Ə B Ə D İ Y A Ş A R Ə D Ə B İ Y Y A T
43
Bahar gəlir. Gündə minlərlə arı doğulur. Arılar saxlanan
yerlər çiçək tozu ilə dolub-daşır.
Erkək arılar arı şanının üstündə ora-bura qaçışır-
lar. Arıların sayı o qədər artır ki, yüzlərlə işçi arı özünə
yer tapmır və kandarda gecələməli olur. Bəzən soyuq
onların sırasını seyrəldir.
Qoca məlikə arı hökmdar olduğu təknəni tərk
etməli olur. Halbuki o, bu təknəni qurub yaradıb. Bütün
işçi arıları, erkək arılar, sürfələr, puplar gənc şahzadələr
onun bətnindən çıxmışdır.
Beçəvermə vaxtı firavan həyat sürən qüdrətli bir
xalq (arı) öz əməyinin bəhrəsini gələcək nəslə qurban
verir, heç bir təminatı olmayan yerə, naməlum yerə,
Vətən axtarışına çıxır.
Arıların “köç” hadisəsi kor-koranə hadisə deyil.
Bu, gələcək nəslə olan sevgidir.
“Arıların həyatı” əsərinin üçüncü hissəsi
“Məskunlaşma” adlanır.
Ana arı – məlikə öz yeməyini özü götürmür. Onu
cəfakeş işçi arılar körpə uşaq kimi yemləyirlər. Ana arı
sürətlə yumurta qoyur və bunu görən işçi arılar yeni
hücrələr tikməyə tələsirlər.
Əsərin “Gənc məlikələr” adlanan dördüncü hissə-
sində, “Nikah uçuşu” adlanan beşinci hissəsində, “Erkək-
lərin məhv edilməsi” adlanan altıncı hissəsində maraqlı
müşahidələr verilir. Məsələn, məlikə mayalandıqdan
sonra işçi arılar erkək arıların şıltaqlığına dözür. Erkək
arılar avara-avara gəzib dolaşır, kef edirlər. Başqalarının
işinə maneçilik törədirlər. Yuvanın ən yaxşı və isti
B U L U D X A N X Ə L İ L O V
44
yerində yatırlar. Yuxudan ayılan kimi ən yaxşı balın
toplandığı hücrələri talan edirlər. İsti iyul-avqust ayların-
da saat 12-16 arası onlar təknənin kandarına ayaq da
açırlar. Onların bu təkəbbürlü hərəkətlərinə olan səbr
tükənir. Nəticədə onların dəbdəbəli həyatları alt-üst olur.
İşçi arılar onlara mərhəmət göstərmir. Onların qanadları-
nı sındırır, onlara hücum edir, özü də amansız hücumlar
edirlər. Erkək arıların cəsədləri yığışdırılır, növbəti bahar
mövsümünə qədər onların xatirəsi yaddaşlardan silinir.
Moris Meterlink belə hesab edir ki, yaxşı arı yuvasının
hər biri səksən-yüz litrə qədər bal verir.
Əsərin yeddinci fəsli “Nəslin tərəqqisi” adlanır.
Burada arının sakit qış yuxusuna getməsindən bəhs
olunur.
Moris Meterlink belə hesab edir ki, arının dörd
min beş yüz növü var. Onun fikrincə, müşahidələr əsa-
sında arılardan ciddi əsərlər yazmaq üçün insan ömrü
yetməz, kifayət etməz.
Moris Meterlink fərdin özünü nəslə qurban ver-
məsindən, hər şeyin materiyadan təşkil olunmasından
söhbət açır. O yazır: “Əgər bu dünyada hər şey materi-
yadan təşkil olunubsa, materiyanın buradakı immaterial
hərəkətinin təzahürlərinə necə təəccüblənməmək olar?
Burada təsadüfi, miskin yaşayışı daha sabit, daha
xoşbəxt həyata çevirməkdən söhbət gedir. Söhbət real
olaraq bədəndə bir-birindən ayrı olan şeyləri ruhda bir-
ləşdirməkdən, fərdin özünü nəslə qurban vermək dərə-
cəsində tabeliyini təmin etməkdən, gözlə görünən,
sezilən nəsnələri hiss olunmayan nəsnələrlə əvəz
Ə B Ə D İ Y A Ş A R Ə D Ə B İ Y Y A T
45
etməkdən gedir. Şüurumuzu nurlandıran ali yüksəkliyin
işığında belə həll edə bilmədiyimiz problemləri arıların
dərhal aradan qaldıra bilməməsinə təəccüblənməyə
dəyərmi? Zülmətin içərisindən doğulan yeni ideyanın
kövrək titrəyişlərini izləmək də riqqət doğuran və
maraqlı hadisədir. Bu ideya materiyadan doğur və hələ
maddidir. O, hələ soyuqdan, aclıqdan və şəklini dəyiş-
miş, amma hələ ifadə olunmamış qorxudan ibarətdir. O,
böyük təhlükələrlə, uzun gecələrlə, ölümün özünə bən-
zəyən qış mövsümü ilə dumanlı şəkildə təmasa girir”.
(Moris Meterlink. Seçilmiş əsərləri. Bakı, “Şərq-Qərb”
Nəşriyyat Evi, 2013, s. 169-170).
Moris Meterlinkin eşşəkarıları barədə fikri də
maraqlıdır. O yazır: “Eşşəkarıları – iri, tüklü, daim səs-
küylü, qorxunc görünsələr də, əslində, fağır, tənha məx-
luqlardır. Qış mövsümünün bütün məhrumiyyətlərinə
sinə gərən mayalanmış eşşəkarısı martın ilk günlərindən
etibarən mənsub olduğu növün vərdişlərinə uyğun
olaraq ya torpağın altında, ya da kolluqda yuva qurmağa
başlayır. O, yuva qurmaq üçün seçdiyi yeri eşərək orada
səliqə-sahman yaradır. Sonra kifayət qədər yöndəmsiz
hücrələr qurur, onları balla və çiçək tozu ilə doldurur,
sürfələrə qulluq edir və tezliklə ona həm evdə, həm də
çöldə yardım edən bir bölük törəmənin əhatəsinə düşür.
Gənc eşşəkarılarının bir qismi də, öz növbəsində,
yumurta qoyur. Güzəran yaxşılaşır, quruculuq işləri
vüsət alır, koloniya böyüyür. Koloniyanın əsasını qoyan
“ana arı” şahlığı idarə edir. Onların cəmiyyəti bizim adi
ev arılarının qurduğu şahlığa bənzəyir. Ancaq bu kifayət
B U L U D X A N X Ə L İ L O V
46
qədər uzaq oxşarlıqdır; eşşəkarıları həmişə məhdud rifa-
ha qovuşa bilirlər; qayda-qanunlara heç kəs riayət etmir;
ibtidai hannibalizm və uşaq qətli hallarına tez-tez rast
gəlinir; onların yöndəmsiz arxitekturası o qədər də işə
yaramır; bu iki yaşayış məskənini bir-birindən
fərqləndirən başlıca cəhət isə onlardan birinin daimi,
digərinin müvəqqəti olmasıdır. Eşşəkarılarının məskəni
payızda tamamilə dağılır, sakinlərdən üç-dörd yüzü
özündən sonra heç bir iz qoymadan məhv olur, onların
səyləri nəticəsiz qalır. Bütün koloniyadan yalnız bir dişi
arı qalır və o tək-tənha öz anasının keçənilki faydasız
işini davam etdirir. Ancaq qardaşlıq ideyası bu dəfə də
öz gücünü nümayiş etdirə bilmir.
Eşşəkarılarından qardaşlıq ideyası müəyyən
çərçivəni aşıb keçə bilmir, amma qarşısıalınmaz metam-
psixoz nəticəsində, sonuncu uğurundan ruhlana-
raq Meliponitae qrupunda dəyişilmiş şəkildə təzahür
edir. Bu qrup bizim ev arılarının sonuncudan əvvəlki
sırasında yer alır. Haqqında danışdığımız ideya da məhz
bu qrupda özünün pik həddinə çatır”. (Moris Meterlink.
Seçilmiş əsərləri. Bakı, “Şərq-Qərb” Nəşriyyat Evi,
2013 s. 171-172).
29.12.2015
Dostları ilə paylaş: |