329
Ümumiyyətlə, «Kitabi-Dədə Qorqud»un obraz, süjet,
motiv və ideyaları müasir Azərbaycan poeziyasına güclü
şəkildə təsir etmiş, bu mövzuda saysız şeirlər
və zəngin
bədii məzmuna malik poemalar yaradılmışdır. Eposun
çağdaş şeirə təsiri davamlı olmaqla uzun onillikləri əhatə
etmişdir. Millilik poeziyadakı Dədə Qorqud «xəttinin» ana
cizgisini təşkil edir. Bu cəhətdən janrından, formasından
və həcmindən asılı olmayaraq, «Dədə Qorqud» üstündə
yaradılmış istənilən bədii nümunədə millilik davamlı xətt
kimi müşahidə olunur. «Kitabi-Dədə Qorqud»un müasir
Azərbaycan poeziyasına təsirinin başlıca xarakterik
xüsusiyyətlərindən biri bu təsirin ideya tükənməzliyidir.
Müşahidələr göstərir ki, bütöv Azərbaycan ədəbiyyatında
olduğu kimi, müasir poeziyada «Dədə Qorqüud» ideyala-
rından istifadə artan xətlə gedir.
Bu mövzuda yeni forma
və məzmunda əsərlər meydana çıxır. Bu da öz növbəsində
«Kitabi-Dədə Qorqud»un müasir Azərbaycan şeirindəki
inikası məsələsinin mürəkkəb, çoxplanlı və dinamik səciy-
yəyə malik elmi problem olduğunu bir daha təsdiq edir.
«Dədə Qorqud» motivlərinin müasir Azərbaycan
dramaturgiyasına təsiri məsələsinin tədqiqi göstərmişdir
ki, epos milli dramaturgiyanın inkişafına xüsusi təsir et-
miş, dastanın motivləri əsasında dərin məzmuna malik
dram əsərləri yazılmışdır.
Bu əsərlərin, demək olar ki, ha-
mısı tamaşaya qoyulmuş və bunlardan bəzilərinə Azərbay-
can teatrları dönə-dönə müraciət etməkdədirlər.
Müasir Azərbaycan ədəbiyyatında «Dədə Qorqud»
motivləri ədib-alim Ə.Dəmirçizadənin keçən əsrin 40-cı
illərində yazdığı «Dədə Qorqud» librettosu və «Qaraca
Çoban» pyesi ilə başlanmış, daha sonra nəsr və poeziyada
biri-birindən gözəl əsərlər meydana gəlmişdir. Lakin «Də-
də Qorqud»un dram taleyi Ə.Dəmirçizadənin bu əsərləri
ilə məhdudlaşmamış, sonralar N.Xəzri, K.Abdulla,
A.Məmmədov və başqaları eposa müraciət edərək,
330
bilavasitə dastanın mövzuları ilə bağlı səhnə əsərləri
yaratmışlar. Tədqiqatda Azərbaycan dramaturgiyasında
«Dədə Qorqud» mövzusunun üç təzahür səviyyəsi aşkar
edilmişdir:
Birincisi, «Dədə Qorqud»
motivləri ilə birbaşa
bağlı olan əsərlər: bu əsərlərin mövzusu və qəhrəmanları
eposdan götürülmüşdür. İkincisi, «Dədə Qorqud» motivlə-
ri ilə dolayısı ilə bağlı olan pyeslər. Üçüncüsü, Azərbay-
canın müxtəlif teatrlarında, yaradıcılıq studiyalarında bila-
vasitə «Kitabi-Dədə Qorqud» eposunun mətni əsasında
hazırlanmış tamaşalar.
Ə.Dəmirçizadə yaradıcılığının «Azərbaycan ədəbiy-
yatında «Dədə Qorqud» motivləri» mövzusu baxımından
müstəsna mövqeyi vardır. Ədəbiyyatımızda «Kitabi-Dədə
Qorqud» mövzusunda ilk bədii əsər Ə.Dəmirçizadənin
Ş.Şeyxovla müştərək 1943-cü ildə qələmə aldığı libret-
todur. Alimin «Kitabi-Dədə Qorqud» eposuna olan bədii
marağının əsasında onun elmi marağı dururdu. «Dədə
Qorqud» librettosunun əsas ideya xətti yurdun düşməndən
müdafiəsi ilə bağlıdır. Əsər sadə qəhrəmanlıq süjeti üzə-
rində qurulmuşdur. Burada iki ideya xətti aydın müşahidə
olunur: Birincisi, xalqın yadelli işğalçılara qarşı mübarizə
ruhunun təsviri; İkincisi, el-obanın dar günündə xalqın,
zəhmətkeş kütlənin öz içərisindən çıxan qəhrəmanın əsas
rol oynaması. Hər iki xətt dövrlə, zamanla, əsərin yazıldığı
vaxtın siyasi-ideoloji ovqatı ilə müəyyənləşirdi.
Ə.Dəmirçizadənin «Dədə Qorqud» librettosu və
«Qaraca çoban» pyesinin əsasında «Kitabi-Dədə Qorqud»
eposundakı «Salur Qazanın evinin yağmalanması» boyu-
nun motivləri durur. Ə.Dəmirçizadə «Qaraca çoban» pye-
sində eyni eposa və onun eyni boyuna yenidən müraciət
etməklə «Kitabi-Dədə Qorqud» eposunun dramaturgiya
sahəsində geniş imkanlara malik olduğunu təsdiq etmişdir.
Azərbaycan ədibləri içərisində «Kitabi-Dədə Qor-
qud» eposuna ardıcıl şəkildə müraciət edən sənətkarlardan
331
biri görkəmli Azərbaycan şairi Nəbi Xəzri olmuşdur. Şair-
dramaturqun «Dədə Qorqud» motivləri üstündəki poema
və əsərləri eposun ikinci boyu olan «Salur Qazanın evinin
yağmalanması» oğuznaməsi ilə bağlıdır.
Sənətkar bu bo-
yun əsasında bir poema və iki mənzum pyes («Torpağa
sancılan qılınc» və Burla Xatun») yazmışdır. N.Xəzri öz
«Dədə Qorqud» yaradıcılığında (poema və pyeslərində)
qabartdığı, əsərlərinin əsas ideyası kimi götürdüyü Qadın -
Ana amalı Azərbaycan xalqının milli mənəviyyat tarixinin
əsas cizgilərindən biridir. Müəllifin yaradıcılığında «Ana -
Qadın» ideyası «Ana - Vətən» ideyası ilə ayrılmazdır.
Şair-dramaturqun əsərlərində Ana ilə Vətən eyniləşdiril-
miş, Vətənin müqəddəsliyi və mənafeyi ilə Ananın mü-
qəddəsliyi və mənafeyi arasında bərabərlik işarəsi qoyul-
muşdur. N.Xəzri «Vətən - Ana» amalını tərənnüm etməklə
xalqımızın tarixi yaddaşını oyatmağa çalışıb, xalqı milli
tarixin «Ana» adlanan ən müqəddəs dəyəri əsasında yeni-
dən təmizlənməyə, paklanmağa, «Torpaq Anamızı» «Qan
Anamız» bilib, onu göz bəbəyi kimi qorumağa çağırıb.
K.Abdullanın «Casus» və «Beyrəyin taleyi» pyesləri
«Yarımçıq Əlyazma» romanı ilə məzmun və yozum
konsepsiyasına görə sıx bağlıdır. «Casus»
komediya,
«Beyrəyin taleyi» dramdır. Sonuncu əsər hətta müəyyən
mənada faciəvi dramdır. Onda Oğuz gerçəkliyinin görün-
məyən və oğuzlar üçün daim bəlalara, faciələrə gətirən
tərəfləri əks olunmuşdur. Bu nöqteyi-nəzərdən «Casus»
pyesi komediya olsa da, burada fərqli rakursdan yenə də
oğuzların həyatının görünməyən və problemlərə səbəb
olan tərəfləri gülüş kodu ilə inikas olunmuşdur. K.Abdulla
oğuz gerçəkliyinə «Casus»da gülüş prizmasından, «Bey-
rəyin taleyin»də ciddi prizmadan yanaşmışdır.
Lakin bu
pyeslər arasındakı fərq, sadəcə olaraq, baxış bucaqlarının -
prizmaların fərqindən ibarət deyil. Bu əsərlərin hər biri
mövzu, məzmun, mündəricə, ideya, metaforik ifadələnmə
332
planı və s. baxımından tamamilə fərqli olan müstəqil dram
əsərləridir. Sənətkarın pyesləri, o cümlədən «Casus» və
«Beyrəyin taleyi» bir mətn kimi çoxplanlı qavrama-görün-
tü quruluşuna malikdir. Bu əsərlərdə müəllifin «Kitabi-
Dədə Qorqud» eposunu tamamilə yeni kontekstdə yozmaq
cəhdləri, əslində, dünyanın tarixi zamanının
ikinci minilli-
yini tamamlayıb üçüncü minilliyə başlayan çağdaş insanı-
nın fikir dünyasını inikas edir.
Müasir Azərbaycan ədəbiyyatında «Dədə Qorqud»
motivlərindən istifadənin tarixi ilk dəfə keçən əsrin 40-cı
illərində Ə.Dəmirçizadənin dramaturgiyası («Dədə Qor-
qud» librettosu və «Qaraca Çoban» mənzum pyesi) ilə
başlansa da, bu ənənə sonralar nəsrdə və poeziyada da-
vam etdirilmiş, lakin bir neçə onillik ərzində dramaturgi-
yada bu mövzuya müraciət olunmamışdır. Uzun fasilədən
sonra dramaturqlardan birinci olaraq bu mövzuya Altay
Məmmədov baş vurmuşdur. Yazıçının «Dəli Domrul» ko-
mediyası «Dədə Qorqud» dastanının Dəli Domruldan bəhs
edən boyu əsasında yazılmışdır. Əsərin gözə çarpan ümdə
cəhəti müəllifin Dəli Domrul obrazını tamamilə yeni key-
fiyyətdə təqdim etməsidir. A.Məmmədov dastanda Dəli
Domrulun tikdirdiyi körpünü əsas
motiv kimi alaraq onu
pyesin ideya-məzmun leytmotivinə çevirmişdir. Kome-
diyada körpü Dəli Domrulun tikdirdiyi adi bir obyekt yox,
onun ömür yolunun, həyat əqidəsinin və bir obraz kimi
poetik tutumunun əsas mənasını təşkil edən mahiyyətdir.
Körpünün çoxmənalılığı onun əsərdə adi bir tikinti obrazı
olmaqdan çıxıb, yazıçı konsepsiyasını əks etdirən, onu pil-
lə-pillə, mərhələ-mərhələ açan bədii fiqur olmasında ifadə
olunub. Pyesdə körpü obrazının axıradək aktual qalması
A.Məmmədovun əsərin əsas ideya mahiyyətini, bədii mə-
na yükünü bu obrazda təcəssüm etdirməsini göstərir. Ko-
medik üslubda yazılmış bu əsərin birinci hissəsində müha-
ribə və sülh, döyüş və quruculuq ideyaları biri-biri ilə