210
əbədiləşdirilməsi.
Milli mədəniyyətin mütərəqqi kulturogenezinə, beynəlxalq müna-
sibətlər mədəniyyətinin inkişafına və sivilizasiyaların əməkdaşlığına yar-
dım edən, xarici ölkələrlə mədəniyyət dialoqu və mübadiləsinin həyata
keçirilməsi.
Belə siyasətin (iqtisadiyyatın, bədii mədəniyyətin inkişafı və mədəni
irsin ənənəvi prioritetləri ilə yanaşı) innovativ prioritetləri kimi aşağıda
göstərilənlər müəyyən oluna bilər:
1.
Elm, təhsil, maarif, informasiyanın qabaqlayıcı inkişafı, yüksək
texnologiyaların işlənib hazırlanması ilə əlaqədar olan - intellektual mədə-
niyyət. Uyğun maddi şəraitdə intellektual mədəniyyət strateji dövlət prio-
riteti, istehsal qüvvələri inkişafının başlıca resursu, təbiətin və cəmiyyətin
dəyişdirilməsi, insana lazım olan həyat nemətlərinin yaradılması olur.
2.
Milli-mədəni və ümumbəşəri dəyərlərə əsaslanan – etik mədəniy-
yət. Yüksək mənəviyyatsız, xoş məramsız, insaniyyətsiz intellektual mə-
dəniyyət, cəmiyyət üçün yalnız yaradıcı deyil, həm də təhlükəli dağıdıcı
qüvvə ola bilər. Etik mədəniyyət yalnız insan münasibətlərinin dəyərli
tənzimləyicisi deyil, həm də mövcud qanunların icrasını təmin etməklə,
hüquq mədəniyyətinin mühüm əsasıdır.
3.
Qanunların aliliyi və mükəmməlliyini, vətəndaşların hüquqi savad-
lılığını, qanunların icra mədəniyyətini nəzərdə tutan - hüquq mədəniyyə-
ti. Hüquq mədəniyyəti insan hüquqlarının müdafiəsini, cəmiyyətin sosi-
al, siyasi və iqtisadi həyat təhlükəsizliyini təmin edən ictimai münasibət-
lərin mühüm tənzimləyici amilidir.
4.
Professionallıq və idarəetmə etikasının cəmini ifadə edən – idarə-
çilik mədəniyyəti. İdarəetmə mədəniyyəti strateji prioritetlərdən biridir.
Xalqın rifah halı və həyat keyfiyyəti, dövlətin davamlı sosial, siyasi və
iqtisadi inkişafı, beynəlxalq nüfuzu və təhlükəsizliyi onun səviyyəsindən
asılıdır.
211
KULTUROLOGİYA
VƏ İNSAN KAPİTALININ İNKİŞAFI
Qloballaşma şəraitində inkişafın vacib amili olan insan kapitalının
keyfiyyəti və potensialı cəmiyyətin, dövlətin və ümumilikdə beynəlxalq cə-
miyyətin həyat rifahı və keyfiyyəti üçün başlıca əhəmiyyət kəsb edir. İnsan
kapitalı – cəmiyyətin sosial-mədəni kapitalıdır ki, onsuz sosial-mədəni tə-
rəqqini təmin edən səmərəli istehsal və innovativ fəaliyyət mümkün deyil.
O, dünya sivilizasiyasının məkanı və zamanında dialektik dəyişikliklərlə
şərtlənən çağırışlara cavab verməyə qadir müasir innovaiya iqtisadiyyatının
yaxud “biliklər iqtisadiyyatının” hərəkətverici inkişaf qüvvəsi kimi nəzərdən
keçirilir.
İnsan kapitalını ölkənin başlıca davamlı inkişafının bərpaedici resursu ki-
mi nəzərdən keçirən Azərbaycan Respublikasının Prezidenti İlham Əliyev,
onun inkişafına böyük əhəmiyyət verir. Ölkə rəhbərliyi dünyanın ən yaxşı
ali məktəblərində istedadlı Azərbaycan gənclərinin təhsili hesabına, həmçi-
nin Azərbaycanın milli təhsil sisteminin keyfiyyətini yüksəltmək vasitəsilə
yüksək ixtisaslı mütəxəssislərin ciddi hazırlıq proqramını həyata keçirir. XX
əsrin ikinci yarısından bu fenomenin əhəmiyyətinin dərk edilməsi və alimlər
və siyasətçilər tərəfindən ona diqqət güclənir.
Qeyd etmək kifayətdir ki, əgər 1990-cı illərin sonunda dünyanın inkişaf
etmiş ölkələrində fiziki kapitala yalnız 30% kapital qoyulurdusa, insan kapi-
talına qoyulan vəsait bütün vəsaitin 70%-ni təşkil edirdi. Bu zaman iqtisa-
diyyatın dövlət tənzimlənməsi məqsədilə əsas kapitalı dövlət öz üzərinə gö-
türür. Artıq o zaman aydın oldu ki, insan kapitalı mühüm gəlir mənbəyidir
və yalnız əmək qabiliyyəti ilə deyil, həm də insanın anadangəlmə mədəni
keyfiyyətləri, əsl istedadı, yaxşı təhsilı, bilikləri, peşəkarlığı, vərdişləri, fəa-
liyyət texnologiyaları, təcrübəsi, mütəşəkkilliyi və idarəçilik bacarıqları, mə-
nəvi keyfiyyətləri ilə müəyyən olunur. Bugün bu anlayış insanın həm ana-
dangəlmə, həm də qazanılmış mədəni keyfiyyətlərini, həm dövlət tərəfindən
onun inkişafına qoyulan investisiyaları, həm həyat fəaliyyəti üçün ailənin is-
tehlak xərclərini (qida, geyim, yaşayış evi, kommunal təminat, təhsil və sə-
hiyyə daxil olmaqla), həm onun cəmiyyətin sosial-mədəni, o cümlədən, iq-
tisadi inkişafının dəyişdirici amili kimi dərk edilməsini ehtiva edir.
Əsasını institusional nəzəriyyə, neoklassik nəzəriyyə, neokeysian (XIX
əsrin ikinci yarısı – XX əsrin əvvəllərində alman fəlsəfəsində istiqamət) və
digər iqtisadi nəzəriyyələrin təşkil etdiyi insan kapitalı nəzəriyyəsinin inki-
şafında Nobel mükafatı laureatı T. Şultsun, H. Bekkerin, S. Kuznetsin, həm-
212
çinin E. Denison, R. Solou, C. Kendrik, C. Fabrikant, İ. Fişer, R. Lukas və
digər iqtisadçılar, sosioloqlar və tarixçilərin, Ümumdünya Bankı eskpertləri-
nin xidmətləri böyükdür. Keçən əsrin ikinci yarısında Teodor Şults, Heri
Bekker, Saymon Kuznets tərəfindən işlənib hazırlanmış və inkişaf etdirilmiş
“insan kapitalı” termini bugün geniş şərhə və çoxsaylı ölçülərə malikdir ki,
bu da onu kulturoloji anlayışa çevirir və onun təhlili və qiymətləndirilməsi-
nə sistemli kulturoloji yanaşmanı tələb edir.
Məlumdur ki, bugün dünya insan kapitalının əsas hissəsi inkişaf etmiş öl-
kələrdə cəmlənmişdir ki, bu, axırıncı onilliklərdə burada insan kapitalına qo-
yulan investisiyaların fiziki kapitala qoyulan investisiyaları əhəmiyyətli də-
rəcədə üstələməsi ilə izah olunur. Bu ölkələrin təcrübəsi göstərir ki, insan
kapitalının formalaşması və inkişafı əhalinin ruhi mədəniyyət və həyat
keyfiyyəti səviyyəsinə qoyulan investisiyalardan birbaşa asılıdır. Səmərəli
insan kapitalına malik sivil ölkələr üçün fundamental və tətbiqi elmlərin
yüksək səviyyəsi, insanın yüksək inkişaf indeksi xarakterikdir.
İnsan kapitalının və başlıca olaraq, intellektual resursların dəyişdirici im-
kanlarının tədqiqi sahəsindəki nailiyyətlər əsasında bugün ABŞ və Avropa
və Asiyanın aparıcı ölkələrinin uğurlu milli inkişafı həyata keçirilir. İnsan
kapitalı paradiqması Finlandiyada innovativ iqtisadiyyatın yaradılmasının
əsası, İsveçin, Rusiyanın və digər ölkələrin iqtisadiyyatının modernləşməsi
olmuşdur. İşçidə təcəssüm olunan insan kapitalı – onun bilikləri, bacarıqla-
rı, mütəşəkkilliyi, mənəviyyatı və yaradıcı fəaliyyətidir; o hər bir ölkənin
başlıca gəlir mənbəyi, milli zənginliyin əsasıdır.
Dünyanın aparıcı ölkələrində insan kapitalının inkişafı yüksək əmək mə-
dəniyyətini, vətəndaşın yüksək istehsal əməyini motivasiya edən maddi-
texniki şəraiti təmin edən düzgün idarəcilik siyasəti və mədəniyyəti əsasında
aparılır. İnsanların dəyişdirici fəaliyyətində əsas yeri intellektual əmək tutur,
belə ki, məlum olduğu kumu, maddi rifah istehsalçılarının əsas resursu və
ÜDM-un artımı intellektdən ibarətdir. Bu, rəqabət qabiliyyətli iqtisadiyyatın
inkişafında, əhalinin və dövlətin gəlirləri və rifahının yüksəldilməsində
elmtutumlu təhsilin çox böyük rolunu izah edir.
Sosial-mədəni və iqtisadi tərəqqinin başlıca resursu olan intellektual mə-
dəniyyətin qabaqlayıcı inkişafı, Dirçəliş Dövründən başlayaraq, qərb ölkələ-
rinin davamlı mədəni ənənəsi olmuşdur. XX əsrin ikinci yarısında insan ka-
pitalı problemləri alim iqtisadçılar, sosioloqlar, tarixçilər və kulturoloqlar tə-
rəfindən iqtisadi və sosial inkişafın səmərəliliyi kontekstində nəzərdən keçi-
rilməyə başlandı. Bəzi ölkələrin uğurunu və digərlərinin geridə qalmasını,
və dövlət siyasətində bu sosial inkişaf qanunauyğunluğunun hesaba alınma-
sını müəyyən edən mühüm amilə çevrilmiş insan kapitalının keyfiyyətinin
Dostları ilə paylaş: |