47
1. Azərbaycan Respublikasında dini ekstremizmə qarşı mübarizənin hüquqi və təşkilati əsaslarını
müəyyən edən, dini ekstremizm əleyhinə mübarizəni həyata keçirən dövlət orqanlarının və
vətəndaşların hüquq və vəzifələrini təsbit edən “Dini ekstremizmə qarşı mübarizə haqqında” Qanun
qəbul olunmuş. 2. “Dini etiqad azadlığı haqqında” Azərbaycan Respublikasının Qanununa aşağıdakı
müddəalar əlavə olunmuşdur: “İslam dininə aid ayin və mərasimlərin aparılması yalnız Azərbaycan
Respublikasının vətəndaşları tərəfindən həyata keçirilə bilər. Xaricdə dini təhsil almış Azərbaycan
Respublikasının vətəndaşlarına islam dininə aid ayin və mərasimlərin aparılması qadağandır.”;
3. “Azərbaycan Respublikasının vətəndaşlığı haqqında” Azərbaycan Respublikasının Qanununa
vətəndaşlığın itirlməsi əsasları ilə bağlı yeni müddəalar əlavə olunmuşdur: “3‐1) Azərbaycan
Respublikası vətəndaşının terror fəaliyyətində iştirakı və ya Azərbaycan Respublikasının
konstitusiya quruluşunun zorla dəyişdirilməsinə yönələn hərəkətləri həyata keçirməsi; 3‐2)
Azərbaycan Respublikası vətəndaşının dini ekstremist fəaliyyətdə iştirakı, o cümlədən dini
düşmənçilik zəminində dini məzhəblərin yayılması və ya dini ayinlərin icrası adı altında xarici
dövlətdə silahlı münaqişədə iştirak etməsi və ya həmin münaqişəyə digər şəxsi cəlb etməsi, yaxud
bu məqsədlə sabit qrup yaratması, habelə Azərbaycan Respublikası vətəndaşının dini təhsil adı
altında xarici dövlətdə hərbi təlim keçməsi;”. 4. Azərbaycan Respublikasının Cinayət Məcəlləsinə isə
aşağıdakı yeni maddə əlavə edilmişdir: “Maddə 168‐1. Dini təbliğat, dini ayin və mərasimlərin
aparılması tələblərini pozma
168‐1.1. İslam dininə aid ayin və mərasimlərin xaricdə dini təhsil almış Azərbaycan Respublikasının
vətəndaşı tərəfindən aparılması ‐
iki min manatdan beş min manatadək miqdarda cərimə və ya bir ilədək müddətə azadlıqdan məhrum
etmə ilə cəzalandırılır.
168‐1.2. Əcnəbi və ya vətəndaşlığı olmayan şəxs tərəfindən dini təbliğat aparılması –
bir ildən iki ilədək müddətə azadlıqdan məhrum etmə ilə cəzalandırılır.
168‐1.3. Bu Məcəllənin 168‐1.1‐ci və 168‐1.2‐ci maddələrində nəzərdə tutulmuş əməllər:
168‐1.3.1. təkrar törədildikdə;
168‐1.3.2. qabaqcadan əlbir olan bir qrup şəxs və ya mütəşəkkil dəstə tərəfindən törədildikdə ‐
iki ildən beş ilədək müddətə azadlıqdan məhrum etmə ilə cəzalandırılır.”
Hakimliyə sənəd qəbulu başlamışdır
Məhkəmə fəaliyyətinin təkmilləşdirilməsi üzrə ölkə Prezidenti cənab İlham Əliyevin tapşırıqlarının
icrası çərçivəsində hakim vəzifəsinə namizədlərin şəffaf üsullarla, müasir beynəlxalq tələblər
səviyyəsində seçilməsinə xüsusi əhəmiyyət verilir. Bununla əlaqədar ölkəmizdə hakimlərin seçiminin
Avropada örnək kimi dəyərləndirilən mütərəqqi qaydaları hazırlanmış, son illər ərzində 2600
namizəd sırasından 307 nəfər yüksək hazırlıqlı hüquqşünas seçilərək uzunmüddətli təlimlər,
məhkəmələrdə, o cümlədən xarici dövlətlərdə təcrübə keçdikdən sonra hakim vəzifələrinə təyin
edilmişlər. Hakimlərin Seçki Komitəsinin dekabr ayının 14‐də keçirilən iclasında mövcud vakansiya
və hakim kadrlarına ehtiyaclarla bağlı məsələ müzakirə edilmiş və hakimliyə namizədlərin
sənədlərinin növbəti qəbulunun başlanılması qərara alınmışdır. Hakimliyə namizədlərin sənədləri
15 dekabr 2015‐ci il tarixdən Hakimlərin Seçki Komitəsi tərəfindən qəbul ediləcəkdir (ünvan: Bakı
şəhəri, Z.Xəlilov küçəsi, 540‐cı məhəllə). Hakimliyə namizədlər üçün əlverişli şərait yaradılması
məqsədilə “Hakimliyə Namizədin Yaddaş Kitabçası”, tələb edilən sənədlərin siyahısı, hakim
vakansiyaları barədə və digər məlumatlar Məhkəmə‐Hüquq Şurasının internet səhifəsində
yerləşdirilmişdir (www.jlc.gov.az). İmtahanların keçirilməsi ilə bağlı digər aidiyyəti məsələlər barədə
əlavə məlumat veriləcəkdir.
Əlaqə telefonu: (012) 510‐22‐97; (051) 510‐22‐97
A Z Ə R B A Y C A N V Ə K İ L İ ‐ VIII nömrə
A Z Ə R B A Y C A N V Ə K İ L İ ‐ VIII nömrə
48
Vəkillərin könüllü reyestri aparılır
Azərbaycan Respublikasında peşəkar hüquqi
müdafiə ‐ vəkillik fəaliyyəti ilə məşğul olan
Azərbaycan
Respublikası
Vəkillər
Kollegiyasının üzvlərinin qeyri‐peşəkar hüquqi
xidmət göstərən təmsilçi nümayəndələrdən
fərqləndirmək üçün
www.evakil.az
internet
səhifəsində vəkillərin könüllü elektron
reyesteri aparılır.
Qeyd edilən internet resursu hüquqi yardım
axtaran şəxslərə vəkillər haqqında əlavə
məlumat toplamaq imkanı verəcəkdir.
www.evakil.az
internet səhifəsində profil məlumatlarınızın daxil edilməsi üçün aşağıdakı əlaqə
vasitələri ilə əlaqə saxlayaraq tələb edilən məlumatları təqdim edə bilərsiniz.
Ünvan: Bakı şəhəri, Tbilisi prospekti 47/49
Tel. 012 538 6820
Mob. 050 250 3575
Email:
nihad@hgn.az
; info@evakil.az
A Z Ə R B A Y C A N V Ə K İ L İ ‐ VIII nömrə
Beynəlxalq mətbuat səhifələrindən
Oskar mükafatı ilə hüquqşünaslıq peşəsi arasında ümumi nə var?
Bu yazıda oxucularımıza ABŞ‐da hüquq peşəsinin
vəziyyəti
ilə
Oskar
Kino
Akademiyasının
nominantlarının seçilməsinin ümumi vəziyyətinə dair
məlumat verilmişdir. Sual oluna bilər ki, qeyd
olunanlar arasında hansı əlaqə var. Bunun üçün
yazıya sürətlə göz gəzdirməyiniz yetərli olar.
Hər birinin illik dövriyyələri 750 milyon ABŞ
dollarından artıq olan 450 beynəlxalq amerikan
şirkətləri arasında aparılmış sorğuya əsasən,
şirkətlərində irqi, gender və s. müxtəliflik siyasəti
tətbiq edən müəssisələr digər rəqiblərindən 2,3 dəfə
daha çox mənfəətlə işləyirlər. Eyni zamanda, tədqiqat
nəticəsində müəyyən olunmuşdur ki, müəssisədə gender məsələsində 1%‐lik dəyişiklik edilərsə
(qadınların kişilərə olan nisbəti 1% dəyişdirilərsə) şirkətin dövriyyəsi 3% artmış olar. Habelə digər
irqdən olan işçilərin sayı 1% artırılarsa, dövriyyə 9% artmış olar.
Ümumiyyətlə, irqi müxtəliflik səviyyəsi yüksək olan şirkətlərin cəmiyyətdə nüfuzu daha yüsək
olur. Belə şirkətlər innovasiyalara daha açıq olurlar.
Artıq bu məsələ ABŞ‐da elə bir rezonansa səbəb olmuşdur ki, iri şirkətlərdə müxtəliflik məsələsi
kadrlar şöbəsinin marağından çıxaraq şirkət rəhbərlərinin maraq dairəsinə daxil olmuşdur.
Oskar Kino Akademiyasına gəldikdə isə, qeyd olunmalıdır ki, bu il Oskara təqdim olunmuş 20 nəfər
namizədin (aktroyun) hamısı ağdərili amerikalılardır ki, bu da ABŞ əhlisinin irqi say tərkibini faiz
nisbətinə uyğun deyildir. Artıq bu hal ikinci ildir ki davam etməkdədir.
ABŞ əhalisinin Siyahıya Alınması Bürosunun 2000, 2010 və 2020‐ci il üçün proqnoz hesabatına
əsasən, eyni tendensiya hüquq şirkətlərində də davam etməkdədir.
Əslində bu cür vəziyyət neçə‐neçə qeyri‐irqdən olan bacarıqlı hüquqşünasların peşədən kənarda
qalmalarına səbəb olur. Hesabatda etiraf olunur ki, ABŞ‐da fəaliyyət göstərən hüquq şirkətlərində
işə götürülmə namizədin göstəriciləri (meritokratiya) ilə deyil, əsas etibarilə ağdərili şirkət
rəhbərlərinin öz irqlərindən olanlara (mirrorakratiya) üstünlük vermələri ilə bağlıdır.
BMT‐nin kitabxanası və beynəlxalq
cinayət törətmiş dövlət başçılarının
toxunulmazlığı barədə qısaca
Beləliklə, BMT‐nin sayca ikinci katibi
məşhur diplomat Daq Hammarsköldün
adını daşıyan və Nyu‐Yorkda yerləşən
məşhur kitabxanası haqqında sizlərlə bir
xəbəri bölüşmək istərdik. Bu kitabxana
əsasən, BMT‐nin işçilərinin istifadəsi üçün
nəzərdə tutulmuşdur.
Kitabxananın kartotekasını zənginləşdirən
kitablar isə əsasən beynəlxalq hüquq və
münasibətlər, iqtisadiyyat və digər bənzər mövzulara həsr olunmuşdur.
49