158
Müəllim dərslikdəki “Evdə iş” başlıqlı tapşırığın
evdə yerinə
yetiriləcəyini şagirdlərə xatırladır.
Mövzu: İ.Şıxlı. Dəli Kür (ixtisarla) – 4 saat
Dördüncü saat: Təhlil üzrə iş
Standartlar
Təlim nəticələri
1.2.2. Obrazları xarakter və əməlləri,
yaşadıqları dövrün sosial-siyasi şə-
raiti və əxlaqi-etik dəyərləri ilə əlaqəli
səciyyələndirir, müqayisələr aparır.
Romandakı obrazları xarakter və
əməlləri, yaşadıqları dövrün sosial-
siyasi şəraiti və əxlaqi-etik dəyər-
ləri ilə əlaqəli səciyyələndirir.
1.2.3. Müxtəlif vəznli (heca, əruz, sər-
bəst) şeirlərdə, süjetli bədii nümunə-
lərdə bədii təsvir və ifadə vasitələrinin
obrazlılığın
təmin edilməsindəki roluna
əsaslandırılmış münasibət bildirir.
Romanda məcazların obrazlılığın
yaradılmasındakı roluna əsaslan-
dırılmış münasibət bildirir.
1.2.4. Bədii nümunələrin mövzusuna,
ideyasına, başlıca probleminə, konf-
liktinə dövrün ictimai-siyasi, mənəvi
dəyərləri kontekstindən çıxış etməklə
münasibət bildirir və qiymətləndirir.
Romanın ideyasına dövrün ictimai-
siyasi, mənəvi dəyərləri kontekstin-
dən çıxış etməklə münasibət bildirir
və qiymətləndirir.
2.1.2. Dil və üslub xüsusiyyətlərinə
istinad edərək yazıçı mövqeyi ilə bağlı
mühakimələrini faktlarla əsaslandırır.
Romanda
dil və üslub xüsusiyyətlə-
rinə istinad edərək yazıçı mövqeyi
ilə bağlı mühakimələrini faktlarla
əsaslandırır.
Dərsin gedişi
Ev tapşırığının (
Sinifdə öyrəndiklərinizi göstərilən mənbələrdən top-
ladığınız məlumatlar əsasında zənginləşdirin və tamamlayın) yerinə ye-
tirilməsi səviyyəsini müsahibə və ya bir neçə təqdimatın dinlənilib mü-
zakirə edilməsi yolu ilə aydınlaşdırmaq, real vəziyyəti müəyyənləşdir-
mək olar. Hər iki halda sinifdə öyrənilənlərin digər mənbələrdən isti-
fadə ilə hansı səviyyədə zənginləşdirildiyi diqqət mərkəzində saxlanılır.
Müəllimin müvafiq qiymətləndirmə meyarlarına
müraciət etməsi
məqsədəuyğundur.
Tədqiqata kiçik qruplarda başlayan şagirdlər mətnkənarı sualların
cavablarını oxuyub ümumiləşdirir, qısaca qeydlər edirlər. Dərslikdə
təklif edilmiş tapşırıqlar (“xarakterlər xəritəsi”ndən istifadə ilə obraz-
lardan birinin səciyyələndirilməsi, məcazların rolunun aydınlaşdırılma-
sı, əsərin ideyası ilə bağlı mühüm fikirlərə aid nümunələrin seçilməsi və
onlara münasibət bildirilməsi) fərdi, yaxud cütlük şəklində yerinə ye-
tirilir.
Şagirdlər kiçik qruplarda birləşir, fikir mübadiləsi aparır, qə-
naətlərini dəqiqləşdirirlər. Ardınca təqdimatlar əsasında
məlumat mü-
159
badiləsi və
müzakirə aparılır. Müəllim təqdimatların
fəal dinlənil-
məsinə, müzakirənin diskussiya səciyyəli olmasına nail olur.
Nəticə çıxarılması və ümumiləşdirmənin aparılması zamanı
qazanılmış biliklərə bir daha nəzər salınaraq qeyd edilir ki, dəyişən,
müstəqil yaşam şərtləri get-gedə məhdudlaşdırılan zəmanədə təklənmiş
Cahandar ağa bütün qüsurlarına baxmayaraq, oxucuda rəğbət doğuran
faciəvi obrazdır.
Cahandar ağa çar məmurları ilə qarşılaşmada əyilməzliyi ilə
xalqımıza xas olan mənəvi dəyərləri təcəssüm etdirir. O başa düşür ki,
artıq əvvəlki həyat tərzinin sonu çatmışdır, onun üçün ölən dünyada
yaşamağın bir mənası qalmamışdır. Cahandar ağanın
faciəsinin əsl
səbəbi də bundadır. İ. Şıxlı XIX əsrin ikinci yarısında Azərbaycan
kəndində gedən ziddiyyətli prosesləri, Cahandar ağanın faciəli taleyini
qələmə almaqla milli ruhla aşılanmış, milli dəyərləri əks etdirən
qiymətli bir roman yaratmışdır.
Aparılan işlər yekunlaşdırıldıqdan sonra qiymətləndirmə həyata ke-
çirilir.
Qiymətləndirmə. Formativ qiymətləndirmə aparılarkən 31–38-ci sə-
hifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yeti-
riləcəyini şagirdlərə xatırladır.
160
KİÇİK SUMMATİV QİYMƏTLƏNDİRMƏ
Qiymətləndirmə Nigar Rəfibəylinin
“Sevirəm, sevmirəm” şeiri üzrə aparıla bilər.
Sevirəm, sevmirəm
İnsanda qüruru, ləyaqəti sevirəm.
Lovğalığı, kobudluğu sevmirəm.
Ali hisləri,
yüksək niyyəti sevirəm,
sevirəm insan təbiətində
dağlar ehtişamını:
Gəncliyin coşqun səhərini,
Qocalığın müdrik axşamını.
Kişidə kişi sifətini sevirəm,
Qadında qadın incəliyini,
Bir də ana məhəbbətini sevirəm...
Kin-küdurət yuvası
ürəkləri sevmirəm.
Qara arzu, diləkləri sevmirəm.
Kobudu, tərsi sevmirəm,
Xoşqılığı sevirəm.
Qaranlığı sevmirəm,
Aydınlığı sevirəm.
Acgözləri, hərisləri sevmirəm.
Yüksəlmək ehtirasıyla
Diz çöküb, əl açanları sevmirəm.
Alın təriylə çörək qazanıb,
gecələri rahat yata bilənləri
sevirəm.
İnsanların
üzündən
Göz yaşını silənləri sevirəm.
Axşam qaranlığını sevmirəm,
Sübhü, danı sevirəm.
Dar gündə
kömək əli uzadanı sevirəm.
Çöllərin ətirli küləklərini
sevirəm.
Vətənimin zərif çiçəklərini
sevirəm.
Dağlardan duman çəkiləndə sevirəm.
161
Göydən yerə nur töküləndə sevirəm.
Dənizdə açıq maviliyi,
İnsanda mərifəti, biliyi,
Vətənə fayda verənləri sevirəm,
İnsanı insana qardaş bilənləri,
Ağır
gündə qəmlənib
şad gündə gülənləri sevirəm.
Qızıl taxıl zəmiləri
ləpələndikcə vüqarlanıram.
Pambıq çöllərini sərvətim sanıram.
Vətənimin qüdrətini, sərvətini sevirəm.
Vətən oğullarının şücaətini,
Vətən qızlarının məharətini sevirəm.
Havası təmiz, göyləri şəffaf,
üfüqləri parlaq baharı sevirəm.
Azadlıq bayraqları vüqarla dalğalanan
diyarı sevirəm.