✦ ✦ ✦ Sona Xəyal ✦ ✦ ✦
68
Elçin həm orta məktəbdə, həm də musiqi məktəbində əlaçıdır.
Həm gözəl musiqiçi olmaq istəyir, həm də hüquqşünas. Aramızda
çox kiçik bir söhbət oldu:
- Elçin, sən böyüyəndə kim olmaq istəyirsən?
-Hüquqşünas.
-Niyə bəs hüquqşünas?
-Pis adamları tutmaq üçün.
-Axı, pis adamlar olmasa, yaxşıları necə tanıyarsan?
-Məhkəmə quraram.
Elçin 12 yaşlı uşaq kimi danışmırdı. Özünə inamla, qətiyyətlə
danışırdı, qarşısındakını da inandırırdı. Bəlkə gələcəkdə hüquq-
şünas da ola bilər. Amma mən onun saz-söz adamı kimi yetişməsini
daha çox arzuladım. Elçin saza yaraşırdı, saz Elçinə.
Elçin çalanda, oxuyanda da üzündə məğrurluq, əzəmət görü-
nürdü. Bəzən görürsən ki, öz işində, sənətində istedadlı, savadlı
olan bir adam nə qədər cəhd edirsə, bu mənzərəni özündə əks etdirə
bilmir. Çünki, bunu istəməklə deyil. Bu sifət, içdən gələn hissin,
duyğunun rəng çalarları ilə bəzənəndə alınır. İçindəkiləri isə
göydən sənə bəxş eləməsələr, heç cürə əldə etmək olmur.
Elçinin körpə dünyasında rəngbərəng bir aləm var. Bu aləmin hər
guşəsində yerləşən hər arzu, istək öz rəngindədir. Həm də safdır,
təmizdir.
Elçin Cəlili çalır. Cəlili üstündə xalq şairi Səməd Vurğunun məş-
hur şeirini oxuyur. Elçin Baş Sarıtel çalır, Şücaətin “Dağlar” şeirini
oxuyur. Oxuya-oxuya bu şairlərin gəzdiyi yerləri səyahətə çıxır.
Gəzə-gəzə öz dünyasını zənginləşdirir və bizi bu dünyanın müqəddəs
guşələrinə səsləyir. Elçin çalır. Çaldıqca göz önünə gələn məm-
zərələrdən ilham alır. İlham mənbəyi böyüklərin saz dünyası oldu-
ğundandır ki, Elçin körpəykən böyüyə bilir. Sevdiyin şairlər, aşıqlar
kimdir soruşanda, “Səməd Vurğun, Abbas Səhhət, Aşıq Ələsgər, Aşıq
Abbas Tufarqanlı, Aşıq Abbas Bozalqanlı və b.” dedi. Mən Eıçini
təsadüfi seçmədim. Elçindəki elçün ötən, çağlayan ilhamı gördüm…
Elçin məktəbdə keçirilən tədbirlərdə də bəzən çıxış edir. Ən
böyük səhnədə isə bu yaxınlarda çıxış edib. Noyabrın 30-da filar-
moniyada istedadlı uşaqların üzə çıxarılması məqsədilə 8 saylı
Musiqi məktəbinin konserti olub. Elçindən “həyəcanlandınmı?”
✦ ✦ ✦ Mədəniyyəti, incəsənəti yaşadanlar ✦ ✦ ✦
69
soruşanda “yox” dedi. Elçin sazla olanda ancaq sazı görür, bəlkə
ona görə də həyəcana yer qalmır. Saz onunçün böyük qüvvədir və
bu qüvvə ona həmişə kömək olur, onu həmişə qoruyur. Allahına
inanan, ən çox atasını, anasını, bacılarını sevən Elçin deyir ki:”Saz
mənimçün hər şeydir”.
“Aydın fakir” qəzeti, 24.01.09
MEHMAN DAĞLAROĞLUNUN ŞEİR-SƏNƏT DÜNYASI
Şeirlə musiqinin birləşdiyi iki yol vardır. Biri muğamımızdır ki,
artıq dünya səviyyəsində tanınır, sevilir. İkincisi isə aşıq sənətidir
ki, əslində heç də ondan geri qalmır, amma hələlik dar çərçivədə
şöhrət qazanıb. Amma mən nənəmdən eşitmişdim ki, Maştağada
əvvəllər aşıq toyları da olub. Bu gün aşıq sənəti ən çox bölgələrdə
sevilir. Amma Bakıda da saz çalan, sazı dinləmək istəyən, sazı
sevən insanlar az deyildir.
Ayda bir dəfə keçirilən “Qurbani” məclisində hər dəfə gənc
aşıqları dinləyəndə düşünürəm ki, bu sənət də heç zaman ölməyə-
cək. Məclisin ən istedadlı gənclərindən biri Mehman Dağlaroğ-
lunun ən böyük arzusu sazı dünya arenasına çıxartmaq və bütün
dünyaya sevdirməkdir. Mehman saz çalanda onu müşahidə edirəm.
Gözlərini yumub öz aləminə yol başlayır. Sanki o heç də zalda
deyil. Soruşanda deyir ki, mən saz çalanda özümü təbiətin qoy-
nunda görürəm. Təbiət aşiqi olanlar onu yaradan Allahı da sevir.
Mehman üçün göydə Allah, yerdə təbiət, əlində saz, könlündə
nəğmələr, - həyat budur.
Haşiyə: Mehman Musa oğlu Abdullayev 1987-ci ildə Bakıda
anadan olub. Amma əslən Gədəbəydəndir. Ana tərəfdən Miskin
Abdalın nəticəsidir. 2004-cü ildə 285 saylı orta məktəbi bitirib.
Hal-hazırda Azərbaycan Mədəniyyət və İncəsənət Universitetinin
tətbiqi-incəsənət fakültəsinin aşıq sənəti bölümündə təhsil alır.
Mehman Dağlaroğlu “Ruhani” çalır, ruhumuz dinir, “Misri”
çalır, hamımızı eyni yola çağırır. Mehman “Baş sarıtel” çalır,
Mehman “Dilqəmi” çalır. Dinləyirik, sanki ruhumuz bədəndən
ayrılır, tamam başqa bir aləmə uçur. Mehman bizi özünün sevdiyi,
tapındığı dünyaya çağırır. Bu dünya sazın sehri qədər sirli,
sehirlidir. Bu dünya sazın hökmü qədər çəkicidir və sirayətedicidir.
✦ ✦ ✦ Sona Xəyal ✦ ✦ ✦
70
Bu dünya aşıq mahnıları kimi həzindir, düşündürücüdür. Bu dünya
sevgilərlə dolu bir dünyadır. Bu dünyanı tapan adam, bu dünyaya
tapınan adam anlaya bilər ki, Mehman saz çalanda hansı aləmdə
olur. Burada özünü unutmaq var. Burada öz orbitindən çıxmaq,
özünü taman başqa aləmə təslim etmək var. Burada özündən
keçmək var, öz mənini başqa məndə tapmaq var. Bu, Mehman
Dağlaroğlunun özündən çox sevdiyi bir dünyadır...
Mehman Dağlaroğlu sazı nə zaman görüb. Nə zaman sevib? İlk
dəfə sadəcə televiziya verilişlərində sazı dinləyib. Artıq dördüncü
sinifdə oxuyanda saz çalmaq öyrənib. Sonralar özü televiziya
verilişlərində iştirak edib. Məktəblilər arasında Yunisef Uşaq
Təşkilatının keçirdiyi müsabiqədə qalıb olub. Mehman Dağlaroğlu
Azərbaycan Mədəniyyət və İncəsənət Universitetinin dosenti,
sənətşünaslıq namizədi Fəzair Miskinlidən dərs alıb. Amma indu
Mehmanın özünün tələbələri var: Vüqar, Anar və b.
Mehman saz çalanda bəzən oxuyur da. Çox vaxt şairlərin və
aşıqların şeirlərini oxuyur. Amma Mehman özü də şeirlər yazır. Ən
çox məhəbbət şeirləri yazır. Bir şeirindən bir bənd:
Sən demə, ömrümüz qarlı qış olub.
Sən demə, bağçalar saralıb-solub.
Sən gedən o gündən Mehman yox olub.
Sızlayıb ağlama, ağlama daha.
Mehman Dağlaroğlu mənim “Qurbani” məclisində ən çox
bəyəndiyim aşıqlardandır. Çox vaxt məclisdə şairlər şeir oxuyanda
onları Mehman müşayiət edir. Bu da təsadüfi deyildir. Mehman
təkcə saz çalmır, həm də şeiri duyur. Musiqi ilə şeirin vəhdətində
qovuşduğu dünya Mehmanın ən çox rahartlıq tapdığı dünyadır.
Mehman Dağlaroğlu saz çalır. Sazın gücü ilə, sazın hökmü ilə,
musiqinin ahəngi ilə yol başlayır. Mehman saz çalır, başladığı
yolun axarına düşüb gedir, gedir, bu yol onu öz istədiyi, arzuladığı
aləmə qovuşduracaq. Mehman hələ yoldadır və biz bu haqq yolunda
ona böyük uğurlar arzulayırıq. Arzu edirik ki, qəlbindən Allah
sevgisi, əlindən saz heç zaman alınmasın və bir gün sazı dünyaya
tanıdacaq gücdə, sazı dünyaya sevdirə biləcək şan-şöhrətdə
sənətkar olsun!...
“Aydın fikir” qəzeti, 29. 11.08
Dostları ilə paylaş: |