142
Nəticə
Kitabxana informasiya
mərkəzləri tipindən, növündən asılı olmayaraq
qazanılmış bilik və məlumatların qorunub saxlanılması, daim istifadəyə yararlı
və açıq olması və tam şəkildə gələcək nəsillərə ötürülməsi üçün fəaliyyət
göstərən bir qurumdur. Kitabxanaların fəaliyyətində resursların təhlükəsizliyi
ən mühüm məsələlərdən biridir. Təhlükəsizliyin təmin olunması müasir
dövrdə ən son texnologiyalara uyğun təşkil olunmalı, bu sahə üzrə kadr
hazırlığı, həmin texnologiyaların tətbiqi metodlarının müəyyəşdirilməsi və
strateji planlaşdırılması kimi məsələlər həll edilməlidir. Hal-hazırda
Azərbaycanda bu işin təşkili ümumilikdə zəif getsə də, məqalədə adı qeyd
olunan kitabxana informasiya mərkəzlərində yüksək səviyyədə təşkil
olunmuşdur.
Xüsusilə, ADA Universitetində ən son yeni texnologiyaların
tətbiqi sayəsində faydalı iş əmsalının artması kitabxana sahəsində inkişafın
bariz nümunəsidir.
Ədəbiyyat
1.
İsmayılov, X.İ. (2009).
Kitabxana-informasiya texnologiyaları. Bakı:
BakıDövlət Universiteti nəşriyyatı
2.
Pandian, M.P. (2010).
RFID for libraries: A practical guide. Oxford: Chandos
Publishing.
3.
Connie, K.H., Lynne, A.J., & Shai, R. (2007).
Radio frequency identification
handbook for librarians. Westport, Conn.: Libraries Unlimited.
4.
Məmmədova, V. (15 Aprel, 2016) Ali təhsil müəssisələrinin rəqəmsal
kitabxana mühitində iri miqyaslı verilənlərə çıxışı və istifadəlilik məsələləri.
"Elektron Kitabxanaların Formalaşması Problemləri" Respublika Elmi-Praktik
Konfransı, səh.111-116.
5.
Cəfərov, C.A. (2011) Azərbaycan kitabxanalarında electron kataloqların
inkişaf
perspektivləri.
İnformasiya cəmiyyəti problemləri, №2(4), səh. 50-60.
6.
Əliquliyev, R., İmamverdiyev, Y. və Musayev, V. (2009).
Biometrik
texnologiyalar. Bakı: İnformasiya texnologiyaları.
7.
Ayre, L.B. (July 2012). RFID in Libraries: A Step toward Interoperability.
Library Technology Reports. Pages. 9-15. Retrieved from alatechsource.org
8.
Palmer, M. (2009).
Making the most of RFID in libraries. London: Facet Pub.
143
KİTABXANA HAQQINDA TEXNOLOJİ TƏSƏVVÜRLƏRİN
İNKİŞAF TARİXİ
Ulduz Manafova
BDU-nun Kitabxana resursları və informasiya axtarış
sistemləri kafedrasının baş laborantı
ulduz_xanim@mail.ru
Независимая история технологических идей о библиотеке
Резюме:В статье анализируется независимая история технологических идей о
библиотеке, которая поэтапно, а также сущность и основные элементы
библиотечных технологий. В статье обобщены некоторые технологические
параметры
The independent history of the technological ideas about the library
Abstract: The article is analysed about the independent history of the technological
ideas about the library that phased, also, the essence and main elements of library
technologies are showen. The article is generalizationed about some thechnological
parameters.
Açar sözlər: kitabxana, texnologiya, kitabxana texnologiyası, kitabxana işi, kitabxana
tarixi, informasiya texnikası.
Keywords: library, technology, library technology, library work, library history,
information technology.
Ключевые слова: библиотека, технология, технология библиотеки, работа
библиотеки, история библиотеик, информационные технологии.
Bir çox tədqiqatçıların (məsələn: M.S.Slobodyanik) apardıqları
tədqiqatlar nəticəsində məlum olmuşdur ki, kitabxana haqqında texnoloji
biliklərin izinə hələ uzaq keçmişdə, məsələn, XIII əsrdə fransız keşişi və
teoloqu R.Furnivalın əsərlərində, XVII əsrdə fransız kitabxanaçısı,
filosofu və
həkimi Q.Nodenin “Kitabxananın təşkili haqqında məsləhət” adlı əsərində rast
gəlmək olar. XIX əsrdə kitabxana fəaliyyətinin texnoloji aspektləri, kitabxana
işinin rasional metodları alman kitabxanaşünasları M.Şrettingerin
“Kitabxanaşünaslıq üzrə mükəmməl rəhbərlik və ya kitabxanaların
müvəffəqiyyətli fəaliyyəti üçün rəhbərlik” (1808-1829) və F.A.Ebertin
“Kitabxanaçının təhsili” (1820-1827) adlı əsərlərində öz əksini tapmışdır. [1,
s.99]
Rusiya kitabxanaçılıq elmində texnoloji istiqamət “rus kitabxana-
şünaslığının banisi” V.İ.Sobolşikovun fəaliyyəti ilə bağlıdır. Müəllif “İctimai
kitabxanaların təşkili və kataloqların tərtibi haqqında” (1859) adlı əsərində
kitabxana istehsal prosesini hərtərəfli təsvir edərək (kitabın fonda daxil olması
və rəfdə yer almasından başlamış oxucuya verilməsi və yenidən
kitabsaxlayıcıda ona ayrılan yerə qoyulmasına qədər) ayrı-ayrı əməliyyatlar
arasındakı qarşılıqlı əlaqəni göstərmişdir.
144
F.A.Brokqauzvə
İ.A.Efronun (1890) ensiklopedik lüğətində
kitabxanaşünaslıq - qaydalar məcmusu kimi izah edilir ki,
bunun da bir
hissəsinəzəri əsaslara, digəri isə kitabxananın təşkili və idarə olunması ilə
bağlı əldə olunmuş təcrübəyə əsaslanır. Bütün bu qeyd olunanlar isə aşağıdakı
formulda öz əksini tapır: “Az vəsait sərf etməklə işin düzgün qurulmasına nail
olmaq üçün imkan daxilində kitabların mühafizəsini təmin etmək, yüz
minlərlə kitab içərisindən lazım olanını çox əmək və vaxt itkisinə yol
vermədən tapmaq lazımdır”. [3, s.19]
Bu cür görüşlər L.B.Xavkinanın “Kitabxanalar, onların təşkili və
texnikası” (1904), P.M.Boqdanovun “Kitabxana texnikası haqqında qeydlər”
(1910-1911), V.A.Nevskinin “Kitabxana texnikasının sadələşdirilməsi” (1924)
adlı əsərlərində daha da inkişaf etdirilmişdir. Sovet dövründə isə kitabxana
texnologiyası istiqamətində o qədər də irəliləyişlər əldə olunmamışdır. Yəni o
zaman kitabxana texnologiyası, işin texnikası, kitabxana işində mövcud olan
üsulların toplusuyla (məsələn, kitabxana kartoçkalarının yazılması,
kitablara
cibliklərin yapışdırılması, sorğu blanklarının hazırlanması və s.) əvəz
olunmuşdur. Lakin hələ o vaxtlar kitabxana mütəxəssisi B.S.Bodnarski qeyd
edirdi ki, kitabxanaçı necə xeyirxah niyyətli olursa-olsun, əgər texnikanı
mənimsəməzsə, kitabxanada işə yararlı bir şey etmək iqtidarında
olmayacaqdır.
Kitabxana haqqında texnoloji biliyin tarixi baxımdan digər sələfi və
konseptual mənbəyi təcrübi kitabxana fəaliyyətinin prinsiplərini, üsullarını və
qaydalarını özündə birləşdirən metodika sayılır. Metodik bilik özünün tətbiqi
istiqamətinə, nəzəriyyə ilə təcrübə arasındakı vəziyyətinə, elmdə, peşəkar
fəaliyyətdə və təhsildəki yerinə görə hər zaman kitabxana ictimaiyyətinin
diqqətini cəlb etmişdir. Lakin metodik biliyin
tərkib hissəsindəki bəzi
çatışmazlıqlar onun vacibliyini obyektiv şəkildə qiymətləndirməyə imkan
vermir. Məsələn, metodik “qaydalar” və “prinsiplər” arasındakı fərqi müəyyən
etmək olduqca çətindir; yaxud “metod” və “üsul” anlayışları (hərəkət üsulu
mənasında) müəyyən mənada sinonim hesab olunur. [7, s.150]
Nəticədə isə cəmiyyətdə üstün olan siyasi görüşlərin və ideoloji təsirin
asılılığına düşmək ehtimalı çoxalmış olur.
Məsələn, Sovet hakimiyyətinin ilk illərində kitabxana metodikası
kitabxana işinin prinsiplərinin əsaslandırılması (kitabxananın fəallığı, diqqətin
əhali kütləsinin xidmət işinə yönəldilməsi və s.) və onun formalarının
işlənilməsi (savadlılığın təlimi, sərgilərlə iş bacarığı, ucadan oxu vərdişinin
aşılanması və s.) ilə mərkəzləşdirilmişdir. Sonradan isə metodistlər kitabxana
fəaliyyətinin konkret
istiqamətlərinin təhlili, praktik təcrübənin
ümumiləşdirilməsi, müxtəlif təyinatlı və məzmunlu metodik məhsulların
yaradılmasına səy göstərdilər. Məhz bunun nəticəsində kitabxana fəaliyyətinin
məqsədini, vəzifələrini müəyyən edən, onun konkret istiqamətlərinin
məzmununu açan (məsələn, “Universal elmi kitabxanalara köməklik”, “Xalq
təsərrüfatı işçilərinə informasiya xidmətinin vahid sisteminin təşkili” və s.)