39
ictimai baxışlar, nəzarət xarakterli işlər, sınaq imtahanları və s.
şərait yaradır.
Əlbəttə, monitorinq və cari, son, gələcəkdə əldə edilimş
nəticələrin siniflər və məktəb üzrə təhlili müəyyən dərəcədə əlavə iş
kimi qəbul edilə bilər. Ancaq nəzərə alınsa ki, bu işin alternativi
hələlik yoxdur və idarəetmə daima əldə edilmiş, qeydə alınmış
obyektiv informasiyaların təhlilindən, neqativ halların aradan
qaldırılmasından ibarətdir, onda bu modelin əhəmiyyəti aydın olur.
Onu da qeyd etmək yerinə düşər ki, bu münasibət sadəcə olaraq,
təcrübəli müəllimin məktəbi idarə etməsinə yox, professonal
idarəçilərin fəaliyyətinə aiddir. Çünki bu iş təksilаti-tədqiqat
xarakteri daşıyır.
Bu sistem eyni zamanda həm də metodoloji xarakter daşıyır,
çünki burada müəyyən münasibət, fəaliyyətin qiymətləndirilməsi
prinsipi və onların vasitəsilə axtarışların aparılması, müəyyən
istiqamətlərdə təhsilin nəticələrinin göstəricilərinin irəli sürülməsi
meydana çıxır.
Təklif olunan beş qrupdan ibarət bu sistem, əlbəttə ki,
idarəçinin (təhsil menecerinin) yaradıcı laboratoriyasında fasiləsiz
olaraq bütövlükdə tətbiq edilərsə, nəticələr müsbət olar. Burada
qeyd etmək yerinə düşər ki, Təhsil Nazirliyinin şöbə müdiri
A.Əhmədovun hazırladığı və təhsil naziri M.Mərdanov tərəfindən
təsdiq edilmiş “Təhsil müəssisələrinə rəhbərlik və nəzarət sahəsində
R.T.Ş.-nin fəaliyyətinin kompleks monitorinqinə dair yaddaş”da
(02.11.2004-cü il) təhsil müəssisəsinin fəaliyyətinin
qiymətləndirilməsi, fənlərin tədrisi vəziyyətinə, şagirdlərin inkişafı
üzrə aparılan işlərin təhlilinə, istedadlı şagirdlərlə iş məsələlərinə
xüsusi diqqət yetirilmişdir. Bizə belə gəlir ki, bu prosesdə təklif
olunan bu metod xüsusi əhəmiyyət kəsb edə bilər.
40
2. Təhsil keyfiyyətinin idarə edilməsi
funksiyaları
Təhsilin keyfiyyətinin idarə edilməsi funksiyalarını açıq-
lamaq üçün, hər şeydən əvvəl, “idarəetmə funksiyası” ifadəsinin
mənasını açıqlamaq lazımdır. “Funksiya” sözü latın sözü olub,
həyata keçmə, həll olunma deməkdir. Bu, idarəetmə obyekti ilə
idarə edən sistem arasında münasibətlərin qurulmasıdır. Bu
münasibətlər idarə edən sistem tərəfindən idarə olunan proseslərin
məqsədyönlülüyünü və təşkilati baxımdan məqsədə yatımlılığını
əldə etmək üçün həyata keçirilən müəyyən fəaliyyətdir. Məqsədimiz
təhsilin keyfiyyətinin idarə edilməsidirsə, təhsilin keyfiyyətinin
idarə olunması prosesinin açıqlanması lazımdır.
İdarəetmə funksiyalarından danışdıqda söhbət planlaşdırma,
təşkiletmə, rəhbərlik, nəzarət – monitorinq, təhlil və sairədən gedir.
Bunlarla yanaşı bir sıra konkret funksiyalar da mövcuddur.
Məsələn, pedaqoji kadrlarla işin təşkili və ya təhsilin keyfiyyətinə
nəzarət, özfəaliyyət dərnəklərinin işinin keyfiyyətinin əldə edilməsi,
fənn kafedralarının (fənn birləşmələrinin) fəaliyyətinin əlaqələndi-
rilməsi və s. Ümumiyyətlə, idarəetmə funksiyaları çoxdur, biz isə
məhz təhsildə yüksək keyfiyyət əldə etməyə yönəldilmiş
funksiyaları açıqlamaq istəyirik.
Planlaşdırma. Hər şeydən əvvəl, bu funksiyanın mühüm
əhəmiyyətə malik olması qeyd edilməlidir. Hər bir məqsədin əldə
edilməsi onun həyata keçirilməsi üsullarının seçilməsindən, əldə
etmək istəyinin müəyyənləşdirilməsindən, bu məqsədlə prosesin
ardıcıllığının təmin edilməsi üsullarının düşünülmüş şəkildə həyata
keçirilməsi tədbirlərinin təyin edilməsindən asılıdır. Plan layihədir.
Onu müzakirə etmək, mütəxəssislər tərəfindən qiymətləndirməyə
vermək, düzəlişlər etmək və praktiki fəaliyyətdə səhvlərə yol
verməmək üçün optimal səviyyəyə qaldırmaq lazımdır. Unutmaq
olmaz ki, planlaşdırma zamanı buraxılmış səhvləri sonradan
düzəltmək çox çətin olur.
Planlaşdırma sözün geniş mənasında proqnozlaşdırma,
proqramlaşdırma və işçi planının hazırlanmasından ibarətdir. Plan
41
imkan yaradır ki, qarşıya qoyulmuş məqsəd uğrunda standartlar,
göstəricilər müəyyənləşdirlsin. Planın göstəriciləri nəzarətin həyata
keçirilməsinə imkan yaradır. Unutmaq olmaz ki, planlaşdırma
düzgün həyata keçirilibsə, idarəetmə
fəaliyyəti düzgün
istiqamətlənir, yaxşı nəticələr əldə edilir və vaxta qənaət olunur.
Son təcrübələr göstərir ki, planlaşdırma funksiyasının həyata
keçirilməsində məktəblərin bəzilərində təlim-tərbiyə işlərinin
planlaşdırılması məktəbin fəaliyyəti və inkişafı proqramının (bəzən
strateji inkişaf proqramı da adlandırırlar) hazırlanması və həyata
keçirilməsi ilə əvəz olunur. Keyfiyyətin əldə edilməsi üçün məqsəd
müəyyənləşirsə, məktəbin əldə edəcəyi nəticələr orada öz əksini
tapır. Qabaqcıl təhsil müəssisələrinin təcrübəsi göstərir ki, planlaş-
dırılmış yüksək məqsədin əldə edilməsi üçün məktəb rəhbərlərinin
müəllimlərlə birlikdə qarşıya qoyulmuş məqsədlərlə bacarıqla
işləməsi lazımdır.
Məqsədlərlə iş isə vaxt, yüksək bilik, düşünmə, həll etmə
qabiliyyəti tələb edir. Ona görə də müəllim dərsi planlaşdırdıqda
qabaqcadan üç qrup məqsədi nəzərə almalıdır:
I. Pedaqoji məqsəd: təhsil, tərbiyə, psixi inkişaf, sağlamlıq
və s. Bu məqsədlər şagirdlərin inkişafını təmin edəcək başlıca
vəzifələrdir, çünki pedaqoji prosesdə azı iki subyekt iştirak
etdiyindən bu planlaşdırılmış məqsədlər şagirdə yönəldilməlidir.
Burada da müxtəlif variantlar ola bilər:
a) müəllimin məqsədi şagirdə heç də açıqlanmır, ancaq
müəllim elə edir ki, bu məqsədlər əldə edilsin;
b) məqsəd şagirdə izah edilir, çünki o, məqsədin
qoyulmasında subyektdir;
c) şagird özü məqsədi müəyyənləşdirir və müəllimin köməyi
ilə onu həyata keçirir.
II. Təhsil prosesinin inkişafının məqsədi: diaqnostik, dərk-
edici, tədqiqat xarakteri və s. Bu, faktiki olaraq təhsil prosesinin
keyfiyyətinin inkişafıdır.
III. Müəllimin özünün inkişafının təmin edilməsinə
yönəlmiş məqsəd: bura daxildir: müəllimin professonallığı və
şəxsiyyət baxımından inkişafı. Məqsədlərin qoyulmasında bu xa-
rakterli işlər bir tərəfdən təhsildə keyfiyyətin əldə edilməsini təmin
Dostları ilə paylaş: |