196
Qarunun gəncini,
Cəmin mülkünü,
Dəyməz incitməyə bircə insanı.
197
QEYDLƏR
Alp Arslan – səlcuq sülaləsindən ikinci hökmdar, 1063-
1073-cü illərdə hakimiyyət sürmüş. Böyük Səlcuq hökmdarı
Məhəmməd Cəlaləddin Məlikşahın atasıdır.
Baqrat (Bəqrat) – təbiblər atası sayılan qədim yunan
həkimi Hippokrat.
Bağdad – ərəb İraqının mərkəzi; orta əsrlərdə xilafətin və
Əbbasilər sülaləsi xəlifələrinin mərkəzi və əsrlərlə böyük
mədəniyyət mərkəzi olmuşdur.
Sədi və bir çox başqa məşhur
adamlar orada təhsil almışdır.
Beytül-müqəddəs - Erusalimin - qədim Fələstinin mərkəzi
(«Bəhram-gur»dan sonra)
Bijən – İran eposunun qəhrəmanlarından əfsanəvi bir
pəhləvan. Turanlılar Bijəni bir quyuda həbs etmişlər, Rüstəm
Zal gəlib onu xilas etmişdir. Bijənin Mənijəyə aşiqliyi
«Şahnamə»nin məşhur hekayələrindəndir.
Bilqis (Bəlqis) – Səba məmləkətinin əfsanəvi məlikəsi (Bu
ad Azərbaycanda Bilqeys şəklində işlənir).
Bisütun - Kirmanşah yaxınlığında dağdır.
Üzərində
Həxamənilər sülaləsi ilə əlaqədar mixi əlifbasında yazı var.
(«Bilqis»dən sonra)
Bəsrə – cənubi İraqda bir şəhər
Bəhmən – İran eposunun qəhrəmanlarından biri,
İsfəndiyarın oğludur. Rüstəm Zalın nəslindən özatasının
intiqamını almışdır.
Bəhrami-Gur – Sasanilər sülaləsindən 420-438-ci illərdə
iranda padşahlıq etmiş hökmdar. İran əfsanələrində Bəhrami-
Gur mahir bir ovçu və eyşü işrət məclislərini sevən adam kimi
təsvir edilir.
Cəm – Cəmşid adının qısadılmış şəkli. Bax:
Cəmşid.
Cəmşid – İran eposunun qəhrəmanlarından biri Pişdadiyan
sülaləsindən mifik bir hökmdar. Cəmşid Cəm adı ilə də
198
məşhurdur. Onun həyatı Firdovsinin «Şahnamə»sində təsvir
edilmişdir.
Davud –
tövrata görə, bir padşah olmuşdur. İslam
əfsanələrinə görə, Davud dəmiri əlində muma döndərən mahir
bir dəmirçi imiş. Guya zirehi ilk dəfə Davud qayırmışdır.
Dinlər tarixində Süleyman peyğəmbərin atası sayılır.
Dara – İran şahlarının keylər sülaləsinə mənsud hökmdar.
Dəməşq – Suriyanın mərkəz şəhəri; orta əsrlərdə Əməvilər
sülaləsi xəlifələrinin də mərkəzi olmuşdur.
Dəclə - daxili Asiyada axan nəhəng çay («Dəməşq»dən
sonra)
Əbdül Əziz oğlu – ikinci Ömər, Əməvilər sülaləsindən
717-720-ci illərdə xəlifə olmuşdur.
Əbu Bəkr ibn Səd – Fars hökmdarı (1226-1260), Sədinin
təxəllüsü bunun atasının, yəni 1195-1226-cı illərdə Farsda
hökmdar olmuş Sədin adından alınmışdır; Sədi, yəni Sədə
mənsub. Bundan başqa Səd həm də xoşbəxtlik deməkdir. Həm
Səd. Həm də onun oğlu Əbu-Bəkr dövrün güclü hökmdarları ilə
– Xarəzmşahlarla və xüsusən moğollarla – bollu qızıl verərək,
sazişə girib, ölkədə asayiş yaratmağı bacarmışlar. O, Əbu Bəkri
ağıllı və ədalətli bir şah kimi qəsidələrində dəfələrlə mədh edir.
Əbu-Zeyd – Yaxın Şərq tarixində bu adda bir neçə
şəxsiyyət vardır. Burada Sədinin nəzərdə tutduğu şəxs – bir sıra
elmi, fəlsəfi və filoloji əsərlərin müəllifi Bəsrəli Əbu-Zeyd
Ənsaridir. 772-ci ildə, təxminən yüz yaşında ölmüşdür.
Əzüd – İranın cənubunda və qərbində onuncu əsrin
ikinci
yarısında hökmdarlıq etmiş padşah.
Əlvənd – Həmədan şəhərinin yaxınlığında bir dağ.
Ənuşirəvan – Sasanilər sülaləsinin hökmdarlarından biri.
Nuşirəvani-adil adı ilə də məşhurdur. Hakimiyyəti dövrü 531-
579-cu illərə təsadüf edir. Məhəmməd peyğəmbər onun
dövründə anadan olmuşdur. Rəvayətə görə, Məhəmməd
doğulduğu saatda Ənuşirəvanın sarayı dağılıb xarabaya
dönmüşdür.
199
Əfrasiyab – qədim Turanın əfsanəvi padşahlarındandır.
İran şahlarının amansız düşməni imiş. On iki il İranda
hökumət
sürmüş, nəhayət. Keyxosrovun əlində ölmüşdür.
Firidun – İranın mifik Pişdadiyan sülaləsi hökmdarlarından
biridir. Firdovsinin «Şahnamə»sinə görə, İranı Zöhhakın
zülmündən xilas etmişdir.
Fərhad - Nizami Gəncəvinin «Xosrov və Şirin»
poemasında obraz («Ümman»dan sonra)
Ğur – Heratın şərqində dağlıq bir vilayətdir. XII əsrdə
Ğurun mülkədarları arasında qüvvətli bir sülalə – Ğurilər
sülaləsi çıxmış, az zamanda Xorasan vilayətinə, indiki
Əfqanıstana və Hindistanın bir hissəsinə malik olmuşdur.
Gorgin – iran eposunun qəhrəmanlarından əfsanəvi
pəhləvan.
Güşyar (Guşyar) – Onuncu əsrin ikinci yarısında yaşamış
ulduzşünas bir alim.
Hatəm – sonsuz səxavətləri ilə məşhur əfsanəvi bir ərəb,
Ərəbistanın Tay qəbiləsindən olduğu üçün daha çox Hatəm Tai
adı ilə şöhrət tapmışdır.
Hicaz - Ərəb yarımadasında yerləşən yaşayış sahəsi
(«Hatəm»dən sonra)
Hörmüz – Nuşirəvan Adilin (bax.
Ənuşirəvan)
dördüncü
oğlu, 579-590-cı illərdə onun varisi olmuşdur. Vəzirlərindən
həmişə şübhəli olduğu üçün onlarla pis rəftar etmişdir. Saray
adamları onu taxtdan salıb, yerinə oğlu Xosrov Pərvizi padşah
qoymuşlar.
Xizr (Xızr) – dini əfsanələrdə möcüzələr göstərən Xizr
peyğəmbər.
Xosrov – Sasanilər sülaləsindən Xosrov Pərviz adı ilə
məşhur olan və 590-628-ciillərdə hökmdarlıq etmiş İran şahı.
Onun oğlu Şiruyə, hələ taxtdan əl çəkən atası Xosrov
sağ ikən,
əyanlar tərəfindən taxta çıxarılmışdır. Şiruyə hökumət başına
keçərək, onun əmri ilə atası Xosrov həbsxanaya atılmış, orada
da öldürülmüşdür. Xosrov Pərvizin həyatı, onun Şirin ilə