II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1720
27-28 April 2018, Baku, Azerbaijan
müqaviləsi”nin imzalanması ilə daha da genişləndirərək, Xəzər petrolları üzərinə Birləşmiş Ştatlar
ölkəmizlə ilk müqaviləsini təsdiq etmişdir. Müstəqilliyini qazanmış Azərbaycan birinci dəfə Qərbin iri neft
şirkətləri ilə belə böyük miqyasda Saziş imzalamaqla Xəzər dənizində bezynəlxalq əməkdaşlığın əsasını
yaratdı, xarici investorların Azərbaycana axınını sürətləndirdi və Azərbaycanda yeni neft-qaz
kontraktlarının bağlanmasına güclü təkan verdi [4, 3].
Tədqiqat işinin müzakirəsi
1996-cı ildə ABŞ-ın Exxon şirkətinin Azərbaycan filialı qarşılıqlı razılaşma əsasında Xəzər dənizinin
Azərbaycan sektorunda iki araşdırma bloklarının inkişafı və hasilatının pay bölgüsü ilə bağlı xüsusi
hüquqlar almışdır. Exxon altı ay ərzində müqavilənin əsas prinsipləri üzrə Dövlət şirkəti ilə razılıq əldə
etməyi və bir il ərzində həmin məsələlərlə əlaqəli danışıqları sona çatdırmağı nəzərdə tutmuşdur [2, 46] .
1997-ci ildə Ağ Ev tərəfindən təsdiqlənən "Xəzər hövzəsinin enerji inkişafı" adlı bəyanatda isə ABŞ-ın bu
regiondakı siyasətinin dörd əsas istiqaməti təyin edilmişdir. Buna görə, müəyyənləşdirilmiş məsələlər
daxilində ABŞ Azərbaycan-Ermənistan münaqişəsinin həllinə çalışacaq; dünya enerji ehtiyatlarının
artırılması, genişləndirilməsi çərçivəsində Xəzər hövzəsi enerji qaynaqlarını istifadə; Xəzər hövzəsi
ölkələrinin müstəqilliyi və suverenliyi üçün Rusiyadan keçən neft boru xətlərinə asılılıq aradan qaldırılacaq
və alternativ ixrac yolları tapılacaq; İran təcrid ediləcək və bu ölkənin Xəzər enerjisi mövzusunda heç bir
rol üstlənməməsi təmin ediləcəkdir [7].
Bu mənada “Əsrin müqaviləsi” kifayət qədər geniş imkanlar açaraq ölkəmizin dünyanın ən qüdrətli
dövləti ilə münasibətlərini nizama salmasına şərait yaratmış oldu[1, 168]. Bu müqavilə Azərbaycanın yeni
neft strategiyasının əsasında dayanaraq, bir tərəfdən, ölkənin milli inkişafı üçün lazımi maddi resursların
əldə edilməsi və istifadəsi yollarını müəyyənləşdirdi, digər tərəfdənsə onun beynəlxalq aləm üçün geosiyasi
və geoiqtisadi əhəmiyyətini artıraraq, dünyaya inteqrasiyanı şərtləndirdi [5, 99]. Birləşmiş Ştatlarla
münasibətlərimizin inkişafını şərtləndirən ən əsas məqamlardan biri ölkəmizin karbohidrogen ehtiyyatları,
həmçinin bu ehtiyyatların daşındığı əsas tranzit ölkəsi olmasıdır. Məlum olduğu kimi, “Əsrin
müqaviləsi”nin imzalanması ilə ABŞ-ın bir sıra neft şirkətləri Xəzər dəninzinin Azərbaycan sularında neft
və qaz hasilatına cəlb edilmişdir. O cümlədən, Bakı-Tiblisi Ceyhan və Bakı-Tiblisi Ərzurum enerji
daşınması layihələrinin reallaşmasında da Birləşmiş Ştatların marağı, dəstəyi olmuşdur. Tərəfdaşlıq
çərçivəsində, bu amil, rəsmi Vaşinqtonun Cənubi Qafqazın aparıcı dövləti kimi Azərbaycana daha etibarlı
strateji tərəfdaş, müttəfiq olduğunu hesab edirlər. Bu reallığı ifadə edən Amerikanın dövlət xadimləri, siyasi
ekspertləri müttəfiqlik baxımından ölkəmizi hətta Avropanın bir çox dövlətlərindən üstün tutmasını qeyd
edirlər. Belə ki, bəzi Avropa ölkələrinin ABŞ-la mövqeləri, bir çox digər dövlət əhəmiyyətli məsələlərdə də
fikir ayrılığı olduğundan, bizə qarşı istiqamətlənən mövcud diqqət və marağı asanlıqla izah etmək
olar.Amerikanın neft, texnika, iqtisadiyyat, kosmik tədqiqatlar, hüquq sahələrində nüfuz əldə edən
soydaşlarımız barəsində qeyd edərkən NASA-da tanınmış mütəxəssis Cavad Herti, 2009-cu ildə
Filadelfiyada Benjamin Franklin institutu onu “qeyri-səlis məntiq” nəzəriyyəsini aşkar etdiyinə görə
Elektrik Mühəndisliyi üzrə Benjamin Franklin medalı ilə təltif edilmiş dünya şöhrətli alim Əli Əsgər Lütfi
Zadə [8], qaz lazerini kəşf edərək 1993-cü ildə Albert Eynşteyn mükafatına layiq görülən Əli Cavan, neft
sənayesi üzrə tanınmış alim Bican Fəzullahi, neft biznesmeni və neft sənayesi üzrə mütəxəssis Firudin
Əminzadə və digər şəxslərin adlarını çəkmək mümkündür [3, 262]. Ümumiyyətlə, 1995-ci il ABŞ Milli
Təhlükəsizlik Şurasının Rusiya, Ukrayna və Avrasiya Məsələləri üzrə İdarəsi ABŞ-ın Xəzər siyasətinin
əsas hədəflərini müəyyənləşdirmişdi. Qafqazın həmin hədəflər sırasında xüsusi vurğulandığı müşahidə
edilirdi. Belə ki, ABŞ-ın regiona mühüm önəm verdiyi məsələlər içərisində: Cənubi Qafqazın tərkibinə
daxil olan Xəzər regionunda mövcud neft yataqlarına, enerji ehtiyyatlarına və Xəzər mənbələrinə yönələn
diqqətin artması məsələsini ayrıca qeyd etmək olar. Birləşmiş Ştatlarla ikitərəfli əlaqələr, həmçinin NATO
ilə tərəfdaşlıq çərçivəsində görülən işlər ABŞ rəhbərliyi tərəfindən hər zaman müsbət qarşılanmışdır.
Azərbaycan Amerikanın Cənubi Qafqazdakı sabiq strateji tərəfdaş olduğunu Birləşmiş Ştatların rəsmi
nümayəndələri tərəfindən dəfələrlə vurğulanmışdır. Xüsusilə hər iki ölkə arasında mövcud sıx əməkdaşlıq
və birgə yaradılmış iqtisadi komissiyanı - Azərbaycan-ABŞ İqtisadi Tərəfdaşlıq Komissiyasının
fəaliyyətini də diqqətə çatdırmaq mühüm əhəmiyyət kəsb edir.
2002-ci ildə nəşr edilən ABŞ Milli Təhlükəsizlik Strategiyasına əsasən, Amerika Birləşmiş Ştatlarının
milli strategiyasında enerji təhlükəsizliyinin çoxşaxəli istiqamətlər üzrə genişləndirilməsinə xüsusi önəm
verilirdi. Ən əsası isə burada, Xəzər amili ayrıca vurğulanmışdır. Enerji təhlükəsizliyi baxımından Xəzər
regionun təhlili Yaxın Şərq və Afrika ilə birgə eyni dərəcədə aparılmışdır. Xüsusilə buradan əldə edilən
qlobal enerjinin növ və qaynaq baxımından çeşidləndirilməsinə toxunulur [10, 19]. Sənəddə enerji