|
![](/i/favi32.png) Innovasiya menecmenti
|
səhifə | 26/69 | tarix | 13.01.2023 | ölçüsü | 1,46 Mb. | | #98536 |
| innovasiya-menecmenti-muhazireÜmumi şərhlər
Məhdudiyyətlər və hələ başlanğıc mərhələsində olmasına baxmayaraq, marketinq analitikləri neyromarketinqdə istehlakçı seçimlərini daha yaxşı ölçmək üçün istifadə imkanına sahib çıxırlar. Çünki "bu məhsuldan zövq alırsınız?" sualına verilən şifahi cavab gerçək olmaya bilər. Gerçəyin başa düşülməsi, marketoloqlar məhsul və xidmətlərin yaradılmasına, daha çox təsirli bir şəkildə hazırlanmasına kömək edə bilərlər. Istehlakçının həyatında hər gün qarşılaşdığı markalarla bağlı məlumatları necə yığdığı və xatırladığı anlaşıla bilərsə, daha təsirli markalar yaradıla bilər.
Neyromarketinq, istehlakçıların "satın alma düyməsini" tapmaq funksiyasını yerinə yetirməklə bərabər həmçinin bir reklamdır. İstehlakçılara fərqlilik, müsbət münasibət yaratmaq və məhsulların qiymətləndirilməsi baxımından hansı işçilərin daha əhəmiyyətli rol oynamasını tapmaqda köməklik edir. Tənqidlərin tam əksinə, aldadıcı, şok təsir yaradan reklamların təqdim edilməsində bu texnikadan reklamların qadağan olunması üçün istifadə edilə bilər. Neyrosatış araşdırmaları gələcəkdə istehlakçı davranışını anlamaqda əhəmiyyətli faydalar təmin edə bilər. Marketoloqlar bu növdən araşdırmaları tibb fakültələri ilə ortaq layihələr şəklində reallaşdıra bilərlər.
Lakin, neyrotexnikaların marketinq araşdırmalarına tətbiqi nəticəsində diqqət ediləcək əhəmiyyətli mövzular var. Birincisi, Neyro elm və psixologiya sahəsində bilinənlərin nəqədərinin satışa çıxarmağa, nəqədərinin transfer ediləcəyini yaxşı bilmək lazımdır. İkincisi, qeyri-etik davranışların qarşısını almaq üçün etik qaydaların müəyyən edilməsi lazımdır. Təbiidir ki, etik qaydaların varlığı bu qaydaların hamısı ilə tətbiq mənasına gəlmir, həmçinin yoxlama mexanizmlərinin yaradılması da şərtdir. Bununla yanaşı, neyrosatış texnikalarının qaydalarını istelakçılara çatdırılması əhəmiyyətlidir.
Bu iş, çox müzakirə edilən neyrosatış yanaşmasının gələcəkdə araşdırması üçün təmin edəcəyi faydaların, mənfi cəhətlərin və sərhədlərin nəzəri təməldə araşdırması məqsəd kimi qarşıya qoyulmuşdur. Texnologiyanın inkişafı ilə birlikdə, müasir marketinq yanaşmasının gələcəkdə də insanlığa faydalı olacağı, rifahı artıracaq şəkildə yol almasında və strategiyasında edəcəyi düzəlişlərə qismən işıq verməyə çalışır.
Mövzu 8. Marketinq tədqiqatlarının məqsədi və istiqamətləri
Marketinq tədqiqatlarının aparılmasının məqsədi- bazar situasiyasının və ona təsir edən amillərin qabaqcadan öyrənilməsi, onların müəssisənin fəaliyyətində nəzərə alınması üzrə tədbirlərin hazırlanması və bunun sayəsində qeyri-müəyyənlik və risk səviyyəsini azaldılması, həmçinin müəssisənin imkanlarını bazarın imkanlarına və istehlakçıların, alıcıların tələbatına uyğunlaşdırılması üzrə tövsiyələrin hazırlanmasıdır. Marketinq tədqiqatlarının əsas vəzifəsi bütünlükdə marketinq fəaliyyətində yol verilmiş qeyri-dəqiq informasiyaların və qiymətləndirmələrin, riskin və bütün növ qeyri-məhsuldar xərclərin və itkilərin aradan qaldırılmasıdır.
Marketinq tədqiqatları prosesində bazar, istehlakçılar, rəqiblər, bazarın firma strukturu, məhsullar, qiymət, məhsulların bölüşdürülməsi və satışı kanalları, satışın həvəsləndirilməsi və reklam fəaliyyəti, müəssisənin idarəetmə quruluşu və makromühit amilləri tədqiq edilir.Bazarların tədqiqi prosesində bazarın tutumu və onun inkişaf meylləri, satışın həcmi və dinamikası, müəssisənin bazar payı, bazarın quruluşu və coğrafi yerləşməsi, rəqabət şəraiti və s. haqqında informasiya toplanılır və təhlil edilir. Bunların əsasında isə, bazarın inkişafı proqnozlaşdırılır, konyunkturası qiymətləndirilir, bazarlar seqmentləşdirilir və məqsəd seqmenti seçilir, yeni bazarlara çıxma imkanları müəyyənləşdirilir.
İstehlakçıların tədqiqi prosesində istehlakçıların və alıcıların alış motivləri və davranış tərzi, onların mövcud və yeni məhsullara münasibəti, istehlakın quruluşu, tələbin və tələbatın dəyişmə meylləri öyrənilir, real və potensial tələbatın həcmi və xarakteri müəyyənləşdirilir, tələbatın ödənilmə səviyyəsi və ödənilməmiş tələbatın həcmi aşkar edilir və istehlakçıları xarakterizə edən digər amillər təhlil edilir. Rəqiblərin tədqiqi prosesində rəqib müəssisələrin fəaliyyətinin zəif və güclü tərəfləri, onların satışının həcmi və bazar payı, rəqiblərin məhsulları, məhsullarının qiymətləri, satış kanalları, satışın həvəsləndirilməsi formaları, onların göstərdikləri xidmət növləri, bu xidmətlərin keyfiyyəti, bu qeyd olunanlara istehlakçıların münasibəti və rəqibləri xarakterizə edən digər göstəricilər öyrənilir.Bazarın firma strukturunun tədqiqi əsasında məhsul göndərənlər, ticarət vasitəçiləri, nəqliyyat, maliyyə-kredit, sığorta, reklam və hüquq müəssisələri və təşkilatları, habelə müxtəlif tip məsləhətxanalar, onların fəaliyyət istiqamətləri, onların rəqib müəssisələrlə əlaqələri, münasibətləri, istehlakçıların və ictimaiyyətin bu müəssisələrin fəaliyyətinə münasibəti öyrənilir, alternativ məhsul göndərənlərin tapılması imkanları və s. təhlil edilir. Məhsulların tədqiqi prosesində müəssisənin məhsul çeşidi və onun sadələşdirilməsi, təkmilləşdirilməsi, mövcud məhsulların təkmilləşdirilməsi və yeni məhsulların yaradılması imkanları, rəqabət qabiliyyətliliyi, məhsulların qiymətinin dəyişmə meylləri, məhsulun qəbul edilmiş norma və standartlara uyğun gəlməsi təhlil edilir, onların qablaşdırılmasına olan tələblər öyrənilir, istehlakçıların ticarət (məhsul) markalarına və nişanlarına münasibəti aşkar edilir, müəssisənin məhsulları rəqib müəssisənin məhsulları və oxşar məhsullarla müqayisə edilir, onun üstün və zəif cəhətləri aşkar edilir, məhsullara servis xidmətinin təşkili məsələləri öyrənilir və məhsulu xarakterizə edən digər informasiyalar toplanılır və təhlil edilir.
Qiymətin tədqiq edilməsi zamanı müəssisənin istehsal və tədavül xərcləri, məhsulların qiymətinin səviyyəsi, istehlakçıların, müəssisənin və rəqib müəssisələrin məhsullarının qiymətinə münasibəti, qiymətin elastikliyi və qiymətə təsir edən digər amillər haqqında informasiya toplanılır və təhlil edilir, həmçinin müəssisənin məhsullarının qiyməti rəqib müəssisələrin məhsullarının qiymətlərilə müqayisə edilir və məhsulun rentabellik səviyyəsi müəyyənləşdirilir, qiymətqoyma metodu seçilir. Məhsulların bölüşdürülməsi və satışı kanallarının tədqiqi prosesində məhsulların bölüşdürülməsi və satışı kanalları, onların seçilməsinə təsir edən amillər, onların seçilməsi meyarları, bu kanalların müsbət və mənfi cəhətləri, ticarət şəbəkələrinin yerləşdirilməsi, satış (əmtəəlik) ehtiyatlarının vəziyyəti, satışın həcmi və dinamikası, məhsulların saxlama və nəqledilmə texnologiyası, istehlakçılara göstərilən xidmətlərin formaları və xidmətin keyfiyyəti, mütərəqqi satış metodlarının tətbiqi imkanları, istehlakçıların və alıcıların bölüşdürmə və satışın təşkilinə münasibəti, məhsulgöndərmə üzrə əlaqələrin xarakteri və məhsulların bölüşdürülməsi və satışı ilə əlaqədar olan digər əməliyyatlar və amillər təhlil edilir. Satışın həvəsləndirilməsi və reklam fəaliyyətinin tədqiqi prosesində istehlakçılara və alıcılara təsiretmə metod və formaları, istehlakçıların və ictimaiyyətin müəssisəyə, onun məhsullarına və reklam kompaniyasına münasibəti, reklam elanlarının məzmunu, onların verilmə və yayılması vasitələri, reklam agentlərinin fəaliyyəti, satışın həvəsləndirilməsi və reklam fəaliyyətinin təşkilinin mövcud sistemi, onların təkmilləşdirilməsi istiqamətləri, satışın həvəsləndirilməsinin müxtəlif formalarının istehlakçılara, vaçitəçilərə, satıcı heyətinin işinə təsiretmə səviyyəsi və s. təhlil edilir. Müəssisənin idarəetmə strukturunun tədqiqi prosesində, müəssisənin idarəetmə strukturu, onlar arasındakı əlaqələrin vəziyyəti, mövcud idarəemə strukturunun bazar situasiyasına uyğunluğu səviyyəsi və idarəetmə strukturunun təkmilləşdirilməsi istiqamətləri təhlil edilir.Marketinq tədqiqatları prosesində, yuxarıda qeyd edilən amillərlə yanaşı, marketinqin makromühit amilləri də tədqiq edilir. Makromühit amillərinin tədqiqi prosesində, ona daxil olan bütün amillərin təhlili həyata keçirilir və onların dəyişmə meylləri öyrənilir, onların marketinq fəaliyyətinə təsiri aşkar edilir, onlarla marketinqin müəssisədaxili amilləri arasında uyğunluq yaradılmasına cəhd edilir.Marketinq tədqiqatlarının nəticəsi öz əksini müəssisənin marketinq fəaliyyətinin strategiyası və taktikasının hazırlanmasında, seçilməsində,realizasiyasında istifadə ediləcək tövsiyələrin və tədbirlərin hazırlanmasında tapır.
Dostları ilə paylaş: |
|
|