Filologiya
məsələləri, №4, 2017
447
GÜNEL ZEYNALLI
Sumqayıt Dövlət Universiteti
gunelzeynalli@mail.ru
TÜRK ROMANININ YENİ NƏFƏSİ RƏŞAD NURİ GÜNTƏKİN
Açar sözlər: roman, yazıçı, qəhrəman, ictimailik, fərdilik
Ключевые слова: роман, писатель, герой, общественность, инди-
видуальность
Keywords: novel, writer, hero, publicizing, individuality
Türk ədəbiyyatı bəlli bir dönəmə kimi nəsrdən çox nəzm ədəbiyyatı ol-
muş, roman janrı XIX əsrdə türk ədəbiyyatına daxil olana qədər onun yerini
bir sıra digər təhkiyəli əsərlər tutmuşdur. Əski Türk ədəbiyyatında hekayə ən
geniş anlamı ilə konkret bir hadisənin izahı şəklində düşünülmüş, istər
mənzum, istər mənsur olsun bir hadisəni anladan nağıl, əfsanə, lətifə, dastan
və s. təhkiyə əsasına dayanan bütün əsərlər ümumi olaraq hekayə adı ilə
adlandırılmışdır. Roman Tənzimat dövründə ortaya çıxmışdır və Tənzimat
dövrünün Türk romanında etdiyi ən önəmli dəyişiklik ənənəvi köklərə bağlı
Türk təhkiyə etmə tərzinin yanına Avropa tərzinə uyğun yeni bir roman
anlayışı gətirmiş olmasıdır. 1861-ci ildən sonra Türk ədəbiyyatında
Batılı(Qərbli) roman inkişaf etməyə başlayır. XIX əsrin sonlarında yazıb
yaradan Əhməd Midhətin (“Yeniçərilər”), Namiq Kamalın (“İntibah”, “Cəz-
mi”), Sami Paşazadənin (“Sərgüzəşt”, “Kiçik şeylər”), Halid Ziya Uşaklı-
gilin (“Mavi və Siyah”, “Eşq-i məmnu”, “Nəmidə”) romanlarında Qərbi
Avropa, xüsusilə də fransız ədəbiyyatının güclü təsiri hiss olunur. XX əsrin
birinci rübündə Türkiyə romanında bir boşluq, yoxsulluq hiss olunur.
İstanbulun hüdudlarından kənara çıxaraq xalq həyatını, mövcud quruluşun
törətdiyi ədalətsizlikləri əks etdirməyə sanki bir ehiyac yaranır. Düzdür, türk
nəsrində ilk dəfə olaraq İstanbulun sərhədlərindən kənara çıxıb, Anadolu
həyatından, orada yaşayan əhalinin ağır yaşayış tərzindən bəhs edən, hakim
sinfin rəzilliyini ifşa edən Ömər Seyfəddin və Rəfiq Xalid olmuşdur, lakin
onlar hər ikisi hekayə yazmışdır. Bu sahədə ilk uğurlu addımı Rəşad Nuri
Güntəkin ataraq 1922-ci ildə yazdığı “Çalı quşu” romanı ilə roman
janrındakı mövcud boşluğu doldurdu və Anadolu həyatını türk romanına
gətirdi. Cümhuriyyət dövrü Türk Milli ədəbiyyatının qurucularından biri
kimi qəbul edilən R.N.Güntəkin yazdığı silsilə romanlarla türk ədəbiyyatında
silinməz iz buraxmışdır. Müfəttişlik vəzifəsindən dolayı Anadolunu qarış-
qarış gəzdiyi üçün Anadolu insanını yaxından tanıya bilmişdir. Roman-
larında Anadoludakı həyatı və ictimai problemləri qələmə almış, insani insan
və mühit münasibəti içərisində təsvir etmişdir. On doqquz roman müəllifi
Filologiya məsələləri, №4, 2017
448
olan ədib əsərləri ilə türk ədəbiyyatında lirik-psixoloji üslubun inkişafında da
misilsiz rol oynamışdır. “Gizli əl” (1920), “Çalı quşu” (1922), “Damğa”
(1924), “Dodaqdan qəlbə” (1925), “Axşam günəşi” (1926), “Bir qadın düş-
məni” (1927), “Yaşıl gecə” (1928), “Acımaq” (1928), “Yarpaq tökümü”
(1930), “Qızılcıq dalları” (1932), “Göy üzü” (1935), “Köhnə xəstəlik”
(1938), “Atəş gecəsi” (1942), “Dəyirman” (1944), “Miskinlər təkkəsi”
(1946), “Xarabaların çiçəyi” (1953), “Qovaq yelləri” (1961), “Son sığına-
caq” (1961), “Qan davası” (1962) kimi romanlarında türk ictimai-siyasi
həyatının bir panoramasını yaratmışdır, mövcud zəmanənin bütün çatışma-
mazlıqlarına bir növ güzgü tutmuşdur. Ədibin romanlarını mövzu baxımın-
dan iki qrupa bölmək olar: 1) İctimai məzmunlu romanlar; 2) Məhəbbət
məzmunlu romanlar. Amma yazıçının hər hansı bir romanını sırf məhəbbət,
yaxud sırf ictimai məzmunlu adlandırmaq, fikrimcə doğru olmazdı, çünki
Rəşad Nuri bütün romanlarında dövrünün ən aktual məsələlərinə toxunmuş-
dur. Rəşad Nuri insanın daxili dünyasının ən gizli qatlarına baş vuran, onun
hissi-psixoloji yaşantılarını çox real cizgilərlə təqdim edən ədiblərdəndir.
Romanlarında əsas konflikt kimi seçilmiş fərd və cəmiyyət qarşıdurması
onun yaratdığı qəhrəmanların taleyini müəyyən edən amillər kimi səciyyələ-
nir. “Mən qəhrəmanlarımdan birini alıb onun ağzından anlatmağa daha çox
üstünlük verirəm. Həm bu zaman süjet pozulmaz, əhvalatı anladan qəhrəman
vəhdəti mühafizə edər. Sonra bunun bir yaxşı cəhəti də vardır; sən məsuliy-
yətin mühüm bir qismini üstündən silib atmış olursan. Adətən bir romançının
yaratdığı təsvir oxucuya soyuq gələ bilər, bir çox oxucular romançının bir
adamı anladmasını bəyənməyə bilər. Ancaq romanı qəhrəmanın dilindən
anladarsınızsa, məsliyyətin bir qismi sizdən ziyadə qəhrəmanın vəzifəsinə
çevrilər(1,18).
Türk ədəbiyyatının davamlı və məhsuldar yazıçılarından biri olan
R.N.Güntəkin ilk romanlarını Birinci Dünya müharibəsi illərində yazmışdır.
Yaşadığı dövrün insan mənzərələrini, sosial-psixoloji quruluşunu əsərlərində
əks etdirməyə çalışmışdır. Fəzilət, təvazökarlıq, paylaşma prinsiplərini ön
plana çıxararaq Anadolu insanına öz özünü sevməyi öyrətdi. Əzilmiş, geri
qalmış, cahil kəndlini ən sevimli halı ilə əsərlərinə mövzu etdi. Rəşad
Nurinin bir sıra romanlarında baş qəhrəmanlar ya Anadoluya sürgün
olunmuş, ya da Anadoluda özünü sanki “sürgün” hiss edən şəkildə qarşımıza
çıxır. Yaşadığı sevgi acısını unutmaq məqsədi ilə Anadoluya qaçan Fəridə
(Çalı quşu), İstanbulda iş tapa bilmədiyi üçün Gəmlikdə maliyyə məmur-
luğuna məhkum olan Şərəf (Gizli əl), oğru damğası səbəbi ilə ancaq Anado-
luda işləyə bilən İffət (Damğa), üzü qüsurlu olduğu üçün kütlədən kənar-
laşan Süleyman (Xarabaların çiçəyi), şöhrəti yavaş-yavaş azalmağa baş-
layanda doğub böyüdüyü yerlər üçün darıxmağa başlayan bəstəkar Hüseyn
Kənan (Dodaqdan qəlbə), atasının məcburiyyəti ilə Anadolu həyatına məh-