132
Anket formaların təhlili zamanı aparılan tədqiqatlar əsas sahələr üzrə
qruplaşdırılaraq faiz dərəcəsinə əsasən çoxdan aza doğru belə sıralanmışdır.
(Bax: Diaqram 5)
Qeyd olunan ümumiləşdirilmiş sahələr üzrə aparılan tədqiqatlar, hər bir
istifadəçi tərəfindən anketlə müəyyən olunmuş tədqiqat kateqoriyalarına və
tədqiqatın hansı məqsədlə aparıldığına əsasən fərqləndirilmişdir: magistratura
və ya doktorantura pilləsi üçün yazılan dissertasiya işləri, karyera yüksəlişi
vəd edən peşəkar inkişafa yönəlmiş tədqiqat işləri, dərəcə proqramlarına
hazırlıq, IELTS, TOEFL, GRE, GMAT və digər imtahanlara hazırlıq, ACCA,
CFA, FRM, CIMA kimi sertifikasiya və ixtisasartırma imtahanlarına hazırlıq
və s.
Respondentlərin təxminən 43%-i (110 nəfərdən 47 nəfəri) kitabxana
resurslarına olan ehtiyaclarının peşəkar inkişaf yönümlü layihələrlə bağlı
olduğunu ifadə etmişlər. Dissertasiya işləri üçün tədqiqatlar aparan doktorant
və dissertantlar 19% (21 nəfər) nəticə ilə ikinci fəxri yeri tutmuş, növbəti
yerlər isə cüzi fərqlərlə digər kateqoriyalar arasında paylaşılmışdır. (Bax:
Diaqram 6)
133
İnformasiya resurslarının axtarışı və e-kitabxana və e-kataloqdan
istifadə bacarıq və vərdişlərinin mövcud olub-olmaması ilə bağlı suala
respondentlərin 75%-i müsbət cavab vermiş və eyni zamanda bu vaxta qədər
istifadə etdikləri e-kataloq və e-verilənlər bazalarının adlarını qeyd etmişlər.
Digər 25%-ə daxil olan istifadəçilər isə e-resursların axtarışı və istifadəsi ilə
bağlı heç bir təcrübələrinin olmadığını bildirmişlər.
Qonaq istifadəçilərə məlum olan ən populyar elektron verilənlər bazaları
arasında ilk sıranı JStor, sonrakı yerləri isə EbscoHost, Google Scholar,
LexisNexis, Elsevier, HeinOnline, ProQuest, Science Direct, Scopus və
digərləri (Springer, SAGE, Emerald, Taylor & Francis, Web of Science,
ACM, IEEE, Ebrary, EBL və s.) tutur.
Kitabxana istifadəçilərinin ehtiyac duyduqları müxtəlif növ kitabxana-
informasiya ehtiyatları və xidmətlərinə daxildir:
134
ADA Universiteti Kitabxanası tərəfindən təklif olunan kitabxanadan
istifadəyə yardım xidmətlərindən yararlanmaqdan bəzi istifadəçilər imtina
etmiş və bunu bu sahədə öncədən yiyələndikləri vərdişlərin olması ilə
əlaqələndirmişlər. Lakin digər qisim istifadəçilər təklif olunan xidmət
növlərindən bir və ya bir neçəsini (bəzən hamısını) seçmiş və yaxud həmin
xidmətlərə ehtiyac duya biləcəklərini ehtimal etdiklərini bildirmişlər. (Bax:
Diaqram 8)
Yenilənən (müddəti uzadılan) kitabxana üzvlükləri zamanı kitabxanadan
istifadə bacarıq və vərdişlərinin ilkin dövr üzvlüklərlə müqayisədə
təkmilləşdirildiyi nəzərə çarpır.
ADA Universiteti Kitabxanası, bununla eyni zamanda, Azərbaycan
Respublikası Xarici İşlər Nazirliyinin əməkdaşları üçün də kitabxana-
informasiya xidmətlərini həyata keçirir. Qeydiyyat prosedurları və qaydaları
digər qonaq istifadəçilər üçün olan qaydalarla eynilik təşkil edir, lakin əsas
fərq ondan ibarətdir ki, bu kateqoriyadan olan istifadəçilər kitabxananın
onlayn elektron resurslarından kampusdan kənarda da yararlanmaq kimi
üstünlüklərə malikdirlər. Onlar elektron materiallardan istifadə üçün xüsusi
istifadəçi hesabı ilə təmin olunurlar, ancaq çap kitablarını qeydiyyatdan
keçirib özləri ilə müvəqqəti götürmək kimi imtiyazları yoxdur. Bu kateqoriyalı
istifadəçilər Nazirliyin əməkdaşı olduqları müddətdə ADA Universiteti
Kitabxanasından fasiləsiz yararlana bilərlər. Hesabat ilinin (İyul 2015 – İyun
2016) sonuna olan göstəriciyə əsasən, kitabxana üzvlüyü olan XİN
əməkdaşlarının ümumi sayı 42 nəfərdir ki, bunlardan 5 nəfəri hesabat ilində
qeydiyyatdan keçmişdir.
135
Nəticə
Yerli Azərbaycan mühitində akademik tədqiqatın informasiya təminatına
nəzər yetirərkən məlum olur ki, bu işi dünya standartları səviyyəsində yerinə
yetirməyə qadir olan bir neçə kitabxana vardır ki, bunlardan biri və öndə
gedəni ADA Universitetinin Kitabxanasıdır. Əldə olunan nailiyyətlərlə
kifayətlənməyərək daima yeni xidmət üsulları və növləri axtarışında olan
kitabxana işçi heyəti bir sıra məsələləri gündəlikdə saxlayır. Bunlara aiddir:
Müxtəlif metodlar vasitəsilə istifadəçi ehtiyaclarının davamlı
araşdırılması;
Dəyər təkliflərinin istifadəçilərin və kitabxananın məqsədlərinə
uyğunlaşdırılması;
Kitabxananın imkanlarının diqqətli və real dəyərləndirilməsi;
Həmkar təşkilatların dəstəyini qazanma;
Verilən sözlərin ardıcıllıqla yerinə yetirilməsi;
Dəyişiklik və iddialılıq istəyi.
Bu sxem yeni və potensial cəhətdən radikal fərqli gələcək qurmaq
istəyən akademik kitabxanalar üçün əla başlanğıc nöqtəsidir. ( Envisioning
future academic library services: initiatives, ideas and challenges, 2010)
Ölkəmizin inkişaf etməkdə olan elm, mədəniyyət, təhsil və digər
sahələrinin birbaşa olaraq kitabxanaların və digər informasiya müəssisələrinin
işinə öz müsbət təsiri danılmazdır və bu sahədə dünya təcrübəsindən
bəhrələnərək respublika və beynəlxalq əhəmiyyətli elmi konfransların təşkil
edilməsilə dəvət edilən yerli və əcnəbi kitabxanaşünas alimlərin biliklərindən
yararlanmaq, Kitabxanaşünaslıq nəzəriyyəsi və təcrübəsinə dair elmi tədqiqat
işləri və məqalələrin yerli və beynəlxalq elmi jurnallarda dərci qarşıda duran
ümdə vəzifələrdəndir.
Bunlarla yanaşı, getdikcə kamilləşən texnoloji imkanlarında kitabxana
işinə inteqrasiyası və istifadəçilərin informasiya ehtiyaclarının “ağıllı”
kompüterlər (və ya süni intellekt) vasitəsilə diaqnostik təhlili gələcəkdə
informasiya xidmətlərinin inkişafına əsaslı töhfə olacaqdır.
Ədəbiyyat
1. Envisioning future academic library services: initiatives, ideas and
challenges. (2010). (S. McKnight Ed.). London: Facet Publishing.
2. Gannon-Leary, P., & McCarthy, M. D. (2010). Customer Care: A training
manual for library staff. UK: Chandos Publishing.
3. Grover, R. J., Greer, R. C., & Agada, J. (2010). Assessing Information Needs:
Managing transformative library services. Santa Barbara, California:
Libraries Unlimited.
4. Guest Users Policy and Procedures / ADA University Library. Retrieved
from http://my.ada.edu.az/en-US/Pages/Visitors_Policy.aspx?PageID=84
5. Hunt, D., & Grossman, D. (2013). The Librarian's Skillbook: 51 Essential
Career Skills for Information Professionals. USA: First Printing.
Dostları ilə paylaş: |