ƏLLİ ÜÇÜNCÜ Kİtab ————— sentyabr 2012 oktyabr 2012
BOSNİYA VƏ HERSEQOVİNANIN RƏYASƏT
Yüklə 3,06 Mb. Pdf görüntüsü
|
- Bu səhifədəki naviqasiya:
- GENİŞ TƏRKİBDƏ GÖRÜŞ
- İ l h a m Ə l i y e v
- B a k i r İ z e t b e q o v i ç
281
BOSNİYA VƏ HERSEQOVİNANIN RƏYASƏT HEYƏTİNİN SƏDRİ BAKİR İZETBEQOVİÇ İLƏ TƏKBƏTƏK GÖRÜŞ
18 oktyabr 2012-ci il
Azərbaycan Respublikasının Prezidenti İlham Əliyevin və Bos- niya və Herseqovinanın Rəyasət Heyətinin Sədri Bakir İzetbeqoviçin təkbətək görüşü olmuşdur. Görüşdə Azərbaycan ilə Bosniya və Herseqovina arasında siyasi əlaqələrin inkişafından məmnunluq ifadə edildi. İqtisadi, humanitar və digər sahələrdə əməkdaşlıq imkanlarının nəzər- dən keçirilməsinin vacibliyi vurğulandı. Ölkələrimiz arasında münasibətlərin bundan sonra inkişaf edəcəyinə əminlik bil- dirildi. Görüşdə qarşılıqlı maraq doğuran ikitərəfli, beynəlxalq və digər məsələlərlə bağlı fikir mübadiləsi aparıldı. 282
GENİŞ TƏRKİBDƏ GÖRÜŞ
18 oktyabr 2012-ci il
Azərbaycan Respublikasının Prezidenti İlham Əliyevin və Bos- niya və Herseqovinanın Rəyasət Heyətinin Sədri Bakir İzetbeqoviçin nümayəndə heyətlərinin iştirakı ilə geniş tərkibdə görüşü olmuşdur. İ l h a m Ə l i y e v: Hörmətli cənab Sədr! Bir daha deyirəm ki, Azərbaycana xoş gəlmisiniz! Sizi və nümayəndə heyətinizi Azərbaycanda görməkdən çox şadam. Biz ikitərəfli və regional məsələlərlə bağlı maraqlı fikir mübadiləsi apardıq. İndi isə nümayəndə heyətlərinin iştirakı ilə müzakirələrimiz davam edir. Səfəriniz dostluğumuzun və tərəfdaşlığımızın çox mühüm göstəricisidir. Biz bu yaxınlarda Çikaqoda görüşdük və bu səfərlə bağlı razılığa gəldik. Mən çox şadam ki, bu gün bu səfər reallaşmışdır. Əlaqələrimizin tarixində bu, ilk səfərdir. Əminəm ki, səfəriniz münasibətlərimizdə yeni səhifə açacaqdır. Ümidvaram ki, biz həm siyasi, həm də iqtisadi sahələrdə fəal və səmərəli əməkdaşlıq üçün bir çox istiqamətləri müəy- yənləşdirəcəyik. Bu gün Sizinlə iqtisadi fəaliyyətin müəyyən istiqamətləri, birgə layihələrlə bağlı müzakirələr apardıq. Əminəm ki, biz buna nail olacağıq. Bizim tarixlə bağlı çox yaxşı xatirələrimiz vardır. Sarayevo və Bakı Sovet İttifaqı dövründə qardaşlaşmış şəhərlər olublar. İndi isə düşünürəm ki, biz bu tərəfdaşlığı bərpa edirik.
Əminəm ki, səfəriniz çox maraqlı olacaq. Siz və nümayəndə heyətiniz ölkəmizi daha yaxından tanıyacaqsınız. 283
Bir daha «Xoş gəlmisiniz!» – deyirəm və Sizə Azərbaycanda xoş vaxt keçirməyi arzulayıram. Bosniya və Herseqovinanın Rəyasət Heyətinin Sədri səmimi qəbul üçün minnətdarlığını bildirdi. B a k i r İ z e t b e q o v i ç: Çox sağ olun, cənab Prezident! Biz olduqca məhsuldar danışıqlar apardıq. Mən cənab Prezidentə dedim ki, biz oxşar tarix yaşamışıq. Əvvəlcə kommunist rejimi dönəmində yaşamışıq. Ötən əsrin 90-cı illəri hər iki ölkə üçün çox əhəmiyyətli olub. 1992-ci il ölkələrimiz üçün daha əlamətdar oldu. Bizim əlaqələrimiz, niyyətlərimiz var. İndi biz əməkdaş- lığımızı genişləndirmək üçün daha artıq işlər görməliyik. Çünki əlaqələrin indiki vəziyyəti xalqlarımızın istəyini tam əks etdirmir.
284
SƏNƏDLƏRİN İMZALANMASI MƏRASİMİ
18 oktyabr 2012-ci il
Bosniya və Herseqovinanın Rəyasət Heyətinin Sədri Bakir İzetbeqoviçin nümayəndə heyətlərinin iştirakı ilə geniş tərkibdə görüşü başa çatdıqdan sonra oktyabrın 18-də Azərbaycan– Bosniya və Herseqovina sənədlərinin imzalanması mərasimi olmuşdur. «Azərbaycan Respublikasının Təhsil Nazirliyi və Bosniya və Herseqovinanın Mülki İşlər Nazirliyi arasında təhsil sahəsində əməkdaşlıq haqqında Saziş»i Azərbaycan Respublikasının Təhsil naziri Misir Mərdanov və Bosniya və Herseqovinanın Təhlükəsizlik naziri Sadik Axmetoviç imzaladılar. «Azərbaycan Respublikası Hökuməti və Bosniya və Herse- qovina Nazirlər Şurası arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında Kon- vensiya»nı Azərbaycan Respublikasının Xarici İşlər nazirinin müavini Xələf Xələfov və Bosniya və Herseqovinanın Təhlükəsizlik naziri Sadik Axmetoviç imzaladılar. «Azərbaycan Respublikası Hökuməti və Bosniya və Herse- qovina Nazirlər Şurası arasında diplomatik və xidməti pas- portlara malik şəxslərin viza tələbindən azad edilməsi haqqında Saziş»i Azərbaycan Respublikasının Xarici İşlər nazirinin müavini Xələf Xələfov və Bosniya və Herseqovinanın Təhlükəsizlik naziri Sadik Axmetoviç imzaladılar.
Yüklə 3,06 Mb. Dostları ilə paylaş:
|