Адил Ъямил
254
ÇOBAN, MƏNİ TANIDINMI
Bu dağların oğluyam mən,
Çoban, məni tanıdınmı?
Vallah əminoğluyam mən,
Çoban, məni tanıdınmı?
Ötən gənclik şirin paymış,
Bu da belə bir səfaymış…
Ömür yaman bivəfaymış,
Çoban, məni tanıdınmı?
Bir zəhmli çoban idin,
Qurd gözünü ovan idin.
Heyif, onda cavan idin,
Çoban, məni tanıdınmı?
…Gədikləri gəzişərdik,
Buz bulaqdan «buz» içərdik.
Şehdə, suda büzüşərdik,
Çoban, məni tanıdınmı?
O zamanlar nəydi dərdim;
Yapıncını bürünərdim,
Birgünlükdən bilinərdim,
Çoban, məni tanıdınmı?
Çal tütəkdə «qaytarma»nı,
Ötən günə qaytar məni.
Yurdun ahı tutar məni —
Çoban, məni tanıdınmı?
1984
Сечилмиш ясярляри
255
HƏYATA BAX, HƏYATA
Ocağını kim qalayır, ay ana,
Odununu kim gətirir, ay ata.
Qismət atıb hərəmizi bir yana,
Həyata bax, həyata bax, həyata.
Bilirəm ki, qar qalanır dağlara,
Qış uzanır, ot azalır tayada.
Hanı oğul qaya çapa, dağ yara…
Həyata bax, həyata bax, həyata.
Ömür özü bir şirincə yuxukən
Qovuşuruq, danışırıq röyada.
Aramızda Araz çayı yox ikən
Həyata bax, həyata bax, həyata.
Könlüm uçub qənşərinə o kəndin,
Yuva qurub qarşıdakı qayada.
Doğma torpaq cəzb edəndi, çəkəndi —
Həyata bax, həyata bax, həyata.
Gül ətrinə, el xətrinə gələrəm,
Dağ kəndimiz dağ döşündə bir ada.
Atam-anam, bağlanıbsa bənd-bərəm
Həyata bax, həyata bax, həyata…
1986
Адил Ъямил
256
BUZ QALASI
Kəndimizin qənşərində
Bir təpə var –
buzlu təpə.
Üstündəki yaşıl çəmən
Yırğalanır ləpə-ləpə.
Köksündəki buz layları
Bölünübdür xana-xana.
Bapbalaca bacaları
Baxa bilmir günbaxana.
Salxım-salxım sallanıbdır
Göydən yerə buz tağları.
Ömrü boyu gün görməyib
Buz nəfəsli otaqları;
Döşəmə – buz,
divar – buzdur,
Buzlu təpə ağ saraymı?
Bu «sarayın» dər-divarı
Susmuş bulaq, donmuş çaymı?..
Qədimlərə gedib çıxır
Buz təpənin axır ucu.
Əcdadıma gərək imiş
Belə nəhəng «soyuducu»…
Ovçu babam şikarını
Saxlayarmış bu «sarayda».
Büz təpənin ömrü keçib
Qeylü qalda,
Hay-harayda.
Сечилмиш ясярляри
257
İşıqlıdır buz qalaça –
İşıq salır buz ağlığı.
Gör necə də yaxın imiş
Keçmişimin uzaqlığı…
Min illərin günəşində
Əriməyib buz qalası.
Varlığını qorumaqda
Bu qala bir Qız qalası.
1986
Адил Ъямил
258
SUQOVUŞANDA
Kür-Araz boyuna bahar gəlmişdi,
Sucanlı sonalar süzüb gedirdi.
Özləri budaqda qalan quşların
Nəğməsi çay boyu üzüb gedirdi…
Bir özgə yaz idi gördüyüm bu yaz —
Ürəyim uçurdu o yaza doğru.
Mən qəfil görüşə tələsən sayaq
Kür də tələsirdi Araza doğru.
Açmaq istəyirdi puçur dərdlərim
Ana təbiətin yaz havasında.
Araz artmamışdı, azalmamışdı,
Kür yenə axırdı öz havasında…
İlğımlar gözümə tor tutmayırdı,
Gözümdə təbiət özü kimiydi.
Ağıla dolmuşdu o dəli çaylar —
Qovuşan Kür-Araz quzu kimiydi.
Keçib sinəsindən ana torpağın
Bir yola dönürdü iki çay yolu.
Düşündüm… mənzilə yetməyə nə var —
Yolumuz qoy olsun təki çay yolu…
1984
Сечилмиш ясярляри
259
QIZIMLA SUAL-CAVAB
– Çaylar hardan başlayır?
– Bulaqlardan başlayır.
– Bulaq hardan başlayır?
– Bu dağlardan başlayır?
– Dağlar hardan başlayır?
– Uzaqlardan başlayır.
– Uzaq hardan başlayır?
…Di cavab ver… gör bir ha,
Uşaq hardan başlayır…
1984
Адил Ъямил
260
OCAQ YERİ
Keçir xəyalımdan ocaq yerləri,
Yaylaqda yurdumuz yadıma düşür.
Sinəmə dağ çəkir o dağ yerləri,
Alışan ürəyim, yanan ürəyim
Ocaq yerlərinin oduna düşür.
Uşaq keçmişimdən ocaqlar baxır,
Alovu sönübdür, külü qalıbdır.
Yaxın keçmişimdən uzaqlar baxır:
Meşə talasında, dağ zirvəsində
Mənim ocaq yerim hələ qalıbdır…
…Ocaq yerlərini salanda yada
Yanıram bəşərin dərdi-sərinə,
Alışan ruhumdan qopur bir nida:
Bu dünya düşməsin oda, alova,
Yer üzü dönməsin ocaq yerinə…
1984
Сечилмиш ясярляри
261
UNUDA-UNUDA
Gün hardan çıxıbdır görəsən yenə —
Kəndinə gəlmisən, doğma kəndinə…
Üzündən-gözündən zəhrimar yağır —
Xəyanət etmisən yoxsa «əhdinə»?..
Hamı sənə baxır, sən isə yerə,
Gözünü yandıran gözlərdən qaçıb
İynəli-tikanlı sözlərdən qaçıb
Çıxırsan həyətə gün bata-batda,
Sola çevrilirsən, sağa baxırsan,
Qürubda qızaran dağa baxırsan,
Səninsə üzünə baxmayır dağlar.
Dumanı-çiskini, daş-qayasıyla
Elə bil üstünə axnayır dağlar…
Tək bircə daşına əl vuran kimi
Uçur qapınızın köhnə hasarı.
Oğul gəlişindən xəbərdar kimi
Uzaqdan boylanır ana məzarı,
Yolunu salmırsan məzarıstana -
«Qorxursan» sellənən göz yaşlarında
O qərib, o soyuq məzar islana…
Beləcə hər yana baxıb gedirsən,
Gəlib çıxdığın tək çıxıb gedirsən.
Ağlayan bacını görüb qəfildən
Guya kövrəlirsən, guya dolursan.
Bu kəndi-kəsəyi, eli-obanı
Unuda-unuda unudulursan…
1984
Dostları ilə paylaş: |