İqtisadi nəzəriyyə
ECONOMICS
101
Mövzu 12. İstehsal xərcləri və mənfəət
12.1 İstehsal xərclərinin mahiyyəti
12.2 İstehsal xərclərinin quruluşu, daxili və xarici xərclər
12.3 İstehsal xərclərinin müxtəlif formaları
12.4 Mənfəətin mahiyyəti, vəzifələri və formaları
12.5 Kapitalın hərəkəti, əsas və dövriyyə kapitalı
12.6 İstehsal xərcləri ilə mənfəətin qarşılıqlı əlaqəsi və onlara təsir göstərən
amillər
12.1. İstehsalın harada, kimlər tərəfindən və hansı həcmdə təşkil edilib
qurulmasından, fəaliyyət növündən asılı olmayaraq, bu mürəkkəb, həm də çətin proses
hökmən müəyyən xərclərlə, əməklə, kapitalla, sahibkarlıq qabiliyyəti ilə bağlıdır.
Müəyyən həcm daxilində istehsal xərcləri (C), əmək haqqı və ödənişləri (L), kapital sərfi
və qoyuluşlarından (K) ibarət olub, belə işarə olunur:
C =
+
Dünyanın «General Motors», «BP Amoco», «Microsoft», «Tayota», «Nestle»,
«Bayer» kimi iri avtomobil, neft, kimya, elektron, ərzaq məhsulları korporasiyalarından
başlamış, müxtəlif istehsal-xidmət təyinatlı orta və xırda şirkətlərinə, müəssisələrinə, ev
təsərrüfatlarına qədər hamısı istehsal xərclərinə, onun minimum həddə saxlanmasına ciddi
diqqət yetirirlər. Çünki müasir bazar münasibətləri iqtisadi sistemi və kəsgin rəqabət
mübarizəsi şəraitində, işgüzar biznes fəaliyyətinin son məqsədi sayılan mənfəətin
formalaşmasında, əmtəə-xidmətlərin keyfiyyətinə xələl gətirmədən, istehsal xərclərinin
aşağı salınması problemi, həlledici əhəmiyyətə malikdir.
İstehsal xərclərini artırmadan, istehsalı genişləndirib onun dinamik yüksəlişini təmin
etmək çətindir. Cəmiyyətin və insanların tələblərinin artması təbii bir proses olduğundan,
həmin ehtiyacların ödənilməsi xərclərin də artırılması irəli sürülür. Bu mənada istehsalın
inkişafı ilə onun xərcləri arasında ziddiyyətli bir vəziyyət yaranır.
Təsadüfi deyildir ki, iqtisadçılar və mütəxəssislər haqlı olaraq qeyd edirlər ki, xərclər
«istehsalın kölgəsi» kimi onu həmişə təqib edirlər. Məhz bu səbəbdən, hər bir konkret
istehsalçı öz fəaliyyətini səmərəli aparmaq üçün istehsal xərclərinin ən optimal variantını
seçmək zərurəti ilə üzləşir.
Bəs istehsal xərcləri nədir? Bu anlayış, əmtəə-xidmətlərin istehsalına sərf olunmuş
iqtisadi resursların alınmasına yönəldilmiş xərclərin pulla ifadəsidir. Başqa sözlə, istehsal
xərcləri istehsalçı şirkətin istifadə etdiyi istehsal amillərinin bazar qiymətləri ilə dəyəridir.
İqtisadi nəzəriyyədə böyük elmi və əməli əhəmiyyəti olan istehsal xərcləri
məsələsinə həmişə diqqət yetirilmişdir. Klassik iqtisadi nəzəriyyə məktəbinin yaradıcıları
A.Smit və D.Rikardo, istehsal xərclərinə istehsal qiyməti kimi baxmışlar. R.Torrens,
C.Mill, C.Mak-Kullox kimi ingilis iqtisadçıları, əmtəənin dəyərinin gəlirlərin (əmək haqqı,
mənfəət, renta) cəmindən ibarət olması haqqında A.Smitin mövqeyinə əsaslanaraq, istehsal
xərclərini «toplanmış əmək məsrəfləri» adlandırmışlar. Avstriya iqtisadi məktəbinin
nümayəndəsi
F.Vizer
istehsal
xərclərini
əmtəənin
faydalılığı
səviyyəsi
ilə
əlaqələndirmişdir. Marksist məktəbin iqtisadçıları istehsal xərclərini əmək-dəyər
İqtisadi nəzəriyyə
ECONOMICS
102
nəzəriyyəsi baxımından izah edərək, bu anlayışı məhsul istehsalına sərf olunmuş canlı və
maddiləşmiş (keçmiş) əməyin cəmi kimi səciyyələndirmişlər A.Marşall istehsal xərcləri
nəzəriyyəsinin obyektiv və subyektiv variantlarını eyni bir «kəsən qayçının iki tərəfi»
adlandıraraq, bunun fəhlələrin əməyinə, zəhmətinə, əziyyətinə; kapital sahiblərinin isə
imtinasına, risqinə əsaslanan bir iqtisadi anlayış olduğunu göstərmişdir.
Bu müxtəlif, mövqelər və elmi-nəzəri izahlar sübut edir ki, istehsal xərcləri hər bir
təsərrüfat fəaliyyəti üçün aydın, sadə zərurət sayılmaqla yanaşı, eyni zamanda mürəkkəb,
hətta ziddiyyətli iqtisadi anlayışdır. Məsələnin mürəkkəbliyi və ziddiyyətliliyi isə istehsal
xərclərinin mahiyyətinə, kəmiyyət göstəricilərinə, təsnifatına, quruluşuna, formalarına
yanaşmalarda fərqli mövqelərin olması, habelə indi də qalması ilə əlaqədardır.
Müasir iqtisadi nəzəriyyə istehsal xərclərinin şərhinə belə bir nöqteyi-nəzərdən
yanaşır ki, əgər əvvəllər bu xərclərin əsas hissəsini bilavasitə istehsal proseslərində
çalışanların əməyi təşkil edirdisə, indi bu xərclərin əksəriyyəti qeyri-istehsal dairəsi
işçilərinin əməyinə-alimlərə, mütəxəssislərə, menecerlərə, marketinq fəaliyyəti, idarəetmə,
reklam işilə məşğul olanlara sərf olunur. Deməli, istehsalın şəxsi amili sayılan insan
əməyinin bilavasitə istehsal prosesindəki rolunun dəyişməsi, istehsal xərcləri anlayışının
formalaşması və hesablanması mexanizminin üsullarına öz təsirini göstərmişdir.
Digər tərəfdən isə sahibkara və kapital sahibinə olan münasibətdə ciddi dəyişikliklər
baş vermişdir. Prinsip etibarilə sosial ədalət çağırışları deyil, səmərəlilik və mənfəət
üzərində qurulan bazar münasibətləri iqtisadi sistemində istehsalın təşkilatçısı, «orkestirin
dirijoru» sayılan hər bir sahibkar, öz kapitalı, qabiliyyəti, bacarığı ilə istehsal xərclərinin
fəal iştirakçısı kimi, təbiidir ki, istehsalın nəticələrindən də faydalanmalı və normal
mənfəət götürməlidir.
12.2. İstehsal xərcləri öz quruluşuna görə 2 yerə – daxili (gizli, örtülü) və xarici
(aşkar, görünən) xərclərə ayrılır.
İstehsalın daxili xərcləri dedikdə sahibkarın, fermerin, şirkətin, korporasiyanın
mülkiyyətində olan iqtisadi resursların müəyyən pul ifadəsində dəyəri nəzərdə tutulur.
Buraya sahibkarın, şirkətin, fermerin torpaq sahəsi, tikinti və istehsal binaları, avadanlıq və
dəzgahlar, müxtəlif qurğular, texnika və mexanizmlər daxildir.
Eyni zamanda sahibkarın öz əmək və bacarığının yaxud konkret iş qüvvəsinin şirkət
daxilindəki tətbiqi də daxili xərclərə aid edilir. Çünki hər bir sahibkar öz mülkiyyətində
olan torpaq sahəsini, bina və tikintini, avadanlıq və dəzgahları başqasına icarəyə verərək,
müəyyən məbləğdə gəlir əldə edə bilərdi. Bu mənada daxili xərclər, konkret istehsal
prosesi gedişində, sahibkar yaxud şirkət tərəfindən pul sərf edilməsini tələb etməyən
xərclər hesab olunur.
İstehsalın xarici xərcləri sahibkarın və şirkətin öz normal fəaliyyətini təmin etmək
üçün əldə etdiyi iqtisadi resursların dəyərini pulla ödəməsidir. Bu xərclərə sahibkarın və
şirkətin kənardan cəlb etdiyi iş qüvvəsinə, aldığı xammal, material və ehtiyat hissələrə,
enerjiyə, nəqliyyata, təchizata, reklama, xeyriyyə tədbirlərinə, digər məqsədlərə sərf
olunmuş pul məbləği daxildir.
12.3. İstehsal xərcləri: ümumi, orta, sabit və dəyişən xərclərə ayrılır. Buna bəzən
istehsal xərclərinin təsnifatı deyilir və istehsal xərclərinin müxtəlif formaları kimi
səciyyələndirilir.
Dostları ilə paylaş: |