Elbəyi CƏLALOĞLU
152
atır, böyük günah qazanır, bununla da öz axirətini nəinki
bərbad, hətta darmadağın edirsən. Rüşvət almağa qərar ve-
rən qazi zalımı məzlumdan neca ayıra bilər? Ey rüşvət alan,
sən fil balası yeməkdəsən! Fil onun balasını yeyən düşmən-
dən qisas alar, onu öldürər. Fil balalarının anaları qan gü-
dər. Ey rüşvət alan, sənə düşmən olan fil sənin kökünü qa-
zar, səni məhv edər! Fillər balasının qoxusunu bilirlər. Hiy-
lələrə uyanı qoxu rüsvay edər. Haqq qoxusunu Yəməndən
duyan ulu Tanrı məndəki batıl qoxunu necə duymaya bi-
lər?! Mustafa da uzaq yoldan qoxu hiss edər və ağzımızdakı
gözəl qoxunu necə almaz?! O, bunu duyar, amma üzümüzə
vurmaz, örtər. Yaxşı qoxu da göylərə çıxar, pis qoxu da. Sən
yatıb durarsan, o haram qoxu isə bu yaşıl səmaya qalxıb da-
yanar. Sənin çirkin nəfəslərinə yoldaş olub fələk də qoxuları
alanlara qədər gedər. Qürur, ehtiras, şəhvət qoxusu söz söy-
ləyərkən sarımsaq kimi iy verər. Bu cür qoxu üzündən dua-
lar rədd edilər. O pis ürək, sözlə özünü göstərər. O duaya
“Səsinizi kəsin!” cavabı gələr. Azğının cəzası onu qovan çu-
buqdur. Hər bir cəza və ya mükafat edilən əməllərə görə ve-
rilir, çünki eşşəyə olduğundan artıq dəyər verərsən, özünü
yarış atı zənn edər. Lakin sözün əyri, özün doğru olsan o
söz əyriliyi də Tanrıya məqbuldur. Ehtirasla dolu alçaqlar
və haram yeyənlər məhşər günü donuz şəklində, zina edən-
lərin məlum yerləri qoparaq, şəraba aludə olanların ağızları
iylənərək diriləcəklər. Özünə gəl! Tövbə et! Allahına qayıt!
Üzün qırmızı olması insanın rifah və səadətindən xəbər ve-
rir, sarı üz isə insanın məşəqqət və bəla içində olduğunu bil-
dirir, bunları bir-birindən ayıra bil! İnsanları sev, onlara
mərhəmət et, dara düşənlərə yardımçı ol, yolunu azanlara
tövbə etməyi təlqin et! Halal qazancdan əldə edilən loğma
nuru və kamalı artırar. Elm və hikmət də, eşq də halal loğ-
madan doğar! – Mövlana bununla da bu günkü söhbətinə
son qoydu və nəfəsini dərdikdən sonra iştirakçılara sabah
Səma rəqslərinin təşkil olunacağı barədə elan verdi. Lakin
bu dəm ona bir namə uzatdılar. Naməni zalda əyləşənlər-
dən biri imzasız olaraq yazmışdı. O, ölümdən qorxduğunu
Eşq dənizləri qovuşanda
153
və bu barədə söhbət düşəndə canına vəlvələ düşdüyünü
qeyd edirdi. Namənin sahibi artıq yaşlandığını yazaraq,
ölümdən qorxmaması üçün ona bir şeylərin öyrədilməsini
rica edirdi. Mövlana Cəlaləddin namədə onu yazanın adı-
nın göstərilmədiyinə görə əvvəlcə gülümsündü və bu za-
man zaldakılardan biri onun diqqətini özünə çəkdi. Lakin
Mövlana üstünü vurmadan üzünü ümumi əyləşənlərə tu-
tub danışmağa başladı:
– Siz ölümsüzlük qaynağından gəlirsiniz, ölüm sizə to-
xunmaz. Siz Allahın yer üzündəki taxtısınız. Ölüm ruhun
başqa bir aləmə doğuş hadisəsinin sancısıdır. Yəni bu, fani
dünya üçün adi ölüm olsa da, baqi və əbədi olan aləm üçün
adi doğumdur! Həllacı Mənsur buyurmuşdur ki, ölüm ger-
çək deyil, bu bir dəyişmədir, bir görünüşdür, ona görə də
insanın yaşamı ölümündə, ölümü yaşamındadır. İnsanın
bədəni buğda dənəsi kimidir. Buğdanın toxumu yerə düşüb
ölməzsə o, yalnız qalar, fəqət ölərsə, yəni torpağa basdırılar-
sa çox məhsul verər. Canını ölümdən qorumaqla sevənlər
əksinə onu zay etmiş olarlar, bu dünyada canına nifrət edən
kəslər onu əbədi həyat üçün saxlayanlardır.
Amma unutmayın ki, insan haranı abad edirsə, orada
qalmaq istəyər. İnsan haranı bərbad edirsə oradan qorxar.
Əgər sən ailəni pis vəziyyətə salmısansa, oraya getməkdən
çəkinirsən, çünki ailəndə hamı sənin üzərinə qalxacaq, ya-
xınların arasında hörmətini, nüfuzunu itirdiyini biləcəksən.
İşini və ya iş yerini bərbad edənlər isə eyni ilə iş yerindən
qorxar, oradakı çəkişmələr onu dinc qalmağa həsrət qoyar.
İnsan bərbad elədiyi yerə getmək istəməz. Axirətini bərbad
edənlər də beləcə ölümdən qorxar. Ölümdən qorxursansa,
deməli axirətin barəsində düşünməmisən, onun abadlığına
gümanın yoxdur. Qarşıda sirat körpüsünün olduğunu
unutmusan. Bu, qıldan nazik, qılıncdan iti elə bir körpüdür
ki, onun üstünə ayaq basanda axirətinin abadlığına zərrə
qədər tərəddüd etməməlisən, yoxsa ayağın büdrəyər və
qorxunc bir faciə ilə üzləşərsən. Sirat körpüsünün altında
qaynar qır qazanının olduğunu unutmaq olmaz! Bax, buna
Elbəyi CƏLALOĞLU
154
görə də, ölümü sevmək gərəkdir, bu məqsədlə axirətini
abad etməlisən. Bunun da yolu hər cür imkanını Allah yo-
lunda sərf etməkdən keçir. Allah yolunda bir şeyini sərf
edirsənsə, onun mükafatını qat-qat artığı ilə alacaqsan. Bu
dünya axirətin əkin yeridir, burada nə əkdinsə, orada onu
biçəcəksən. Bil ki, canı verən və alan Allahdır! Ölüm Tanrı
qulları üçün şəkər kimi dadlıdır. Tanrı qulları eşq yolçuları-
dır. Eşq yolunda ancaq şam kimi əriyənlər ənbər kimi ətir
saçar! Buna görə də, ölərkən gülməyən kimsəni şama bən-
zətmə! Ölümü qorxunc göstərən və onu çətinləşdirən vücud
qəfəsidir. Vücudu bir sədəf kimi qırdığın zaman, ölümün
bir inciyə bənzədiyini sən də görəcəksən! – Mövlana bu söz-
ləri dedikdən sonra çox sərt bir yay götürüb, onu öndə əylə-
şənlərdən birinə verdi və ondan yayı dartmasını xahiş etdi.
Yayı götürən mürid nə qədər əlləşsə də onun kəndirini dar-
ta bilmədi. Bu zaman Mövlana Cəlaləddin bunu zaldakılara
nümayiş etdirərək sözünə davam etdi:
– Bu yaya Xarəzm yayı deyərlər. Çox sərt və möhkəm
yaydır, amma ən uzaq məsafəyə ox atmaq üçün məhz gör-
düyünüz yaydan istifadə edirlər. Bu yayı çəkmək hər igidin
hünəri deyil. Sən Xarəzm yayını çəkmək üçün gərək neçə-
neçə adi yayı sındırasan ki, qolunda güc, dizində taqət, ürə-
yində təpər əmələ gələ. Birdən-birə bu yayı çəkmək müm-
kün deyil. Ölüm də eynilə bu gördüyünüz Xarəzm yayı ki-
midir. Ölüm də belədir! Ondan qorxmamaq üçün gərək axi-
rətini düşünəsən, onu qətrə-qətrə qazanasan. Bunun üçün
Allahı sevərək Onun yaratdıqlarına mərhəmət göstərəsən,
insanlarla xoş davranasan, əl tutasan, dada yetəsən. Gərək-
dir ki, könlünə mərhəmət, xeyirxahlıq duyğusu hakim ola,
qəlbində kin qalmaya, şeytana lənət deyəsən. O zaman
ölüm sənin üçün vahiməli və qorxunc olmaz, çünki axirətdə
cəzan olmayacağına əmin olacaqsan! – Mövlana Cəlaləd-
dinin bu günkü söhbəti bununla başa çatdı. Müridlərsə san-
ki həsrət çəkmişdilər, mürşidlərindən ayrılmaq istəmirdilər.
Amma son sözü yenə də vaxt dedi...
Dostları ilə paylaş: |