Eşq dənizləri qovuşanda
133
qa heç kəsi görmədilər. Onlar Əlaəddindən soruşduqda, o,
Şəms Təbrizinin öz evinə tərəf getdiyini, səsin isə bu biri tə-
rəfdən gəldiyini söylədi. Onlarda bir qədər arxayınçılıq ya-
randı. Bundan sonra Səlahəddin Çələbi
və Hüsaməddin
Zərkub da evlərinə yollandılar. Həmin gecə Şəms
Təbrizi ilə
olan xoşagəlməz söhbətlərin təsirindən Mövlana Cəlaləddin
yata bilmirdi. O, mürşidinin onu tərk
etməsinə heç cür inan-
maq istəmirdi. İndi Mövlana Cəlaləddin yatağında uzana-
raq, uzun müddət Şəms Təbrizi ilə olan mükalimələrini və
hətta uşaq olarkən Larəndədə olan görüşlərini xatırladı. Bir-
dən son vaxtlar Şəms Təbrizi ilə bağlı baş verən hadisələri o,
yenidən yaşamağa başladı. Ona elə gəldi ki, övladı kimi
sevdiyi Kimya hələ də sağdır, onlar yenə də Şəms Təbrizi ilə
bir-birini Xızır peyğəmbərin verdiyi buta kimi, Haqq aşiqlə-
ri kimi sevirlər. Bu cür dürlü düşüncələr get-gedə Mövlana
Cəlaləddinin beynində qəribə xülyaların yaranmasına səbəb
olurdu. Nədənsə Kimya xatun dümag
parçadan biçilib, ya-
xasi, boynu və qolları tüllə qırçınlanmış dəbdəbəli paltar ge-
yinmiş, əllərində isə ağ göyərçinlər tutmuşdu. O, göyərçin-
ləri uçurtdu və birdən özü də göy qanadlı mələyə dönüb
Haqqa doğru uçmağa başladı. Lakin Kimya gözdən itər-it-
məz dayanıb geri boylandı, bu zaman Şəms
Təbrizi də qa-
nad çaldı, o da Kimyanın dalınca uçmağa başladı. Mövlana
Cəlaləddin heyrətlə onları seyr edir və bunun nəylə nəticə-
lənəcəyini gözləyirdi. Elə bu dəm azan səsi Mövlana Cəla-
ləddini yuxudan oyatdı. Sübh namazının vaxtı idi...
Elbəyi CƏLALOĞLU
134
X V I I F Ə S İ L
Hal və məqam
Həmin günün sabahısı həftənin cümə günü idi. Mövla-
na Cəlaləddin səhər yeməyindən sonra
birbaşa Şəms Təbri-
zinin dərs dediyi mədrəsəyə yollandı. Yol uzunu o, dünən
axşam olan söhbətləri, gecə baş verən qeyri-adi hadisələri
xatırladı. Mövlana Cəlaləddin mədrəsəyə çatanda müridlər,
möminlər bayırda mürşidlərini gözləyirdilər. Dərs vaxtının
başlanmasından xeyli keçmişdi, lakin heç vaxt gecikmədiyi
halda, nədənsə Şəms Təbrizi bu gün hələ də gəlməmişdi.
Mövlana Cəlaləddin Sultan Vələdi mürşidinin evinə gön-
dərdi ki, ondan bir xəbər bilsin. Sultan Vələd qayıdanda
Şəms Təbrizinin evinin qapısından qıfılın asılı olduğunu
söylədi. Mövlana Cəlaləddini təşviş bürüdü, deyəsən onun
ötən gecə gördüyü yuxusu gerçəkləşmişdi. O, Şəms
Təbrizi-
ni axtarmaq üçün bütün müridlərinin və dostlarının hərəsi-
ni bir səmtə göndərdi, ancaq qayıdanların içində “onu gör-
düm” deyən olmadı...
Günortadan keçirdi, narahatçılıq əcaib qara quş kimi qa-
nadlarını Mövlananın üstünə gərmişdi, elə bil onun əl-aya-
ğını, gözlərini qapamışdı, nəfəsi çatmırdı. O, fikirli halda
evə qayıtdı, nə edəcəyini bilmirdi. Mövlana Cəlaləddin bir
hücrəyə çəkilib, əli belində var-gəl edirdi. O, özü özünə sual
verirdi ki, Şəmsin dünənmi başına bir iş gəldi, yoxsa bu
günmü özü dediyi kimi birdəfəlik yoxa çıxdı? Mövlana
bunları fikirləşərkən axşam Şəms Təbrizinin çağırılamasını,
sonra eşitdikləri fəryad səsini xatırladı. O, Əlaəddini çağırıb
bir daha sorğu-suala tutdu, amma bir şey hasil olmadı.
Mövlana yavaş-yavaş bədbinliyə qapılaraq Şəms Təbrizidən
Eşq dənizləri qovuşanda
135
əlini üzməkdəydi. Onu qəhər boğurdu, lakin səbirini basıb,
ümidini üzmək istəmirdi. İndi o, gözlərini bir nöqtəyə zillə-
yib, Şəms Təbrizinin dünən mədərəsədəki söhbətini bütün-
lüklə xatırlayırdı...
Zal elə dolmuşdu ki, iynə atsan yerə düşməzdi. Şəms
Təbrizi
həmişəki kimi qaməti düz, üzü nurlu idi. O, zalda
əyləşənlərin qarşısında dayanıb əvvəlcə mələk gözləriylə
onları diqqətlə nəzərdən keçirdi, sonra
isə müdrikcəsinə
söhbətinə başladı:
– İnsanın qəlbində hər an bir cürə hal baş qaldırır. O,
gah şeytanlaşır, gah mələkləşir, gah tələyə dönür, gah da
yırtıcı heyvana. Əgər oğrusansa könüldən lətif bir inci oğur-
la, əgər hambalsansa uca bir könül yükü ilə yüklən! Hiylə
edənin görəcəyi və tapacağı yalnız hiylədən ibarətdir. Hiss
nuru adamı yerə çəkər, Haqq nuru Kövsər çayına. Duyğu-
larda dərk edilən aləm alçaq bir aləmdir. Tanrı nuru dəniz-
dir, duyğu isə bir çöp dənəsi. Duyğu nurunu görə bilməyən
bir kəs din nurunu necə görə bilər?! Hiss və duyğu nurunu
bəzəyən Tanrı nurudur. Tanrı nuru duyğu nuruna hakim
kəsildikdən sonra can Tanrıya rəğbət etmişdir. Duyğu gözü
atdır, minici isə Haqq nuru. Minici olmadıqda at heç bir işə
yaramaz. Əgər hicabsız nurları dərk etməyə istedadın çat-
mırsa, əvvəlcə nur kimi sözlərin hərflərdə gizlənmiş hikmə-
tini duy, onları anla! Bundan sonra o hicabsız nuru da dərk
etməyə istedad qazanarsan, gizli nuru hicabsız olaraq gö-
rərsən. Beləliklə də, yoxluqdan varlığa gələrsən. Bu ağılı
tərk et, həqiqi ağıla çat, bu qulağı tıxa, həqiqi qulağını aç!
Comərd ol! Bu cahan bir ağaca bənzər, biz isə bu ağacdakı
yarısı hələ də kal, yarısı isə dəymiş meyvələrə. Kal meyvə-
lər ağacdan möhkəm yapışmışlar, çünki onlar nə köşkdə sa-
tışa, nə də sarayda süfrəyə yaramırlar. Lakin dəymiş və
dadlanmış meyvələr ağacdan möhkəm yapışmazlar, budaq-
dan qopub düşərlər.
Comərdlik – şəhvətləri, ləzzətləri tərk etməkdir. Co-
mərdlik cənnət adlı sərv ağacının bir budağıdır. Bu budağı
əlindən buraxanlara yazıqlar olsun! Bu hava və həvəsi bu-