78
həll edir, üzərinə 3 – 5 ml iki dəfə distillə olunmuş su
(bidistilyat) əlavə edilir və həllolma başa çatanadək qızdırılır.
Məhlulu 50 ml həcmli kolbaya keçirir və kolbanı ölçü
xəttinədək distillə su ilə doldurulur. 550
o
C-dən çox olmayan
külləşmə temperaturunda aşağıdakı elementlər dəyişmədən
saxlanılır: natrium (Na), kalium (K), kalsium (Ca), maqnezium
(Mg), dəmir (Fe), sink (Zn), mis (Cu), kobalt (Co), manqan
(Mn) və qalay (Sn). Qurğuşun (Pb), gümüş (Ag) və arsen (As)
kimi elementlərdə az miqdarda itkilər baş verir.
Mis və dəmir tam kömürləşmədikdə karbon tərəfindən
adsorbsiya olunur və tam ekstraksiya olunmur. Əgər yanmış
kütlə turş reaksiyaya malikdirsə və məhsul fosfor birləşmələri
ilə zəngindirsə, onda çöküntü xlorid turşusunda həll edilir,
filtrlənir və qalıq əlavə olaraq yandırılır (kömürləşdirilir).
Qələvili qalıq (kül) putanın saxsısı ilə qarşılıqlı əlaqəyə girərək
həllolunmayan silisiumlu birləşmələr əmələ gətirə bilər. Buna
görə də qida məhsullarını külləşdirmək üçün platin və ya kvars
putalardan istifadə etmək daha məsləhətlidir. Heyvani piylərin
mineral tərkibini tədqiq edərkən quru külləşdirmə misin və
dəmirin xeyli miqdarda itirilməsinə gətirib çıxarır.
Yaş külləşdirmə, adətən qatı nitrat və sulfat turşularının
qarışığı ilə aparılır. Məhsulun 10 q-lıq çəki nümunəsinə 30 ml
nitrat turşusu əlavə edirlər, reaksiya başa çatdıqda isə 10 ml
sulfat turşusu əlavə edir və kül əmələ gələnədək qızdırılır.
Sonra daha 5 ml nitrat turşusu əlavə edir və tam parçalana-
nadək qaynadılır. Soyudulmuş məhlulun üzərinə 10 – 20 ml su
əlavə edir və azot oksidləri tam kənarlaşanadək qızdırırlar.
Mikroelementlərin üzvi həlledicilərlə ekstraksiyası.
Bütün bitki mənşəli və bəzi heyvani mənşəli qida məh-
sullarında mineral maddələri 0,1 M EDTA (etilendiamin-
tetrasirkə turşusu) və ya onun iki natriumlu duzunun məhlulu
ilə ekstraksiya etmək mümkündür (trilon B, kompleks Ş).
Kalsium, maqnezium, kalium, manqan, mis və sink elementləri
yaxşı ekstraksiya olurlar. Dəmir tam ekstraksiya olunmur. Bu
79
metod göstərilən elementlərin fosfat turşusu və silisiumun
mövcud olduğu şəraitdə təyin olunmasına imkan verir. Bitki
mənşəli məhsullarda (25 qram quru maddə və 20 ml EDTA-
dan ibarət olan çəki nümunəsi) kalsium, maqnezium, kalium və
sink elementlərini quru külləşdirmədə olduğu kimi eyni
dəqiqliklə təyin etmək olar.
Əksər metallar (qələvi metallar çıxılmaqla) ammonium
pirrolidinditiokarbonatla (PDKA) əlaqəyə girərək metilizo-
butilketonla (MİBK) yaxşı ekstraksiya olunan helat birləşmələr
əmələ gətirir. Alınan məhlulu bilavasitə metalların konsen-
trasiyasını ölçmək üçün istifadə etmək olar. Xörək duzunda və
qatı duz məhlullarında metal qarışıqlarının təyinatını, qabaq-
cadan onların uyğun helatlarla ekstraksiyası yolu ilə həyata
keçirilir. Kalsium, maqnezium, dəmir, sink, kobalt və misin
ekstraksiyası üçün PDKA-dan istifadə edilir.
Məlumdur ki, üzvi həlledicilər sulu məhlullarla müqa-
yisədə atom-absorbsiyalı metodun həssaslığını artırır. Buna
görə də kalibrləyici qrafikləri qurmaq üçün etalon məhlullar
istifadə edilən üzvi həlledicilərdə hazırlanmalıdır. Üzvi həlle-
dicilər, mikroelementlərin konsentrasiyası optimal göstərici-
lərdən kiçik qiymətə malik olarsa, onların konsentrasiyasını
yüksəltmək üçün istifadə edilə bilər.
Bitki yağlarında və heyvani mənşəli piylərdə metalların
təyini üzrə kifayət qədər təcrübə mövcuddur. Bu təyinat
metodu yağın metilizobutilketonda (1:5) və ya п – heksanda
(1:3) durulaşdırılmasını tələb edir. Bu metod vasitəsilə analiz
olunaraq balina və balıq piylərinin tərkibindəki mis, dəmir,
manqan, qurğuşun, nikel, maqnezium və bu kimi digər ele-
mentlərinin miqdarı təyin edilir.
Südün tərkibindəki yağlardan metalları, qismən misi, iki-
qat distillə yolu ilə bütün metalların, hətta izlərindən belə azad
edilmiş qatı nitrat turşusu ilə ekstraksiya etmək məsləhət
görülür. Metallar ekstraksiya edildikdən sonra piyi petroleyn
80
efiri ilə kənarlaşdırır. Yerdə qalan su-turşu ekstraktı atom-
absorbsiyalı spektrofotometrdə analiz üçün istifadə edilə bilər.
Lakin məhluldakı zülali maddələrin yüksək miqdarı su –
turşu ekstraktının tozlandırılmasını çətinləşdirir və enli çata
malik xüsusi odluğun istifadə olunmasını tələb edir. Bu sahədə
görülən işlər ekstraksiya metodunu su-turşu ekstraktının son-
radan yandırılması (külləşdirilməsi) ilə birləşdirməyin məqsə-
dəuyğun olduğunu sübut etdi.
Bu metodikaya görə 10 q yağ nümunəsini sürtülüb
kipləşdirilmiş tıxaca malik sınaq şüşəsinə yerləşdirilir, üzərinə
1 ml bidistillə edilmiş su, 4 ml qatı nitrat turşusu əlavə edilir və
70
o
C 15-20 dəq. ərzində qızdırılır. Piy üç porsiya petroleyn
efiri ilə kənarlaşdırılır. Ekstraktı putaya (tigelə) keçirib nəmliyi
tam kənarlaşanadək buxarlandırılır və mufel sobasında 500-
550
o
C istilikdə yandırılır. Küldə qələvi, qələvi torpaq metal-
larının və mis, dəmir, manqan kimi dəyişkən valentliyə malik
metalların miqdarı təyin edilir.
Analizlər üçün nümunələr hazırlanarkən, hər şeydən
əvvəl, təyin edilən elementlərin optimal konsentrasiyasında,
asılı olan məhsulun çəki miqdarını təyin etmək vacibdir.
Optimal konsentrasiyanı hesablamaq üçün p.p.m. (məhsulun
həcminin milyonda bir hissəsi) və ya mkr/ml-lə ifadə olunan
hər bir elementə görə “həssaslıq” terminini istifadə edilir ki, bu
da 1,0%-ə bərabər udulmanı əmələ gətirən elementin suda
məhlulunun qatılığını göstərir (cədvəl 6).
Aşağıdakı cədvəldən görünür ki, qida məhsullarında daha
geniş yayılmış elementlərin təyinat həssaslığı dəyişilir, bu isə
analizin təyini şəraitindən asılı olur.
Digər istifadə olunan “limit və ya aşkaredilmə həddi” ter-
mini əsas xətaları 2 dəfə aşa bilən, siqnal verən məlum
maddənin sulu məhlulunun konsentrasiyasını göstərir. Optimal
analitik hədlərdə (20–80 % absorbsiya şəraitində) tədqiq edilən
maddələrin konsentrasiyasını standart metodla təyin edərkən
variasiya əmsalı adətən 2 % – dən çox olmur.
Dostları ilə paylaş: |