Journal of new century innovations wsrjournal com Volume – 10 Issue-3 August 2022

JOURNAL OF NEW CENTURY INNOVATIONS 
WSRJournal.com


Volume-10_ Issue-3_August_2022 
54 
borilmaganligi, borlari ham amaliyotga to‘laqonli joriy etilmasdan qog‘ozda qolib 
ketayotganligiga borib taqaladi. Xususan, umumta’lim maktablarida tarix darslarini 
o‘qitishda innovatsion texnologiyalar, interfaol metodlarni qo‘llashga qodir salohiyatli 
kadrlar har bir tuman, shahar kesimida sanoqlidir. Ushbu kadrlarning deyarli barchasi 
milliy ta’lim tizimi yetishtirib bergan mutaxassislar sanaladi. 
Davlat tomonidan pedagog kadrlar malakasini oshirish jarayonini tizimli tashkil 
qilish asnosida ta’lim sifatini oshirishga urinishlar kuzatilmoqda. Biroq o‘tgan vaqt 
mobaynida o‘qituvchilar malakasini oshirish institutlari bildirilgan ishonchni oqlash 
o‘rniga amaldagi byurokratik-korrupsion tizimning bir bo‘lagiga aylanib qoldi. 
Qisqacha aytganda, pedagog kadrlar malakasini oshirishdan ko‘zlangan maqsadga 
to‘liq erishishning imkoni bo‘lmadi. 
Quyida umumta’lim muassasalari tarix o‘qituvchilari faoliyati misolida buning 
ayrim sabablari bilan tanishib chiqamiz. 
Birinchidan, o‘qituvchilar malakasini oshirish jarayoniga chet eldan yoki xorijiy 
tajribaga ega mahalliy mutaxassislar muntazam jalb etilmadi. Bu esa MOIlarning 
samaradorligiga ta’sir etmay qolmadi. 
Ikkinchidan, MOIda o‘qish mobaynida va undan keyin o‘qituvchilarga 
foydalanish uchun tavsiya etilishi mumkin bo‘lgan metodik adabiyotlar yaratilmadi. 
Garchi yaratilgan bo‘lsada, samara bermadi. 
Uchinchidan, o‘qituvchilar malakasini muntazam oshirib borishga qo‘shimcha 
tizimli yondashuvni tashkil etishdan ko‘ra, ular turli keraksiz hujjatlarni to‘ldirishga 
majbur qilindi. So‘nggi yillarda Xalq ta’limi vazirligi tomonidan ushbu holatga barham 
berishga harakat qilindi, biroq bu hali to‘la bartaraf etilmadi. Bunday fikrga kelishga 
asoslarimiz yetarli. 
To‘rtinchidan, malaka oshirish jarayonida beriladigan bilimlarni oliy ta’lim 
tizimiga ham joriy qilgan holda malaka oshirish institutlarining ilmiy axborot balansini 
sohaga oid yangicha tushuncha, g‘oyalarga asoslangan vositalar, metodik manbalar 
bilan to‘ldirib borishga mutlaqo e’tibor qaratilmayapti. Aksincha, MOI oliy ta’lim 
tizimi yetishtirgan sifatsiz kadrlar “malakasini oshirish”ga buyurtma qabul qiluvchi 
tashkilotga aylanib qolmoqda. Chunki MOIda ishlaydigan mutaxassislarning 

---