128
bu işdə satıcı-müştəri münasibətlərinin sosial-psixoloji aspektləri heç də az rol
oynamır.
2. ADA Universiteti Kitabxanasının qonaq istifadəçilərə xidmət işinin
kəmiyyət və keyfiyyətcə təhlili.
ADA Universiteti Kitabxanasının qonaq istifadəçilərlə bağlı müəssisə
siyasətinə əsasən, səfərdə olan professorlar, tədqiqatçı alimlər, ADA
Universitetinin dostları, ADA Universitetinin biznes-təhsil layihələrinin
tələbələri və digər şəxslər ziyarətçi anket formasını doldurub təqdim etməklə
müəyyən müddət çərçivəsində kitabxana resurslarından istifadə üçün üzvlük
əldə edə bilərlər. Qeydiyyatdan keçmiş istifadəçilər kitabxananın çap və
elektron informasiya ehtiyatlarından kitabxana daxilində yararlanmaq imkanı
əldə edirlər, belə ki, çap kitablarının evə verilməsi qaydalarda nəzərdə
tutulmamışdır. Digər kateqoriyalı istifadəçilər isə Kitabxana və İnformasiya
Xidmətlərinin İcraçı Direktoru ilə konsultasiya əsasında üzvlük ala bilərlər. Bu
zaman üstünlük spesifik mövzularda tədqiqat işi aparan magistratura və
dissertantura/doktorantura tələbələrinə verilir. ("Guest Users Policy and
Procedures / ADA University Library")
Adətən üzvlüklər 3 (üç) aylıq müddətə müəyyən olunur və istifadəçilərə
hər akademik il (15 Sentyabr– 15 İyul) üçün 1 qeydiyyat və 2 yeniləmə (hər
biri maksimum 3 aylıq müddətə) imkanı verilir.
Anket forması özündə müxtəlif sualları əhatə edir ki, bu suallara
istifadəçilər tərəfindən verilən cavabların təhlili zamanı müasir Azərbaycan
cəmiyyətində tədqiqat və informasiya tələbatından irəli gələn bir çox
məsələləri aydınlaşdırmaq mümkün olmuşdur: yerli və xarici təhsil
müəssisələrində təhsil alan tələbələrin say nisbəti, müraciətçilərin akademik və
elmi dərəcələrinin nisbəti, sorğuların mövzu xarakteristikası, istifadə üçün
müraciət olunan digər yerli və beynəlxalq kitabxanalar, daha çox istifadə
olunan onlayn məlumat bazalarının siyahısı, daha çox ehtiyac duyulan
kitabxana-informasiya resurslarının və xidmətlərinin növləri və s.
İyul 2015 – İyun 2016-cı tədris ilinin hesabatına əsasən, qeyd olunan
dövr ərzində ADA Universiteti Kitabxanasına üzvlüklə bağlı 281 müraciət
olmuşdur ki, bunlardan 75-i üzvlüyün yenilənməsi ilə bağlı sorğular olmuşdur.
Müraciətçilərin 142 nəfəri qadın, 139 nəfəri isə kişi olmuşdur.
Xidmət göstərilən istifadəçilərin 25 nəfəri müxtəlif xarici ölkə
vətəndaşları, digərləri isə yerli və xarici təhsil müəssisələrində təhsil alan və
ya məzun olan Azərbaycan vətəndaşları olmuşdur. Heç də bütün istifadəçilər
tələbə statusu daşımamışdırlar, onlardan bəziləri müxtəlif təşkilatlarda və
şirkətlərdə çalışan və öz peşəkar qabiliyyətlərini inkişaf etdirmək məqsədilə
kitabxana resurslarına ehtiyac duyduqlarını söyləmişlər. Eyni zamanda həm
təhsil fəaliyyəti ilə məşğul olan, həm də çalışan istifadəçilər də diqqəti cəlb
edir. (Bax: Diaqram 1)
129
Təhsil alan 107 istifadəçidən 9-u ötən illərin məzunları olmuşlar.
Anket formalarının təhlili zamanı ADA Universiteti qonaq
istifadəçilərinin təhsil aldıqları yerli və xarici təhsil ocaqlarının ilk onluğu
müəyyənləşdirilmişdir ki, növbəti diaqramlarda bu rəqəmlərlə tanış olmaq
mümkündür. (Bax: Diaqram 2, 3)
Digər yerli və xarici ali təhsil müəssisələrinin siyahısına Milli Aviasiya
Akademiyası, Azərbaycan Dövlət Dənizçilik Akademiyası, Azərbaycan
Texniki Universiteti, Azərbaycan Tibb Universiteti, Təhsil Problemləri
İnstitutu, Yaxın Şərq Texniki Universiteti (METU), Hacettepe Universiteti,
Boğaziçi Universiteti, Şərqi Aralıq Universiteti (Şimali Kipr), London
Universiteti, Qlazqo Universiteti, Amsterdam Universiteti, Corc Vaşinqton
Universiteti, Harvard Universiteti, Vyana Universiteti, Roma La Sapienza
Universiteti, Praqa Çarlz Universiteti, Bokkoni Universiteti, Bremen
Universiteti, Florida Universiteti, Prinston Universiteti, Voterloo Universiteti,
Corctaun Universiteti, Tartu Universiteti, Mərkəzi Avropa Universiteti,
İllinoys Universiteti və s. daxildir.
Qonaq istifadəçilərin akademik statusları bir-birindən kəskin surətdə
fərqlənir. Belə ki, bu statuslar müxtəlif elmi dərəcələri əhatə edir. Hesabat
ilində
kənar istifadəçilərin akademik statusları belə olmuşdur:
doktorantlar/dissertantlar – 49 nəfər; tədqiqatçılar – 18 nəfər; magistrantlar –
150 nəfər; bakalavrlar – 44 nəfər; ötən illərin məzunları – 6 nəfər; digər – 14
nəfər. “Digər” kateqoriyasına əsasən akademik məzuniyyətdə olan ADA
Universiteti tələbələri daxildir.
130
Qonaq istifadəçilərin çalışdıqları və ya tədqiqat apardıqları iş yerləri
və elmi müəssisələrin ilk 10-luğuna nəzər saldıqda müxtəlif adlara rast gələ
bilərik. (Bax: Diaqram 4)
131
Onluğa düşməyən digər müəssisələrə daxildir: İqtisadiyyat Nazirliyi,
Daxili İşlər Nazirliyi, Elmi Tədqiqat və İqtisadi İslahatlar İnstitutu, AMEA
İnsan Haqqları İnstitutu, Bakı Slavyan Universiteti, Xəzər Universiteti,
Azərbaycan Dövlət Neft və Sənaye Universiteti, Azərbaycan Beynəlxalq
İnkişaf Agentliyi (AIDA), Alman Beynəlxalq Əməkdaşlığı, Qafqaz Tədqiqat
Resurs Mərkəzi, Azərsun Holding, Gilan Holding, Deloitte & Touche,
PriceWaterhouseCoopers Audit Azərbaycan, AR Dövlət Neft Şirkəti, British
Petroleum (BP), Britaniya Səfirliyi, Fransa Səfirliyi, Azərbaycan Beynəlxalq
Bankı, Bakcell Şirkəti, AccessBank, TuranBank və s.
“ADA Kitabxanası haqqında məlumatı haradan əldə etmisiniz?” sualına
respondentlərin təxminən 36.57%-i bu barədə dostlarından, 25%-i məlumatı
kitabxananın veb-saytından, 3.36%-i sosial şəbəkələrdən, xüsusilə də
Facebook-dan əldə etdiklərini, 25.37%-i isə “digər” variantını seçməklə
məlumatın mənbəyini qeyd etmişlər ki, bunların da böyük əksəriyyəti ADA
Universitetində təşkil edilən təlimlər zamanı, o cümlədən ADA Universitetinin
fərdi və korporativ çalışanlar üçün keçirdiyi biznes-təhsil layihələrində
iştirakçı olarkən məlumatlandırıldıqlarını söyləmişlər. Təxminən 9.70%
respondent iki və daha artıq variant seçmişdir.
Anket-sorğu forması kitabxanalardan istifadə ilə bağlı müxtəlif aspektli
sualları əhatə edir. Məsələn, hansı kitabxana ehtiyatları və xidmətləri tələb
olunur, kitabxana, e-kitabxana və e-verilənlər bazalarından istifadə vərdişləri
varmı, tədqiqat sahəsi və tədqiqat mövzusunun adı necədir, cari tədqiqat üçün
nə qədər zaman tələb olunur və s.
Dostları ilə paylaş: |