_________________Milli Kitabxana
________________
353
Biz Soylunu oraya «təyin» eləmədik, o özü bu işi aparırdı: qururdu,
planlaşdırırdı, yönəldirdi, Ocağın yeni-yeni addımlarını kəşf eləyirdi, simasını
qoruyurdu… Ata Gedişi onu sanki silkələyib sarsıtmış, fitrətindəki
qabiliyyətləri oyatmışdı. Mən onun bu halları barədə ayrı-ayrı məqamlarda
yazmışam («Kaspi» qəzetində, «Kriminal»da…); ayrıca olaraq «Ocaq
Yükümlüsü», «Hünərin qurucusu», «Soyluyaöygü» və b.k. başlıqlar altında.
Atadan sonra Ocağın varlığını Soylunun Hünəri xilas elədi.
Bu Hünərin boyunu Nurtəkinin, Göylünün, Üstünün, qismən də Safnurun və
Safruhun dəstəkləri kəsərli-keçərli saxladı; onların ona bağlılığı, mənim onu
bilməyim, onun hünərinə inanmağım.
Soylu ruhani Evladlıq möcüzələri göstərirdi. Özüylə döyüşürdü, özünü
boğurdu, qovurdu, çimdikləyirdi, ifşa edirdi, bir yerdə qərar tutmurdu; heç bir
uğur onu arxayın salmır, heç bir çətinlik ram eləmirdi.
Onun Yurda və Ulusa sevgisi mütləq səviyyədəydi. Buna görə də
xasiyyətinin (temperamentinin) məziyyətləri öz yerində, çatışmazlıqları da
Mütləqə İnam Yolunun xeyrinə işləyirdi.
Ata Gedişindən sonra onun içinə vahimə dolmuşdu ki, Yurdun, Ulusun
yeganə tam müstəqil sözçüsü olan bu Ocaq sönə bilər! Ata, Ocaq ideyalarının
gerçəkləşməsi üçün ən kiçikdən tutmuş ən iriyə qədər hər cür əməli, əməl
təklifini göydə tutur, özü ətrafında olan iki-üç gənc Ocaq Evladının başına bu
cür təklif və təşəbbüslər yağdırırdı. Bəzən, gücü yetməyəsi işlərə də gedirdi!
Onun dilində «mümkün olmayan iş» deyimi yoxdur! Onun əhvalında
oyunçuluq və həvəsçilik də yoxdur…
Axı Soylu kim idi ki, xalqla görüşəydi də?! İxtisasını da işlətməyən bir inşaat
mühəndisi; heç yerdə natiqlik qabiliyyəti göstərməmiş, kağız-qələmlə elə də
dostluğu olmayan birisi, heç bir qurumun üzvü olmayan, «Bilik» cəmiyyətinin
harada yerləşdiyini də bilməyən birisi… Mütləqə İnam Ocağına yiyəlik
duyğusu, bu duyğunun onun qüdrətli varlığına tamam yiyələnməsi onun dilini
açdı, mahnıda deyildiyi kimi «oxutdu bülbül elədi», əlinə qələm verdi… Adsız-
ünvansız bu oğlan adlı-ünvanlı auditoriyalar üzərinə yeridi, öz içindəki oyanışı,
Mütləqə İnam zərurətini, xalqın özgəçiliklərə qarşı dirəniş və özünüyaratma
zərurətini xalqa çatdırmağın açarını tapdı. Bu açar Mütləqə İnam Atası, İnsana
İnam Peyğəmbəri Asif Atanın – bir-biriylə üst-üstə düşən yaşam və mübarizə
yolu barədə oçerkvari bir süjet qurub, onu (haray kəskinliyi ilə) danışmaqdan
ibarət oldu. Bu Açar yüzlərlə, ayrı-ayrı insanları, xırda qrupları da nəzərə alsaq,
deyə bilərik ki, minlərlə qapıya düşdü – onları açdı (radio-televiziya çıxışları
hələ bir yana)…
Qabaqca dili-dodağı təpiyərək, sonra dilləri-dodaqları təpidərək sözə başladı
Soylu – Asif Atanın İnsanlaşıb İnsanlaşdırmaq harayını davam etdirdi, öz Evlad
nəfəsini də ona qataraq.
_________________Milli Kitabxana
________________
354
Soylunun Ocaq quruculuğu hərtərəfli oldu. (Buna görə Ocaqda onun adıyla
bağlı dönəm var, məs., Safruhun adıyla bağlı dönəm yoxdur). Onun hər cür
Ocaq toplantısı aparıcılığı, buna və Ocaq yayıcılığına hər an hazır olması
heyrətə layiqdir; Ocaq Ailələrinin aylıq toplantılarına illər boyu verdiyi Xeyir-
dualar – uğurlamalar, məncə, Atanın da ürəyincə olardı. Buna görə də mən tam
əminliklə deyirəm: Mütləqə İnam Ocağının Asif Atadan ilk sonrakı çağı
«Zülfüqar Talıblı» kökündən olan Soylu Atalının dönəmidir. 32 ildir ki,
mən Asif Ata işinin içindəyəm, lap ortasındayam. Bugünə qədər Ocağa həmin
bu Soylu qüdrətində olan başqa birisi gəlməmişdir.
Soylu – iş adamıdır, əməlçi və hünərçidir. O, Asif Atanın buyuruqlarına
uyğun olaraq, xalqın toy-vay işlərinə qarışır, izn verənlərin, maraq
göstərənlərin məclislərinə gedir (başının dəstəsiylə) və onlara Mütləqə İnam
Ocağının qaydalarını aparırdı; Ocaq Evladlarını bu cür axtarışlara sövq eləyirdi;
yanındakılar onun xalqla görüşlərinin «yolunu açırdılar» və bu, çox uğurlu
alınırdı.
Burada «titanik» adlana biləcək əmək vardı…
Asif Atasız qaldıqdan sonra, bu Əmək sayəsində, Ocaq nəinki sönmədi (bunu
gözləyənlərin istəyini gözündə qoyaraq), əksinə, öz yaşamını bütün dolğunluğu
ilə saxladı, Ata Üslubunu Evlad üslubuyla zənginləşdirdi!
Bu yəqinliyə çatana qədər Soylu özünü Ocağın o biri «Qol»larının təmas və
təsirindən inadla qoruyurdu. Bu yəqinlik isə onun müdrikliyini artırdı və o,
«Qollar»la yaxınlaşmadan qaçmadı, əksinə, onlarla dil tapmağa can atdı,
bununla Ocağın gücünə güc qatmağa çalışdı – ta o vaxta qədər ki, bunun heç
bir variantda mümkün olmayacağını kəsdirdi.
Anlaşmanın, yaxınlaşmanın, birləşmənin baş verməməsinin, tarixi və faciəli
səhvin aradan qaldırılmamasının səbəbi – «Bakı Qolu»ndan olan
«danışıqçıların» səmimiyyətsizliyi, hünərsizliyi və məkri idi (nəyin bahasına
olur-olsun, qabağa çıxanı əngəlləmək)!
O biri «Qol»da da buna bənzər əhval var idi: hətta «Bakı Qolu» ilə də
anlaşma axtarılırdı, «Saray-Soylu» ilə yox!
Tarixə və bəşərə tanış sifətdir! Belədə məziyyətlərin çağdaş silahdaşlarının da
gözündə – suçun olur (doğruçu suçların hələ bir yana).
Onlar bu halı 18-ci ilin «İdrak» Mərasimində (25 aprel 1998) Asif Atanın
dilindən eşitdikləri: Atadan sonra «Mərasimləri hər dəfə biriniz idarə edərsiniz»
sözünə söykənib yaratmışdılar. İşdə isə Atanın bu sözü ortada qalmış,
parçalanmalar baş alıb getmişdi…
Odur ki, biz Ocaq və Ocaqçı kimliyini özümüz üçün qəti aydınlaşdırmağa
məcbur olduq və bunu «Yeni Carçı» qəzetinin 01.02.2004 ilsıralı «İnam Ata və
Ocağı» adlı özəl buraxılışında yayımladıq: «Hər hansı bir Ocaq Ailəsində olan,
hazırda Atakənddə (Bakı ş.-də) fəaliyyət göstərən «İnam Evi»ni İnamçılığın
mərkəzi və İnamçıların məbədi kimi tanıyan, Ümumocaq Yükümlüsü təsisatını