Eşq dənizləri qovuşanda
155
X X F Ə S İ L
Aşiqlər sultanı və xəlifə
Yağış yenicə kəsmişdi. Mövlana Cəlaləddin Rumi evdən
bayıra çıxdı. O, Allahın nuruyla zinətlənmiş göylərə nəzər
saldı. Birdən şərq tərəfdən ucları az qala yerə dəyəcək göy
qurşağını görən Mövlananın üzündə qeyri-ixtiyari təbəs-
süm əmələ gəldi. O, gözünü çəkmədən göy qurşağının yed-
di rənginin hər birini heyranlıqla seyr etdi. Mövlana İlahi-
nin bu möcüzəsindən uzun müddət gözlərini çəkəmmədi.
O, gözoxşayan bu mənzərənin sehrindəykən gözlərinə kiçik
bir nöqtə görünməyə başladı. Göy qurşağının içindən görü-
nən həmin nöqtə get-gedə yaxınlaşır, yaxınlaşdıqca da ay-
dınlaşırdı. Bu görüntünü diqqətlə izləyən Mövlana Cəlaləd-
dinin sifəti birdənbirə ciddiləşdi, qaşları çatıldı. Buna səbəb
yaxınlaşmaqda olan naməlum nəsnənin artıq göy rəngli qa-
nadlarının görünməsi idi. İndi Mövlana bu varlığın Allahın
mələklərindən biri olduğunu güman edirdi. Lakin o, uçub
gələn mələyin Şəms Təbrizi olduğunu görəndə sevincindən
ağladı. Mürşidi-kamil yerə enərək, düz onun qarşısında da-
yandı. Mövlana Cəlaləddin onu qucaqlamaq istədi, lakin o,
heç yerindən tərpənə də bilmədi. Bu hikməti anlamaq belə
onun üçün müşkülə çevrilmişdi. Şəms Təbrizi ona çox da
yaxınlaşmayıb, bir qədər aralıdan dedi:
– Ey Aşiqlər sultanı, mən sənə harada olacağımı demiş-
dim, sənsə məni yer üzündə aradın – Şamda, Hələbdə, Təb-
rizdə, Xoyda. Bil və agah ol, harda aşiq gördün, bil ki, mən
ordayam. Məni öz könlündə axtar, mən səndəyəm. Üzümü
görmək istəsən Səlahəddin Zərkuba bax, onun üzü mənim
üzümdür! – Şəms Təbrizi sözünə ara verəndə Mövlana
Elbəyi CƏLALOĞLU
156
onun ayaqlarına döşənmək istədi. Lakin Mürşidi-kamil ona
mane oldu və – sübh namazının vaxtıdır, indi azan oxuna-
caq, – deyib, birdən-birə qeyb oldu. Bu zaman Mövlana ala-
sərsəm vəziyyətdə yuxudan oyandı, yastığının gözyaşların-
dan islanmış yeri üzünə dəyəndə o, başını qaldırdı. Doğru-
dan da məsciddə azan oxunurdu. O, Şəms Təbrizinin ona
“ey Aşiqlər sultanı!” deyə etdiyi müraciəti xatırladı və yata-
ğından durub, fikirli-fikirli dəstəmaz almağa getdi...
Mövlana Cəlaləddin sübh namazını qıldıqdan sonra ota-
ğına çəkilib bu yuxunu uzun-uzadı xatırlamağa və onu yoz-
mağa çalışdı. Sonra isə durub mədrəsəyə yollandı...
Bütün bunlar 1249-cu ildə baş verirdi. Sultan Vələd ata-
sının evdən erkən çıxdığını bildiyindən o da mədrəsəyə tə-
ləsdi. Bir azdan onlar görüşdülər. Sultan Vələd atasıyla üz-
üzə oturub, ondan nə baş verdiyini, onun nədən belə qayğı-
lı görsəndiyinin səbəbini soruşdu. Atası ona yuxusunu na-
ğıl etdi və sonra da, – Şəms Təbrizi doğrudan da Allahın
mələklərindən idi, – deyə əlavə etdi...
Müridlər yığışmışdı, hamı zalda olsa da, nədənsə Hüsa-
məddin Çələbi burada yox idi. Mövlana Cəlaləddin onun
gecikdiyini zənn etdi və söhbətini belə bir bildirişlə başladı:
– Ey möminlər, Allah insanı hər nəfəsdə yenidən yara-
dır! Şəms Təbrizi, Konyalı zərgər Səlahəddin Fəridun Zər-
kubun simasında dünyaya yenidən gəlib. Onu sevin, onun
nuruna Şəms Təbrizi nuru kimi baxın! Bu gündən Səlahəd-
dini müridlərin başçısı və mənim xəlifəm elan edirəm!
Mövlananın bu bəyanatına yerlərdən narazılıqlar baş
qaldırdı, müridlər savadsız hesab etdikləri Səlahəddini bu
yüksəklikdə görmək istəmirdilər. Lakin bu dəfə Mövlana
yuxuda gördüklərini onlara danışaraq təşəbbüsündə inadlı
olduğunu bildirdi. Etirazların davam etdiyi bir vaxtda Hü-
saməddin Çələbi qapını açıb içəriyə daxil oldu və o, sanki
qeybdən mürşidinin köməyinə çatdı. Hüsaməddin gecikdi-
yinə görə üzr istədikdən sonra danışmaq üçün Mövlanadan
icazə istədi. O, razılıq aldıqdan sonra nəfəsini dərib əvvəlcə
gecəni yata bilmədiyini dedi. Lakin sübh namazından sonra
Eşq dənizləri qovuşanda
157
qatı yuxu onun başının üstünü kəsdiribmiş. Hüsaməddin
Çələbi yuxudaykən Şəms Təbrizinin söhbətində iştirak etdi-
yini dedi və Mürşidi-kamilin orada Mövlanaya müraciətlə
dediyi bu sözləri təkrar etdi: “Ey Aşiqlər sultanı, sən Səla-
həddin Zərkubun mənə bənzədiyindən xəbərdarsanmı?”.
Bu zaman Mövlana Cəlaləddin “əlbəttə” deyə ona bağır
basmışdı. Hüsaməddinin yuxuda gördüklərindən agah olan
Mövlana üzünü zalda əyləşənlərə tutaraq səsini bir az ucalt-
dı və bu dəfə fikrini daha sərt ifadə etdi:
– Buna nə sözünüz? Əgər etirazlarınız dayanmazsa, elə-
cə də Səlahəddinin başına bir iş gələrsə, mən birdəfəlik
Konyanı tərk edəcəm! Bilin və agah olun, Səlahəddinin elmi
bir qədər zəif olsa da, onun helmi var! – Mövlana Cəlaləd-
din bir az fasilə verdi, sonra isə bir qədər sakit tərzdə sözü-
nə davam etdi, – Mən hələ yuxuda Mürşidi-kamilin mənə
“Aşiqlər sultanı” deyə müraciət etdiyini sizə söyləməmiş-
dim, bunun birmənalı qarşılanmayacağını yəqinləyib fik-
rimdən vaz keçmişdim. Lakin Hüsaməddin Çələbi mənimlə
eyni yuxunu gördüyünü söylədi, – Mövlananın bu sözün-
dən sonra məclisə elə bil ki, su ələndi. Müridlər arasında bir
qədər mübahisəli xısınlaşmalar getsə də, sonda hamı yekdil
olaraq Mürşidlə razılaşdılar. Aşiqlər sultanı – Mövlana Cə-
laləddin onlara təşəkkür etdikdən sonra söhbətinə başladı:
– Bu dünya qəflət, ağıl isə onun qəfləti üçün fəlakətdir.
Çünki ağıl qəfləti parçalayıb dünyanı oyandırar. Ağıllılıq
nurlar saçan günəş, ehtiras isə od püskürən ifritdir. Ağıllılıq
su, dünya isə çirkdir. Dünyada ehtiras və həsəd kükrəməsin
deyə, ağıllılıq o aləmdən çox ahəstə, sızaraq gəlir. Ağıl qeyb
aləmindən çox sızarsa dünyada nə hünər qalar, nə ayıb; mi-
zan pozular, tərəzi işə yaramaz; insanların vəhdəti olmaz,
pərəni pozular. Ağıl sızaraq gələndə onu bir beyin qəbul
edər, özündə bişirər, sonra da o biri beyinlərə ötürər. Lakin
o, sel halında gəlsə, onu heç bir baş qəbul edə bilməz, ağıl
seli su seli kimi dünyanı fəlakətə uğradar, su da sızaraq gə-
ldikdə təbiət ondan yararlanar. Dünyada sudan saf və təmiz
bir şeyin olmadığı bəllidir. Lakin içilməsə susuzluqdan, çox
Dostları ilə paylaş: |