədər çoxalmışdı ki,
böyük zalı və səkkiz hücrəsi olan mədrəsədə ailəsi
ilə birlik-
də qalması çətinləşmişdi. Bu vəziyyəti gözdən qaçırmayan
Səlcuqlu dövlət idarəçiliyində çalışan şəxslərdən biri – Gü-
hərtaş 1230-cu ildə inşa etdirdiyi mədrəsəni və ona bitişik
olmaqla gil kərpicdən tikilmiş evini Mövlanaya bağışladı...
Mövlana Cəlaləddin canında üşümə hiss edti və bu za-
man düşüncələrdən ayrıldı. Elə bil ki, üstündə oturduğu pa-
lıd kötüyünün soyuğunu bütünlüklə canına çəkmişdi.
Yançaqlarının keyikdiyini hiss etdiyindən, yerindən cəldlik-
lə ayağa durdu və əlləri ilə arxasını çırpdı. Sonra da dikəlib
yenidən səmanı seyr etməyə başladı. Günəş xeyli
yüksəlmişdi, amma payız son günlərini yaşadığından
ətrafda qırov ərimək bilmirdi. Mövlana bunları nəzərdən
keçirdikdən sonra mədrəsəyə gecikməməsi üçün, hazırlaş-
maq məqsədilə evə yollandı. Lakin otuz yeddi yaşlı Mövla-
na heç ağılına da gətirməzdi ki, bir gün sonra – 1244-cü il
noyabrın 26-da, həftənin şənbə günü əlli doqquz yaşlı islam
piri, Mürşidi-kamil Şəms Təbrizi ilə görüşəcək. İlahi möcü-
zələrlə qarşılaşacağından onun mürşidlik
fəaliyyəti müvəq-
qəti olaraq dayanacaq. Bu dayanmaya səbəb isə ilahi bir gö-
rüş – iki eşq dənizinin birləşərək bir eşq ümmanı yaratması
üçün etdiyi təsvirəgəlməz mücadilələri olacaq...
Eşq dənizləri qovuşanda
33
I I I F Ə S İ L
Hikmət “sövdəgəri”
Şəms Təbrizi Konyaya çatanda Günəş bu günün hikmə-
tinə təzim edirmiş kimi göyün ən uca məqamından batıya
sarı əyilməyə başlamışdı. Şəhər təmənnasız günəşin şüaları
altında bərq vururdu. Şəms Təbrizi Konyanın girişindəki
darvaza tağının yanında dayandı. O, buradakı tikilinin mə-
tərisində heybəsini açıb içərisindən bir dəst sövdəgər qiya-
fəsi çıxartdı. Şəms Təbrizi adəti üzrə həmin libası geyindik-
dən sonra tağın altından keçib şəhərə doğru irəlilədi. Kon-
yanın gözəllikləri göz oxşayırdı. Şəhərdəki Axınçı və Şəkər-
furuş məscidlərinin minarələri uzaqdan diqqəti çəkirdi. Pa-
paqlı, saqqallı, əli
təsbehli kişilər, qoltuğu kitablı gənclər,
çadralı qadınlar küçələrdə o yan-bu yana axışırdılar. Yolun
kənarında yerləşmiş aşxanaların xörək qoxulu tüstüsü ətra-
fa yayılırdı. Hardansa zindan üzərində döyəclənən dəmirin
cingiltisi eşidilirdi. Ara-sıra uzunqulaq qoşulmuş arabayla,
atla, dəvəylə yük daşıyan alverçilərlə rastlaşılırdı. Bir az
aralıda isə hansısa bir sövdəgərin yeddi qafilədən ibarət
yük karvanı dayanmışdı. Həmin karvandan ayrılmış bir qa-
filəni sarvan karvansaraya doğru istiqamətləndirirdi. Qafilə
hərəsində yeddi dəvə olmaqla yeddi qatardan ibarət idi.
Qatardakı yüklü dəvələr bir-birinə iplə bağlanmışdı. Hər
qatardakı sonuncu dəvənin sinəsi altında aramla yırğalanan
zınqırovun səsi ətrafa yayılırdı. Bu zınqırov, dəvələrarası
ipin qırılıb qatarın bir hissəsinin arxada qaldığı zaman pe-
şəkçinin bundan xəbərdar olması üçün asılırdı. Yəqin ki, bir
azdan karvansarada daimi müştəriləri
sövdəgəri dövrəyə
alacaqdılar. Bundan başqa, şəhərin müxtəlif yerlərində ti-